الاثنين، يوليو 05، 2010

أتاري طيفك زارني في منامي ( من أرشيف المدونة )




لملمت كل الأوراق 

كي أرحل عنك

وغيرت كل طريق يوصلني لك

هجرت روحي لأنها

 بتحن لك

حتى عينيا غمضتها

 وبعدت

جاء طيفك يحنو إليّ

يطبطب بحياء عليّ

سامحيني

يا منية الروح يا غالية

أراني 

بعثرت كل الأوراق

 من تاني

وسلكت كل دروبك

ونسيت عنواني

صالحت روحي 

وفتحت عيوني

من تاني

على يوم جديد

أتاري طيفك زارني في منامي



ماما أمولة










هناك 20 تعليقًا:

الحب الجميل يقول...

السلام عليكم

كلمات جميله أوى و أحساسها عالى

دام قلمك الرائع

تحياتى ياالزمن الجميل

ماما أمولة يقول...

الحب الجميل

وعليكم السلام ورحمة الله وبركاته

شكرا على كلماتك الرقيقة ومرورك الجميل

تقديري للحب الجميل

MR.PRESIDENT يقول...

سلمتي يا ماما أموله ..
كلمات طيبة ..
نتمني ان تكون بين شرعة المتزوجين ..
معادا الهجر طبعاً
بجد رغم اني بفضل اكرر اني مليش في كلمات الحب .. بس دا مش حب .. دي عاطفة .. ومشاعر محترمة .. اتمني انها تكون موجود بين الأزواج قادر ياكريم ..
بالتوفيق .

SHAPE YOUR LIFE (ABOALI) يقول...

مش عارف ان كنت علقت على الموضوع ده سابقا او لا
ولكن بعد مرور فترة وقراءة موضوع من جديد
لابد انك تقرئه هذه المرة باءحساس ذلك اليوم الذى تقرء فيه

لذا فى هذا اليوم الذى اقرء فيه
هبت عليا رياح نسائمية المعنى مترامية الابعاد
ان نظرت اليها من الناحية الشمالية سنجد هبوب رياح سكن والفة
ان نظرت اليها من الناحية الجنوبية
سنجد رياح التلاقى والبسمة
ان نظرنا اليها من الغرب
سنجد نعماء من الرب
اذا نظرنا من ناحية الشرق
سنجد شروق فى عودة واكتمال كيان


بالتاءكيد
ان كان كل طيف بهذا المعنى
نتمنى ان ينعم علينا الله بأطياف وراء اطياف ثم نمسك بها
ثم نستيقظ فنجد فيحاء انامل الحبيب تدغدغ مشاعرنا
ونقول
الله الله


تقديرى الكامل

ماما أمولة يقول...

MR.PRESIDENT

أشكرك يا سيادة الرئيس
أكيد بين شرعة المتزوجين
فهم الدائمي الخلاف
ولكن الطبطبة بتداوي

كل التقدير والاحترام

ماما أمولة يقول...

SHAPE YOUR LIFE (ABOALI)

ابو علي الغالي
دا أنا اللي بقول الله الله الله
على الاتجاهات الأربع وما جادت به من معاني رائعة
ليست بغريبة عليك وعلى قلمك الراقي دوما
ربنا يخليك يا ابو على ودايما منور مدونتي ومنور الدنيا بقلمك وقلبك الطيب

gogo!sf يقول...

الله يا ماما اموله ايه الاحساس العالى ده بجد تحفه عجبتنى جدا

كلماتك يا ماما اموله فكرتنى بالست

وهمسلى قالى الحق عليه نسيت ساعتها بعدنا ليه

بس ما تبقيش تحلمى تانى يا مامااموله

الحب والموده والمشاعر الدافئه تملىءالبيت هنا وسعاده تمنياتى لكى بهم دائما

سلميلى على بنوته حضرتك

جوجو

richardCatheart يقول...

ههههههههه ايوا يا ماما اموله

هو دا اللى جيبنا لورا اول ما الطيف يجى فى المنام قلبنا الحونين يرق
ونرجع تانى للحب اللى كااااااان

بس بردو اهو كلف نفسه وجه احنا طيبين لازمن نسامح ههههههههه

تحياتى على الكلام الجميل تسلمى يارب

بحب كل الناس يقول...

قرأتها من قبل وقرأتها الان وحقيقى كلمات جميلة جدا
وان شاء الله تكونى بكل خير ياماما امولة
واسف على الغياب ده

المجاهد الصغير يقول...

السلام عليكم
كلمات جميله
وبالنسبه للقوالب جربت اعمل قالب جديد وندمت انى عمله
الحمدالله
ماشاء الله مهما كان القالب فبريق قلم الكاتب يعلو
وفقكم الله

ماما أمولة يقول...

gogo!sf

ربنا يخليك يا جوجو يارب

شكرا لك على كلامك الطيب

ولازم نحلم طول ما إحنا عايشين وإلا مانبقاش عايشين

الله يسلم عمرك يارب وحشاني من زمان

ماما أمولة يقول...

richardCatheart

هههههههههههه

هاتقوليلي نفسي ابقى قاسية مش بعرف
أمرنا لله

ربنا يسلم قلبك يا حبيبة قلبي شكرا

ماما أمولة يقول...

بحب كل الناس

ازيك ابني الغالي يارب تكون بخير
شكرا لك على ذوقك ربنا يبارك في عمرك اللهم امين

ماما أمولة يقول...

المجاهد الصغير

ربنا يبارك في عمرك يارب
شكرا لذوقك وكلامك الطيب
ويارب ماتندم على حاجة ابدا وان شاء الله بسيطة

دمت بخير

كلمات من نور يقول...

شوفي طيفه بس عمل إيه؟؟؟؟؟؟؟؟؟؟ طيب لو هو بنفسه جاء ماذا سيحدث؟ تمطر الدنيا ورودا؟؟؟؟؟؟؟؟؟؟

يارب يحلي ايامك دائما ويسعدنا بكلامك الحلو داه يا أمولة يا غالية

عايش... ولكن !!!! يقول...

فكرتينى بام كلثوم :)
حقيقى جميله
سلمت اناملك

Tarkieb يقول...

الظاهرلما الواحد بيزعل بيقول كل اللي بيطلع على باله ...بس الكلام طالع فصحى على عامي...انت قاصدة كدة؟؟؟؟؟

ماما أمولة يقول...

كلمات من نور
ويحلي أيامك يا حبيبة قلبي
شكرا لك

ماما أمولة يقول...

عايش... ولكن !!!!


حمد الله على سلامتك نورت بلوجر من تاني
وشكرا
ربنا يسلم عمرك يارب

ماما أمولة يقول...

Tarkieb

تصدق اني معرفتش اضبطها ابدا فعلا عامي على فصحى
وفي الآخر قلت ماهي تخاريف أحلام
هههههههههههههه
ربنا يصلح حالك ياتركيب يارب
أسعدني مرورك الطيب