الأحد، يونيو 14، 2009

رأس البر الساحرة

السلام عليكم ورحمة الله وبركاته

وحشتوني كلكم

كنت في رحلة قصيرة لرأس البر علشان أماني أغير لها جو
والحمد لله حاولت ارجع لها بسمتها من تاني






أحب أقول لكل أحبائي على المسنجر إن أنا مكنتش موجودة وزوجي هو اللي كان بيفتح الكمبيوتر والياهو عندي بيفتح اوتوماتيك
وزوجي لم يرد على أحد فأنا بعتذر لكل اللي زعلوا مني وافتكروا اني مش برد عليهم

أحبائي

عايزة اتكلم النهاردة عن مدينة رأس البر الساحرة
الرائعة الجمال الطبيعي الذي حباها الله
به

وهذه بعض الأماكن الجميلة
فنار رأس البر

شارع الكورنيش في دمياط

ساحة اللسان
الغروب في رأس البر

والحمد لله كان أسبوع جميل

هناك 94 تعليقًا:

ادم المصرى يقول...

اولا حمدله على السلامه

ثانيا انا سيعد جدا لرجوع بسمت امانى من جديد والحمد لله

شكلها كانت رحله لزيزه

رأس البر منطقه فوق الروعه انا كنت متابعها من ساعت مفتتحا جمال عبد الناصر

حمدله على السلامه يماما وربنا يخليلك امانى

ماما أمولة يقول...

الله يسلمك يارب يا آدم

تسعدني دائما بتعليقك

دمت بخير

د.توكل مسعود يقول...

السلام عليكم ورحمة الله.. وبعد

فلقد عادت البسمة إلينا جميعا وليس إلى أمانى وحدها... أدام الله عليها وعلينا نعمة العافية

ودائما هاشة باشة إن شاء الله

ماما أمولة يقول...

د.توكل مسعود

وعليك السلام ورحمة الله وبركاته

ربنا يحفظك اللهم امين

جزاك الله كل الخير

Lady E يقول...

السلام عليكم

وانا بقول دمياط نورت ليه اتاري حضرت زورتينا

يارب تكون كانت رحلة جميلة

في تصحيح بسيط بس بالنسبة لتاني صورة ف ده شارع الكورنيش في دمياط وفي منطقة اسمها الاعصر مش شارع النيل الموصل للسان

Lady E يقول...

عايزة اقول كمان ان البنوتة اللي في الصورة ما شاء الله زي القمر وبسمتها جميلة اوي ربنا يديمها

اول زيارة للمدونة ومش هتكون الاخيرة ان شاء الله

موناليزا يقول...

مبسوطة بجد انك خرجتى امانى وغيرتيلها جو ويارب دلؤتى تكون احسن نفسيا وجسمانيا وسلامى ليها كتير
على فكرة انتِ بتتكلمى عن احب البلاد الى قلبى وصحيتى حنينى ليها بهذه الصور الجميلة
عقبال كل مرة:)

khalidkhalid يقول...

ماما
ـــــــ

هو كل دا كان أسبوع بس .

حمدا لله على سلامتكم.

Maryooom يقول...

الف الف حمد الله علي سلامة اماني وما شاء الله ضحكتها جميله جدا

راس البر بقي امنية حياتي كده اروحها لان عمري ما رحتها قبل كده

ربنا يكتب البسمه عليكم جميعاً
تحياتي

ABOALI يقول...

بصى بقى
انا عاوز عروسة اسمها امانى
الله عليها فى بسمتها جمال ربانى
شوفوا عنيها من رقتها مافيش كلام تانى
طب شوفوا خدودها اوعى تقولى تفاح امريكانى

بجد انا عاوز عروسة اسمها امانى
الله عليها فى صفائها الروحانى
فى راس البر كانت هناك
وشافت بعينها التقاء المالح مع جميل الماء
عند اللسان شوف واتعجب
هى دى حياتنا يا انسان
حبة ملح وسكر سبحان من خلق وابان
بس انا برضوا
عاوز عروسة اسمها امانى



ادام الله عليها البسمة واتم عليها فضلة
وعظيم اجره

اشكرك

Appy يقول...

حمد لله على السلامه رأس البر انا عارفه انها بقت تجنن بس يا رب الناس تاخد بالها منها
ومبسوطه انى شوفت امانى وحشتنى كتير

esraa يقول...

الحمدلله ان الاجازه كانت حلوه وان أماني اتبسطت
انا عارفه ياماما اني مقصره معاكي
بس معلش بقي الامتحانات هي السبب انتي عارفه

مجداوية يقول...

السلام عليكم


ابتسامة أماني هي الساحرة ,,ربنا يخليها لك وتكون دايما قرة عين لك ولوالدها ,,الحمد لله ,, وشكرا جزيلا على امتاعنا برحلة جميلة وابتسامة أجمل

غاوي حرية يقول...

السلام عليكم ورحمة الله وبركاته ,,

أسعدتنا بسمة أماني .. فاللهم من عليها بالشفاء العاجل شفاء لا يغادر سقما واقدر لها الخير حيث كان وحيث تريد

مدونة رائعة أمنا .. حفظ الله اختنا وشفاها وعافاها من كل سؤ يا رب العالمين

اما رأس البر فمعروفة قد ايه جميلة وقد ايه بقت جذابة ومكان جميل وكفاية انه اعاد البسمة لأماني وسلامي ودعاؤنا من القلب لها

ماما أمولة يقول...

Lady E

دمياط منورة بأهلها

شكرا على تصحيح الخطأ

ربنا يخليك يارب

نورتي المدونة

اهلا بك

ماما أمولة يقول...

موناليزاالغالية

الحمد لله حبيبتي

رأس البر جمال مابعده جمال بس عايزة مال مابعده مال هههههههه

نورتيني يا حبيبة قلبي

ماما أمولة يقول...

khalidkhalid

اه والله يا خالد من الأحد الى السبت

الله يسلمك يارب

ماما أمولة يقول...

Maryooom

ازيك يا مريوم نورتي الزمن الجميل

شكرا لك حبيبتي ربنا يخليكي يارب

وان شاء الله تروحي رأس البر وتتمتعي بيها

شكرا على دعائك

دمت بحفظ الله

ماما أمولة يقول...

ابو على الغالي

الله على جميل كلماتك

دائما ماتدخل على قلبي السرور

وكمان اماني مبسوطة قوي بكلماتك الجميلة لها

ربنا يخليك يا ابو علي

أنا اللي بشكرك

ماما أمولة يقول...

Appy

حبيبة قلبي الله يسلمك يارب

انت وحشتينا أكتر

ربنا يصلح حالك ويسعدك يا حبيبتي يارب

ماما أمولة يقول...

esraa

ازيك يا حبيبتي

ابدا انا عارفة ان وراكي امتحانات ربنا معاكي ويوفقك يارب

ماما أمولة يقول...

اختي الغالية مجداوية

شكرا حبيبتي ربنا يخليك

السحر هو تواصلك الجميل الذي يسعدني

جزاك الله كل الخير

ماما أمولة يقول...

غاوي حرية

اهلا بك ابني الغالي في الزمن الجميل

اشكرك على كلامك الجميل

وعلى دعائك لاماني

ربنا يبارك فيك

اتمنى دوام التواصل

فشكووول يقول...

ما ما اموله هانم العسوله
تحياتى
الحمد لله على السلامه بعودتك من رأس البر والحمد لله بشفاء امانى وربنا يخليها لك هى وعبد الرحمن وابو عبد الرحمن
تحياتى

همس الاحباب يقول...

حمدلله على السلامة
واجازة سعيدة
وحمدلله على سلامة امانى
وربنا يتم شفائها على خير ان شاء الله
وتظل مبتسمة دائما
تحياتى لحضرتك

بحب كل الناس يقول...

السلام عليكم
ماما امولة اجازة سعيدة

ويارب تكونوا سعداء دائما ويارب يكتب التوفيق والشفاء لاختنا امانى

واسف على الغياب امتحاناتى السبب

انا ودماغي يقول...

حلو أوى انك استمتعتى بيها و إن شاء الله البسمة تفضل طول الوقت على وش أمانى

حمد لله على السلامة

ماما أمولة يقول...

فشكووول استاذي الغالي

الله يسلمك يارب ويبارك فيك في اولادك واحفادك اللهم امين

ماما أمولة يقول...

خالد ابو همس الاحباب

الله يسلمك يارب

دمت بحفظ الله

ماما أمولة يقول...

بحب كل الناس

وعليك السلام ورحمة الله وبركاته

ربنا يوفقك في امتحاناتك وينجحك اللهم امين

دمت بحفظ الله

ماما أمولة يقول...

انا ودماغي

الله يسلمك يارب

نورت الزمن الجميل من تاني يارب متتأخريش تاني

saragebaly يقول...

ماماامولة

سلامة اماني الف سلامة

شفاها الله شفاء لا يغادره سقم ابدا

ربنا يصبرك ويجازي صبرك الف خير فيكي وفي بنتك

والف مبروك على نجاح اماني
يارب دايما في تفوق مستمر

ربنا مش يحرمك منها ولا من بسمتها ابدا

دمتـِ بخير
سارة

ماما أمولة يقول...

saragebaly

الله يسلمك يا حبيبتي يارب

جزاكي الله كل الخير على دعواتك

نورت الزمن الجميل

شمس النهار يقول...

ماشاء الله بنوتك جميله ربنا يحميها ويتم شفاها علي خير فهو قادر علي كل شئ

راس البر بلد جميله انا رحتها زمان جدا قبل ما تتغير كده

بس واضح انها بقت جميله جدا
حمد الله علي السلامه

ماما أمولة يقول...

ازيك يا شموسة

الله يسلمك يارب

شكرا يا حبيبتي على دعائك

فعلا رأس البر بقت ساحرة وجميلة جدا ولسه فيها تغييرات كتيرة وهاتبقى احسن واحسن

سعدت بمرورك

قلم رصاص يقول...

حمدلله على سلامتها

ورحلة موفقة

ربنا يوفقكم

ماما أمولة يقول...

قلم رصاص

الله يسلمك يارب

شرفت بمرورك الطيب

maha zein يقول...

الله
راس البر دي
دي اتغيرت كتير اصلا
انا فكراها زمان
ايام ما كانت شواطئها مليانة علي الرمل ام الخلول والبكلاويز والجندوفلي

هي لسة كده؟
الله

فكرتيني والله بالذي مضا
بقالي زمن مرحتش

بس الحمد الله انها كانت رحلة سعيدة عليكوا

ربنا يسعدكم ويفرحكم

المعلم محمد صاحب المطعم - طعمية سخنة يقول...

ماما امولة : ازي حضرتك
و صورة اماني حلوة اوي ... تجوزيهاني :D

بالمناسبة معداش عليكم قناديل هناك ؟ انا عارف انها بتظهر في 7 و 8 بس يعني بطمن ؟

و المية كويسة ؟ ولا ........ كالعادة؟

دعاء يقول...

نورتينا فى دمياط
والله انا فى دمياط ولسة مروحتش راس البر بس انتى شجعتينى..
سلامى لبنتك الجميلة ويا رب تكون فى أحسن حال
تقبلى زيارتي الاولى

ماما أمولة يقول...

maha zein

ازيك يا مها

اهلا بك نورتي المدونة

فعلا رأس البر بقت جميلة جدا وخصوصا انهم بيهتموا بيها والحمد لله

ودلوقتي عملوا حواجز للامواج لتخفيف شدتها

لا بجد في حاجات حلوة كتير فيها

روحي بقى وعيدي ذكرياتك

دمت بكل الخير

ماما أمولة يقول...

المعلم محمد صاحب المطعم - طعمية سخنة

ازيك يا معلم

وماله احنا نتشرف والله بس استناها 10 سنين كده ولا حاجة عقبال ماتكبر ونجهزها

مية راس البحر حلوة ومافيش قناديل الحمد لله

وشدة الامواج خفت نوعا ما من الاول بسبب الحواجز اللي عاملينها

ولما تروح ابقى خلي بالك

ربنا يحفظك

ماما أمولة يقول...

ازيك يا دعاء

دمياط منورة بأهلها

انت اللي نورتي المدونة

اول زيارة وان شاء الله مش الاخيرة

دمت بحفظ الله

safa7_karmooz يقول...

حمد الله بسا

ومبروك عالضحكة الحلوة :D

بس هى راس البر نضفت كده ليه ؟؟ :D

ماما أمولة يقول...

safa7_karmooz

الله يسلمك يارب

الله يبارك فيك

فعلا رأس البر بقت حلوة قوي

نورت الزوم الجميل

شكرا

المعلم محمد صاحب المطعم - طعمية سخنة يقول...

الشرف ليا
انا موافق استني 10 سنين
و هي تستناني كمان 20 سنة علي ما اجهز نفسي
ايه رايك !؟

ماما أمولة يقول...

المعلم محمد صاحب المطعم - طعمية سخنة

20 سنة ياربي

مش ملاحظ انها مدة قصيرة قوي كدا انت تبقى مستعجل

هاتلحق تكون نفسك ؟؟؟

على العموم احنا قاعدين

نهر الحب يقول...

حمد لله على السلامة
ويارب يتم شفاء امانى على خير

mohamed ghalia يقول...

أمى العزيزة
بعتذر عن عدم متابعتى لانى كنت مشغول جدا فى إمتحناتى
وخلاص خلصت

د. ياسر عمر عبد الفتاح يقول...

أنا عمري ما روحتا بس شكلها جميل أوي
مكنتش متوقع إنها بالجمال ده

أحــوال الهـوي يقول...

السلام عليكم
تحياتي و امتناني لشخصك الكريم بالسؤال عن غياب العبد الفقير الي الله

حقيقي كنت مفتقد روحك الجميلة و حرصك علي كل من حولك

و بنتك بسم الله ما شاء الله جميلة و ابتسامتها ساحرة

ادامك الله بخير و صحه و سعادة

تحياتي

ماما أمولة يقول...

نهر الحب

الله يسلمك يا حبيبة قلبي

اللهم امين

ماما أمولة يقول...

mohamed ghalia

ابني الغالي الحمد لله انك خلصت على خير وان شاء الله من الناجحين يارب

سلام

ماما أمولة يقول...

د. ياسر عمر عبد الفتاح

اهلا بك في الزمن الجميل

فعلا رأس البر ساحرة وروح وجرب بنفسك ان شاء الله تتمتع

نورت

ماما أمولة يقول...

اخي الغالي أحــوال الهـوي

وعليك السلام ورحمة الله وبركاته

ألف حمد الله على سلامتك

الحمد لله على عودتك ان شاء الله تكون في أحسن حال

واجب الاخت السؤال عن اخيها

ربنا يبارك فيك

دمت بكل الخير

فشكووول يقول...

السلام عليكم

ماما أمولة يقول...

الغالي فشكول باشا


وعليكم السلام ورحمة الله وبركاته

عمرو يقول...

الحمد لله على سلامة الآنسه أمانى و ربنا يتمم شفاها على خير ..
ما شاء الله زى القمر ربنا يفرحك بيها ..
رأس البر طبعا جميله و لها عبق خاص بها .. و يكفى أنها كانت مصيف الصفوه فى الزمان الجميل :)
ا]جازه سعيده و ترجعوا بالسلامه اٍن شاء الله ..
تقبلى تحياتى و تقديرى ..

gogo!sf يقول...

حمد الله على السلامه يا ماما

والحمد لله ان امانى بخير وربنا يطمنك عليها دايما

وبجد راس البر تحفه وكل مكان فيها ممتع فعلا

يارب تكونو استمتعتو بجمالها اكتر

تحياتى

جوجو

م/ الحسيني لزومي يقول...

اللهم احفظ اماني من كل سؤ وادم عليها الصحة والعافية واجعلها قرة عين لوالديها

ماما أمولة يقول...

عمرو

ازيك يا عمرو الله يسلمك يارب

حلوة اماني كويس اطمن عليها بقى

الحمد لله ويارب يصلح حالك

فعلا رأس البر جميلة وانا اعشقها

شكرا على مرورك الكريم

ماما أمولة يقول...

gogo

ازيك يا حبيبتي

الله يسلمك يارب

فعلا استمتعنا والحمد لله

شكرا يا حبيبتي

ماما أمولة يقول...

م/ الحسيني لزومي

جزاك الله كل الخير

دمت بحفظ الله

أم أحمد المصرية يقول...

حبيبتي ماما أمولة
دايما يارب سعيدة انت و اسرتك
انا اللي اخرني في الرد عليك اني انا ايضا كنت في العجمي كام يو م
بس صور رأس البر رائعة لم اكن اعلم انها جميلة كده
دمتي بألف خير وبوسة كبيرة لأماني

ماما أمولة يقول...

اختي الحبيبةأم أحمد المصرية

حمد الله على سلامتك يارب

نعم رأس البر لها روح وطعم مختلفين عن اي حاجة

فيها الجديد مع الاصالة ياريت تزوريها هاتتعودي عليها

ربنا يخليكي ياست الكل

واحد من العمال يقول...

السلام عليكم ورحمته وبركاته

حمداً لله على سلامتك
والحمد لله إن أمانى بخير ربنا يحميها ويبارك فيها العسل

وبلدنا فيها مناطق ساحره كتيره وليس لها مثيل
ويارب كل مصر تبقى جميله كده

ودمتِ فى أمان الله وحفظه

akeed يقول...

حمد الله على السلامة و فعلا راس البر مكان جميل جداً

elsha3er يقول...

السلام عليكم

يارب تكونى بخير يارب

ويارب يسعد ايامك


اسف على التأخير بس غصب عنى امتحانات


تحياتى


احمد الشاعر

Diyaa' يقول...

تسلم إيدك وأنا سعيد جداً بإنكم اتبسطتوا وأسعد بابتسامة أماني
جداً جداً جداً من هنا لحد ما جداً تزهق مني

حمد الله علي السلامة يا ماما أمولة وربنا يسعد اماني ويسعدكم ويخليكم لبعض :)

ماما أمولة يقول...

واحد من العمال


وعليكم السلام ورحمة الله وبركاته

الله يسلمك يارب

الحمد لله من قبل ومن بعد

فعلا بلدنا جميلة ومحتاجة حب هاتبقى احلي

اشكرك لمرورك العطر

ماما أمولة يقول...

akeed

الله يسلمك يارب

فعلا هي ساحرة

اشكرك من كل قلبي

ماما أمولة يقول...

elsha3er

الحمد لله انا بخير

ربنا يصلح حالك وينجحك يارب

ماما أمولة يقول...

ضياء ابني الغالي

ازيك عامل ايه

الحمد لله انك بخير يارب

وربنا يسعدك وعمرنا ما هنزهق ابدا

الله يسلمك ويبارك فيك

ديالا يقول...

الحمد لله انها عجبتك

لانها فعلا تحفه تحفه

وده مش لاني من دمياط

ده لانها فعلا حلوه جدا وكمان هاديه


وحمد الله علي السلامه

احمد بدر الدين يقول...

والله فترة غيابى كلها كنت
حريص على متابعة اخبار
امانى
الحمد لله على العافية
هو اجر يخص الله تعالى به خاصتة ونحسبك كذلك
عدت اليوم للتدوين

mahasen saber يقول...

الاجمل من راس البر الام الجميله اليى تعيش احاسيس بنتها وتقدر حالتها النفسيه بعد التعب

ربنا يباركلها فى حضرتك ويباركلك فيها
وميحرمكوش من بعض ابدا ابدا

ويتمم شفاها على كل خير
ان شاء الله

ماما أمولة يقول...

ديالا

اهلا وسهلا نورتي الزمن الجميل

انت من دمياط يعني قريبة مني اهو

فعلا راس البر جميلة بأهلها

ربنا يصلح حالك

نورتيني

ماما أمولة يقول...

احمد بدر الدين

حمد الله على سلامتك وان شاء الله من الناجحين

شكرا على متابعتك اخبار اماني

هي الحمد لله أحسن

وان شاء الله يا أحمد تطمنا عليك ويمن الله عليك بشفائه اللهم امين

نورت عالم التدوين مرة اخرى

ماما أمولة يقول...

mahasen saber

ازيك يا حبيبتي

كنت على امل بلقائك يوم الجمعة الماضية كما وعدت واتمنى ان يكون المانع خيرا ان شاء الله

شكرا يا حبيبتي على كلامك اللي كله ذوق

جزاك الله كل الخير

ghorBty يقول...

ماما اموله

الحمد لله علي سلامتكم ..

وان شاء الله تكون اماني بخير سلمي عليها كتيرررر

ربنا ييسر لكم الامور يارب ويسعدكم دائما

ماما أمولة يقول...

ghorBty


الله يسلمك يارب

اللهم امين

دمت بحفظ الله

أكون أو لا أكون يقول...

سلامة أماني الجميلة من كل سوء... والحمد لله أن عادت لها البسمه... اللهم أدمها نعمة...

وحشتيني يا ماما أموله... وأعتذر جداً عن انقطاعي عن زيارتك كل هذه المدة... ولكن إمتحانات وتوتر وقلق... والحمد لله على كل حال...

لا تنسيني بالدعاء...

ماما أمولة يقول...

أكون أو لا أكون ابنتي الغالية

الله يسلمك يارب من كل شر

ربنا معاك حبيبتي ويوفقك في امتحاناتك اللهم امين

دمت بحفظ الله ورعايته

جنّي يقول...

السلام عليكم

حمدا لله على سلامتكم وكيف حالكم والحمد لله ان اماني بخير .. ونسأل الله لها السعادة دايما ..

ماما أمولة يقول...

جني

وعليكم السلام ورحمة الله وبركاته

الله يسلمك يارب

ويشفيك ويشفيها ويشفي كل مريض

اهلا بعودتك مرة اخرى

دمت بخير

المعلم محمد صاحب المطعم - طعمية سخنة يقول...

لا حضرتك اطمني
مهو بابا هيساعدني برضه ههههههههههه

فشكووول يقول...

ماما اموله هانم العسوله
تحياتى
اشكرك جدا على التعليق وعلى دعواتك الجميله التى تفتح لنا باب الامل والرجاء
تحياتى

ahmed_k يقول...

ألف حمد الله على السلامه يا فندم
وإن شاء الله المره الجايه تنورونا في الغردقه
ومصر حباها الله بكل مظاهر السحر والجمال ورأس البر من تلك النعم التي أنعم الله بها على بلادنا الغاليه
فالحمد لله على كل نعمه علينا
وجميل أنكم استمتعتم برحلتكم
لتكون الإجازه بالفعل زادا وتقوية لمهام الحياه

وتقبلي مني خالص التحيه

جريدة الصباح العربي يقول...

انتهينا من اختيار الفائزين في مجالي الشعر والقصة القصيرة وذلك لعددنا الأول ولكن مازلنا نرحب بكل الأعمال لأن المسابقة دورية , من يريد أن تصل أعماله من مدّونته الى جمهور القراء فى مصر والوطن العربي , ارسل لنا أعمالك من قصة وشعر وخواطر الى البريد الألكتروني التالي
arabicsabah@yahoo.com
كما نرحب بمقالاتكم التي ستنشر فور ارسالها على جروب الجريدة وستصبح مفتوحة لمناقشتها بين القراء ... تابعونا على جروب الجريدة
http://www.facebook.com/group.php?gid=78080770039
انتظرونا قريباً في الاسواق
تحياتي
الصباح العربي

ماما أمولة يقول...

المعلم محمد صاحب المطعم - طعمية سخنة

ههههههههههههه

كمان 20 سنة وبابا كمان

ربنا معاك

ماما أمولة يقول...

فشكووول باشا

لا شكر على واجب

دمت بكل الخير

ماما أمولة يقول...

ahmed_k

الله يسلمك يا رب

فعلا الاجازات زادا للعون على مشاق الحياة

حمد الله على سلامتك انت نورت المدونة من تاني

ماما أمولة يقول...

جريدة الصباح العربي

شكرا لدعوتكم الكريمة

oyon يقول...

مدونة جميلة جداااااا
نورتوا دمياط