الاثنين، يوليو 19، 2010

مجنونة



مجنونة
سامح جنوني
سامح حبي ليك
وحياة عيوني
اللي شغلت عنيك
اغفر ظنوني
وغيرتي عليك
مجنونة



غلبني شوقي ليك
قابلتك في خيالي
وقابلت عنية عنيك
حسيتني في السما
طير مع وليفه طار
والدنيا دنيانا
والقلب متهني
ولا عمره احتار
وكان يوم هنانا



مجنونة و بحبك
سامح جنوني
سامح حبي ليك



حبيبتي
سامحي جنوني
سامحي حبي ليكِ
وحياة عنيكِ وشوقي ليكِ
دا العمر يوم ما لـَقاكِ
رجع واتهنى
ولا عمره غير لـُقاكِ
يا حبيبتي اتمنى
حبيبتي سامحي جنوني
شوقي وشجوني
وسامحي قلبي اللي حبك هناه



حبيبي
خدني في خيالك
وطير بيه
نعمل زي العصافير
نعلى ونعلى
ننسى كل أسية
ونحلم حلم كبير
كله حب وحنية
نطول السما
نعيش الهنا
تحسني أميرة
وأحسك أمير
في جزيرة إحنا لوحدنا
لا فيها حزن ولا قلب كسير





مجنوووووووونة
سامح جنوني
سامح حبي ليك
وحياة عيوني
اللي شغلت عنيك




بقلم ماما أمولة


هناك 16 تعليقًا:

أنا - الريس يقول...

بعد السلام والتحية
أما بعد
من رئيس الجمهورية
الكلمات طيبة
بس بما إني مليش في كلمات الحب
فاقول رأي كشاعر وريس كبير اخر حاجة
الكلمات غنائية
فيها روح ونغم
ومش هقول
الله ينور وأي نعم
يلا باي
قصدي السلام عليكو

أمل حمدي يقول...

MR.PRESIDENT

يا رئيس الجمهورية

أنت ردك لوحده شعر

ردك طيب

شكرا لك

وعليك السلام ورحمة الله وبركاته

الفقيرة إلى الله أم البنات يقول...

اموله
الحمد لله ان جوزى مش بيدخل التدوين
كان قالى اشمعنى اموله كاتبه لجوزها كده وانت بتكتبى لى كل يوم ورقة طلبات عريضه

روعه يا امول بجد تسلم ايدك ربنا يكرمك مشاعر وكلمات طيبه قوى
بحبك فى الله جدا

Tarkieb يقول...

ليس على المجــــــــــــــــنون حرج!!!!!!!! المجنون بس اللي هو ح يصدقك.. يبقى ربنا بقى بيحبك لو هو كمان برضة مجنون.. عشان يطلع جنونك في محله..جميلة اوووي ....خايف اقول ربنا يشفى تتعبي بعدها هههههههههههه

غير معرف يقول...

دعوه عامه للتجمع فى الاسكندريه

ودعوه خاصه ليكى
البوست موجود فى المدونه
الحب الجميل

رحــــيـل يقول...

احلى ما فى الحب جنونه
:)
تسلم ايديكى يا ماما امولة

جايدا العزيزي يقول...

الله الله عليكى يا ماما اموله


كل يوم بكتشف فيك موهبه جديدة


شعر غنائى رائع


والوزن والقافيه ما شأالله


تسلمى يارب ودايما بالتوفيق والنجاح


احبك فى الله


دمت فى حفظ الرحمن


وكل عام وانت بخير

تحياتى

أمل حمدي يقول...

الفقيرة إلى الله أم البنات

ربنا يبارك في عمرك أختي الغالية
أحبك الله الذي أحببتني فيه
وبطلي طلبات هههههههههه
ربنا يكرمك ويسعدك

أمل حمدي يقول...

Tarkieb

هههههههههههههههه

والله ما أنا عارفة أرد عليك
مجنونة مجنونة
ماهو كل شاعر مجنون بأحاسيسه وبكلماته
مرة فرحان ومرة زعلان ومرة حزين ومرة مجنون
الكلمات هي اللي بتعبر عنا
نكتبها والناس تقراها وتحسها
تضحك معاناوتحزن ويانا


ماشي يا تركيب هههههههههههه

سلام

أمل حمدي يقول...

الحب الجميل
كان نفسي أكون وياكم
لكن في تجمع في المنصورة للتبرع بالدم
وان شاء الله ها أكون وياهم
والميعادين في وقت واحد
سامحيني حبيبتي
ربنا يصلح حالك يارب

أمل حمدي يقول...

رحــــيـل

مش كده برضه هههههههه

زي العسل يا حبيبة قلبي

ربنا يسعد قلبك يارب

أمل حمدي يقول...

جايدا العزيزي

أحبك الله الذي احببتني فيه

شكرا يا حبيبة قلبي على رأيك الطيب

ربنا يصلح حالك يارب

دمت بكل الحب

Malooka Yousef يقول...

كلام جميل اوى واحلى ما ف الحب جنونه واحلى حاجه العصافير دى هادية وجميلة خالص تسلمى ياماما امولة

ذكرى رحيل قلم يقول...

السلام عليكم

ما اجمل ان نحس الحب فنرسمه ونخطه علي اوراقنا وما اروعه احساس حبك
رائع ما اخطه قلمك
تحياتي

أمل حمدي يقول...

Malooka Yousef

شكرا يا حبيبة قلبي على الكلام الطيب
ربنا يبارك في عمرك

أمل حمدي يقول...

ذكري رحيل قلم

وعليكم السلام ورحمة الله وبركاته
ردك جميل أسعدني حقا
شكرا لك يا حبيبة قلبي
ربنا يسعد قلبك يارب