الخميس، فبراير 24، 2011

نسايم الحرية






نسايم الحرية
أهي جت علينا بتنسم
على جباهنا الحرة
تطبطب ترطب وبترسم
طريق الأمل والخير
تمد تعمر
وتقسم
حب وعدل وأمن 
على الشعوب الحرة 
وتلملم
كل جبين يوم شاف الظلم
اتقهر أتألم
وتقول للمغلوب والمكتوم
اصحى بقى انهض أتعلم
عمرك ماتخاف
دا الحق معاك قوم اتكلم
عهد الطغاه بح
خلاص انتهى استسلم
خلينا إيد واحدة 
عمرالطاغوت ما يتحكم
وطن واحد 
يحتار فينا عدونا 
يخاف يتذمم 
تهابنا الأمم 
ويسقط جبروت كل متحكم
شعوب أحرار ثوار 
هدينا الأسوار 
مين يقدرمعانا يتكلم
خلاص بإيدينا هانعمر 
ونرمم
كل كسر وشرخ في قلوبنا 
ونحطم 
كل صنم حجر وغير أمرنا 
لله مانسلم







هناك 16 تعليقًا:

master.ms يقول...

الف مبروك امل نسايم الحرية

ماما أمولة يقول...

master.ms
الله يبارك لينا كلنا يارب
تقديري

♥نبع الغرام♥♪≈ يقول...

مبروك لينا كلنا

ربنا ما يحرمنى منك
ياغاليه

ماما أمولة يقول...

♥نبع الغرام♥♪≈
الله يبارك فيك يا نوسة
أنت فين أنا قلقانة عليك وتليفونك كمان مقفول
يارب تكوني بخير

فركشاوي ..ناوي يقول...

الله ...الله ...الله
علي حلاوه الكلام لما يتكلم
ماما اموله... ادينا بنتعلم ...
ومن دلوقت مش هانتألم .ولا للطاغيه هانسلم .
مبروك أستاذتنا القديره .

ahmed_k يقول...

كلمات جميله أختنا الكريمه
وأدعو الله أن يسدل على مصر أثواب الأمن والرقي والتقدم بوعي وتكاتف وحب أبنائها لها وإخلاصهم من أجلها
وفقنا الله جميعا لخير مصر
وتقبلي خالص تحياتي

ماما أمولة يقول...

فركشاوي ..ناوي
الله يبارك في عمرك يارب
الحمد لله يارب
ومبروك لمصر

ماما أمولة يقول...

ahmed_k
اللهم أمين يارب العالمين
الحمد لله والشكر لله
تقديري لك أخي الفاضل

إبن النيل يقول...

ماما أمولة
ونرمم
كل كسر وشرخ في قلوبنا
ونحطم
كل صنم حجر وغير أمرنا
لله مانسلم
رائعه كلماتك كالعادة
دمناجميعاوإياكي ننعم بنسائم الحرية

ماما أمولة يقول...

ابن النيل
اللهم أمين يارب
شكرا لك ولتواصلك الطيب
تقديري

أ / أحمد عبد المنعم يقول...

بسم الله الرحمن الرحيم
الأخت الفاضلة : أمل حمدى

أهى جت علينا فرحتو وهلّت
عيد المروءة والشهامة وحلّت

رياح جيدة والشهامة تزيد
بس المخاوف إن الخيانة تِئيد
نار الشرارة إللى بعدها بتعيد
عصر الهبالة والجهالة وسيبان الإيد

خوفى عليكى يابلد من خيانة القوم
لما الكلاب بتعوى فى الجبال بالكوم
يبقى نذيرها زى الغراب الشوم

لما العساكر يطلعو تبع الغراب
إللى اختفى من أمام الباب
تبقى المصيبة مالها أى حساب

خايف وخوفى بيرتعش من ورا إيدى
إيدى ورافعة للأمام عيدى

خايف عليكى وما أدرى لإمتى الخوف
جايز أنا بهذى ولا شايف شوف

شايف حاجات بتحصل من ورا الكواليس
واحد وعايش إنو لسة رئيس
بيسن فى سنانه ويعد كل حبيس
لجل ما يرجع ويجعلنا كلنا فطيس

ماما أمولة يقول...

أ / أحمد عبد المنعم
أخي أحمد
صدقا ادعو الله خالصة لوجهه ان تسير الأمور بخير وتنجح ثورتنا كما نريد لها اللهم امين
كلماتك في منتهى الجمال ولكن خفت من معناها
يارب اصلح الحال
كل التقدير والاحترام لك أخي الفاضل

محمد محمود عمارة يقول...

ماما أمولة
ادعي معايا إن ربنا يتمها بس على خير

ماما أمولة يقول...

محمد محمود عمارة
يارب يا محمد
اوعى حد يسرق فرحتنا

محمد محمود عمارة يقول...

الأخت الفاضلة ماما أمولة
ده عادي ، شخصياً أحد كتبي نشرت له إحدى المجلات تلخيصاً ففوجئت به ينتشر على النت انتشار النار في الهشيم ، البعض المحترم كتب إسمي و البعض الآخر كتب أسمه ، في البداية كنت أراسل المواقع لتعديل الإسم فلما وجدت عدد المواقع كثير ، توقفت خصوصاً أن الكتب تأخذ أرقام إيداع ، عموماً لا تحزني إذا أردت راسلي الموقع و هدديهم و اطلبي التعديل

سكن الليل يقول...

آن الأوان ان نتنفس الحرية
أن نستقبل شمسنا الصبوحة
وننفض عن أكتافنا حمول الذل والخذيان
آن الأوان أن نرفع رؤوسنا
أن نحلق في فضاءات السمو
أن تكون لنا حرية الكلمة..حرية الحياة
آن الأوان ان نتحمل مسئولية الوطن
أن نحمل على عاتقنا بناء البلاد
وإعلاء القيم

كلمات جميلة ماما أمولة
استمتعت بزيارتي هنا..
وردة لقلبك الصبوح