الجمعة، مايو 08، 2009

الحمد لله



السلام عليكم ورحمة الله وبركاته

وحشتوني بجد

وأسفة لإني قلقتكم ومعرفتش اطمنكم

وأشكركم جميعا على ردودكم وعلى دعائكم وسؤالكم ربنا يخليكم يارب

احكيلكم إللي حصل

لم أوفق في حجز دكتور المنصورة وذهبت بأماني الى القاهرة

أولاد الحلال دلونا على مستشفى بالدقي

المهم كشف طبيب العظام الأستاذ بالقصر العيني على أماني وأقر نفس كلام الطبيب البورسعيدي

وحجزها بالمستشفى وأنا طبعا مرافقة لها

واجريت لها الجراحة الأولى يوم الأحد الموافق 3/ 5

وتم تركيب 3 مسامير لتثبيت عظمة عنق الفخذ بالمفصل

والحمد لله

ويوم الثلاثاء جاء الطبيب للغيار على الجرح ونزع خرطوم كان مثبت بالجرح مش عارفة اسمه ايه

واتفقنا معه على الخروج يوم الخميس صباحا للعودة الى ديارنا

على أن نعود لفك السلك بعد عشرة أيام

وبعدين عمل اشعة للاطمئنان على وضع المسامير

وعمل لها الاشعة ولم نراه بعدها

ومساء الأربعاء وأنا بستعد وبحضر الحقائب اتصل الطبيب بالمستشفى وعايز يكلم والد أماني

مافيش حد غيري معاها

رحت رديت عليه

أيوة يا دكتور أنا والدة أماني

الطبيب : معلش يا أم اماني بكرة أماني هاتدخل العمليات تاني

أصل لقيت في الاشعة ان واحد من المسامير التلاتة دخل شوية على المفصل

هانفتح سم واحد ونخرجه لبرة 3 ميلي في عشر دقايق وتطلع على طول

ياربي يا حبيبتي يابنتي اللهم ثبتني

قعدت أكلم نفسي

قالولي بلاش دكاترة بورسعيد روحي المنصورة ولا القاهرة دول اساتذة

لكن نسوا قضاء الله وان ما قدره لا مفر منه

ولم أنم ليلتها من خوفي على أماني وألمها وخوفها

وصباح يوم الخميس جهزوها للمرة الثانية للعمليات ودخلت العمليات الساعة العاشرة

وقعدت استنى عشر دقايق ورا عشر دقايق لحد ما فاتت ساعتان ونصف

وخرجت أماني مع معاناتها للمرة الثانية خلال أربع أيام

واعادة العملية بالكامل وفتح الجرح مرة أخرى وتعديل الثلاثة مسامير وليس واحدا كما قيل لي

الحمد لله

صممت أن أسافر في نفس اليوم وبعد افاقتها وعمل اشعة اخرى للاطمئنان

واخذ التعليمات اللازمة للعلاج الطبيعي وكيفية التحرك على المشاية وعلاجها

وارشادات الطبيب بعدم وضع قدمها على الأرض لمدة شهرين

وتوصية من الطبيب بعمل اشعة شهرية للاطمئنان على الرجل الثانية لاحتمال تعرضها لنفس المشكلة

ربنا المستعان

رجعت امبارح بالليل الى بورسعيد بعربة الاسعاف

التي تقلنا مع ابنتي الحبيبة أماني

الحمد لله أولا وأخيرا

اتقدم بخالص شكري لكل من حضر لأماني

ومن اتصل بالموبايل

جزاكم الله كل الخير

ولكل من سأل على الايميل

وخصوصا

sweet violet

اطمني أماني ها تبقى كويسة إن شاء الله



أماني لسه محتاجة إلى الدعاء

لاتنسوها









هناك 113 تعليقًا:

ghorBty يقول...

السلام عليكم

ماما أموله

الحمد لله علي كل حال وربنا يتم شفاها علي خير يارب

ويطمنك عليها وتسعدي برأيتها بكل خير ..

وخليها هي اللي تدعيلنا لان حوليها رحمة الله وملائكته ..

صبرك الله واعطاكم الاجر العظيم ..

موناليزا يقول...

لا اله الا الله
ياحبيبتى ربنا يشفيها ويخفف الامها ويصبر قلبك يارب
ماتنسيش انها بتستمد قوتها منك فكونى اقوى من كده على الاقل قدامها
وان شاء الله هتخف وهتبقى زى الفل وقريب اوى كمان
وممكن تقوليلها حاجة
يا امانى فيه ناس بتحبك اوى من غير مايشوفوكى وبيدعولك من كل قلبهم ان ربنا يخفف عنك
وقوليلها كمان مكانتك فى الجنة كبيرة اوى
ادعى ربنا كتير يا امانى وانتى هتشوفى بنفسك انه مش هيخذلك ابدا

ABOALI يقول...

من حقك ان ادعو لها ان يتم ويمن الله عليها الشفاء

ومن عشمى ان ازعل واعتب عليك سيدتى
لعدم اتصالك بى وانت فى القاهرة


ولكنها هى الحياه تلهينا وتمور بنا

الازهرى يقول...

الحمد لله ان اتم عليها الامر بسلام
وادعوا الله تعالى ان يتم شفائها على خير وان يجعلها ذخرا لعائلتها وفخرا لها دوما
وان يرزقكم الصحة والعافية جميعا

ماما أمولة يقول...

غربتي الغالية

شكرا يا حبيبة قلبي ربنا يخليك يارب

وتقبل الله الدعاء اللهم امين

ماما أمولة يقول...

موناليزا

الحمد لله يا حبيبتي أشكرك من كل قلبي وأنا بلغت رسالتك لاماني وهي كمان بتقولك الحمد لله وبتشكرك

جزاك الله كل الخير يارب

ماما أمولة يقول...

من حقي أنك تدعي لاماني

ومش من حقك تزعل ابدا لانك عارف غلاوة أبو علي

ربنا يصلح حالك وأشكرك من كل قلبي

جزاك الله كل الخير

جمعاوي صاحب "عيادة أسنان" يقول...

امنا الغالية

بجد بجد اسف جداااااااااااااااا على تقصيرى فى حق حضرتك ووالله انا اسف جدااااااا وحزين جداااااااااا للى عرفته من حضرتك ده

الف سلامة على اختنا امانى وربنا يارب يتم شفاها على خير ويرزق حضرتك الصبر وربنا يكرم حضرتك يا امنا الغالية

"أشد الناس بلاء الانبياء فالامثل فالامثل "

ربنا يأجرك على صبرك ويتم شفاء ضنا حضرتك على خير وتطمنينا عليها انها قامت بالسلامة باذن الله

انا بجد مش قادر اقفل الرد والله

امى بجد صبراااااااااااا ان بعد العسر يسرا والحمد لله على كل حال

وهتقوم بالسلامة وهتبقى تمام ان شاء الله والحمد لله ان الدكتور طبع عنده ضمير وقرر انه يفتح تانى فى دكاترة تانية "كفتجية "انا معاشرهم عندنا فى القصر وعارفهم تقولوا يا دكتور ده فى كذا ..مثلا عمليات تثبيت الفك حاجة مقاربة من اللى امانى عملتها ..يقولك يا عم عديها هو حد بيرجع خلقة ربنا زى ما كانت !!!!
لا والله مش تزعلى خالص من الدكتور ووارد جداااااا اللى حصل ده
انا مش بادافع عن الدكتور
انا باقول لحضرتك الواقع اللى بنشوفه

والله عاوز اكمل كلام مع حضرتك

بس خايف اطول عليكى ....

يلا لعله خير ..........
وبشراكى : "أولئك عليهم
صلوات من ربهم
ورحمة
واولئك هم
المهتدون "

ربنا يطمنا عليكم يارب

وان شاء الله نخصص سجدة فى كل صلاه ندعى لامانى ولحضرتك

وربنا يطمنا عليكم يارب

دمتم بكل خير

ماما أمولة يقول...

الازهرى

ابني الغالي

جزاك الله كل الخير وربنا يصلح حالك ويتقبل دعاءك

اللهم أمين

دمت بحفظ الله

khalidkhalid يقول...

ماما أموله
ـــــــــ

اكتبى لى بقلم اخضر على الشاش الابيض الذى يلف ذاك الجرح .... خالد يتمنى لكى الشفاء يا أمانى .
وأحكى لها اقصوصه من أقاصيص الحنان التى تنسى الالم .... وقولى لها هذه مهداه من خالد.

وفى الصباح اعطيها ورده قولى لها هذه من حديقة رحيق وكل حروفها من خالد
وعطريها با جمل عطر وقولى لها غدا تدب الرجل مطرح ماتحب ...
وسرحى شعرها وزينيه بشرائط الحب والحنان
ودعيها تبتسم دوما ف الابتسام ينسى الالم..

ونحن معك عقب كل صلاة ندعو لها يالشفاء

شفاك الله يا أمانى .

ماما أمولة يقول...

جمعاوي الغالي

ليه بتعتذر أنا مقدرة ظروف امتحاناتك وانشغالك وعمري ما أزعل من أولادي ابدا

الحمد لله يا جمعاوي

وفعلا كل الناس قالولي ان الطبيب عنده ضمير لانه اعترف بالخطأ وعالجه في وقته

لكن ألم أماني هو اللي تعبني فوق ما تتخيل الحمد للهعلى كل حال

المهم خلي بالك من مذاكرتك علشان مش ها أتنازل عن الحاجة الحلوة

وربنا يوفقك يارب ويصلح حالك اللهم امين

جمعاوي صاحب "عيادة أسنان" يقول...

السلام عليكم امنا
---------------
جمعاوي الغالي

ليه بتعتذر أنا مقدرة ظروف امتحاناتك وانشغالك وعمري ما أزعل من أولادي ابدا
---------------
ربنا يحفظك يارب ويزيدك رفقا الى رفقك يا امنا


----------------------

لكن ألم أماني هو اللي تعبني فوق ما تتخيل الحمد للهعلى كل حال
--------------------

والله انا بجد مقدر اللى حضرتك بتحكى فيه جدااااااااااا ربنا يعينك ويعينها يارب ووالله ما تتخيليش البوست ده اصابنى بالالم اد ايه

معلش حصل خير الحمد لله على كل حال ولعله خير


---------------------
المهم خلي بالك من مذاكرتك علشان مش ها أتنازل عن الحاجة الحلوة

وربنا يوفقك يارب ويصلح حالك اللهم امين
-------------------

رغم ما بكى فاكرانا وفاكرة حالنا

ربنا يعزك يا امى والله حضرتك اصيلة
ربنا يباركلنا فكى ويخفف عنكى ما تلاقى ويطمنا على حضرتك على خير يارب

سلامنا لامانى جامد جداااااااااااااااا
وربنا يقومها بالسلامة يارب

ماما أمولة يقول...

ابني خالد

رحيق كلماتك عطر قلب أماني

وبتقولك

شكرا يا عمو كل دا من ذوقك

ربنا يتقبل دعاءك

ربنا يحفظك اللهم امين

ماما أمولة يقول...

جمعاوي الغالي

أماني كمان بتسلم عليك وبتقولك ربنا ينجحك

ربنا يبارك فيك

عمرو يقول...

الحمد لله الشافى المعافى ألف حمد و ألف شكر على سلامة أمانى
و سامحينى و الله يا ماما أموله ماكنتش أعرف الموضع من أساسه علشان البوست اللى نشرتيه بخصوص الموضوع ده كان يوم 27 ابريل و وقتها كنت مسافر و بعيد عن النت و مش متابع الاخبار
الحمد لله على سلامتها و ربنا يتم شفاها على خير بس عاوز اقول لك ان الدكتور اللى شاف الاشعه و قرر يفتح و يصحح العمليه تانى هو برضو يستحق الشكر لانه مارضيش يستسهل و يخالف ضميره و يسيب العمليه على عيوبها و ده بيحصل كتير من بعض الدكاتره
اٍن شاء الله خير :)

ذكري رحبل قلم يقول...

السلام عليكم
كان نفسي ادخل المدونة في ظروف افضل
ربنا معاكي وان شاء الله اماني تقوم بالسلامة وتبقي زي الحصان لأ تبقي المهرة الصغيرة نفسها
ربنا يخفف عنها وعنك اي الم
ربنا معاكم
دمتم بكل خير

ماما أمولة يقول...

ازيك يا عمرو

حمد الله على سلامتك

أنا عارفة والله انك مشغول ربنا معاك يارب

والحمد لله فعلا ان الدكتور عنده ضمير

وان شاء الله يكمل شفاها على خير

دمت بحفظ الله

ماما أمولة يقول...

ذكري رحبل قلم

اهلا بك نورت الزمن الجميل

وان شاء الله خير

وشكرا للدعاء

بحـــر الدموع يقول...

السلام عليكم

حمداً لله على سلامة ابنتك امنا الغالية
وشفاها الله ورعاها برعايتها
ربنا يصبرك ويصبرها
الحمد لله انك طمنتينا عليها
دمت في رعاية الرحمن

لا تنسوا اخوانكم في غـزة من دعائكم

||..بحــر الدموع..||

mohamed ghalia يقول...

اسأل الله العظيم رب العرش العظيم أن يشفيها
ربنا يكرمها ويسعدها يا أمى

غروب يقول...

ازيك يا ماما

حمد لله على سلامه امانى

معلش يا ماما انا مقصره شويه وبعيده شويه عن كل شئ خصوصا النت وكنت تعبت بعد مكملمتك وفضلت يومين في السرير

المهم الحمد لله على كل شئ وربنا يتملها شفائها على خير باذن الله

ادم المصرى يقول...

ماما بجد احنا حبناها جدا منك ونتمنى كلنا شفائها وان شاء الله من اجل كل الى بيدعولها ربنا هيشفيها عشان انتى ام وقلبك مفيش اكبر ولا احن ولا ارق منو وربنا اكيد هيجزيها خير

ربنا يكرمك بيها

مجداوية يقول...

السلام عليكم

أعتذر بشدة لعدم علمي بالموضوع إلا الآن
ربنا يتمم شفاء أماني وتعود لتتسابق مع صحباتهاقريبا,, ما شاء الله عليها مثل القمر
ربنا يحميها ويحفظهاويارب يطمن قلبك عليها وكلنا أكيد بندعيلها بتمام الشفاء

أختي الحبيبة
أنا مريت مع نسمة بنتي بموقف مشابه ولكن كان كسر بالفك العلوى وأعلم تماما ما تمرين به وأعلم ان قلبك سينخلع عليهاوإنه بيوجعك فعلياً فكما أدعو لأماني بالشفاء العاجل إن شاء الله أدعو لك بأن يثبت الله قلبك ويلهمك الحمد ويمدك بالقوة

قلبي معك أختى الحبيبة إن شاءالله نهنئك قريبا بتمام شفائها,,يارب

المعلم محمد صاحب المطعم - طعمية سخنة يقول...

ان شاء الله ترجع احسن من الاول
بس يا ريت حضرتك كنتي شوفتي التعليق بتاعي كان ممكن اقدر اساعد حضرتك

حمد الله علي السلامة

romansy يقول...

الحمد لله
الف الف سلامه عليها وان شاء الله هتبقى احسن من الاول

أم أحمد المصرية يقول...

حبيبتي
الف حمد الله علي السلامة معلش اجر و عافية
سلمي علي اماني كتير و قولي لها علي قدر المشقة يأتي الثواب و ابدأي اشغليها في التحضير لأمتحان اخر العام لأن المذاكرة حتسليها و تخليها لا تزهق
و حاولي تعملي لها خطةاشغال لأن في حالتها بيزهقوا و يتضايقوا لو ما فيش حاجة بيعملوها كمبيوتراو قراءة او مثلا في اول الاجازة علميها اي حاجة من اشغال الابرة شوفي هي غاوية ايه
ربنا يعدي الشهرين علي خير ان شاء الله و ترجع احسن من الاول و يبقي كل ده مجرد ذكري و خبرة حياتيةوعدت
دمت و اسرتك بألف خير و صحة

khalidkhalid يقول...

ماما
ــــــ

صباح الخير ... كيف حالك وألأسره الكريمه

وغاليتنا امانى ..

برجاء عمل بوست تحت عنوان بريد أمانى
حتى تتلقى فيه امانى يوميا أمنيات
الشفاء من كل احبابها وأبناؤك..
شكرى وتقديرى.

أسطى في زمن البلي يقول...

اللهم يا كاشف الضر يا أرحم الراحمين .. اشفها مما ألم بها و اجعلها صحيحة .. اللهم عافها و اعف عنها .. و رضها و ارض عنها و اجعلها قرة عين لوالديها .. و ننزل من القرآن ما هو شفاء و رحمة للمؤمنين .. اللهم و اشفها شفاء لا يغادر سقما .. آمين

واحد من العمال يقول...

السلام عايكم ورحمه الله وبركاته

نحمد الله ان أمانى بخير
وأحيى صمودك وقوه ايمانك بالله وقدره
وأدعو الله العلى القدير أن يعجل بتمام شفائها وأن تعود كسابق عهدها
اللهم أمين
ودمتِ بخير

أ / أحمد عبد المنعم يقول...

بسم الله الرحمن الرحيم
الأخت الفاضلة : ماما أمولة
شفاها الله وعفاها
وأذهب عنها الألم سريعا
و أبقاها مصدر سعادة لكم
أرجو أن تهديها منى باقة وردة معنوية حتى يتسنى لى أن أرسلها حقيقة .

أرجو مخاطبتى على الماسنجر
GOR1SED@YAHOO.COM

فركشاوي ..ناوي يقول...

بسم الله الرحمن الرحيم
السلام عليكم ورحمه الله وبركاته
ماما ...أموله .
إذا أحب الله عبداً أبتلاه ...
و كذلك أمر المؤمن كُله خير ...إذا اصابته السراء شكر فكان خيرا له وإذا اصابته الضراء صبر فكان خيرا له .
عفي الله عنا وعنكم و ما علينا غير الصبر وطلب رحمه الرب .

فشكووول يقول...

العزيزه ام عبد الرحمن
الف سلامه لامانى ربنا يشفيها يا رب
الحمد لله من قبل ومن بعد
وبشر الصابرين
وان شاء الله ترجع امانى زى الاول
وربنا يديك القوه والعزم ويصبرك لحد امانى ما تخف باذن الله تعالى
اللهم نجها مما تخاف
اللهم يا رب العالمين انت الشافى اشفى لها ابنتها ونجها ممها تخاف ومما تهاب
وتحياتى

همس الاحباب يقول...

حمد لله على سلامة امانى
وحمدلله على سلامتكم جميعا وعودتكم الى بور سعيد
ربنا يتم شفائها على خير وتشوفيها احلى عروسة فى الدنيا
وقوليلها شدى حيلك يا امانى علشان هاجيبلها همس تجرى معاها المرة الجااااية فى بور سعيد ان شاء الله
الحمد لله اننا اطمنينا على حضرتك وعلى اماانى
وسلامى للاستاذ فوزى وابو عبد الرحمن
ونشوفكم دايما على خير
دمتى بكل صحة وسعادة
تحياتى امنا العزيزة

على عبدالله يقول...

السلام عليكم

نسال الله العلى العظيم ان يشفيها شفاء لا يغادر سقما

شمس النهار يقول...

قلبي عندك
ومن خلال مااقراه عندك اعرف بل اجزم انك مؤمنه
ان شاء الله اماني هتخف وتقوم بالسلامه
وربنا يتم شفاها علي خير

وقلبي قبل لساني هيدعي لها

esraa يقول...

حمدالله علي السلامه ياماما
وسلامة أماني ألف سلامة
وان شاء الله ربنا يشفيها وتقوم بالسلامه قريب

ماما أمولة يقول...

بحـــر الدموع

الله يسلمك يارب

جزاك الله خيرا للدعاء

ربنا يعافيك اللهم امين

ماما أمولة يقول...

mohamed ghalia

اللهم امين

ربنا يخليك يا غالي

ماما أمولة يقول...

غروب

الله يسلمك يارب شكرا لسؤالك واهتمامك

دمت بكل الود

ماما أمولة يقول...

ادم المصرى

احبك الله يا آدم وأدام عليك الخير

جزاك الله كل الخير

ربنا يصلح حالك

ماما أمولة يقول...

اختي الحبيبة الطيبة مجداوية

ربنا يخليك يارب على كلامك الطيب

وألف سلامة يارب على ابنتك الحبيبة

ويارب يعافيها ويحفظها وكل الاسرة ان شاء الله

ربنا يتقل دعاءك ويشفي كل مريض

دمت بكل الود

ماما أمولة يقول...

المعلم محمد صاحب المطعم - طعمية سخنة

اهلا اهلا نورت الزمن الجميل وماما امولة بتحب الطعمية السخنة

اشكرك من كل قلبي على اهتمامك ربنا يصلح حالك

وياريت كنت شفت تعليقك الاول لكن قدر الله وما شاء فعل الحمد لله

اتمنى دوام التواصل ومتبخلش علينا بالطعمية السخنة

دمت بحفظ الله

ماما أمولة يقول...

romansy

الله يسلمك يارب يا رومانسي

والحمد لله اولا واخيرا

دمت بحفظ الله

ماما أمولة يقول...

اختي الغالية أم أحمد المصرية

اشكرك على نصائحك الغالية

ودا فعلا اللي انا بعمله مع اماني حبيبتي

وان شاء الله ربنا يكرمها بالشفاء يارب

بدعائكم لها

دمت بكل الخير يارب

ماما أمولة يقول...

ابني الغالي خالد

كفى ما فعلتموه لقد اخجلتموني بكرمكم

ربنا يديم الاخلاص اللهم امين

ويكفيني مدونة تاتا وكرمكم

ربنا يصلح حالك

وان شاء الله يترد في فرحكم

دمت بكل الخير يا ابو مودة

ماما أمولة يقول...

أسطى في زمن البلي

اللهم أمين

ربنا يتقبل منك يا ابني البار

دمت بحفظ الله

ماما أمولة يقول...

واحد من العمال

جزاك الله كل الخير

كثيرا ما دعوت الله أن يصبرني بعد وقوع البلاء

واحسبني تقبل الله مني

الحمد لله

شكرا على الدعاء

دمت بكل الخير

جنّي يقول...

السلام عليكم

الف الف سلامة لاماني واتم الله عليها الشفاء .. وربنا معاها ومعاكم ..

ماما أمولة يقول...

أ / أحمد عبد المنعم

أخي الفاضل جزاك الله كل الخير

وباقتك وصلت بكرم اخلاقك ودعائك

دمت بكل الخير

ماما أمولة يقول...

فركشاوي ..ناوي

وعليك السلام ورحمة الله وبركاته

الحمد والشكر لله في السراء والضراء

اللهم امين

جزاك الله كل الخير

ماما أمولة يقول...

فشكووول

ربنا يتقبل دعاءك اللهم امين

ويسلمك من كل شر يارب

جزاك الله كل الخير

ماما أمولة يقول...

ابو همس الأحباب الأصيل

ربنا يصلح حالك ويبارك فيك وفي اسرتك اللهم امين

اشكرك من كل قلبي على تعبك معانا وان شاء الله يترد لك في الخير

جزاك الله كل الخير

ماما أمولة يقول...

على عبدالله

اخي الفاضل جزاك الله كل الخير لدعائك

دمت بحفظ الله

ماما أمولة يقول...

اختي الحبيبة شمس النهار

جزاك الله كل الخير

ربنا يسمع منك يارب

ويصلح حالك اللهم امين

ماما أمولة يقول...

esraa

ازيك يا حبيبتي

وشكرا على سؤالك الدائم على اماني

ربنا ينجحك ويوفقك اللهم امين

ماما أمولة يقول...

جنّي

الله يسلمك يارب

دمت بخير

محمد الدخاخنى يقول...

أمى..أستعينى بالله ولا تعجزى..الحياة مليئة بالأبتلائات ولكنها لا تقف..واسأل الله بأسمائه الحسنى وصفاته العلى أن يتم الشفاء لأختنا

موناليزا يقول...

اختى الحبيبة: معلش هتعبك معايا بس التعليق ده موجه لامانى فياريت تخليها تقرأه
===
أمانى ياجميلة عاملة ايه النهاردة ياحبيبتى
يارب تكونى بخير ونفسيتك احسن من الاول
امانى ممكن نتفق على حاجة
انا ادعيلك ان ربنا بشفيكِ وتخفى بسرعة وتقومى بالف سلامة
وانتى تدعيلى ان ربنا ينصرنى على اللى ظلمونى
اتفقنا:)؟
هعتبرك موافقة
وبدعيلك من كل قلبى
ربنا يسعدك يارب ويطمن قلب اهلك وقلبنا عليكِ
بحبك اوى على فكرة:)

ضــى القمــر يقول...

اموله حبيبتى
انا معرفش اى حاجه والله يا اموله غير دلوقتى
الف سلامه على امانى .. ألف بعد الشر عنها يا حبيبتى
ان شاء الله فترة وهترجع احسن من الاول بأذن الله .
ودعواتنا جميعا معاها يا حبيبتى .
ربنا يقومها ليكى بألف سلامه .. أمين امين يارب العالمين .
ولو احتجتى تسالى عن اى دكتور فى المنصورة قوليلى يا اموله وانا هساعدك إن شاء الله .
وبعتذر انى مكنتش معاكى من الاول .
لكن والله انا كنت بعيده من فترة
ألف سلامه عليها يا حبيبتى . ربنا يقومها ليكى بألف سلامه
سلميلى عليها كثيير
واجمل تحيه لكِ

ماما أمولة يقول...

ابني البار محمد الدخاخنى

ازيك عامل ايه في المذاكرة ربنا معاك

الحمد لله يا محمد ربنا يجعلنا من الشاكرين اللهم امين

جزاك الله كل الخير

son's egypt يقول...

السلام عليكم
الف سلامة علي اماني
وشفها الله وعافها

الشيشان فخر الأمة يقول...

شافاها الله وعافاها

أسعد الله قلوبكم برؤيتها فى أحسن حال

ماما أمولة يقول...

موناليزا الحبيبة

لقد وصلت رسالتك الى اماني

وقد دعت لكي بما تريدين ولقد احبتك كما احببتيها

جزاك الله كل الخير

وأنا ادعو لك ايضا أن ينصرك الله على من ظلمك

ولا تقولين الا حسبي الله ونعم الوكيل واتركي الامر لله

ماما أمولة يقول...

ضــى القمــر حبيبتي الغالية

أين أنت يا ضي بتغيبي ليه كتير كدا ربنا معاك أنا عارفة مشاغل الدنيا الحمد لله

وجزاك الله كل الخير

وكأنك معي ولا تعتذي حبيبتي

ماما أمولة يقول...

son's egypt

شكرا

جزاك الله كل الخير

ماما أمولة يقول...

الشيشان فخر الأمة

اللهم امين

جزاك الله كل الخير

gogo!sf يقول...

الف حمدالله على سلامه امانى

وان شاء الله هتكون بخير

ربنا يطمنك ويطمنا عليها يارب

Beram ElMasry يقول...

ماما أمولة
الاخت الكريمة لم اكن ادري بما حدث لابنتك الجميلة اماني الا عندما افتقدت زيارتك وطلبت من ابنتي ان تفتح مدونتك فصدمني مااصاب ابنتك العزيزة اماني واني ادعو الله صادقا لها بتمام الشفاء وان يعفو عنها ويلبسها ثوب الصحة ويمن عليها بنعمة الشفاء انه علي ذلك قدير وبالاجابة جدير

م/ الحسيني لزومي يقول...

الف سلامه لاماني الجميله وربنا يتم عليها الشفاء ويتم عليكم راحة البال
اللهم امين

ماما أمولة يقول...

gogo!sf

الله يسلمك يارب حبيبتي

حفظك الله وراعاك

ماما أمولة يقول...

استاذي الكريم بيرم المصري

جزاك الله كل الخير على السؤال والدعاء

وهذا عهدي معك

بارك الله في عمرك وأتم عليك الصحة اللهم امين

ماما أمولة يقول...

م/ الحسيني لزومي

جزاك الله كل الخير على الدعاء

بارك الله فيك أخي

اللهم امين

الفقيرة إلى الله أم البنات يقول...

الحمد لله كما ينبغى لجلال وجهك وعظيم سلطانك
الحمد لله يا حبيبتى
الحمد لله
ان شاء الله سيتم شفاه وهيفرح قلبك بشفاها
معلهش اختبار وربك قادر على كل شئ
ربى يردها لك رد جميل

كلمات من نور يقول...

ماما أمولة

شفى الله أماني وعافاها من كل سوء

متقلقيش ابني عمل نفس العملية والحمدلله بقى بمب

والحمدلله الحمدلله عملنا اشعات للناحية التانية بعد فترة قال عليها الطبيب ولم نحتاج إلى عملية تانية

ما حدث إهمال أطباء لا يغتفر

ولو إنه في مصر بقى يغتفر لهم أي شيء

ربي يربط على قلبك كأم ويصبرك ويشفي بنوتك شفاء تام لا يغادر سقما

نهر الحب يقول...

ربنا يشفيها ويعافيها
هى ومرضى المسلمين جميعا

محمد الجرايحى يقول...

الأخت الفاضلة: ماما أمولة
بارك الله فيك وأعزك
وجزاك على ثباتك وإيمانك خير الجزاء
وكل الدعوات الطيبة والمخلصة لله سبحانه وتعالى أن يشف عن الابنة الغالية أمانى
وأن يبث فى قلب الثبات والطمأنينة
وجزاك الله خير الجزاء
اللهم آمين

أخوك
محمد

ماما أمولة يقول...

الفقيرة إلى الله أم البنات

اللهم امين تقبل الله دعاءك

الحمد لله حبيبتي

جزاك الله كل الخير

ماما أمولة يقول...

كلمات من نور

اهلا بك حبيبتي

سلامة ابنك الف سلامة ربنا يحفظه من كل شر اللهم امين

وربنا يشفي اماني

شكرا حبيبتي لدعائك

واهلا بك في الزمن الجميل

ماما أمولة يقول...

نهر الحب

اللهم امين يا أغلى الغالين

ماما أمولة يقول...

اخي الفاضل / محمد الجرايحى

جزاك الله كل الخير على الكلام الطيب والدعاء

حفظ الله وأهل بيتك اللهم امين

نهــــــــــار يقول...

السلام عليكم ورحمة الله وبركاته...
أذهب البأس رب الناس اشف أنت الشافي لا شفاء إلا شفاؤك شفاء لا يغادر سقما...
الله يعافيها ...
..........
ولك إختي ..
وبشر الصابرين ......
وجزيتي خيرا على صبرك وإحتسابك..
.....
في أمان الله...

م/ الحسيني لزومي يقول...

61 عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

بنت مصر يقول...

لا حول ولا قوة الا بالله

الف سلامة عليها ياااااااارب يشفيها وترجع زي الأول وأحسن كمان ان شاء الله

هو القادر على كل شئ

ماما أمولة يقول...

نهــــــــــار

جزاك الله كل الخير يارب على الدعاء والسؤال

دمت بحفظ الله

ماما أمولة يقول...

م/ الحسيني لزومي

نعم سأشارك

دمت بخير

ماما أمولة يقول...

بنت مصر

الله يسلمك يارب

جزاك الله كل الخير

دمت بحفظ الله

Dr.m يقول...

السلام عليكم
شفى الله ابنتك شفاءا لا يغادر سقما بإذنه تعالى..

ودائما طمنينا على حالتها

ومتاسف جدا انني لم اسئل قبل ذلك فاني لم اكن اعرف سوى الان

شفاها الله وعفاها وصبرك وصبرها على الامها

و بالله عليك اسئليها الدعاء لنا

تحياتي
سلام

أم أحمد المصرية يقول...

حبيبتي
انا قلت اجي اطمئن علي اخبار اماني
انا اتبسطت جدا لما وجدت عندي في المدونةو اطمئنيت ان الامور بخير الحمد لله
بس حبيت اطمئن اكتر
يارب يبارك لك فيها و يفرحك يها

فشكووول يقول...

ماما اموله هانم
تحخياتى
ما فيش اخبار جديده تطمنا اكتر ... وعلى كل الحمد لله ان هناك حل للمشكله الطارئة بتاعة امانى
كان الله معك
تحياتى

سمكه واحده يقول...

ينهار ابيض
انا اسفه بجد اسفه وخجلانه جدااااااا
ومكسوفه منك
انتي قلتقتيني اعذريني عشان مذورتكيش
بجد قلقت جدا لما شوفت البوست والله لسه شيفاه دلوقت
الف الف مليون سلامه علي بنت حضرتك
ياتري ايه الاخبار
بجد انا مش عارفه اقول ايه
مكسوفه منك جدا
انا مقصره جدا في حقك سامحيني
المهم اماني اخبارها ايه وعامله ايه دلوقت ياريت تطمنيني ومتزعليش مني وسمحيني والله ما شوفت اي بوست غير اللحظه دي

ومش عارفه اقول ايه
غير ربنا يباركلك فيها ويقومها بالسلامه ويحفظها من كل شر
يارب يتم شفائها علي خير
عارفه انا لو منك مردش عليا ولا اعبرني بجد ويبقي ليكي كل الحق
طمنيني بردو

سمكه واحده يقول...

ده انتي غاليه عليا جدا وربنا عالم ومن الناس اللي بعزها جدا وليها عندي قدر كبير من الحب والاحترام والمعزه الخاصه

kochia يقول...

اللهم اشفيها شفاءا لا يغادر سقما
وان شاء الله يكون شئ تتعلم منه ما ينفعها طول حياتها ويكون خير ليها باذن الله
وربنا يعينك علي رعايتها حتي تتخطي تلك الازمة وتعود لسابق عهدها

تحياتي

ماما أمولة يقول...

Dr.m

اللهم امين

اماني بتعمل علاج طبيعي وقدامها فترة لحد ما تقدر تبقى طبيعية وتمشي تاني

الحمد لله والشكر لله

جزاك الله كل الخير

ولا داعي للاعتذار أنا اعلم ظروف دراستك ربنا يوفقك اللهم امين

ماما أمولة يقول...

صديقتي الغالية أم أحمد المصرية

ربنا يخليك يارب شكرا على سؤالك يا حبيبتي ربنا مايحرمني منك ابدا

الحمد لله ربنا يكمل شفاها على خير

اللهم امين

ماما أمولة يقول...

فشكووول باشا

الحمد لله أماني بتعمل علاج طبيعي

وربنا يشفيها ويشفي كل مريض

شكرا على سؤالك

ربنا يصلح حالك اللهم امين

ماما أمولة يقول...

تررم حبيبة قلبي

عمري ما أزعل من حد أبدا أنا عارفة ظروف الناس ومقدرة الايام دي امتحانات ومذاكرة
وكل واحد فيه اللي مكفيه

واهو انت جيتي وسألتي يعني مقصرتيش

وعليك الدعاء انها ترجع زي الاول وتمشي طبيعي

ماما أمولة يقول...

تررم انت أغلى والله وربنا عالم أنا بحبك قد ايه من غير ما أشوفك ولا حتى أتكلم معاكي

ربنا يحفظك اللهم امين

ماما أمولة يقول...

kochia

اللهم امين يارب

شكرا يا حبيبتي على الدعاء ربنا يتقبل منك

جزاك الله كل الخير وحفظك من كل شر

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

اذهب الله عنها السقم وشافها

وبارك الله فيكي وقواكي على رعايتها

موناليزا يقول...

اختى الحبيبة:اخبار امانى ايه؟
سلميلى عليها كتير
وفكريها بالاتفاق اللى بينى وبينها:)
ربنا يتمم شفاها على خير

د.توكل مسعود يقول...

السلام عليكم ورحمة الله.. وبعد

اللهم رب الناس أذهب البأس
اشف وأنت الشافى لا شفاء إلا شفاؤك شفاء لا يغادر سقما

اللهم اشف أمانى
اللهم اشف أمانى
اللهم اشف أمانى

ردها الله سالمة غانمة وحفظها من كل مكروه وجعلها قرة عين لوالديها

آمين آمين آمين.

ماما أمولة يقول...

ابو صهيب ( الجمعاوي الاصيل)سابقاً

جزاك الله كل الخير على الزيارة والدعاء

دمت بحفظ الله

ماما أمولة يقول...

موناليزا الغالية

جزاك الله كل الخير

اماني بتدعي لك ربنا يصلح حالك وينصرك على من ظلمك

اماني بخير الحمد لله

ربنا يكمل شفاها على خير

ماما أمولة يقول...

أخي الفاضل /د.توكل مسعود

تقبل الله دعاءك اللهم أمين

دمت بحفظ من الله ورعايته

تقديري

مجداوية يقول...

السلام عليكم

كيف حال أماني ؟

أسال الله أن تكون أفضل وأن يمن الله عليها بالشفاء العاجل

سلامي وقبلاتي لها ولك مني أختي الحبيبة أصدق الدعوات والتمنيات

mahasen saber يقول...

ربنا يعافيها ويباركلك فيها

خير ان شاء الله
هتكون تمام وفى كامل صحتها بأذن الله

حاولت الاقى لحضرتك رقم ملقتش

كنت عايزه اتطمن على حضرتك وعلى امانى
ربنا يطمنك عليها وعلى كل من تحبين

نهــــــــــار يقول...

السلام عليكم......
مررت ولم أود الخروج قبل السلام...
وأرجو من الله أن تكون أماني بخير حال...

سراج يقول...

أسئل الله أن يمن على إبنتكِ أماني بالصحة والعافية.. وأن لا يريكِ فيها وفيمن تحبين مكروهاً ابداً.. أعتذر عن تطفلي.. لكنني وددت فقط أن أعلم من شخصكِ الكريم إن كنتِ تعلمين أي شئ عن الأستاذ بيرم المصري، لعلمي أن أبنتك أماني (حفظها الله) كانت قد زارته سابقاً كما ذكر الأستاذ بيرم في مقدمة تدوينته الأخيرة
أكرر لكِ الإعتذار

أم أحمد المصرية يقول...

اخبارك ايه يا جميل و اخبار اماني ايه
انا بشوف تعليقاتك في المدونات بس وحشني كلامك ترجعي بالف خير و اماني بالف خير

tarek alghnam يقول...

السلام عليكم ياام امانى
ربنا يتمم شفائها ويارب ترجع احسن من الاول وتفرحى بيها فى الدنيا والاخره
صدقينى قلبى معكم ودعائى لها ولكا اطفالنا بالشفاء والنجاح والتوفيق
تحياتى وسلامى ل امانى

Diyaa' يقول...

ربنا يقويكم ويطمنكم علي ملاكك الصغير..وبإذن الله هيخلص الإبتلاء عما قريب وتكون بخير وفي أحسن حال

وربنا هيرجعها أحسن من الأول بإذن الله وهتتعوض عن البلاء ده أجمل تعويض

ألف ألف ألف مليون سلامة عليها وربنا يشفيها ويقومها بالسلامة وكل مرضي المسلمين ..وأسف لتقصيري بس كنت متضايق شوية بسبب اجراءات التجنيد

ربنا معاها وسلامي لأماني ولحضرتك

والسلام عليكم ورحمة الله وبركاته

همس الاحباب يقول...

السلام عليكم
اخبار امانى ايه
يا رب تكون بخير
انا اسف جدا لتقصيرى
بس غصب عنى
ومحرج انى اتصل بصراحة
يارب تكون احسن وربنا يتم شفائها على خير

ايوشة يقول...

ربنا يتتم شفاءها على خير امين يارب العالمين ويعفو عنها ويعفيها