الاثنين، أبريل 13، 2009

إليك صديقي !!!!

كان بيقول أنا مش طبعي الغدر ............وغدر

كان بيقول أنا مش طبعي الهجر ...........وهجر

اتاري كل دا كلام في كلام وعلى الأرض... .اتبدر

يا خسارة الصداقة الجميلة كله راح ........هدر

وعجبي !!!!!!!!!!!!!

هناك 68 تعليقًا:

فكرة من الزمن ده يقول...

جميل الكلام
لكن
اذا كان طبعه الغدر لا يستحق لقب الصديق

واحييكي بشدة على البوست اللي فات
تحياتيي

mohamed ghalia يقول...

جميلة أوى يا ماما الرباعية دى تسلم إيدك بجد

ماما أمولة يقول...

فكرة من الزمن ده

فعلا كلامك صح لكن الكلام باعتبار ما كان

شكرا لك

دمت بكل الخير

ماما أمولة يقول...

الله يسلمك يارب يا محمد يا غالي

دمت بخير

على عبدالله يقول...

السلام عليكم

كلمات معبرة والله
اى والله عجبى والف عجبى

تسلمى

تحياتى

عمرو يقول...

من أسوء ما يحدث فى الحياه أن يأتى الغدر من الصديق أو من اللى كنا بنعتبره صديق ..
غدر الصديق عادة ما بيكون مؤلم أشد الاٍيلام و ما بينفعش يتصلح أو يتعالج من آثاره السيئه ..
كلماتك تنطق بالرهافه و الحساسيه ..
تقبلى تحياتى

kochia يقول...

حلوة جدا
وللاسف بتحصل كتير

تحياتي

اهو ده عيبه يقول...

ازيك يا ماما امولة
يارب تكونى بخير
ولا تزعلى نفسك لان كل اناء بينضح بما فيه

د.توكل مسعود يقول...

السلام عليكم ورحمة الله... وبعد

أعتقد أن الذى يتخذ صديقا ويمنحه هذا اللقب قبل تجربته مرارا والتأكد من استحقاقه اللقب بجدارة هو المخطىء ولا يلومن إلا نفسه

دمتم بخير وعافية

همس الاحباب يقول...

كلمات معبرة جدا
وعجبى !!!
ويا خسارة على الصداقة لما توصب بتبك المرحلة
دمتى بكل ود
تحياتى وتقديرى لماما امولة

ahmed_k يقول...

هو الخسران

دمتي بكل خير

واحد من العمال يقول...

السلام عليكم ورحمته وبركاته

ولماذا "إليك صديقى"

يجب سحب اللقب وبأثر رجعى كمان

ودمتِ فى أمان الله وحفظه

موناليزا يقول...

حقيقة موجعة

الفقيرة إلى الله أم البنات يقول...

قلبتى علىّ المواجع
اهو طلع غدار وطلع ملوش أمان
وطلع بيعرف يجرح بالهجر الى من غير سبب

احنا طلعنا ايه يا اموله؟؟؟
طلعنا بنصدق ومش بنفكر صح
العيب فينا مش فيه

ربنا يعوض على الجميع

ABOALI يقول...

ايه يا باشا الكلام الكبير ده
كلنا بنقول عندنا اخلاق
وكله بيبان حين اللقاء
كلنا بنقول عندنا تربيه
وكله بيبان فى لحظه هنيه
كلنا بنقول صداقه
وهى مجرد لاطفه
كلنا بنقول انسان
فى الحقيقه شفونا تفوق الحيوان



هى كلمات تصف حالة موجوده
بس كل صداقه تهدم
فهذا يعنى انها لم تكن صداقه
وكمان الصداقه مسئوليه كل من فى الصداقه


الصداقه صنااااااااااااعة
مش حبة مجاملات انسانيه


تحياتى على الكلمات التى لم تخرج عن الواقع ولكن بدر الكلام على الارض
احتمال يطلع شجرة طيبه تكون خير صديق

ماما أمولة يقول...

علي عبد الله

حمد الله على سلامتك

نورت البلوجر

تقديري

ماما أمولة يقول...

ازيك يا عمرو

أشكرك من كل قلبي

بس الظاهر طيبة القلب في الأيام دي

من الأخطاء الشائعة هههههههه

كله عند ربنا الحمد لله

تقبل تقديري

ماما أمولة يقول...

kochia

ازيك يا حبيبتي

ايوة بتحصل كتير بس بين الام وابنها نادرة شوية

سلام يا كوشيا

ماما أمولة يقول...

اهو ده عيبه

ازيك يا حبيبة قلبي

الحمد لله على كل شيء

ربنا يبارك فيك

ماما أمولة يقول...

د.توكل مسعود

وعليكم السلام ورحمة الله وبركاته

نعم معك الحق يا أخي

شكرا على مرورك الكريم

دمت بحفظ الله

ماما أمولة يقول...

ابو همس الأحباب

التقدير كله لك

شكرا

ABOALI يقول...

صحيح يا باشا
الجميل عامل مقاطعة لمدونتى ليه

مايكونش انا الصديق

تيب

ماما أمولة يقول...

ahmed_k

حمد الله على السلامة

كنت منور بورسعيد وياريت الزيارة تتكرر إن شاء الله

شكرا على المجاملة

دمت بكل الخير

شمس النهار يقول...

الله عليكي ياماما اموله
المختصر المفيد جدا
وفعلا الغريب ان اللي بيعمل كده فعلا بيكون بيمثل صداقه جميله جدا الي ان يقع القناع
بجد تسلم ايدك

ماما أمولة يقول...

واحد من العمال

وعليك السلام ورحمة الله وبركاته

اللقب باعتبار ما كان

وأشكرك على مرورك الطيب

دمت بكل الخير

ماما أمولة يقول...

موناليزا

انت عارفة ياريت نفارق بس من غير ما نجرح

على الاقل تبقى الذكرى جميلة من غير ألم

أشكرك على المرور

ماما أمولة يقول...

الفقيرة إلى الله أم البنات

الحمد لله يا حبيبتي ربنا يجعله في ميزان حسناتنا

شكرا على مرورك الجميل

دمت بكل الحب

ماما أمولة يقول...

الله عليك يا أبو على

وعلى كلامك الطيب

ربنا يصلح حال الجميع

اللهم امين

احتمال يطلع شجرة طيبه تكون خير صديق

دا كان ابني وبياخد عزاية دلوقتي تتخيل

الحمد لله يا ابو علي

ماما أمولة يقول...

ابو علي


ههههههههههههههههههههه

والله ضحكتني من قلبي بجد

ربنا يبارك فيك

لا طبعا مش أنت وتأخري عن الرد عندك وعند كتييير من المدونين بسبب النت السيئ


شكرا يا ابو علي

ماما أمولة يقول...

ازيك يا شموسة

عاملة ايه حبيبتي

ان شاء الله تكوني بخير يارب

العيب مش فيهم العيب في طيبة القلب الزايدة عن اللزوم ياريتنا نعرف نجرح

ولا نقسى

الحمد لله

فشكووول يقول...

ماما ام عبد الرحمن (برضه العسوله) هو احنا حنخاف من ايه؟
تحياتى لحضرتك
صعب يا ماما اموله الغدر
ووحش يا ماما اموله الهجر
والكلام ما فيش اكتر منــه
هو الكلام بفلوس
لانه ببلاش بيبقى كلام
للاسف هو دا طبع الانسان .. اى انسان
لما يتحك فى المحك ما تعرفيش هو هيبقى اصيل ولا مش اص.....
وما تستغربيش ولا تستعجبيش .. كل انسان بتيجى له لحظه ضعف بيكون فيها ندل
مش حلوه كلمة ندل دى لكن القافيه حكمت
تحياتى

ماما أمولة يقول...

ازيك يا فشكول باشا

نورت الزمن الجميل بروحك الأجمل

الحمد لله على كل حال

وتقديري للمرور الغالي

ghorBty يقول...

وعجبي ..

ولذا

أحب حبيبك هونا ما عسى أن يكون بغيضك يوما ما وأبغض بغيضك هون ما عسى أن يكون حبيبك يوم ما ..

فلا ندري ماذا تغير الايام من طبع الانسان

سلمت يمناك

ماما أمولة يقول...

غربتي

سلمت يمناك أنت حبيبتي على نصيحتك الجميلة

ربنا يبارك فيك

سلام

جنّي يقول...

السلام عليكم

رباعيات ماما امولة ..

بيقولو من باعك بيعه وبارخص الاسعار ..

وانا باقول لا نفقد كل الود اللي بينا وبين الناس والعفو من شيم الكرام ولو بعد هو وهجر اقرّب انا وأصل ..

بحـــر الدموع يقول...

السلام عليكم

ما شاء الله ماما أمولة ، حروف من ذهب وليتنا نتعلمها جيداً ..
بارك الله فيك أمي الغالية ودمت بأفضل حال...


لا تنسوا اخوانكم في غـزة من دعائكم

||..بحــر الدموع..||

mizohart2010 يقول...

السلام عليكم بجد مدونتك روعه
و كلامك جميل اوى
بس لسه فى صداقه بجد الدنيا لسه فيها خير و هو ده ئلى مخليها موجوده لغايه لوقتى احنا عيشين لانى لسه فى ناس طيبين و قلوبهم كلها خير بس الصح منتخدعش بالمظاهر نشوف جوهر الانسان

محمد الجرايحى يقول...

من أسمى المعانى الإنسانية .. الصداقة
والتى أصبحت فى هذا العصر النفعى الردئ
عملة صعبة ونادرة .
كلماتك رائعة بالفعل
تقديرى واحترامى
وبارك الله فيك وأعزك
أخوك
محمد

مسدس صغير يقول...

رباعية ولا اجمل
احييكى عليها
تمام اوى
سلام

ادم المصرى يقول...

جميل مووووت الكلام

بجد تسلم ايدك على الخاطره الجمده دى

وحشتنى مدونتك كتير

رابطة مدونون من أجل فلسطين يقول...

تتشرف كلا من رابطة مدونون من أجل فلسطين والمبادرة النسائية لنصرة فلسطين بالاسكندرية بدعوتكم لحضور المهرجان التضامنى مع ايتام غزة وذلك يوم الجمعة القادم 17/4 بنادى المحامين بجليم فى تمام الساعه 3.30 والدعوة عامة

ماما أمولة يقول...

جني

اهلا بطلتك النقية

شكرا على النصيحة

دمت بحفظ الله

ماما أمولة يقول...

بحر الدموع ازيك يا ابني الغالي

عامل ايه في دراستك ربنا معاك وشد حيلك

دعواتي في كل وقت ربنا معاكم وينصركم اللهم امين

دمت بحفظ الله

ماما أمولة يقول...

mizohart2010

اهلا اهلا نورت الزمن الجميل

سعدت جدا بتعليقك واتمنى التواصل دوما ان شاء الله

دمت بحفظ الله

ماما أمولة يقول...

اخي الفاضل / محمد الجرايحى

جزاك الله خيرا على المرور الكريم

ودمت بحفظ الله

ماما أمولة يقول...

مسدس صغير

مرورك الأجمل

سلام

ماما أمولة يقول...

ادم المصرى

ازيك يا آدم انت فين من زمان

وانا مان وحشتني تعليقاتك

يارب تكون بخير

سلام

ماما أمولة يقول...

رابطة مدونون من أجل فلسطين

وانا اتشرف بوجودي بينكم

لكن بعد المسافة صعب معاية

ربنا يسهل

دمتم بخير

تايه في وسط البلد يقول...

السلام عليكم

اللهم عافنا واعف عنا


امين


انتظر تعليق حضرتك بكل صبر علي اخر موضوع ودمتي بالف خير

قلم رصاص يقول...

سلم لنا قلمك ماما أموله

وبارك الله فيكم

قلم رصاص

الازهرى يقول...

رائعة لكلمات واروع المعنى

ولكن كيف يقال عنه صديق ؟

رامز عباس يقول...

ايه الحكاية يا ماما أمولة

شعر وانتي ست الشعراء رباعيات

شيء رائع

انما غدر وهجر وكلام من ده

طب وحياة السمك اللي الناس كالته يوم بور فؤاد


متزعلي الدنيا فيها اصدقاء كتير

لكن قليل اوى اللي بيبان معدنه

ايوشة يقول...

كلمات حضرتك فكرتنى بموقف لسه حاصل من كام يوم وازاى الاصدقاء بيبعوا عشرة العمر فى لحظة
كلمات جميلة بارك الله فى حضرتك وتسلم ايديك

الربان يقول...

تحياتي


أحيانا لما اقابل موقف مثل هذا..اقول قدر الله و ما شاء فعل...لان مثل هذه الصداقة ان كانت ستأتي بخير لي او للاخر
ما كان انقطع حبلها...و ابتعد الطرفين.

و بقدر الامكان باحاول ان يكون ما اعمل ابتغاء وجه الله....و احتسب عند الله الاجر و الثواب.


تحياتي و تقديري يا استاذة.

أم أحمد المصرية يقول...

حبيبتي ماما أمولة فكرتيني بكلمات كتبتها في تدوينة زمان مليست م تأليفي و لكني احسستها جدا في لحظة كانت تنهار فيها صداقة عمري اقرأي هذه الكلمات وفي انتظار رأيك
ادي ايدي مد ايدك

جرحي جرحك عيدي عيدك

ود دافي نبع صافي

شيء كانه نيل موافي

بين وريدي و بين وريدك

يا صديق عمري يا صاحب ذكرياتي

انت كنز ايامي تحويشة حياتي

و مرياتي اللي بشوف جواها ذاتي و تواجهني بعيبي

تكشف سيئاتي

و تأسي بحنان و استزيدك

يا صديقي مد ايدك

ادي ايدي مد ايدك

اصدقاء و الود موصول فوق زمانا

ليه امانا و بيه امانا و فيه امانا

بيه علي الدنيا و علي الدهر استعنا

و ان زمانا خانا وفي لحظة طعنا

بيه علي الدنيا و علي الدهر استعنا

و ان زمانا خانا وفي لحظة طعنا

تستعدني و استعيدك

يا صديقي مد أيدك

ادي يدي مد يدك

اد ودك قلبي ودك

دانت بعد الاهل اهلي

و اذا يوم قلبك ندهلي

حتلاقيني بقلبي عندك

يا صديقي مد يدك

يا صديق عمري و احلامي و عذابي

في ليالي فرحتك عامل حسابي

في ليالي وحدتي بتدق بابي

و عمر باب قلبي ما صدك

يا صديقي مد يدك

أصدقاء و الود موصول فوق ظروفنا

مهما نبعد مهما طفنا مهما شفنا

في ساعات شدتنا و قلقنا و خوفنا

تستعدني و استردك

يا صديقي مد يدك

همس يقول...

تسلمك ايدك يا ماما اموله

وحشتينننننننننننننى

smilyrose يقول...

ماماتى الغالية

وهيفيد باية الندم

وكل راح ياقلبى واديك ضعت

واديك عشت الظلم ويا الحبايب

وعود وراحت وامال وضاعت

وانا وانت ياقلبى بنبكى على الحبايب

وعجبى عليك يا زمن


وحشتنى كلماتك

smilyrose

وردشان

روح الحب الصادق

ماما أمولة يقول...

تايه في وسط البلد

ازيك عامل ايه

كان نفسي اتناقش معاك وأفهم منك

تتعوض ان شاء الله

تقديري

ماما أمولة يقول...

قلم رصاص

الله يسلمك يارب

وبارك فيك اللهم امين

ماما أمولة يقول...

الازهرى

سؤالك صعب قوي

ماما أمولة يقول...

ازيك يا رامز منور المدونة بطلتك

وحياة السمك والجمبري

حاضر مش ها أزعل

ألقاك على خير إن شاء الله

ماما أمولة يقول...

ايوشة

الحمد لله حبيبتي

وإحنا في الدنيا ياما ها نشوف

سلام

ماما أمولة يقول...

الربان

ربنا يكرمك ويجعل كل أعمالنا لله

سعدت بتعليقك

جزاك الله كل الخير

ماما أمولة يقول...

حبيبتي أم أحمد المصرية

ما أجمل تلك الكلمات التي لمست قلبي وأبكتني

قمة الوفاء والإخلاص والتفاني

رائعة بكل حرف فيها

شكرا يا أم أحمد

ماما أمولة يقول...

همس حبيبتي

وأنت وحشتيني أكتر يا حبيبتي

ربنا معاك يارب ويحفظك

ماما أمولة يقول...

smilyrose

حبيبة قلبي

ربنا يسعد قلبك يارب باللي يستاهله

ولا تزعلي ولا تحزني ابدا يارب

نهر الحب يقول...

كل الناس اللى بتتكلم بتطلع عكس ما بتصور نفسها
الله يرزقنا الاخلاص

ماما أمولة يقول...

يارب يا نهر الحب

ربنا يسمع منك