الثلاثاء، مايو 26، 2009

لا تندم على حب عشته حتى لو صار...


قرأت تلك الكلمات وأعجبتني وأردت أن أدونها لكم  لتشاركوني الرأي أو تخالفوني

لا تندم على حب عشته حتى لو صار ذكرى تؤلمك فهو كالزهور ان جفت وضاع عبيرها ولم يبقى منها الا الأشواك قد منحتك يوما ما عطراً جميلاً أسعدك.

لا تكسر ابداً كل الجسور مع من تحب فربما شاءت الأقدار لكما ان تلتقيا يوماً آخر يعيد ما مضى ويصل ما انقطع، وإذا كان العمر الجميل قد رحل من يدري ربما ينتظرك عمر أجمل.

إذا قررت يوما أن تترك حبيباً فلا تترك له جرحاً فمن اعطاك قلباً لا يستحق ابداً منك ان تغرس فيه سهماً.

اذا جلست يوماً وحيداً تحاول ان تجمع حولك ظلال ايام جميلة عشتها مع من تحب، اترك بعيداً كل مشاعر الألم والوحشة التي فرقت بينكما وحاول أن تجمع في دفاتر أوراقك كل الكلمات الجميله التي سمعتها ممن تحب وكل الكلمات الصادقة التي قلتها لمن تحب

اجعل في ايامك مجموعة من الصور الجميلة لتلك التي سكنت قلبك يوما، ملامحها وبريق عينياها الحزين وابتسامتها في لحظة صفاء ووحشتها في لحظه ضيق والأمل الذي كبر بينكما يوماً وترعرع حتى وإن كان قد ذبل ومات

إذا سألوك يوماً عن انسان احببته فلا تقل سراً كان بينكما ولا تحاول ابداً تشويه الصورة الجميلة لهذا الانسان الذي احببته، اجعل من قلبك مخبأ سرياً لكل اسراره وحكاياته فالحب اخلاق قبل ان يكون مشاعر

لحظة اللقاء اجمل بكثير من ذكريات وداع موحش فاذا اجتمع الشمل مرة أخرى حاول أن تتجنب أخطاء الامس التي فرقت بينكما لأن الإنسان لابد أن يستفيد من تجاربه

لا اتحاول ابداً تصفية الحسابات أو الثأر من انسان اعطيته قلبك لأن تصفية الحسابات عملة رخيصة في سوق المعاملات العاطفية، والثأر ليس من اخلاق العشاق

من الخطأ أن تعرض مشاعرك في الأسواق وأن تكون فارساً بلا اخلاق واذا كان ولا بد من الفراق فلا تترك للصلح باباً الا وامضي فيه

اذا اكتشفت ان كل الابواب مغلقة وأن لا أمل في الرجاء، وأن من أحببت يوماً أغلق قلبه، فاعلم ان كرامتك أهم من قلبك الجريح حتى وإن غطت دماؤه سماء هذا الكون الفسيح فلن يفيدك أن تنادي حبيباً لا يسمعك وأن تسكن بيتاً لم يعد يعرفك أحد فيه
لا تعيش على ذكرى انسان فرط فيك بلا سبب، في الحب لا تفرط فيمن يشتريك ولا تشتري من باعك ولا تحزن عليه

سلام

هناك 75 تعليقًا:

المعلم محمد صاحب المطعم - طعمية سخنة يقول...

اول تعليق

المعلم محمد صاحب المطعم - طعمية سخنة يقول...

و التاني كمان ؟
معقولة؟

المعلم محمد صاحب المطعم - طعمية سخنة يقول...

لالالالالالالالالا ده اكيد حلم

المعلم محمد صاحب المطعم - طعمية سخنة يقول...

حد يصحيني يا ناس

ماما أمولة يقول...

يعني أرش عليك شوية مية ولا ايييييه؟

المعلم محمد صاحب المطعم - طعمية سخنة يقول...

اذا اكتشفت ان كل الابواب مغلقة وأن لا أمل في الرجاء، وأن من أحببت يوماً أغلق قلبه، فاعلم ان كرامتك أهم من قلبك الجريح حتى وإن غطت دماؤه سماء هذا الكون الفسيح فلن يفيدك أن تنادي حبيباً لا يسمعك وأن تسكن بيتاً لم يعد يعرفك أحد فيه
لا تعيش على ذكرى انسان فرط فيك بلا سبب، في الحب لا تفرط فيمن يشتريك ولا تشتري من باعك ولا تحزن عليه


دي بقي اهم حاجة

لأن انا قلبي اسود اوي و مش بسامح !

دعوة جميلة جدا للتسامح في الحب اتمني ان حد يعمل بيها ...... في ايام مفيش حد بيحب بجد

المعلم محمد صاحب المطعم - طعمية سخنة يقول...

لالالالالالالالا
مية لا
انا لسه واخد حقنة و مخدتهاش كلها صحيييييت

ماما أمولة يقول...

مين اللي قال كدا

تأكد ان الحب موجود لكن الناس الايام دي مش عارفة تحب صح

أو لسه مقابلتش اللي يتحب صح

ولا عرفت اللي بيحبك صح

وبلاش مية علشان البرد

موناليزا يقول...

كلمات جاءت من واقع وخبرة وبالتالى نتفق معها
مشكورة حبيبتى على امانة النقل

ماما أمولة يقول...

موناليزا الغالية

نورتي حبيبة قلبي

والحمد لله انك من رأيي

ولا اتصور ان يختلف عليها أحد

سلام حبيبتي

المعلم محمد صاحب المطعم - طعمية سخنة يقول...

انا مش مختلف

بس انا قلبي اسود حبتين !

ماما أمولة يقول...

لا يا معلم محمد لازم تركب لقلبك فلتر وتحاول تزيل السواد منه

لان السواد دا مرض ومن غير قلوبنا البيضا مش هانعرف نعيش في الدنيا دي

اوعدني وحاول

المعلم محمد صاحب المطعم - طعمية سخنة يقول...

للأسف ساعات كتير بندم اني بسامح
و برجع زي الاول بس مش بنسي الاساءة
و لما بنفجر ببقي وحش اوي ....

ماما أمولة يقول...

وماله خلي اللي يظلم يظلم

المهم انك متظلمش وفوض امرك لله

دايما هاتلاقي ربنا جنبك بيشيل عنك والله

انت عارف ان غاية عدوك ان يراك غاضبا

فلا تنوله غرضه واستعن بالله

المعلم محمد صاحب المطعم - طعمية سخنة يقول...

للأسف انا ساعات اصبر و ساعات بنوله غرضه بس بديه هدية بوكسين ولا هو و رزقه بقي لأن انا عصبي جدا جدا

ماما أمولة يقول...

ربنا يهديك يارب وينزل عليك من سكينته اللهم امين

بكرة الأيام هاتغيرك وهاتبقى زي الفل ان شاء الله

المعلم محمد صاحب المطعم - طعمية سخنة يقول...

يا رب و لو اني مرتاح كده لأن خلاص معدش الذوق و التسامح ينفع مع حد

ماما أمولة يقول...

يا معلم الذوق ينفع مع الناس الذوق ولو الناس الذوق شافتك وانت متنرفز على طول ومتأهب للقتال دائما هاتفلسع ومش هاتلاقي الا النوع التاني قدامك
أنت لسه العمر قدامك ان شاء الله وياما ها تتعلم من الدنيا وأنا متأكدة انك هاتتعلم صح

المعلم محمد صاحب المطعم - طعمية سخنة يقول...

بالظبط الناس الذوووووووووووووووق و دول بقوا ندرة

اما الناس التانين انا بكون هادي جدا الي ان ......... و بفرقع و حتي لو حد من الناس الذوق شافني بيقي عارف كويس جدا اني عملت كده لسبب لأن الناس الذوق عارفيني كويس

ضــى القمــر يقول...

اموله ..

كلام جميل بجد .. وشايفه انه صح جداا

وخاصة

لا اتحاول ابداً تصفية الحسابات أو الثأر من انسان اعطيته قلبك لأن تصفية الحسابات عملة رخيصة في سوق المعاملات العاطفية، والثأر ليس من اخلاق العشاق

الحب حب .. حتى بع الفراق .. بيظل فى القلب . وبعد الوجع برضه بيفضل فى القلب .

لكن الاهم اننا نحاول ان ذكرياته تظل نقيه . علشان ما نندم ابداا على اجمل ذكريات فى عمرنا

بوست جميل كعادتكِ يا اموله :)

كل الحب لكِ اختى

ديالا يقول...

اموله

لما يكون حب بجد مندمش عليه بس لو كان كابوس وكان خاين يبقي في الحاله دي لازم نندم ونندم اوي كمان مش عشانه لا علشان انت في يوم كنت تعرف الانسان ده

ومدونتك زي السكر

أم أحمد المصرية يقول...

ماما امولة العزيزة
راجعة بقوة انت بعد اطمئنانك علي القمر الصغير
كلمات حلوة جدا بس يا تري كام واحد ينفذها ساعة ما الحب يضيع
لو نصف المحين السابقين عملوا كده ما كانتش محاكم الاحوال الشخصية اتملت :))
سامحني اصل رومانسيتي قلت كتير عن زمان من كتر الحواديت اللي شفتها و اللي اشركتكم في بعضها و لسه و الله عندي تاني بس قلت اريحكم شوية :))


لاتحاول ابداً تشويه الصورة الجميلة لهذا الانسان الذي احببته، اجعل من قلبك مخبأ سرياً لكل اسراره وحكاياته فالحب اخلاق قبل ان يكون مشاعر


حتة معني ياريت الناس تدركه

دمت و اولادك بألف خير

شمس النهار يقول...

الحقيقه مابيبقاش ندم علي الحب
والا حاجه هو بيبقا وجع بس
ماحدش بيقول ياريتني ماحبيت اصله مش اختيار عشان اندم عليه

الندم بيكون علي ياالتفريط ياعلي العطاء اللي ماكانش في محله
وللأسف مافيش فراق من غير جرح
ده هو من كتر الجروح بيتم الفراق

وبالنسبه لتذكر الكلمات والمواقف الجميله بدل مشاعر الالم
في اعتقادي ان الذكريات الجميله مؤلمه وجارحه اكتر من الكلمات السخيفه والمشاعر المؤلمه

اما موضوع الكرامه اعتقد لاكرامه بين اي حبيبين او زوجين الي ان يثبت العكس
ويحدث موقف يدل علي ذلك
هنا يجب الحفاظ جيدا علي ماتبقي واعتقد ان ده بيكون بداية السقوط

(((لا تعيش على ذكرى انسان فرط فيك بلا سبب،
في الحب لا تفرط فيمن يشتريك ولا تشتري من باعك ولا تحزن عليه)))

السطرين دول فيهم كل الفائده

بس الحزن هنا بيكون غصب عن الحبيب

بس الاهم انه بعد مايتأكد من الكلام ده يقدر ياخد قرار البعد ويعمله

البوست جميل
وشكرا

ghorBty يقول...

ماما اموله

السلام عليكم

ان شاء الله تكوني بخير وابنتك الغاليه ربنا يبارك لك فيها ويقر عينك برؤيتها علي كل خير ..

ربنا يرزقنا الحب الذي لا يجعلنا نندم ابدا

بوست ونصائح جميله .. سلمت يمناك علي النقل

دمت بكل خير ومن تحبين ..

Appy يقول...

إذا قررت يوما أن تترك حبيباً فلا تترك له جرحاً فمن اعطاك قلباً لا يستحق ابداً منك ان تغرس فيه سهماً

عجبتنى اوى اوى
بس كلنا بشر وبتحصل مننا حاجات غصب عنا
وحشانى خالص ومقصره معاكى انا عارفه مبروك لامانى وبسيها ليه وقولى لها هجيلها علشان ننفذ الخطه بتاعتنا ونجيب العوامات

hager يقول...

الصراحه البوست تحفه
بجد من اجمل المواضيع اللي قريتها :)

رحــــيـل يقول...

ماما اموله ازيك
يارب تكونى بخير وامانى كويسه

انا متفقه مع كلام كتير من الكلام ده
بس فى اول جزء مختلفه فيه شويه لان مش سهل ابدا ان احنا ننسى جرح حد كنا بنحبه ونفتكر بس الحب اللى كان بينا لانه طالما جرح يبقى مكنش حب يبقى لازم نندم عليه وعلى العمر الى ضاع

طبعا متفقه جدا مع باقى الكلام
فى جزء عجبنى جدا هستأذنك اضيفه فى مدونتى :)

عقد يقول...

لا شك أنها ستبقى في ذاكرة الحب ذكرى ..
والندم قد يكون أحياناً بسبب طبيعة الحب الذي اقترفناه ..

أمولة :)

رائع أني كنت هنا وسعيدة لضغطة زر أوصلتني إليكِ

Beram ElMasry يقول...

ماما أمولة
الهم احفظ اماني من كل مكروه واصرف عنها كل بلاء وارضها ومتعها بالصحة واسعد ايامها سعدت باتصالك علي النت وشكرا لاهتمامك الدائم
والله صدقتي في ما قلته فالخطة محكمة لافساد الشعوب وقتل المواهب وارباك الضمائر وقد ساعدناهم علي استكمالها بانغماسنا في الشرور وتكاسلنا وقلة همتنا فاصبح الايسر علينا هو الاستسلام للحال مهما كان مؤلم علي التغير مها كان مريح

مين الي حاجز عندك اربع اماكن في الاول انا كده هستني في الطبور

تحياتي وسلامي ولا سلام مع اليهود

محمد الجرايحى يقول...

الأخت الفاضلة: ماما أمولة
السلام عليكم ورحمة الله وبركاته
أحسنت الانتقاء والاختيار
تقبلى تقديرى واحترامى
بارك الله فيك وأعزك
أخوك
محمد

فشكووول يقول...

السلام عليكم ماما اموله هانم
والله نصائح غاليه يا سيدتى
بس ساعتها بيبقى الانسان مجروح واحنا اتعودنا اما ننجرح لازم نجرح غيرنا
بس بعدها عندما تهدا الامور بنلاقى كل الكلام بتاعك صح.
تحياتى

غروب يقول...

ازيك يا ماما

وحشانى اوى

ادعيلي علشان بذاكر

مش عارفه بصراحه اعلق على اى جمله بالضبط

اصل قلبتى ممواجع ملهاش لزوم

المهم انك وحشتينى اوى وعندى رغي كتييييييييييييييييييييييير اووووووى

سلمى على كل الاسره

ماما أمولة يقول...

اختي الحبيبة ضــى القمــر

الحمد لله انك اتفقت معي

شكرا لوجودك وتعليقك الذي اسعدني

ماما أمولة يقول...

ديالا

اهلا نورتي الزمن الجميل

فعلا لو كان كابوس يبقى مكنش حب

ممكن اي مسمى تاني

ونتعلم من اخطائنا وبرضو منندمش

والله انت اللي زي السكر يارب يدوم التواصل

ماما أمولة يقول...

اختي الحبيبة أم أحمد المصرية

الحمد لله

ايوة راجعة بموضوع جاني بالصدفة وعجبني

قلت اخلي حبايبي يشاركوني فيه

وانا عند رأيي لايمكن يكون اخرة الحب محكمة ابدادول ناس معرفوش معنى الحب

وكمان انا معاك ان الزمن دا ومشاكله

واللي بنشوفه وبنسمعه ممكن يغير حاجات كتير فينا

حلوة قوي الفقرة اللي اختارتيها

وياريت الناس تدركها لانها من الايمان والدين

ربنا يسترنا ويستر كل المسلمين اللهم امين

سلام يا صديقتي الغالية

ماما أمولة يقول...

ازيك يا شموسة

نورت حبيبتي

اشكرك على التعليق الجميل

ربنا يهدي اولادنا لطريق الخير ويبين لهم الصح من الغلط

ويكفهم شر شياطين الانس اللهم امين

دمت بود

ماما أمولة يقول...

ghorBty

ابنتي الغالية

وعليك السلام ورحمة الله وبركاته

الحمد لله حبيبتي ربنا يخليك يارب

يارب يا حبيبتي يرزقك بالزوج الصالح الذي يعينك على الدنيا ويأخذ بيدك الى الجنة ان شاء الله

دمت بكل الخير

ماما أمولة يقول...

Appy حبيبة قلب ماما أمولة

انت مش مقصرة ولا حاجة ربنا معاك حبيبتي

الحمد لله ان البوست عجبك

ايوة كلنا بشر ولا كل المبشورين

ههههههههه

ربنا يهدينا جميعا

سلام يا ابي

ماما أمولة يقول...

hager

شكرا يا هجور ان البوست عجبك

تسلميلي حبيبتي

ماما أمولة يقول...

رحــــيـل الغالية

فعلا اللي يتندم عليه ما يبقاش حب ولازم نتعلم من أخطائنا

واتفضلي البوست كله مايغلاش عليك يا حبيبة ماما

ماما أمولة يقول...

عقد

أشكر الزر الذي أوصلك لمدونتي

اهلا نورت المدونة

واشكرك على تعليقك ورأيك

أنا أسعد بوجودك اتمنى دوام التواصل

ماما أمولة يقول...

استاذي وعم كل المدونين Beram ElMasry

جزاك الله كل الخير على الدعاء لاماني

معقول تنستنى في الطابور دا الكل يوسع علشان عمنا

ربنا يخليك يارب ويشفيك ويشف كل مريض اللهم امين

نورت المدونة

ماما أمولة يقول...

اخي الفاضل محمد الجرايحى

أشكر لك تواصلك واهتمامك

بارك الله فيك وأدام في الله تواصلنا

ماما أمولة يقول...

استاذي فشكووول باشا

معك حق

ربنا يهدي الامور دايما

ودايما أشوفك منور مدونتي

دمت بخير

ماما أمولة يقول...

ازيك يا حبيبتي غرووب

وانت وحشاني أكتر

ربنا معاك ذاكري كويس وبعدين نبقى نتكلم زي ما انت عايزة

مش مهم تعلقي كفاية انك جيتي

سلام حبيبتي

ادم المصرى يقول...

كلمات كلها واقعيه وليست من الخيال

بوست جميل جدا

ومرسى مموووت على النقل والتميز مع اختيارك وهذا يرجع لخبره قيمه جدا

سمكه واحده يقول...

عارفه يا ماما اموله
الكلام ده كله عجبني
ان الواحد يسامح
ويتذكر كل شئ جميل وبردو الكرمه فوق كل شئ
مش مهم ان الواحد يستني مقابل من حبيب حبه او ينتظر انه يبادله نفس الشعور
كفايه ان قلبه شعر الشعور ده وعاش حاجه جميله كفايه انه زي ما الكلام بيقول كان في يوم ما سعيد
احلي حاجه في الحب بغض النظر الطرفين سواء رجل وامره او اي علاقه انسانيه
انه شعر الشعور ده مش مستني مقابل
عاش لحظات حلوه كتير كفايه انه فرح من قلبه يوم من الايام وحس احساس مختلف


فلن يفيد ان تنادي حبيا لا يسمعك
ان تسكن بيتنا لم يعد يعرفك احد فيه
فوق كل ده
الكرامه الكرمه الكرمه
مش معني كده اني اقلب ده لعداء وكره واعذب حد
لالا خالص
من يدري ربما ينتظرك عمر اجمل
صح جدااا
المهم النيه تبقي سليمه ولا ايه
كلام جميل

عمرو يقول...

كلام جميل ..
المشكله الكبيره تأتى من أن يقع الاٍنسان فى حب من لا يقدر على مجاراته فى حبه الكبير و لا فى طريقته فى التعبير عن الحب ده و لا فى ميزانه الحساس اللى بيوزن به كل كلمه و كل لفته و كل حركه ..
الحب لازم يكون فيه تكاففؤ فى الشخصيه .. تكافؤ فى كل شىء ..

blue-wave يقول...

تسلم ايدك
كلمات ولا اروع الصراحه

من غير عنـــوان يقول...

كلام جميل
كلام تشكري عليه

شكرا مرات ومرات

أمنياتي

ماما أمولة يقول...

ادم المصرى

اشكرك لمرورك وكلماتك الرقيقة

دمت بخير

ماما أمولة يقول...

تررم حبيبة ماما أمولة

ما شاء الله عليك وعلى عقلك

فعلا الانسان الذي يراعي الله في كل شيء سوف ينتظره عمر جميل ان شاء الله

ربنا يسعدك يا رب يا تررم يا حبيبتي

ماما أمولة يقول...

عمرو

اؤيد كلامك فيما قلت

والله كلامك الاجمل

ماما أمولة يقول...

blue-wave

حمد الله على سلامتك

شكرا لك

دمت بخير

ماما أمولة يقول...

من غير عنـــوان

الشكر لك لمرورك

دمت بحفظ الله

تايه في وسط البلد يقول...

السلام عليكم

اختيارات رائئعة وكلمات مشبعة بالحكمة

هلا ذكرتي لنا مصدرها؟

كل الاحترام والتقدير والود

z!zOoOo يقول...

السلام عليكم

يارب تكوني بخير

كلمات رائعه ولكن ليس كل ما نقرأه نستطيع فعله

وليس كل جرح سهلا نسيانه

ديه اول زياره ليا

بس كنت بشوفك قبل كده عند نهر الحب

الف الف الف سلامه علي بنتك ربنا يشفيها ويخليهالك ويخليكي ليها يارب

والف حمد لله علي سلامتها

انا الاطفال بالذات بحبهم قوي

بحس انهم لما بيحصلهم حاجه يبقي الدنيا ما بقتش بخير

دمتي بكل ود

في رعايه الله

همس الاحباب يقول...

رائع جدا
تسلم اختياراتك يا ماما امولة
ولا يمكن ان نختلف عليها ابدا
جزاكى خيرا
واخبار امانى ايه يا رب تكون فى احسن حال
تحياتى

kochia يقول...

قراتها قبل كدة وعجبتني جدا
نقل موفق

ماما أمولة يقول...

تايه في وسط البلد

كل الاحترام والتقدير لمرورك الذي يسعدني

مصدر البوست رسالة على ايميلي في مكتوب

ولا أعرف قائلها

سلام

ماما أمولة يقول...

z!zOoOo

نورت الزمن الجميل

اشكرك من كل قلبي على كلماتك ودهائك لابنتي

جزاك الله كل الخير

سعدت بزيارتك واتمنى دوام التواصل

ماما أمولة يقول...

همس الاحباب

ازيك يا ابو همس حمد الله على سلامتك يا طيب

اماني بخير ان شاء الله هانروح للطبيب بعد شهر علشان يبدأ يمشيها

الحمد لله

تقديري للمرور الغالي

ماما أمولة يقول...

kochia

فعلا كلمات تستحق

شكرا لمرورك حبيبتي

دمت بحفظ الله

حسن ارابيسك يقول...

السلام عليكم ورحمة الله وبركاته
أعرف أنني جئت هنا متأخراً ولكنها الأقدار
أولاً الف حمد على سلامة ابنتك الجميلة عفاها الله وسلمها من كل مكروه وربنا يخليكم لبعض وان شاء الله تشوفيها عروسة وتشوفي أولادها كمان..أمين

ثانيا الحقيقة كنت قادم للإكمئنان ليس إلا إلا أنني والحق اقول فوجئت بمستوى المدونة بثقل كلام من معاني نفيسة وغالية أثرت في بحق والله على ما أقول شهيد وان شاء الله لي سهرة مع مدوناتك التي تستحق وبكل أمانة أن أقرأها بتمعن شديد في سهرة افرغ نفسي لها تماما وهذا حالي مع كل ما هو جميل وقيم ويستحق المتابعة
وبشأن هذه التدوينة الأخيرة الحق أقول أيضا أكثر من رائعة أدركت انها لم تكتب من فراغ بل من حكمة الأيام وخبرتها
والحقيقة قرأتها عدة مرات لسحر كلماتها وحكمتها الشديدة العمق
اعجبني على الأخص ذاك الشطر الأول الذي تقولين فيه
لا تكسر ابداً كل الجسور مع من تحب فربما شاءت الأقدار لكما ان تلتقيا يوماً آخر يعيد ما مضى ويصل ما انقطع، وإذا كان العمر الجميل قد رحل من يدري ربما ينتظرك عمر أجمل.
أعجبني لأنه كان ديدني دائماً في حياتي
والجزء الثاني من الشطر أجمل وأجمل وهو اذا كان العمر الجميل قد رحل من يدري ربما ينتظرنا عمرأجمل..الله الله الله
الحقيقة لايسعفني الكلام في أن أوفيكي حقك في تلك المعاني الجميلة
مع تحياتي
حسن أرابيسك

ماما أمولة يقول...

حسن ارابيسك

اهلا بك نورت زمني الجميل

مش مهم تتأخر المهم انك وصلت بالسلامة اهلا بك

شكرا على دعائك لابنتي عافاك الله من كل سوء

اشكر لك ايضا جميل كلماتك واتمنى ان اكون عند حسن ظنك

اتمنى دوام التواصل

دمت بحفظ الله

Beram ElMasry يقول...

ماما أمولة
العزيزة الغالية سلامي ودعائي للجميلة اماني بعاجل الشفاء اللهم اميين.
والمفسديين الوان يا عزيزتي والحمد لله الذي لا يحمد علي مكروه سواه عندنا علي كل لون وفي مشجر ومنقط وكل ماتشتهيه ومالا نشتهيه الانفس
تحياتي وسلامي ولا سلام مع اليهود

mahasen saber يقول...

ماما اموله ازيك يا امنا الغاليه

انا موصلنيش اى ارقام تليفونات
وافتكرت حضرتك مش عايزه حد يزعجك

mahasen saber يقول...

المهم ان حضرتك كويسه وامانى بخير

ارجو لو ممكن تبعتى الرقم تانى
لان حضرتك بتقوليلى فى التعليقات ان حضرتك بعتيه

ربنا يطمنا على امانى وحضرتك
وسؤالى ااقل واجب ممكن اعمله لحضرتك وليها

جارة القمر يقول...

اذا جلست يوماً وحيداً تحاول ان تجمع حولك ظلال ايام جميلة عشتها مع من تحب، اترك بعيداً كل مشاعر الألم والوحشة التي فرقت بينكما


لعل الوحدة تداوي الكثير من الجراح والالام


لا للحقد العاطفي فلربما كان له عذر


رائعة واكثر ياسيدتي شكرا

mahasen saber يقول...

ماما اموله ...

برضه الرقم موصلش

موصلنيش اى ميل فيه الرقم ممكن تبعتى تانى

انا لو اعرف حد من البلوجر معاه الرقم كنت اخدته منه علطول

فتاة ضائعة في زمن الأوهام والأحلام يقول...

اذا جلست يوماً وحيداً تحاول ان تجمع حولك ظلال ايام جميلة عشتها مع من تحب، اترك بعيداً كل مشاعر الألم والوحشة التي فرقت بينكما وحاول أن تجمع في دفاتر أوراقك كل الكلمات الجميله التي سمعتها ممن تحب وكل الكلمات الصادقة التي قلتها لمن تحب



بتنطبق عليا شكراً علي التدوينة الجميله ومتعزليش مني اني رديت عليكي متأخر في البوست بتاع اماني بس بدخل النت مقطع عشان الامتحانات

ذكري رحبل قلم يقول...

السلام عليكم

كلمات اكثر من رائعة
تسلم يدكي علي الموضوع
عجبتني قوي
إذا قررت يوما أن تترك حبيباً فلا تترك له جرحاً فمن اعطاك قلباً لا يستحق ابداً منك ان تغرس فيه سهماً.

يارب تكون الامورة بقت بخير دلوقتي سلامي لها
تحياتي

Sonnet يقول...

كلاكيت تانى مرة
تحياتى و ادعوك لقراءه هذه التدوينة
http://shayunbiqalbi.blogspot.com/2009/06/blog-post_07.html

لعلها تعجبك

z!zOoOo يقول...

السلام عليكم

ارجو الرجوع الي اخر موضوع عندي

لرؤيه التحديث في اخر الصفحه للأهميه

وعذرا للإزعاج

ايمان عادل يقول...

ماما اموله تحياتى لكى , والله ياريت كل الناس تستفيد من الكلام ده لا اى علاقة حب يجب ان تكون بهذا الشكل حتى فى نهايتها لكى كل الود.