لملم يابا اشلائي و لملم
اوعاك تبكي على جرحي و تتألم
متنساش تاخد عروستى
وشنطتي اللي فيها كراستى
وكتاب العروبة اللي متعلمتوش
وكمان صورنى
و خلى الناس تشوف الجرح اللي مايتلملم
تشوف ازاى بتنهد علينا بيوتنا ما نستسلم
لملم يابا اشلائى و لملم
لملم زرعتي اللي رويتها بدمي
ازرعها تاني
وخلي لون الدم يفكرك تاري
اوعاك يابا تنسى تاري
تنسى حزنك عليا و تداري
تاري يابا يرجع لى داري
تاري يابا تزرع لى اشجاري
تاري يابا متنسهوش
بايدك يابا لغيرك متديهوش
ولو عجزت يابا
قول لاخويا
السلاح في ايده مايسيبوش
لملم يابا اشلائي لملم
اوعاك تبكي على جرحي و تتألم
هناك تعليقان (2):
قصيده رائعه..ندعوا الله أن ينصر الميلمين في كل مكان
آمين
شكرا Dr.m
اللهم امين
انصرهم واعز المسلمين
إرسال تعليق