السبت، ديسمبر 15، 2012

صدى الصوت





شربت كاس الضنى
قالوا اشربي
وخليه كمان قـُوت
داريت  في قلبي الجرح
وليه تداري 
اتكلمي
دا جرحك  ماله  سـُكوت
ناديت  بعزم مافي
جاوبني  الصدى
الريح  معاكِس
مايوصـل ابدا صُـوت
أخرتها  إيه  ماتقولوا
أسكت ولا أتكلم
ولا أكتم جواية المـُر 
وامـُوت
هو اللي يعيش في الدنيا 
لازم يكون حاوي
ويطلع من جيبه كمان
كتكوت
اصبري دي الدنيا لحظة  وتمـُر
وبسرعة كمان  بتفـُوت
معقول
وليه نعيش اللحظة مـُر
ليه نضيع فيهاكل العـُمر
ليه نسكت وليه نداري
ولو صرخنا  
يتـْرَد لـِينا الصوت


هناك 7 تعليقات:

كريمة سندي يقول...

جميل ما قرأته هنا يا سيدة الحرف

أمل حمدي يقول...

سلمك الله أختي الحبيبة
لك ودي

أبو خالد يقول...

رائعة كلماتك سيدتي

فنان تشكيلى جمال نور يقول...

كما عهدناكِ ...... مبدعة

أمل حمدي يقول...

أبو خالد
نورت المدونة
نورت بلوجر مرة أخرى
مودتي وتقديري

أمل حمدي يقول...

الفنان التشكيلي جمال نور
أولا نورت المدونة
ثانيا ألف مبروك على مدونتك الجميلة
حاولت أرد عندك لكن معرفتش من كلمة السر اللي في الرد
تقديري لك يا فنان

zizi يقول...

حلوة قوي يا أمل ..