السبت، يناير 19، 2013

أماليات مبعثرة 1



رسمني
وشخبط على الرسمة
ورسمني تاني
تلت رسمات
قالي احترت
يا أمي ويا البسمة
في عيونك
و لا على الوجنات
قلت البسمة
جواية في قلبي
تحتار تترجمهالك
كل الألوانات ..
.
.
.


----------------
هو الأمل إيه ؟؟
احساس
ولا يقين
ولا تمني
ولا فكرة
ممكن تتحقق
ولا جينات
بتجري في دمي 
...
الأمل
علم ولا حلم
ولا شطوط ومرسى
ولا دور طوييييل
وانتظاااار
و أنا هفضل مستني 
..
..أنا هفضل مستني ..
.
.
.
-----------------
أحيا لأعيشك 
وأعيش لأحيـــــــــاك 
..
..
..
..
--------------------
تتراقص الحروف على جراح المعاني 
وتتغنى وتتمايل طربا
علَّ المعاني بها تطيب 
..
.
.
 ------------------
يا سهر يا لـِّي راكن هناك على ناصية الليل
عـَلِّ الضحكاية وغـَنـِّي وقول ويـَّايـَا المواويل
..
..
..
-------------------

مين بيرسم مين
ريشتي ألواني
برسم من خيالي
ولا جواية يقين
ولا طيف
بيرسمني
بيرسمك
ولا بيرسمنا
إحنا الاتنين
احترت بين الألوان
واخترت ..
لون واحد بلون العين
ما هي السكن
وجفونها برواز
والكحل رتوش
والرمش أوتار للحنين ..
.
.

 ----------------------

هو الليل اتسرق من عنية 
ولا طلع لها نهار
دا السهر جاي مستني 
واقف على باب الدار
أقوله ارجع ما فيش ليل النهارده 
وأخليه يحتار
يا نهار أبيض عليه 
يالا ارجع مش عايزة هذار
.
.
.
----------------------------
هكذا سأبقى دوما 
على الضفة الأخرى من شاطئك 
أمامك موازية لك 
أراك تراني 
بيننا دوما مياة جارية 
وتمني جسرا للقيا 
.. دون لقيا ..
..
..
----------------------
قال لي لا تقتربي يا سيدتي 
كي لا أبتعد 
فهكذا أنا أشتاق العذاب 
وسعادتي مع التعب 
ولا تستغربي 
ولا تعتبي 
فأنا مصابك وقدرك 
الذي لا راد له 
ولا سبب 
..
..
..
---------------------
لو السعادة بحر
هكون لها الشط
ولو السعادة حبل
هلعب بيها و أنط
ولو رمانة
يكفيني منها الفرط
لكنها وحي
مش على أي حد حط ..
..
..

الأربعاء، يناير 16، 2013

وطني مش البلد دية ...








أنا وطني 

مش البلد دِيــَّة 

و لا البلد دِيــَّة

و لا كمان البلد  دِيــَّة

أنا وطني بحر و نهر 

و شجرة و طريق 

و مرسى و معدِّية 

أنا وطني 

دِكـَّة  و ظـِلاية 

و ابتسامة طفل 

و نظرة شوق 

للحبيب مستخبية 

أنا وطني طـِير

جوَّاية معشش 

ساكـِنـِّي 

وأنا ساكـْنـَاه 

بيرفرف

ويطير وأنا وياه 

في السما بـِحـُرِّية

أنا وطني 

طفولتي و شبابي

وحبِّي الأولاني

وأول حرف كتبته

وأول دَقـَّة 

في قلبي مدَّاريـَّة

 أنا وطني جواية  

أيام و سنين و عمر 

مليان حكايات 

مـِنْ دَا علـَى دَا 

على الجبين  مروية 

أنا وطني مش اسم

ولا مكان  ولا زمان 

أنا وطني مرسومة بيه 

وهو منسوج بيا..
.
.
.

الأحد، يناير 13، 2013

ارْو عني







 
ما كنت لأرويك

حروفا

ولا قصائدا

وأنت المداد

ترويها وتروينا

فاسكب معاني الشوق

وأفـِضْ منها

على جنبات السطور

عـَلـَّكَ تـُوَفـِّيها وتـُوَفـِّينا

و ارْوِ  عن ليالِ الهوى

كيف كانت

وكيف كان الليل

شاهـِدَ طـُهرِ تلاقينا

و ارْوِ  عن سـُكـْرِ الرُّوح

لحظة تلاقي حروف

اشتاقت كلَّ ما فينا

وارْوِ  عن لهفةِ القلب

وفيضِ دمعِ المـُقـَلِ شوقا

إن عزَّ يوما تلاقينا

و هـَدْر النبض

إنْ تـَعِب الهوى شوقـًا

كيف كان يغزو الشرايينَ

اكتبْ و ارْوِ  

كيف كـُنـْتَ أنتَ

وكيف كـُنـْتُ أنا

وكيف كان الوجد يواسينا

ارْوِ  عني   

كم تيمـَّمْنا الوَلـَهَ طوعـًا 

بعد أن رحل العشق  يحكينا

ارْوِ  واجـْبـُرْ الآه 

التي توسـَّدَت الحـُلم 

علــَّه يوما يستيقظُ ويأتينا