الاثنين، سبتمبر 20، 2010

كفاية كلام عن الحب


 


بيقولوا كفاية كلام عن الحب

كفاية كلام عن الهجر والفراق

والشوق والبعد والقرب

خلينا بقى نتكلم جد

نكتب بس عن الحرب

عن الغلاء عن الفساد

عن الغُلب

نموت مشاعرنا

نجمد احاسسنا

نعمل اعتصام نشد الحزام

بكدا هانحل المشاكل

واللي نايم جعان

هايقوم الصبح آكل

وكمان هاترجع الكهربا

وهايتفك الحصار

وهايرخص كمان الخضار

لو بطلنا كلام عن الحب

الدنيا ها تزهزه

والورد هايفتح

ومشاكلنا كلها ها تتحل

أصل الكلمتين الحلوين

بينسوا الناس همومها

وإحنا ننسيهم ليه

خليهم فاكرين

نايمين صاحيين متنكدين

طيب الحل إيه

نموت مرتين

مرة باحساسنا

ومرة بهمومنا

معقول ياناس

في ناس جامدة

زي الحجر

عايزة تقتل جوانا الاحساس

نفضل شايلين همومنا

ونعيش دنيا ما تنداس

فيها الحب بقى غريب

والضحكة شيء مريب

والنكد دا مكتوب وقدر

هم دول يا ناس بشر

وأنا

مش ها أسمع كلامهم

وها أعمل مش واخدة بالي منهم

وها أكتب وأكتب

واللي يقول خليه يقول
ماما أمولة



هناك 32 تعليقًا:

أ / أحمد عبد المنعم يقول...

الحب

وردت الكلمة فى القرآن الكريم فى مواضع

( نحن أبناؤ الله وأحباؤه )
( يحبهم ويحبونه )
( ولكن الله حبب إليكم الإيمان وزينه فى قلوبكم )
( الذين يستحبون الحياة الدنيا على الآخرة )
( فاستحبوا العمى على الهدى )
(إذ قالوا ليوسف أحب إلى أينا منا ..)

ورد الحب بهذه الصور والأشكال فى القرآن الكريم
كما ورد فى أحاديث الرسول صلى الله عليه وسلم وهى كثيرة........

الحب حركة للقلب النابض بالحياة والفكر
الحب شعور يؤكد إنسانية الإنسان
الحب يحقق كينونة المرء بين البشر
الحب رقة الشعور ومفتاح العقل الواعى ومحركه

لا أتخيل حياة امرىء بغير حب إلا أن يكون فاقدا إنسانيته وكينونته

فى وسط الهموم يظهر الحب ليلمس قلب المرء ويحركه وينبض بأنات الحياة وسط زفرات الألم ليحى المرء مرتين ...

دعى المتكلمين يخوضون بما يخوضون
و امنحى قلبك حقه فى الشعور إذ كيف ندعى مساعدة الآخرين بغير أن نحبهم
ألا يحتاج منا من يتألم حبا نمنحه إياه
وقلبا نابضا يشاركه شكواه

لقد سمع الرسول الشاعر يقول
بانت سعاد فقلبى اليوم متبول ....

richardCatheart يقول...

ياربى ياعنى نعيش فى الهم بأشكاله

ولماننام نشوفه فى الاحلام


ولما نتكلم نتكلم على النظام والهم والضلام

وكمان ننسى الحب والعطف والحنيه

لالالا لو ادونا فلوس دا هو اللى ليا


ربنا يكرمك ويخلى كلمك اللى كله جمال

عمار مطاوع يقول...

كلام رائع


شد اله علي يدكم

كلمات من نور يقول...

لا تتوقفي استمري يا أمولتي وخلي اللي يقول يقول ....لو صمتنا عن كلمات الحب لمتنا و كان نهايتنا

ادم المصرى يقول...

تعرفى يا اموله لو كمان بطلنا نحب وبطلنا نكلما عندو افتكر

اننا هنكون ذى شباب العراق وفلسطين

ممكن نعمل عمليات فدائيه لأننا هنكون فقضنا الحياه بجميع مميزتها

Diyaa' يقول...

لا أرى غضاضة في الكلام عن الحب في حالتنا دي

لأن الغرض منه مش تجاري ولا حتى هروب ورغبة في الإهمال وعدم تحمل المسئولية

والحب والمودة والتراحم والعطف والحنان ... مشاعر ومعاني كلها تحمل معنى أسمى. وقود للقلب لكي يزداد إيماناً وصبراً على ابتلاءات الواقع


لعل حضرتك بخير وسنة دراسية سعيدة وموفقة لعروستنا بإذن الله :)
وبعتذر عن تقصيري في السؤال

ماما أمولة يقول...

أ / أحمد عبد المنعم

جزاك الله كل الخير على هذا الرد الذي يستحق أن يكون موضوعا متكاملا بذاته
أسعدني كثيرا
لا حرمني الله من تواجدك الطيب
دمت بود

ماما أمولة يقول...

richardCatheart

ويخليك ليه حبيبة قلبي
كلامك جميل
شفتي عايزينا كمان نبطل نحلم
ونعيش مش عايشين
ونام وإحنا متنكدين
ينفع
ههههههههههههه
دمت بكل الحب يارب

ماما أمولة يقول...

عمار مطاوع

شكرا لمرورك على الزمن الجميل
جزاك الله كل الخير

ماما أمولة يقول...

كلمات من نور

حاضر يا نورانية بلوجر
تسلميلي يارب

ماما أمولة يقول...

ادم المصرى

ومين قال إن شباب العراق وفلسطين قلوبهم حجر
ومين قال ان قلوبنا مش مهتمة بمشاكلنا
لكن لازم معادلة نوازن بين الاثنين
حتى لاتتلبد مشاعرنا ونعيش لانفسنا
أو العكس
خير الأمور الوسط يا آدم
تقديري

ماما أمولة يقول...

Diyaa'

نعم يا ضياء
كلامي هذا ردا على أحد الشعراء قال بالكلمة في برنامج تلفزيوني
كفاية بقى كلام عن الحب
فأحسست بالخجل
وهل أنا عندما أتكلم عن المشاعر الانسانية أكون مقصرة ولا أهتم بما يدور حولي
ابدا فالقلب الذي يملأه الحب هو القادر على الاحساس بمن حوله أكثر من غيره
والله أعلم

شكرا يا ضياء وربنا معاك ولا تلوم نفسك فكلنا مقصرون بما لهتنا به الحياة
دمت بكل الخير يارب

جنون عـبقري يقول...

أحيانا الحب يكون هو القوة للتغلب على كل المآسي .. سلمت الأنامل

ماما أمولة يقول...

جنون عـبقري

صدقت

الله يسلمك يارب

Ramy يقول...

بجد جميلة جدا

و صح جدا

بس فين اللى يفهم كدة

ان الكلام عن الحب ما هواش انصال عن واقع موجود

بس دة الطاقة اللى هكمل بيها

عندك حق انا يمكن كاتب حاجة بتقول كدة بس لسه منزلتهاش بس هنزلها قريب

ان شاء الله

اول زيارة بس مش اخر
(:

تحياتى

أحمد شريف يقول...

وأنا أيضاً معك

أحــوال الهـوي يقول...

و الله عنك حق يا استاذة

حب ايه و هزل ايه
هو فيه انفع من النكد ولا افيد من الغم

الحب حرام و الكرة جميل

المتعه الحلال اللي ما بتكلفش شئ حرام

بس الكابوس و الحرب احلي كلام

اقول ايه

تحيا الحب

تحياتي

ماما أمولة يقول...

Ramy
اهلا بك يارامي في الزمن الجميل
وشكرا على ردك الأجمل

دمت بخير

ماما أمولة يقول...

أحمد شريف

شرفت يا أحمد

ماما أمولة يقول...

أحــوال الهـوي

دكتور عصام هم الناس اللي عايزين كدا
أما نشوف هايحلوا أيه بشعاراتهم المزيفة

تسلم أخي ويسلم مرورك الراقي
دمت بود

نهر الحب يقول...

مهو الحب
حل كل مشاكل الدنيا
اذا خلى القلب من الغل
والغش
والكذب والخداع
والكراهية
والغيـــــــــرة
والحقد المعلن او الغير معلن
لانحلت مشاكل البشرية ولكانت الدنيا افضل واحلى


كلماتك تعد كلمات من نور

سلمت يديكى

ماما أمولة يقول...

نهر الحب

شكرا لك يا نوسة
ربنا يبارك في عمرك ويسعدك يارب
دمت بكل الخير

MAKSOFA يقول...

فعلا خلي اللي يقول يقول

ماما أمولة يقول...

MAKSOFA

إيمان الغالية

نورت المدونة حبيبتي

ماشي ها أسمع كلامك

رحــــيـل يقول...

جميلة يا ماما امولة وللاسف ده بيحصل كتير فعلا فى ناس شايفة ان كلامنا عن الحب رفاهية واننا مش حاسين بكل اللى بيحصل حوالينا لكن برضه ازاى نقدر نعيش من غير حب
:) سيبك منهم فعلا

ماما أمولة يقول...

رحــــيـل

نعم يا حبيبة ماما أمولة

كلامك صح
هاسيبني منهم

أحمد سلام يقول...

ما أجمل الحب فى زمن البغض والكره

ما أجمل أن يبحث القلب عن حبيب
ترنو إليه نفسه لحظة أن يختفى الأحبة من الوجود

ما أحوج قلوبنا إلى هذه المشاعر المحبة

سعدت بزيارتك وبزيارة عالمك

ماما أمولة يقول...

أحمد سلام

أهلا بك في عالمك الجديد
أتمنى أن يحالفك الحط
أشكرك على ردك الطيب
وأهلا بك في الزمن الجميل

جايدا العزيزي يقول...

انا غبت اياااااام حصل كل ده

وبقيت من الاواخر

احنا لازم نكتب عن كل شئ

ولما نكتب عن الفساد واظلم

ده لا يمنع ان نكتب ايضا عن الحب

لان الحب شجرة تنتشر اخصانها


جميله ياقلبى

وبسأل الجميل بطل يزورنى ليه

زعلان منى ولا ايه


انا ما اقدرش على زعلك يا ست الكل

تسلم ايدك

تحياتى

ماما أمولة يقول...

جايدا العزيزي
طبعا ها نكتب ونكتب
مقدرش ابداأزعل من حبيبة قلبي
هو الشغل والمسئولية سامحيني يا غالية
ربنا يصلح حالك يارب

قبيلة اليباري يقول...


تفاءل فالصبح يأتي مشرقا ..
من بعد ليل مظلم القسمات ..
والله يرزقك فلا تك يائسا ..
لا تذهبن العمر في حسرات ..
كن واثقا ، كن مؤمنا ، كن آمنا ..
...كن ليّنا ، كن دائم البسمات ..
كن كالشذى العطر المعطر غيره ..
كن شعلة الإيمان في الظلمات .

أمل حمدي يقول...

قبيلة اليباري
أهلا بك في الزمن الجميل
أسعد الله عمرك
مودتي وتقديري