الاثنين، سبتمبر 13، 2010

ابعد






 ابعد
خليك مكانك 
كفاني جراح 
ابعد ما صدقت قلبي
شوية ارتاح 

   

  اتمنيتك أيوة اتمنيتك 
ما خدت منك يوم 
الفرح 
حبيتك أكتر من روحي 
ما لقيت منك غير
  الجرح 

 

جرحتني وقسيت 
  داويت جرحي 
وعملت نفسي نسيت
  جاي بعد إيه 
وراجع 
صحيت في قلبي
  المواجع  
خلتني والله بكيت 
  ما أعرف من الفرحة 
ولا فيك اتشفيت 
خليك بعيد

   

كان نفسي أخدك في حضني 
وأحس يوم بهوايا 
خفت تبعد تاني 
  ما أنول غير أسايا 

   

ابعد خليك مكانك
  من كتر شوقي ليك
  حرمت أجري عليك 
  خليك بعيد
  لا عايزة أعرف 
  ليه بعدت 
  ولا عايزة أعرف 
  ليه جيت 
خليك بعيد

   

  ماما أمولة




هناك 18 تعليقًا:

حنين يقول...

السلام عليكم
اولا كل عام وانتى بخير ماما اموله
جميله جداااااااااا الكلمات
بجد لمستنى اوى واحساسها عالى جدا
دايما اتعودت منك على صدق المشاعر
تحياتى

جايدا العزيزي يقول...

الله يا حبيبتى

غبتى ورجعتى باحلى كلامات

اغنيه فضلت اردد فيها

واحاول الحنها

دائما مبدعه


تحياتى

ماما أمولة يقول...

حنين
وعليكم السلام ورحمة الله وبركاته
وكل عام وانت بكل خير يارب

أشكرك على ردك الطيب
شكرا لك حبيبة قلبي

ماما أمولة يقول...

جايدا العزيزي
ازيك يا غالية
فعلا اغنية وكلماتها تصلح للتغني
ولو شفتيها على الفيديو ها تحسيها أكتر

شكرا لك يا جايدا
ربنا يصلح حالك يارب

MR.PRESIDENT يقول...

ربنا يجمع بين المحبين بالزواج والعمل الصالح قادر يا كريم .

كل سنة وانتي بيخير وطيبة وكريمة .

معلشي يا غالية مش بعرف ارد علي الرومانسيات اعذريني

ماما أمولة يقول...

MR.PRESIDENT

يكفيني مرورك الغالي ودعاءك الطيب
ربنا يصلح حالك يارب

كلمات من نور يقول...

ما أجملها يا أمولتي الحبيبة ......عيد سعيد عليكي يا سيدتي الجميلة العذبة الكلمات

تحضرني أبيات شعر أبو القاسم الشابي تليق بك كثيرا يقول فيها :

عـذْبــة ٌ أنـــتِ كالـطّـفـولـة ِ، كــالأحــلامِكــالــلّــحــنِ، كــالــصــبــاحِ الـــجـــديـــدِ
كالسَّـمـاء الضَّـحُـوكِ كاللـيـلـة ِ الـقـمـراءِكــــالـــــورد، كــابــتــســـام الـــولـــيــــدِ

ملحوظة : وحشتيني وحشه موحشة

ماما أمولة يقول...

كلمات من نور

الله عليك يا نورانية حياتي
ربنا يبارك فيك ولا يحرمني منك ابدا
شكرا على الأبيات الجميلة
ربنا يصلح حالك يارب

ادم المصرى يقول...

كل عام وانتى بخير

كلماتك جميل ذى العاده

ماما أمولة يقول...

ادم المصرى

وأنت بخير يارب
شكرا يا آدم

ذكري رحيل قلم يقول...

كل سنة وانت طيبة عيد سعيد

جميل الاحساس رغم الشجن و جرح الاحساس

دمتي بحب

ماما أمولة يقول...

ذكري رحيل قلم

وأنت طيبة يارب وبخير
شكرا لك حبيبة قلبي
دمت بكل الحب

فشكووول يقول...

كا عام وانتم بخير ماما اموله هانم
عيد سعيد وعمر مديد
طبعا لازم يبقى بعيد
كتر الاسيه يعلم الكراهيه
تحياتى

ماما أمولة يقول...

فشكووول باشا
كل عام وأنت بكل خير يارب
القلب اللي مليان حب عمره مايعرف يكره ابدا
لايجتمع الضدان سيدي في قلب واحد

دمت بكل الخير يارب

فركشاوي ..ناوي يقول...

السلام عليكم ورحمه الله وبركاته
كل عام وانت بخير ...
لا ...لن اكون بعيدا
طالما كنت للخير مريدا
و بسعادتكم سعيدا ...
...

ماما أمولة يقول...

فركشاوي ..ناوي

وعليكم السلام ورحمة الله وبركاته
وحضرتك بكل خير يارب
ربنا يخليك يا فركشاوي ويقدرلك كل خير وسعادة يارب
كتر خيرك

شمس النهار يقول...

حمد الله علي السلامه ياجميلة

وكل سنه وانتي طيبه

ربنا يكرمك

زي مابتمتعينا بالكلام الجميل ده

تحياتي

ماما أمولة يقول...

شمس النهار

وانت طيبة يا حبيبة
ربنا يكرم أصلك
شكرا لك يا شموسة