نسايم الحرية
أهي جت علينا بتنسم
على جباهنا الحرة
تطبطب ترطب وبترسم
طريق الأمل والخير
تمد تعمر
وتقسم
وتقسم
حب وعدل وأمن
على الشعوب الحرة
وتلملم
وتلملم
كل جبين يوم شاف الظلم
اتقهر أتألم
وتقول للمغلوب والمكتوم
اصحى بقى انهض أتعلم
عمرك ماتخاف
دا الحق معاك قوم اتكلم
عهد الطغاه بح
خلاص انتهى استسلم
خلينا إيد واحدة
عمرالطاغوت ما يتحكم
وطن واحد
يحتار فينا عدونا
يخاف يتذمم
تهابنا الأمم
ويسقط جبروت كل متحكم
شعوب أحرار ثوار
هدينا الأسوار
مين يقدرمعانا يتكلم
خلاص بإيدينا هانعمر
ونرمم
كل كسر وشرخ في قلوبنا
ونحطم
كل صنم حجر وغير أمرنا
لله مانسلم
خلاص بإيدينا هانعمر
ونرمم
كل كسر وشرخ في قلوبنا
ونحطم
كل صنم حجر وغير أمرنا
لله مانسلم
هناك 16 تعليقًا:
الف مبروك امل نسايم الحرية
master.ms
الله يبارك لينا كلنا يارب
تقديري
مبروك لينا كلنا
ربنا ما يحرمنى منك
ياغاليه
♥نبع الغرام♥♪≈
الله يبارك فيك يا نوسة
أنت فين أنا قلقانة عليك وتليفونك كمان مقفول
يارب تكوني بخير
الله ...الله ...الله
علي حلاوه الكلام لما يتكلم
ماما اموله... ادينا بنتعلم ...
ومن دلوقت مش هانتألم .ولا للطاغيه هانسلم .
مبروك أستاذتنا القديره .
كلمات جميله أختنا الكريمه
وأدعو الله أن يسدل على مصر أثواب الأمن والرقي والتقدم بوعي وتكاتف وحب أبنائها لها وإخلاصهم من أجلها
وفقنا الله جميعا لخير مصر
وتقبلي خالص تحياتي
فركشاوي ..ناوي
الله يبارك في عمرك يارب
الحمد لله يارب
ومبروك لمصر
ahmed_k
اللهم أمين يارب العالمين
الحمد لله والشكر لله
تقديري لك أخي الفاضل
ماما أمولة
ونرمم
كل كسر وشرخ في قلوبنا
ونحطم
كل صنم حجر وغير أمرنا
لله مانسلم
رائعه كلماتك كالعادة
دمناجميعاوإياكي ننعم بنسائم الحرية
ابن النيل
اللهم أمين يارب
شكرا لك ولتواصلك الطيب
تقديري
بسم الله الرحمن الرحيم
الأخت الفاضلة : أمل حمدى
أهى جت علينا فرحتو وهلّت
عيد المروءة والشهامة وحلّت
رياح جيدة والشهامة تزيد
بس المخاوف إن الخيانة تِئيد
نار الشرارة إللى بعدها بتعيد
عصر الهبالة والجهالة وسيبان الإيد
خوفى عليكى يابلد من خيانة القوم
لما الكلاب بتعوى فى الجبال بالكوم
يبقى نذيرها زى الغراب الشوم
لما العساكر يطلعو تبع الغراب
إللى اختفى من أمام الباب
تبقى المصيبة مالها أى حساب
خايف وخوفى بيرتعش من ورا إيدى
إيدى ورافعة للأمام عيدى
خايف عليكى وما أدرى لإمتى الخوف
جايز أنا بهذى ولا شايف شوف
شايف حاجات بتحصل من ورا الكواليس
واحد وعايش إنو لسة رئيس
بيسن فى سنانه ويعد كل حبيس
لجل ما يرجع ويجعلنا كلنا فطيس
أ / أحمد عبد المنعم
أخي أحمد
صدقا ادعو الله خالصة لوجهه ان تسير الأمور بخير وتنجح ثورتنا كما نريد لها اللهم امين
كلماتك في منتهى الجمال ولكن خفت من معناها
يارب اصلح الحال
كل التقدير والاحترام لك أخي الفاضل
ماما أمولة
ادعي معايا إن ربنا يتمها بس على خير
محمد محمود عمارة
يارب يا محمد
اوعى حد يسرق فرحتنا
الأخت الفاضلة ماما أمولة
ده عادي ، شخصياً أحد كتبي نشرت له إحدى المجلات تلخيصاً ففوجئت به ينتشر على النت انتشار النار في الهشيم ، البعض المحترم كتب إسمي و البعض الآخر كتب أسمه ، في البداية كنت أراسل المواقع لتعديل الإسم فلما وجدت عدد المواقع كثير ، توقفت خصوصاً أن الكتب تأخذ أرقام إيداع ، عموماً لا تحزني إذا أردت راسلي الموقع و هدديهم و اطلبي التعديل
آن الأوان ان نتنفس الحرية
أن نستقبل شمسنا الصبوحة
وننفض عن أكتافنا حمول الذل والخذيان
آن الأوان أن نرفع رؤوسنا
أن نحلق في فضاءات السمو
أن تكون لنا حرية الكلمة..حرية الحياة
آن الأوان ان نتحمل مسئولية الوطن
أن نحمل على عاتقنا بناء البلاد
وإعلاء القيم
كلمات جميلة ماما أمولة
استمتعت بزيارتي هنا..
وردة لقلبك الصبوح
إرسال تعليق