غزلت شال لأمي جديد
من تلت ألوان
أحمر بلون دم الشهيد
أبيض بلون قلب الوليد
أسود بلون الليل البعيد
جيت أزينه على كتافها
غضبت مني
ولفت بعيد عني
قالتلي فات الأوان
أنا قلبي وجعني
مالك يا مه اشتكي
دا أنا أموت
لو قلبك في يوم بـِكـِي
قولي يامه معدش خلاص سكات
أولادك رجعولك
والتعلب فات والله فات
فات يا مه
وفي ديله شقى الأولاد
فات يا مه وفات الندم
على عمر عدى
في ذل وألم
فات يا مه بعد ما عدم
آمال ياما وداس عليها بالقدم
فات بعد ماحنى
ضهور تشقى لأجل الضنى
في ساقية متغمية
شافوا يا مه بعنيهم العمى
فات وفي ايده خيرك
وربك قادر يعيده ويجيرك
آه يا مة والنعمة فات
بعد ماكان ملجمنا
فوقنا خلاص
قمنا اتكلمنا
ما إحنا بجد تعبنا
كسرنا حاجز الخوف
هدينا جدار الجبن
والله بإيدنا
فات يا مه
ومن النهاردة
من الغربال لازم نشوف
ونعرف اللي في القلب
قبل الوشوش
ونبطل عمى وتحسيس بالكفوف
وكمان يامه
بطلنا نمشي جنب الحيط
ونتخفى وندارى زي الوطاويط
ما الدنيا سمعتنا بدال أبو الغيط
خلاص يامه معدش فينا عبيط
فات يامه
والله فات
وهاياخد وراه كل الآفات
اللي قتل واللي نهب
واللي شيلك الحمل وطلعلك أتب
كله كله برة العتب
ما خلاص يامه بطلنا سكات
وصوتنا لازم ينجلي
والله هاتتعدل بس اجمدي
استحملي
فات الكتير واللي جاي
ولادك له وليك حراس
ولادك شايلينك يا مه فوق الراس
وكرامتك ولا يوم تاني هاتنداس
يالا يامه إلبسي توب العز
ولفيه عليك
واوعي في يوم تاني تتغيري
تلفي عني وتتدوري
دا أنت يامه تشاوري بس تؤمري
أؤمري
هناك 16 تعليقًا:
رائعه
وجميله الخاطرة فيها الوطن والأم والأولاد تجمعوا معنا جميل نفتقده
ضلي على الدوام لعل وعسى يصحى هذا المعنى من غفلته
مرسي الك
خاطرة جميلة
سطرت بحروف من إبداع..كللتها الكرامة
حروف متراقصة على نغم الانتصار
افرحي ياأما
الورد فتح في الجناين
والشمس طالة على الجبين
نسايم الحرية طالعة من صدور ولادك
ولادك اللي بذلوا أرواحهم عشان ما تبكيش
ولا يلمحو في عنيكي دمعة
ولادك اللي لما النصر رفع الرايات
دقوا أجراس العمل
نفضوا التوب من الملل
كسروا كل الحواجز
شالوا السلاح..قلم..فاس..ترس داير
آن الأوان تفرحي يا غالية
ربيتي وكبرتي
مهما كان في ظلم قمتي وما انكسرتي
آن الأوان نفرح كلنا
ونغني للنصر الغناوي
يحلا الغنى والصنايعية بيشتغلوا
تحلا الدندنة والبنايين بيعلوا
****
استمتعت بمروري هنا
وردة ربيع تعطر سما دنيتك
واي دماء ازكى من دماء الشهداء؟
رحم الله شهدائنا لولا تضحياتهم لما تنفسنا الحرية
تحياتي لابداعك الرائع واحساسك الوطني
ابدعتي حقا في وصف احاسيسنا
بكيت وأنا أقرأ مدونتك الرائعة وكلامها المعبر .. حسيت إنى أنا وكل أم هى المقصودة بهذا الكلام وليست أمنا كلنا .. أنا فعلا قلبى واجعنى ..
حقيقى انا سعيدة بيكى
الكلمات رائعة ..والمعنى أروع
أحييك بشدة
تقبلى مرورى وتقديرى واحترامى
بارك الله فيك وأعزك
فارسة بلا جواد
أهلا بك حبيبتي نورتي الزمن الجميل
أشكرك لكلماتك الطيبة
دمت بكل الخيل
سكن الليل
فاح عطر الزهور بكلماتك الرائعة
أشكرك لتفاعلك الجميل
واتمنى دوام التواصل
دمت بود
مصطفى سيف
نعم لولا دماء الشهداء الزكية لما تنفسنا نسائم الحرية
تقديري لك ولمرورك الطيب
أشكرك
om elwlad
أم الولاد الطيبة التي أحببتها في الله من أول حرف
يا صاحبة القلب الحي سلم قلبك وعمرك اللهم امين
أنا من سعدت بك أسعدك الله وأعزك
أخي محمد الجرايحي
حياك الله وأنعم عليك بكل الخير
كل التقدير والاحترام لحضرتك
الله عليكى وعلى تشبيهاتك الاكتر من رائعه اختى الحبيبه
يارب يحميكى يا ام الدنيا ويعلى من شأنك
كلماتك مؤلمه ووجعتنى
نبع الغرام
ربنا يخليك يا رب يا نوسة
يارب يحمي مصر وكل الوطن الغالي
سلامتك يارب من كل شر حبيبتي
ما اجمل تعبيرك غاليتى
وما اروع احساسك المرهف
دمت دائما متالقه
تحياتى
فعلا التعلب فات واخد في ديله الكلاب
تسلم ايدك ياماما اموله
دايما جايبه من نبع الكلام الجميل الصافي
ربنا يكرمك
جايدا العزيزي
ربنا يبارك فيك حبيبتي
شكرا
شمس النهار
شموسة أختي الغالية
الله يسلم عمرك يارب
شكرا لك حبيبتي
إرسال تعليق