الخميس، فبراير 24، 2011

نسايم الحرية






نسايم الحرية
أهي جت علينا بتنسم
على جباهنا الحرة
تطبطب ترطب وبترسم
طريق الأمل والخير
تمد تعمر
وتقسم
حب وعدل وأمن 
على الشعوب الحرة 
وتلملم
كل جبين يوم شاف الظلم
اتقهر أتألم
وتقول للمغلوب والمكتوم
اصحى بقى انهض أتعلم
عمرك ماتخاف
دا الحق معاك قوم اتكلم
عهد الطغاه بح
خلاص انتهى استسلم
خلينا إيد واحدة 
عمرالطاغوت ما يتحكم
وطن واحد 
يحتار فينا عدونا 
يخاف يتذمم 
تهابنا الأمم 
ويسقط جبروت كل متحكم
شعوب أحرار ثوار 
هدينا الأسوار 
مين يقدرمعانا يتكلم
خلاص بإيدينا هانعمر 
ونرمم
كل كسر وشرخ في قلوبنا 
ونحطم 
كل صنم حجر وغير أمرنا 
لله مانسلم







الثلاثاء، فبراير 22، 2011

صبرا يا أحفاد المختار سينتقم لكم الجبار




رغم احساس الحرية الذي بدأت أتنفسه 
وشعاع الأمل الصاعد من التحرير
إلا إنني أختنق عندما تتكرروتتجدد الأحداث المؤلمة أمام عيني 
عندما أرى كم الصراعات التي تدور هنا وهناك 
وكم رخيص هو الدم عند هؤلاء الحكام الطغاة
لا أعلم كيف يفكرون ؟؟
وماهو تبريرهم لتلك الأفعال المشينة في حقهم تجاه شعوبهم ؟؟
وكيف لحاكم أن يقتل شعبه بهذه الوحشية التي لم أتخيلها أبدا؟؟
لو كانت الحرب ضد عدو كنت تفهمت الأمر
وأدركت الأسباب فيما يفعله
أما أن يقتل ويهدر الدماء ويأمر بانتهاك الأعراض
وأي أعراض أعراض بني جلدته من الليبيات 
!!!!!!!!!!!
كيف وكيف وكيف
؟؟؟؟؟؟؟؟؟
كيف يأمر الطيران والدبابات بقذف الليبين وغيرهم من المقيمين ؟؟؟؟؟
كيف يأت لهم بمرتزقة لسفك دمائهم
؟؟؟؟؟؟؟؟؟
ما هذا الذي نراه ونسمعه 
أهل ليبيا يستغيثون بالعرب وبالعالم
وأين هم أين أنتم يا ......
؟؟؟؟ 
أموات بل رفات صم بكم عمي 
كنت أتفهم الأمر عند ضرب غزة ومخاوف العرب من الخط الأحمر وخوفهم من ماما أمريكا
وتصديق العالم للأكاذيب ومحاباتهم للدلوعة اسرئيل
كنت أتفهم قهر الحكومات الزائلة لشعوبها ومنعهم حتى من التظاهر ضد العدوان الإسرائيلي
اتهمنا من اخواننا في غزة بالخيانة والجبن
ولهم الحق ولا أعتب عليهم
ولم يكن الأمر بيدنا كنت أقول لهم إننا مقهورون أكثر مما تتخيلوا وكشفت لهم الأيام ما كنا فيه من ظلم وقهرفاق كل تخيل ....
والآن 
وأمام أعين العالم كله وليس العرب فقط
  الليبيون يـُقـْتـَلون والمصريون هناك يـُذْبـَحون والنساء والأطفال يستغيثون بلا طعام ولا علاج يهرعون في الشوارع فزعين
يا الله أغثهم
وزلزل الأرض تحت أقدام هذا السفاح الطاغية
اللهم أمين
حاولنا فتح الحدود من عندنا وتوصيل العلاج والطعام
إلى أهلنا في ليبيا
فأغلقها المرتزقة بأمر من السفاح من عنده
لي سؤال 
أين الضغوط الدولية ؟؟؟
أم هم استكفوا ببعض الكلمات
أم أن العرب ليس لهم دية
؟؟؟؟؟
يا شعوب العرب اعلموا إننا سنظل أمواتا
 كلنا أموات إلى أن يتولنا من يستجيب نداء من في العراق 
كاستجابته لنداء من في المغرب 
لنداء كل مادنى وقصى
سنظل
كلنا أموات حتى نكون تحت راية واحدة وجيش واحد 
  وعندها 
يمكن لنا أن نحيا و نكون أحياء
ولكن ليس بكم يا بقايا الحكام
إنما بحكام أُخـَر
كالمعتصم وعمر




الخميس، فبراير 17، 2011

شعب ناكر للجميل





بيقولوا علينا يا بو جمال إن إحنا ناكرين الجميل
وعايزينا نسامحك ونبوس الإيدين
طب والله كلام جميل
طب إحنا مستعدين نسامحك بس نتكلم معاك كلمتين
أنت يا بو جمال استوردت القنابل المسيلة المتنيلة دي لمين
لعدونا ولا لأولادنا واخواتنا الصغيرين
ولا خراطيم المية اللي بدل مايطفوا بيها حزبك المحروق
كانوا بيفرقوا بيها المصلين
ماتقول رد وأحنا أهو سامعين
ولا متعرفش
طب بلاش القنابل أصل صلاحيتها انتهت 
وأنت برضه نيتك خيروبرضه 
متعرفش
خلينا في الرصاص المطاطي 
اللي حرموه دوليا قتلتوا بيه أولادنا ليه
حرقتوا قلوب أمهاتهم ليه
ولا كمان معرفتش
يا بو جمال
مشفتش عربيات الشرطة اللي مفروض تحمينا
وهي بتدهس أولادنا
بتفصل رجليهم و روسهم
ولا الضباط اللي بينشنوا في عينيهم وصدورهم 
ولا مشفتش
العصيان والطوب والنار اللي بتحرق فينا 
هو إحنا ناقصين حرق مش كفاية الغرق
ولا أنت بتقول يا بخت من بات مغلوب
عايز تدخلنا الجنة صح نيتك سليمة
إحنا اللي ولاد لئيمة
طب هانسامحك بس قولنا
مشفتش عيون سالي وجمال ضحكتها 
مشفتش إسلام وسامح ومحمد 
مسمعتش عن أميرة وحكايتها
طب قلبك منقبضش
مش هم أولادك برضه يابو جمال 
طب قولنا
دول دمهم في رقبة مين
آه عارفة أكيد في رقبة المندسين 
هم السبب منهم لله المندسين عاملين زي غراب البين 
دول مش بني آدمين
سيبك من شهداءنا ومين اللي موتهم أكيد برضه 
متعرفش 
أنت فاضي لإيه ولا إيه 
طب هانسامحك
بس قولنا ليه جوعت شعبك 
واستخسرت فيهم حتة اللحمة واللقمة والرغيف
آه صحيح خايف على صحتهم لتجيلهم تخمة
الأحسن فعلا يناموا خفيف خفيف
ماشي هانسامحك 
بس قولنا يا بو جمال
ليه بتسيب القوي ياكل الضعيف
ليه سبت الظالم والمستبد وعذبت الشريف
ليه فاض الفساد وغطى على البلاد
ليه صغرتنا في عيون العباد
واللي يتكلم ويقول الحق تقولوا عليه ارهابي  
يا ماما دا شيء مخيف
ما تقول يابو جمال 
ولا برضه متعرفش
تصدق الظاهر فعلا إحنا معندناش أصل وخسارة أنت فينا 
طب سيبك من دا كله وإحنا نسامحك بس قولنا
نتأسفلك إزاي !!!!!!!!!!!
ودم أولادنا وأخواتنا مالي إيديك
من التحرير والسويس لبورسعيد واسكندرية 
مادد على الصعيد وسايل 
شايل معاه هموم الوطن 
ماتقولنا !!!!
قادرعلى حمله ولا مين شايله معاك يابو جمال
أحنا معرفناش غيرك أنت 
أنت اللي كنت راعينا 
لا نعرف جمال ولا عمرنا شفنا عز 
ولا عرفنا عدل  
بس بعيد عنك شعبك طلع ندل
ماأنت اللي مربينا
طب آخر سؤال 
وبعدها هاننكتم ونبوس الأيادي ونتأسف
فين خير مصر يابو جمال  ؟؟؟؟؟؟؟؟؟؟؟؟؟؟
ولا بلاش أصل السؤال دا يكسف
برضه لسه عايزنا نتأسف 
 مش هانتأسف
غير لما تجاوب 
بس بجد بجد شعبك دا شيء مؤسف





الأربعاء، فبراير 16، 2011

يا شعب التحرير






 



من لم يتغير بعد تلك الثورة

فهو من الأموات 

فاستثمر وقتك في عمل

ولا تهدر كل الأوقات

قد يكون الماضي مرا

فلنستشعر طعم الآت

ولنبدأ عهدا جديدا رائعا

ولنفتح كل الشرفات

ولنكن يدا واحدة

ولا نتفرق في كل الطرقات

ولنسمع صوت العقل

ولا ننساق للمتاهــات

ولتكن أخلاقنا شريعة

ولنترفع عن اللملمات

فعدونا الحقيقي ينظر إلينا

يتمنى لنا الممات

سيحاول بكل قذارة

أن يبث بيننا العداوات

فاحذروا يا شباب التحرير

طريق الزلات

وأعملوا لمستقبل مضيء

خال من العثرات

وسيكتب لكم تاريخكم

ما أتيتم من مكرمات

تحية مني لكم

يا من أيقظتم أمة من السبات




الاثنين، فبراير 14، 2011

إهداء لأهالي الشهداء الشرفاء





إهداء من ابني عبد الرحمن 
لأهالي شهداءمصر

قال تعالى
{ ولا تحسبن الذين قتلوا في سبيل الله أمواتا بل أحياء عند ربهم يرزقون . فرحين بما آتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولا هم يحزنون . يستبشرون بنعمة من الله وفضل وأن الله لا يضيع أجر المؤمنين . الذين استجابوا لله والرسول من بعد ما أصابهم القرح للذين أحسنوا منهم واتقوا أجر عظيم }
صدق الله العظيم















السبت، فبراير 12، 2011

الحمد لله والله أكبر






  • الحمد لله
  • الذي استجاب الدعاء
  • وحقن الدماء
  • وطيب روح الشهداء
  • وأزال من أمامنا البغضاء
  • تحيا مصر
  • تحيا مصر بأولادها
  • وشبابها وبناتها
  • وأمهاتها
  • تحيا مصر برجالها
  • وشيوخها
  • تحيا مصر بكل حر
  • تحيا مصر حرة
  • والله أكبر
  • غنوا معايا ياولاد
  • وارفـعـوا راسكم
  • دي مصر دي هي
  • تاج راســـكم
  • دي أمنا الحنينة
  • ...وعيونها حراســـكم
  • ازرعوها بعرقكم
  • وايديكم و فاسـكم
  • متبخلوش عليها
  • حتى بنـَفَسْكم
  • ايديكم في ايد بعض
  • عمر عدوكم مايدهسكم
  • وباتحادكم وأخلاقكم
  • وقلمكم وكراسكم
  • هانحقق الحلم
  • والعزة هاتبقى لباسكم
  •  
     
     
     
     
     

الأحد، فبراير 06، 2011

تأريخ لأحداث 25 يناير




تأريخا للأحداث الراهنة والتي نعاصرها الآن
هذه بعض الصور التي تغني عن الكلام الكثير بلا طائل
إلى أن تقول كلمتها مصر 



  




 

 أنظروا إلى من يحمي المصلين


 بطل 





الشهيد
محمد الصاوي قبل الاستشهاد وبعده 




الأربعاء، فبراير 02، 2011

مصر






 
سؤال برييييئ
من بنتي
أنت حزينة ليه يا أمي
أنت بتحبي مصر ؟؟؟
مصر ... مصر !!!!
مصر هي أنتِ هي بنتي
مصر هي ابني هي نبتي
مصر
مصر معنى و انتماء
مصر أرض الأوفياء
مصر دم  
مصر هم الأنقياء
مصر
اسمي مهدي
 نبت زرعي
شب فرعي
 لف عودي
هي أصلي
مصر
أول حب
دقة قلب
احساس
مصر
أول عشق روح
وين ماروح
لا مساس
مصر كلمة
ولحن غنوة
وضحكة حلوة
في عيون الناس
مصر
ليه فيها ذكرى
وألف فكرة
أحلم بيها
تتحقق لأولادي بكرة
مصر
أصحاب حكايات
فضفضة ثرثرة
نتلم نحكي نبكي
نضحك بكركرة
مصر كل ثانية
دقيقة ساعة
عمري كله
مصر
نيلي زادي
أشجاري
أرضي المخضرة
مصر
كتاب قرأته
شعركتبته لقلب عشقته
مصر ...
مصر
 هاااااااااا. نـَفـَس
حتى لو جه علينا
ألف يوم ويوم عـَبـَس
حتى لو الحزن والقهر
على قلوبنا كـَبـَس
هي مصر
يالا نبني
ونكبَّر
ياجاري ياأخويا
يالا ياابني
يالا بدَّر مش تتأخر
احلم حقق يالا فكـَّر
مش هانـْهـَدَّر
يالا نعمـَّر
حبنا الكبير
مصر