الأربعاء، يوليو 21، 2010

عام جديد




 السلام عليكم ورحمة الله وبركاته
النهارده بالنسبة ليه ها أبدأ سنة جديدة من عمري إن شاء الله
لكن السنة اللي عدت اللي هي
يوليو 2009 إلى يوليو 2010
كانت سنة مليئة بالأحداث عليه
سنة مرت من عمري لكن بعمري كله
سنة كانت غريبة سبحان الله
قسيت فيها أشد أنواع الألم الجسدي وانتهى الحمد لله بإجراء الجراحة
فقدت بعده صوتي لغلط اثناء إجراء العملية
ويأسني الأطباء من عودته مرة أخرى
ولكن بإرادة الله وحده وبعد 5 أشهر شفى الله صوتي وعاد لي مرة أخرى وبدون أي علاج
كمان
تعرضت لأقسى وأشد أنواع الألم المعنوي 
بسبب وقوع الظلم عليه
من مدون سامحه الله
وبين الألم والألم أنصفني الله بحبكم ووقوفكم بجانبي
وأشهد الله على حبي لكم
في هذا العام اتقربت مني ناس وابتعدت ناس عني
ربما ظروف الحياة هي السبب لا أعتب على أحد
في هذا العام أيضا
كانت أجمل كتاباتي التي أحببتها وأحسستها
ولكن
 لامني البعض في كتاباتها
وتكلم عني البعض أيضا بأنها لاتليق بعمري
وسامحتهم وسأسامحهم مهما كان
وأقول لهم
ستمر الأيام وسيكبر الصغير
وسيجد أن الاحساس حي
والروح والنبض مازالا يسريان بالجسد
لانستطيع أن نوقفهما 
وخصوصا عند الشاعر أو الكاتب
فاحساسه يترجم دائما لكلمات
سواء حزن أو فرح أو ألم أو حتى جنون
الحروف دائما ماترسم شعوره
من كتاباتي التي أحببتها كثيرا وأقرأها دائما
سيدي تعودت الانتظار
لقاء
وكل ما بعدهما حتى الآن
فهذا العام الفائت كان
من أخصب سنوات حياتي في الأحداث 
ومن أخصب سنوات حياتي في الكتابة
وانتهى العام الحمد لله بنجاح ابنتي إيمان في المرحلة الأولى في الثانوية العامة بتفوق ويارب عقبال السنة اللي جاية
وتدخل الصيدلة إن شاء الله
وجبر الله بخاطري والحمد لله
أتمنى من الله أن يجعل العام القادم من عمري لو لي عمر
عام خير وأمل وأن يبدل كل أحزاني بفرح اللهم أمين
أحبتي في الله
أحببت أن أتكلم معكم وأفرغ مافي جعبتي من العام الفائت
بحلوه ومره
أحبكم في الله جميعا



هناك 41 تعليقًا:

موناليزا يقول...

يارب يكون عام سعيد وعمر مديد وعقبال ال110 ويزيد وتفضل طلتك علينا أحلى عيد:)

أحبك فى الله

ذكري رحيل قلم يقول...

كل سنة وانت طيبة عقبال ميت سنة
الحمدلله علي شفائك شفاكي الله وعفاكي من كل سقم وداء

الف مبروك للنجاح وعقبال السنة الجاية ان شاء الله بتفوق ربنا معاها

تذكري هذة المقولة خير الرد علي السفيه الصمت فلا تبالي بمن يلفظ وهو لا يعلم انه لديه رقيب وعتيد
تحياتي

فاتيما يقول...

كل سنة و انتى طيبة يا اطيب الناس

انتى انسانة جميلة يا حبيبتى
و اى حد يقعد معاكى لدقايق يستشعر ذلك و يقدره فسيبك من كل اللى ضايقك
يكفى قدرك عندنا كلنا
و هو قدر عالى و غالى و الله

ربنا يوفقك بنوتك و تدخل الصيدلة زى ما بتتمنى و تفرحى بيها

ربنا يسلمك من كل شر
و الصحة تبقى دايما تمام
السنة الجاية و طول العمر

عقبال كل سنة و انتى وسطنا
منورة بقلبك الطيوبة
يا طيوبة

عيد ميلاد سعيد يا حبيبتى

-------------------------------
http://www.glitter-graphics.com/graphics/533946
-------------------------------

سمو الامير يقول...

الحمد لله
ربنا يشرحلك صدرك وييسرلك كل عسير
ويجعلها سنة سعيدة ومليانة كتابات جميلة وأحداث سعيدة
انا بردو من مواليد شهر يوليو ( شكله كده شهر العظماء :D )

جنّي يقول...

السلام عليكم

كل عام وانت في خير حال وسعادة وامل يا ست امل ..وزاد الله اخبارك السارة دائما ..

مجداوية يقول...



السلام عليكم

أسأل الله أن يديم عمرك في طاعته وكل عام وأنت من الله أقرب

بالنسبة لكتاباتك سأقول لك رأيي فيها على الميل إن شاء الله وبالنسبة لأحداث العام الماضي فهي محنة ومنحة والحمد لله على شفائك ونجاح ابنتك بتفوق وربنا يحقق لك كل أمنياتك ويقر عينك بما تحبي بفضل الله ونعمته

MR.PRESIDENT يقول...

http://2.bp.blogspot.com/_YDoUluacLTk/TD74TurTenI/AAAAAAAAADI/gSSgzf80xFw/s1600/365_p12010.jpg

-----------------

http://2.bp.blogspot.com/_YDoUluacLTk/TD74zJldGWI/AAAAAAAAADY/IlnyMlqLdIs/s1600/1114930759_167.jpg

----------------
دي الهدية اينعم هيا صور بس عشان العبدلله مذنقة معاها فسامحني علي كدا

ثانيا انا يمكن متابع جديد فمعرفش الأحداث اللي حضرتك مرتي بيها ، وإذا كان كثير من الناس ظلموا السيدة مريم وظلموا ام المؤمنين السيدة عائشة ، وافتروا عليه ، ولكن بصبرهم اظهر الله الحق مع أنهم السيدتان تألموا نفسياً جدا ، إلا أن أظهر الله الحق . فاصبري وصابري فإن الله يمهل ولا يهمل .

ثالثا الألام الجسدية شفاكي الله وعافاكي وأكثر خطي الأمة وخطاكي .

رابعا أتمني لك صحة وراحة نفسية وجسدية في السنوات المليون المقبلة ، إن شاء الله وكل سنة وإنت طيبة .

M.a.r.y.o.o.o.m يقول...

يارب يا ماما تكون إن شاء الله سنوات عمرك اللي جاي أحلي وبعوض ثبرك خير ويجازي اي حد ظالم ومفتري وملكيش دعوة بأي حد خالص واحنا كلنا معاكي ودعواتك لينا وكل سنة وحضرتك طيبة

ماما أمولة يقول...

موناليزا

أحبك الله الذي أحببتني فيه
جزاك الله كل الخير
دمت بكل الود

ماما أمولة يقول...

ذكري رحيل قلم

وأنت طيبة وبحير يارب حبيبة قلبي
والله يبارك في عمرك يارب
شكرا لك ولردك الطيب
جزاك الله كل الخير

ماما أمولة يقول...

فاتيما
وأنت طيبة يارب يا حبيبة قلبي
ربنا يصلح حالك يا رب
وشكرا على كلامك الطيب كقلبك وروحك
ربنا يسعد قلبك اللهم أمين

ماما أمولة يقول...

سمو الامير

كل عام وأنت طيب وبخير يارب
وتحقق كل آمالك وأحلامك اللهم امين
شكرا للدعاء الجميل
ربنا يتقبل منك اللهم امين

ماما أمولة يقول...

جني
وعليكم السلام ورجمة الله وبركاته
وأنت بخير وسعادة يارب
كتر خيرك
ربنا يصلح حالك يارب

ماما أمولة يقول...

مجداوية
شكرا يا غالية على ردك الطيب ودعائك ربنا يتقبل اللهم امين
الحمد لله من قبل ومن بعد
جزاك الله كل الخير
وفي انتظار رأيك ان شاء الله

ماما أمولة يقول...

MR.PRESIDENT
سيادة الرئيس شكرا على هداياك الدسمة
ربنا يصلح حالك وهي مقبولة منك
الحمد لله هي سنة مرت بكل ما فيها وأنا احتسبتها عند الله
والحمد لله على كل شيء
أدعيتك جميلة يا سيادة الرئيس
أسألك الدعاء لي دائما
ربنا يصلح حالك ويبارك في عمرك

ماما أمولة يقول...

M.a.r.y.o.o.o.m
وأنت طيبة يا مريوووم ربنا يخليك ليه يارب
ويبارك في عمرك اللهم امين

شكرا لك حبيبة قلبي

بحب كل الناس يقول...

كل عام وحضرتك بكل خير وسعادة

كل عام وانتى الله الله اقرب ولرسوله احب
وللجنة اطمع

وانشاء الله يكون هذا العام مملؤ بالخير لحضرتك ان شاء الله

ماما أمولة يقول...

بحب كل الناس

وأنت بخير وسعادة يارب
شكرا لك ابني الغالي
جزاك الله كل الخير

☼♫♪ عمــاد الدين يــوسف ☼♫♪ يقول...

امي الفاضله الغاليه أموله
بارك الله في عمرك وعلمك وجعل كل سنوات عمرك احلى من بعضها ومتعك بالصحة والعافية والرضا ..

وكل عام وانتي بخير وشباب وحيوية تعلمنا نحن الصغار أن الأمل والحب كالملائكة مخلوقات من نور بلا عمر

محمد الجرايحى يقول...

السلام عليكم ورحمة الله وبركاته
كل عام وأنت بخير وفى صحة وعافية وسعادة وسرور....

عام مضى بحلوه ومره..وعام أتى وإن شاء الله فيه كل السرور وتحقيق كل الأمنيات

بارك الله فيك وأعزك

Tarkieb يقول...

كل سنة وانت طيبة ويارب يخليكي لينا ..يارب وميحرمك مننا هههههههه

ماما أمولة يقول...

☼♫♪ عمــاد الدين يــوسف ☼♫♪

جزاك الله كل الخير يارب

وبارك الله في عمرك اللهم امين

ماما أمولة يقول...

أخي الفاضل / محمد الجرايحى

وعليكم السلام ورحمة الله وبركاته

وحضرتك بكل خير يارب
شكرا لك على ذوقك
ربنا يبارك في عمر حضرتك يارب

ماما أمولة يقول...

Tarkieb

وأنت طيب يارب
ويحليكوا ولا يحرمني منكم يارب
شكرا يا تركيب

رحــــيـل يقول...

ربنا يفرحك دايما ويحلي ايامك وسنينك

هستنى اشوفك يوم الجمعة ان شاء الله اتمنى انكم تقدروا تيجى :)

خالص مودتي

ماما أمولة يقول...

رحــــيـل

وبسعدك يارب يا حبيبة قلبي

إن شاء الله نتجمع عللا الخير

جايدا العزيزي يقول...

ماما اموله


والله نفس اللى حصلى


لمح صاحب احدى المدونات


ان اشعارى لا تناسب سنى


وقاسيت كثيرا


وكان الاحباط سيتمكن منى


ولكننى عنديه لا استسلم


ويجب ان تكونى كذلك


اتمنى ان يكون العام القادم اجمل


ويارب دايما فى تفوق ونجاح


احبك فى الله


تحياتى

SHAPE YOUR LIFE (ABOALI) يقول...

كل عام وانتى فى احسن وخير حال ..واتمنى من الله ان يسعد قلبك بما تتمنين ..وفعلا كان عام تزينت فيه مدونتك باجمل الكلمات وارقى الاحاسيس التى عبرتى عنها بصدق فوصلت لمن يقرئها محمله بعبير رائع وممتع .

اتمنى ان يحمل كل يوم لكى افضل من سابقه ويجازيكى خيرا ان شاء الله ..والف مبرووووووك لايمان وان شاء الله تحقق احلامها.

ماما أمولة يقول...

جايدا العزيزي

الحمد لله على كل شيء
وكل عام وأنت بكل خير وسعادة وفرح اللهم أمين

شكرا لك حبيبتي في الله

ماما أمولة يقول...

SHAPE YOUR LIFE (ABOALI)

وأنت بكل خير وسعادة يارب يا ابو علي
شكرا لك ربنا يصلح حالك ويبارك في عمرك
اللهم امين

Sonnet يقول...

بالتوفيق دائما يا عزيزتي
و كل سنة و أنت متألقة

ماما أمولة يقول...

Sonnet

وأنت طيبة يارب يا سونت

السُـلطانة يقول...

السلام عليكم ورحمة الله وبركاته ..

فعلا عام مؤثر جدا أختي في الله ماما أمولة .. وقلبي معك وعسى أن تكرهوا شيئا وهو خيرا لكم ..

وكل عام يمر علينا بأفراحه وأحزانه ومشاكله وأفراحه يترك فينا بصمات لها لحظات لا تنسى تصقل من شخصيتنا وتساهم في نضجنا.

وفقك الله وكل عام وأمة محمد بخير

ELMOSTAFZ يقول...

ماما أمولة...
عارفة أنا تقريبا مزرتش مدونتك غير مرات قليلة جدا ، و جايز دي أول مرة أسيب فيها تعليق ، بس أنا قابلني إسمك كتير في المدونات و دايما الكل بيجيب سيرتك بكل خير ، كان نفسي اعرف مين هيا ماما أمولة و أديني جيت و شفت ماما أمولة تتكلم عن نفسها بنفسها...
مش عارف اقولك ايه غير كل سنة و انتي بألف صحة و سلامة ، و ربنا يخليكي للتدوين و يديم احساسك التدويني...
أنا في بداية دخولي التدوين كنت بستغرب فعلا الكتابات الشابة اللي كنت بكتشف ان مدونيها في عمر أمي و أبويا ، و كنت بحس ناحيتهم بشعور غريب مش عارف استغراب ولا إعجاب ولا الإتنين سوا ، بس في النهاية فعلا وصلت للتفسير ده ، المشاعر عمرها ما بتكبر و تتغير ، بل جايز بيزيد شبابها و تبقا أجمل...
لكي أعطر التحيات...

ماما أمولة يقول...

السُـلطانة

الحمد لله يا سلطانة
وجزاك الله كل الخير يارب
وأمة سيدنا محمد بكل خير

ماما أمولة يقول...

ELMOSTAFZ
لا تعلم كم اسعدني ردك ابني الغالي
جزاك الله كل الخير يارب
نعم تفسيرك صحيح وستثبت لك الأيام إن شاء الله
أتمنى من الله أن يديم عليك السعادة وراحة البال اللهم امين
شكرا لك ابني الغالي

ستيتة حسب الله الحمش يقول...

أنا جاية متأخرة خالص
كل سنة وانتي طيبة
وربنا يبارك لك في صحتك وفي بنتك ويفرح قلبك وتكوني دائما في زيادة وفضل

ماما أمولة يقول...

ستيتة حسب الله الحمش

وأنت طيبة يارب وبخير وسعادة
مش مهم تتأخري حبيبة قلبي المهم نوصلي
شكرا وجزاك الله كل الخير
ربنا يتقبل اللهم امين

أسطى في زمن البلي يقول...

ماما أمولة ..

كل عام و حضرتك بخير


مش عارف اقول ايه .. بس هاقوووول


طبعا حضرتك استاذتنا .. و نقف من حضرتك موقف التلميذ من استاذه

لكن .. ليا تعليق صغنطوووووووط


ليت للتمني .. لطلب ما يستحيل حدوثه

لعل للترجي .. لطلب ما يسهل أو يمكن حدوثه


علشان كدا ما نقولش .. اتمنى من الله

و نقول : أرجو الله .. فالله لا يعجزه شئ



تلميذ غلباوي ..

آي آي آي .. وداني يا أبله

ما عدتش هاتكلم خااااالص


.

ماما أمولة يقول...

أسطى في زمن البلي
وأنت طيب وبخير يارب
ههههههههه
ونعم بالله يا محمود
من غير شد ودان ولا أي حاجة
أعلم أنه لايعجز على الله ولا يستحيل شيء
قد يدخل التمني في باب الترجي أو العكس مجازا
والمستحيل لايقدر على تغييره إلا الله
شكرا يا محمود
ربنا يصلح حالك ويهدي بالك اللهم أمين

كلمات من نور يقول...

أولا كل عام و أنتي إلى الله أقرب ولطاعته أدوم

ثانيا سماح يا أمولة عالغياب بس كان غياب مرضي والحمدلله على كل حال مش غياب انترنتي وبس

ثالثا ربي ينصفك دايما و يسعدك و تشوفي اولادك في أحسن حال وفعلا يجبر بخاطرك فيهم يارب

رابعا اكتبي يا أمولة الزمن الجميل فالشباب شباب القلب واللي بيلوم عليكي داه قلبه عجوز خالث (: