شربت كاس الضنى
قالوا اشربي
وخليه كمان قـُوت
داريت في قلبي الجرح
وليه تداري
اتكلمي
دا جرحك ماله سـُكوت
ناديت بعزم مافي
جاوبني الصدى
الريح معاكِس
مايوصـل ابدا صُـوت
أخرتها إيه ماتقولوا
أسكت ولا أتكلم
ولا أكتم جواية المـُر
أسكت ولا أتكلم
ولا أكتم جواية المـُر
وامـُوت
هو اللي يعيش في الدنيا
لازم يكون حاوي
ويطلع من جيبه كمان
كتكوت
اصبري دي الدنيا لحظة وتمـُر
وبسرعة كمان بتفـُوت
معقول
وليه نعيش اللحظة مـُر
ليه نضيع فيهاكل العـُمر
ليه نسكت وليه نداري
ولو صرخنا
يتـْرَد لـِينا الصوت
هناك 7 تعليقات:
جميل ما قرأته هنا يا سيدة الحرف
سلمك الله أختي الحبيبة
لك ودي
رائعة كلماتك سيدتي
كما عهدناكِ ...... مبدعة
أبو خالد
نورت المدونة
نورت بلوجر مرة أخرى
مودتي وتقديري
الفنان التشكيلي جمال نور
أولا نورت المدونة
ثانيا ألف مبروك على مدونتك الجميلة
حاولت أرد عندك لكن معرفتش من كلمة السر اللي في الرد
تقديري لك يا فنان
حلوة قوي يا أمل ..
إرسال تعليق