السبت، يوليو 04، 2009

أنا أم



إيمان
يا مهجة القلب وتوأم الروح
أنت نبض الحياة وأمل السنين
فما لومي إلا خوفا من الآخرين
قد يقسى قلب الأم على أولادها
ولكن قسوة باطنها ورق الياسمين
إيمان
ألا تذكرين كم كنت تنامين بين جوانحي عندما أنوح
تحاكيني تضاحكيني
وكأن الدنيا أنا وأنت وكل منا بالأسرار يبوح
يذوب ألمي في ضحكة بريئة وكأنها بلسم و شفاء للروح
إيمان
ماذا ألم بك أهو عيب في أم بك
أم تغير الزمان
ولم نعد نلتقي
قد تكون تباعدت السنين بيني وبينك
أم زمني غير زمانك
أم وأم وأم كل الأشياء لاتهم
كل ما اعرفه أنك ابنتي حبيبتي وأنا أم
ماما أمولة


هناك 80 تعليقًا:

بحـــر الدموع يقول...

السلام عليكم

ماما أمولة ..

ما صدق المشاعر حين تخرج من أعماق القلب لا يخالطها الكذب والنفاق
صادقة تلك كلماتك

حفظكما الله لبعضكما وأدام بينكما الحب والمودة ..
دمت بخير

بحـــر الدموع يقول...

نسيت أقول اول تعليييييييييق.؟!

وكمان تاني تعليق


ماما امولة ..
أنا أواجه مشكلة مع مدونتك بالدخول باسم بحر الابداع
يا ريت تشوفي حل في هالمشكلة.؟!

حفظك الرحمن من كل سوء

بحـــر الدموع يقول...

نسيت أقول اول تعليييييييييق.؟!

وكمان تاني تعليق


ماما امولة ..
أنا أواجه مشكلة مع مدونتك بالدخول باسم بحر الابداع
يا ريت تشوفي حل في هالمشكلة.؟!

حفظك الرحمن من كل سوء

فشكووول يقول...

وانا افتح التعليقات كانت التعليقات صفر
اتارى بحر الدموع مستخبى فى الدره
على العموم تانى تعليق مش وحش
ازى حال امانى ... مش ايمان هى امانى برضه
الحمد لله ربنا يكمل شفاءها
تحياتى

ماما أمولة يقول...

ازيك يابحر عامل ايه يارب تكون بخير

وكل عام وانت طيب والعمر كله خير يارب

اول وتاني وتالت تنور المدونة

شكرا على كلماتك ودعائك ربنا يخليك يارب

ومبروووك على بحر الابداع ودايما يارب من نجاح لنجاح

مش عارفة احل مشكلة المدونة سامحني

دمت بكل الخير يارب

ماما أمولة يقول...

استاذي فشكول باشا

ازيك وازي محمود عمل ايه في امتحاناته ؟

يارب يكون خير

ايمان بنتي الكبيرة عندها 16 سنة واماني الصغيرة عندها 11 سنة

وعبد الرحمن الاكبر منهم وعنده 19 ونص

والحمد لله

شكرا لمرورك الجميل

ربنا يخليك

موناليزا يقول...

ربنا يخليهالك ويباركلك فيها
بس انا عايزة اعرف رد فعلها ايه لما قرأت كلماتك الجميلة دى؟

ماما أمولة يقول...

ازيك يا موناليزا

ايمان بكت عندما قرأت كلماتي وحضنتني

ما أجمل أن يكون العتاب بالحب

شكرا لمرورك حبيبتي

دمت بكل الود

طوبة ذهب وطوبة فضة يقول...

الله بجد صادقه المشاعر وجميله الكلمات ربنا يخليها لك يارب ويخليكى ديما ليها فى احسن صحه واتم حال

ماما أمولة يقول...

طوبة ذهب وطوبة فضة

اشكر لك زيارتك الغالية

ربنا يصلح حالك اللهم امين

دمت بحفظ الله

ABOALI يقول...

كل ما اعرفه أنك ابنتي حبيبتي وأنا أم


هو ده لب الموضوع
نحتاج ان نتفاعل مع اولادنا اكثر واكثر
ونعطيهم من خبراتنا

وننوع فى طرق التوصيل

لاءن الاذان ليس كما هو عليه فى الزمن الجميل

الان العراه هم حاملى المشاعل وهم القدوه

ان شاء الله خير

مع المواظبة وعدم الياءس


وانتى يا ايمان

عندما ستكونين يوما ام"
ستتدركين قيمة ما يقال لك

فلا تجعلى الايام تغرك انك على صواب
فالصواب هو ما اتفق عليه سابقا

ولا يجب ان يزين فى هذا ا لوقت

نحن من نشكل حياتنا طبقا للدين والاخلاق
والدين لا يتشكل ليناسب الوضع الموجود



تحياتى

وربنا يهدى الجميع

mahasen saber يقول...

لا حرام كتبت التعليق مرتين ومتبعتش

المهم بقول لحضرتك ده من ارقى ما قريت فى علاقة الام وبنتها

ربنا يبارك لحضرتك فيها وفى كل من تحبين

سيف يقول...

ما اجمل ان تكون مشاعر الام نحو بنتها

متقاربه مثل الاصدقاء................

ربنا يخليهالك.

أسطى في زمن البلي يقول...

ماما أمولة


مش احنا اللي ها نعلم الكبار


المثل بيقول ايه ؟


إن كبر ابنك خاويه



أظن المسألة محتاجة جرعة أخوية زيادة شوية


ربنا يهدي لحضرتك أولادك و أسرتك


.

mohamed ghalia يقول...

نعم انتى أم
وكم هى رائعة كلماتك واحاسيسك الراقية
ربنا يسعدك ياماما ويسعد أولادك

أم أحمد المصرية يقول...

اصدق و اقوي مشاعر في الدنيا هي مشاعر الامومة
و لا يقدر الابناء ذلك الا حين يصبحون اباء و امهات
كلماتك معبرةافهمها جيدا كأم خصوصا و انت تتحدثين عن التباعد
و لكن داخلي يقين ايضا كأم ان انائنا مهما تباعدوا لفترة بسبب تغيرات عمرية سيعدون لأحضاننا كما كانوا و هم اطفال فالله سبحانه لا يضيع اجر من احسن عملا
ربنا يبارك لك في اولادك و يبارك لكل الامهات في اولادها

مصعب صلاح يقول...

السلام عليكم
بجد مشاعر جميلة اللي بين الام وبنتها

مشاعر تعجز أي كلمات وصفها

ربنا يديم الحب بينكم

ويخليكم لبعض

تقبلي مروري

أبو إسماعيل يقول...

مـاما أمولة ... كلمات رائعة خرجت من قلب ام عزيزة

وحشتينا ياماما .. خالد

promise is promise يقول...

ماما اموله
سلمت يداك ومشاعرك وتربيتك

وربنا يحفظك

تقبلى مرورى
ولك خالص تحياتى
والسلام ختام

smilyrose يقول...

امى الحبيبه

وحشتنى كلماتك

وحشتنى دعواتك

تصدقينى لو قلت ليكى انى محتاجه ليها

قوى زى ايمان

ربنا يخليهالك ولا يحرمكم من بعض

وردشان

روح الحب الصادق

غروب يقول...

الله عليكي يا ماما

مشاعرك واضحه اوى

ربنا يخليكي ليها ويخليها ليكي ويديم علكم الحب والصداقه دى

انتى ام جميله وحنونه وست فاضله ربنا يكرمك يا امى

بحب كل الناس يقول...

الكلام الصادق لا يخرج الا من قلب صادق

يارب يبارك لحضرتك ويجعلهم قرة عين الي حضرتك

تسنيم حسين يقول...

السلام عليكم ورحمة الله وبركاته

ماأجمل هذه الكلمات التى تدمع لها العيون وتخفق لها القلوب...ربنا يحميهالك ويخليكى ليها..يارب آمين
آآه نسيت حضرتك وحشتينى جداا..

والسلام عليكم ورحمة الله وبركاته

أحــوال الهـوي يقول...

سيدتي

هذا حال الدنيا

كنا نبتعد عن زوينا في مرحلة ما من عمرنا و لكننا دائما نعود و نكون اكثر قربا هذا حدث معي

و كلما اتذكر ابي و امي اتذكر ان في وقت ما من حياتي كنت احاول ان اشب عن الطوق ثم ادركت بانني احلق خارج السرب فعدت بعلاقة اقوي معهم

اختاه هذه مرحلة من العمر سوف تمر
ثم يعودون الي نصابها

تحياتي

الازهرى يقول...

ليه بس كده

الموضوع ابسط من كده
اجيال تيجى واجيال من بعدها ولكل جيل احلامه وصفاته
الموضوع مش بعد
لكن
قانون الحياة
الاختلاف

تحياتى دوما

رامز عباس يقول...

يا عيني يا عيني
طبعا مش هقول جميل وحلو الكلام دة

كفاية ان امومتك واصله لحد مصر كلها وبتشجعينا كلنا وبتعبرينا ابنائك
وانا من الائل طبعا


المهم اخباركم ايه

انا مهروس في امتحانات كليةو الحقوق
منا كان لازم اخشها علشان اجيب حقي من مدام حكومة اللي ماسكة البلد

يلا حضروا نفسكم هنزوركم قريب ونصيف كمانايوة

شريكة في المطعم يقول...

السلام عليكم

عبارات جميلة وكلمات معبرة
ربنا يخليهالك يارب ويفرحك بيها

gogo!sf يقول...

ماما اموله

ازيك وازى امانى والاولاد كلهم يارب تكونو بخير جميعا

مشاعر الامومه هى اجمل احساس فى الدنيا
ربنا يخليهملك ويبارك فيهم يارب

لو عرفوه هيحبوه يقول...

السلام عليكم ورحمه الله وبركاته
الا تنصروه فقد نصره الله
: ان كنت تريد نصره النبى صلى الله عليه وسلم
فندعوك للمشاركه معنا فى حمله لو عرفوه هيحبوه لنصره النبى صلى الله عليه وسلم
نسعد بذلك

محمد الجرايحى يقول...

السلام عليكم ورحمة الله وبركاته
لايوجد مثل الأم فى عطائها وحنانها ودفء وصدق مشاعرها
بارك الله فيك وفيما سطرت أناملك

ماما أمولة يقول...

ABOALI

ازيك يا ابو علي

شكرا على النصائح الغالية

ربنا يصلح حالك

ماما أمولة يقول...

mahasen saber

معقول في حد لطش التعليقين

معلش ولا يهمك

شكرا يا حبيبتي على كلامك الحلو ربنا يبارك فيك

نورتيني

ماما أمولة يقول...

سيف

الحمد لله

شكرا يا سيف

ماما أمولة يقول...

أسطى في زمن البلي

الحمد لله يا محمود والله اكتر من الاخوات

بس خوفي عليها كبيييير

اللهم امين

شكرا

ماما أمولة يقول...

mohamed ghalia

ربنا يخليك يا محمد ياغالية ويحفظك اللهم امين

ماما أمولة يقول...

أم أحمد المصرية

نعم يا حبيبتي فنحن نغرس الخير والخلق

وان شاء الله سوف نجني رضا الله

جزاك الله كل الخير

ماما أمولة يقول...

مصعب صلاح

اهلا بم في الزمن الجميل يا مصعب

واشكرك على كلماتك الرقيقة دمت بكل الخير يارب

ماما أمولة يقول...

promise is promise

اهلا بك في الزمن الجميل

اشكرك

دمت بكل الخير

ماما أمولة يقول...

ابني الغالي

اهلا اهلا يا خالد منور الزمن الجميل

وانت كمان وحشتني

ربنا يبارك فيك ويكمل شفاك على خير يا رب

ماما أمولة يقول...

smilyrose

بنتي حبيبة قلبي

ربنا يصلح حالك وينولك كل اللي تتمنيه

انت بنتي كمان وهادعيلك على طول

نورتي حبيبتي

ماما أمولة يقول...

ابنتي غروب حبيبتي

شكرا على كلامك الحلو

ربنا يصلح حالك وينجحك اللهم امين

ماما أمولة يقول...

بحب كل الناس

يارب يسمع منك اللهم امين

دمت بكل الخير يارب

ماما أمولة يقول...

تسنيم حسين

وعليكم السلام ورحمة الله وبركاته

ازيك يا حبيبتي وانت كمان وحشتيني كتير

ربنا ينجحك اللهم امين

شكرا يا تسنيم ربنا يخليك

ماما أمولة يقول...

أخي الفاضل أحوال الهوى

أعلم انه حال الدنيا ولكني أم أخاف من الهوى على ابنائي وادعو الله لهم دائما ليهديهم وينير لهم دربهم

شكرا على مرورك الراقي

دمت بكل الخير

ماما أمولة يقول...

الازهري

حمد على السلامة

ان شاء الله من الناجحين المتفوقين بإذن الله

الام الواعية هي التي يجب ان تقوم هذا الاختلاف للاصلح دايما فلا تنساق وراء تيار التغيير ولا تقف امامه

ويكون اولادها دائما امام عينيها في هذا الزمان

اشكرك لمرورك الغالي

ماما أمولة يقول...

رامز عباس

ازيك يا رامز

ربنا يخلييييك يارب وينجحك اللهم امين

تنور يارامز وانا ها احضر المايوه

ماما أمولة يقول...

شريكة في المطعم

شكرا يا حبيبتي ربنا يخليك يارب

امال فين شريكك صاحب المطعم مش باين ليه

ربنا معاه

شكرا لمرورك الجميل

ماما أمولة يقول...

gogo!sf

ازيك يا حبيبتي

اماني بخير الحمد لله وبدئت تمشي على رجليها الحمد لله

واخواتها بخير

اشكرك على سؤالك ومرورك الجميل

دمت بكل الخير

ماما أمولة يقول...

لو عرفوه هيحبوه

وعليكم السلام ورحمه الله وبركاته

هذه الحملة لايستطيع احد ردها

أنا معكم ان شاء الله

ماما أمولة يقول...

أخي الفاضل/ محمد الجرايحى

وعليكم السلام ورحمة الله وبركاته

جزاك الله كل الخير على المرور العطر

صيدلانيه طالعه نازله يقول...

ربنا يباركلكم فى بعض و انشاء الله مفيش بعاد و لا فراق و دايما متجمعين فى الخير و الطاعه انشاء الله

عمرو يقول...

العتاب الأمومى أو الأبوى الحنون بيبقى له مفعول و تأثير كبير جدا على نفسية الأبناء أكثر ألف مره من العتاب الملىء بالزعيق و الصخب ..
ربنا يهدى العيال و يبعد عنهم كل مكروه و سوء .. آمين يا رب العالمين ..
تقبلى تحياتى يا ماما أموله و تقديرى ..

ماما أمولة يقول...

صيدلانيه طالعه نازله

شكرا يا حبيبتي على الدعاء

واهلا بك في الزمن الجميل

ماما أمولة يقول...

عمرو

ازيك يا عمرو عامل ايه ربنا معاك

ربنا يهديهم جميعا اللهم امين

شكرا يا عمرو ربنا يخليك يارب

ذكري رحيل قلم يقول...

السلام عليكم
ادام الله عليكي نعمة الامومة وادامه علي ابنتك

جميلة جميلة جميلة يا ماما امولة

ازيك وعاملة ايه يارب تكوني بخير جميعا وايمان عاملة ايه دلوقتي
ان شاء الله تكوني انت ومن حولك بخير وحب وسلام

سندس وأمل يقول...

دام قلمك...

وان شاء الله تعود اليكى...

بالتوفق ...امل

نفرتارى يقول...

السلام علكيم ورحمة الله وبركاته ،،

ما اجمل موضوعك يا ماما بجد كم من الالام التى شاعرنا بها جميعاً ..
اللهم انصر الاسلام والمسلمين فى كل زمان ومكان .. فأنت خير الوكيل .

دمتى بكل خير وصحة ,,

نفرتارى

مجداوية يقول...

السلام عليكم

موقف حزين

أنا أحسست به حزين جدا

ولكن في نفس الوقت شجاع جدا

فنحن كأمهات نلوم أنفسنا من تقصير الأبناء معنا ويرق قلبنا لهم وطلب الاهتمام موقف حزين ولكن العتاب بين الأحباب واجب حتى لا نزيد مسافات البعد
قد نكون نحن من انشغلنا عنهم ويرديون فقط مجرد نداء
بارك الله لك ولأبنائك وجمعكم دائما على حب

ماما أمولة يقول...

ذكري رحيل قلم

ازيك يا حبيبتي

الحمد لله انا بخير وكل الاسرة

جزاك الله كل الخير على السؤال الجميل

دمت بكل الود

ماما أمولة يقول...

سندس وأمل

ازيك يا امولة عاملة ايه حبيبتي

الحمد لله انكم بخير

شكرا لمرورك الجميل

ماما أمولة يقول...

نفرتارى

وعليك السلام ورحمة الله وبركاته

حمد الله على السلامة وحشتيني

الحمد لله حبيبتي

بالحب والتفاهم تذوب كل الالام

دمت بكل الحب

ماما أمولة يقول...

مجداوية

اختي وحبيبتي في الله

كم ارتاح لكلامك وينفرج صدري به

شكرا لك حبيبتي

فعلا التفاهم والحب يذيب المسافات

ربنا يعينا على تربيتهم اللهم امين

جزاك الله كل الخير

قيس بن الملووووح يقول...

المشاعر الصادقة تخرج من القلب الي القلب

ahmed_k يقول...

كلمات رائعه لا تصدر إلا من قلب أم
تحمل بين جنباتها حنين وعطف الأمومه

رد الله إيمان وقارب سنين البعاد بينكما

تقبلي خالص تحياتي

جنّي يقول...

السلام عليكم

بارك الله لك في أولادك بنين وبنات ..

واي ابنة لو علمت مدى حب امها لها فما غضبت منها ابدا ..

ورسالة لايمان اقول لها لا يوجد قلب ام يكذب وهذه الكلمات الصادقة والمفعمة بالحب اكبر دليل على امتلاء قلب امك الكبير بحبك وحب اخوتك .. وياليتك تحبينها كما تحبك فالجنة تحت قدميها ..وهي احق الناس بحسن صحابتك لها ..
بارك الله فيكي ابنتنا ايمان الجميلة ..
وجعلك قرة عين لامك ..

والسلام هو التحية

سمكه واحده يقول...

اذيك يا احلي ام في الدينا
وحشتيني جدا جدا جدا يا ماما اموله والله
يارب تكوني بالف خير وصحه وسعاده
ربنا يبارك في حضرتك
سموكه الوحشه

elsha3er يقول...

السلام عليكم

بجد ما ارق الكلمات وصدقها

تحياتى


احمد الشاعر

ادم المصرى يقول...

كلامك جميل جدا ماما اموله ومشاعرك اجمل واحساسك رائع

حفظكما الله لبعضكما

"النجم القادم"رابطة مدونون من أجل فلسطين يقول...

===========================
جديد مدونة اوعى تخاف
رسالة من م . أسامة محمد سليمان
أحد المعتقلين على ذمة القضية المعروفة بقضية فارس بركات
الذى القي به ناجى الجمال ضابط أمن الدولة بدمنهور من الدور الرابع

فقط وحصريا على مدونة اوعى تخاف

من غير عنـــوان يقول...

وكأنك تكلمين ابنتي أو تقولين ما أريده

تحياتي

محمد الدخاخنى يقول...

بداية ياله من إنسان سعيد الحظ من تكتب أمه عنه شعراً! بارك الله لكِ فى إبنتك.

تلك هى المره الأولى التى أعرف فيها أنك تكتبين شعراً..كلمات جميلة.

تحياتى::

م.الدخاخنى

ماما أمولة يقول...

قيس بن الملووووح

جزاك الله خيرا

نعم مايخرج من القلب يصل للقلب

ماما أمولة يقول...

ahmed_k

ازيك يا احمد شكرا لكلماتك الرقيقة

دمت بكل الخير

ماما أمولة يقول...

جنّي

وعليك السلام ورحمة الله وبركاته

بارك الله فيك اللهم امين

شكرا على كلماتك الصادقة

الرسالة وصلت لايمان

جزاك الله كل الخير

ماما أمولة يقول...

سموكة حبيبتي تررم تررم

وانت كمان وحشتيني اكتر واكتر

ربنا يخليك حبيبتي انا عارفة ان كل واحد

له مشاغله وانا عاذرة الكل

دمت بكل الود يا تررم

ماما أمولة يقول...

elsha3er

وعليكم السلام ورحمة الله وبركاته

بجد ما أعذب مرورك ورقته

دمت بكل الخير يارب

ماما أمولة يقول...

ادم المصرى

مرورك هو اللي رائع

دمت بحفظ الله

ماما أمولة يقول...

"النجم القادم"رابطة مدونون من أجل فلسطين

ان شاء الله سوف أقوم بقراءة الرسالة

فك الله اسره ورده سالما غانما الى اهله اللهم امين

ماما أمولة يقول...

من غير عنـــوان

بارك الله في ابنتك وابنتي وكل ابناء المسلمين اللهم امين

تقديري

ماما أمولة يقول...

محمد الدخاخنى

شكرا يا محمد

حمد الله على سلامتك نورت المدونة

لف شوية كدا في المدونة وشوف الأشعار

هي مش كتير بس كلها من جواية

شكرا لمرورك الجميل