الخميس، أكتوبر 07، 2010

اللي جاي شكله إييه ؟





قال لي فنان الكاريكاتير جمال نور 
عن ذكرى أكتوبر 


خد يا مواطن من نصر أكتوبر شوية دروس واتعلم

  كان فيه بواقى نخوة .. وكان ليك لسان تتكلم

  دلوقتى القيم ضاعت ... والمبادئ جبرت ..!!!

  ياترى اللى جاى إيه شكله ؟ .. سلم يارب سلم


رديت عليه وقلتله

اللي جاي شكله بنطلون ساقط على تي شيرت مقلـِّم

دول يادوب يرقصوا ويغنوا وايده توجعه لو... يسلـِّم

جيل نصه فافي والنص التاني غيبوبة وللراية مِسَلـِّم

دول يعرفوا القيم منين دا لو مشى لوحده ياعيني يتْعلـِّم

وعجبي

هناك 30 تعليقًا:

صيدلانيه طالعه نازله يقول...

انتى وصفتيهم بالضبط
و بدون اى تجنى
للاسف الوسط الساقط و التفاهه و السطحيه بقت هيا الصفه السائده فى مجتمعنا هذه الايام
و هو ده شبابنا اللى المفروض هو الامل فى بكره
بس للاسف بالمنظر ده مفيش امل خاااالص

كلمات من نور يقول...

يا رب سلم يا أمولتي .....بس فيهم شوية رجاله برضه الواحد يقول اللي له واللي عليه ....الأساس في كل بيت : اللي يخلي ابنه ينزل من البيت ببنطلون ساقط ولبس هابط أساس خاطيء .وصدق رسول الله حين قال الخير في أمتي باق إلى يوم الدين....بس كلام الفنان والمقارنة في الجوووون يا أمولتي شتان ما بين رجال عبروا القنال و رجال رضوا بهذا الحال

أحــوال الهـوي يقول...

الله الله
علي الكلام و الحكمه

و رغم طربي لها تمنيت الا تكون حقيقة الشباب هكذا

و تمثل شرزمة قليله

تحياتي

Unknown يقول...

واقع مؤلم ويارب سلم

أنا - الريس يقول...

مش كله والله
والله فيه شباب فيها الخير
ودا للأسف ناشيء عن عدم التربية في البيت والمدرسة ومبدأ " وأنا مالي أدام مكلمنيش "
بس كل دي من ابتلاءات ربنا .
وان شاء الله رشحيني بس وأنا مش هسلم الراية :)

أحمد سلام يقول...

ولسوف يأتى اليوم ينكسر الخنا
ولسوف نقتنص الحقيقة للسما
نفخر وتفخر الحياة بعلمنا
ولسوف نسمو بالحياة وبالبشر
بنبينا الذى صدق الحديث بوعده
أوليس وعد محمد صدقا صحاحا
أوليس قوله إننا نسمو بدين
نسمو لننشر دين خير المرسلين
هذى حقائق قد تغيب لوهلة المر الكئيب
لكنها صدق كصدق الشمس قبل ان تغيب
قولى يناقض قولكم لكنه حق يقين نابع من قول الحبيب

أمل حمدي يقول...

صيدلانيه طالعه نازله

ربنا يهديهم يارب

الأمل دايما موجود

دمت بكل الخير يارب

أمل حمدي يقول...

كلمات من نور

لم انكر عدم وجود رجالة
لكن أنا أريد أن يكون الكل رجالة ويد واحدة أيضا


نورت الدنيا يا نورانية

أمل حمدي يقول...

أحــوال الهـوي

أنا أتمنى أيضا ألا يكون هناك ولا حتى شرزمة

كل التقدير لك يا دكتور

أمل حمدي يقول...

محمد الجرايحى

إن شاء الله هايسلم

تقديري لك أخي الفاضل

أمل حمدي يقول...

MR.PRESIDENT

ههههههههههههه

إن شاء الله أرشحك بس لما أعمل بطاقة انتخابية
عارفة ان ليس الكل مثل ما وصفت
وأعلم أنه يوجد رجال بمعنى الكلمة
واتمنى ان يكون الكل كذلك

يا سيادة الرئيس تقديري لك

أمل حمدي يقول...

أحمد سلام
صلى الله على سيدنا محمد وعلى آله وصحبه وسلم
أنا معك في كل كلمة
قد يناقض قولك قولي ظاهريا
ولكنه يوافقه في الحقيقة
نعم أعلم أن وعد الله حق وأن الأمل قادم لا محالة وبيد خير جنود الأرض
ولكن ليس الامل في هذا الجيل
ربما في زمن آخر
قد ندركه أو لا
لكنه آت إن شاء الله

شرفت أخي بمرورك
جزاك الله كل الخير

جايدا العزيزي يقول...

ليه التشاؤم ده ياقلبى

عندنا بردوا رجاله

رجاله مصريين بجد

وقت المحن بس يبانوا

وخير شاهد اكتوبر

اشكرك

تحياتى

أمل حمدي يقول...

جايدا العزيزي

انا لا انكر الرجال ابدا
انا انكر الشباب الصغير المقلد لكل شيء


شكرا لك حبيبنتي في الله
دمت بكل الخير يارب

غير معرف يقول...

اممممم

معتقدش الصورة سودة للدرجادي

" الخير في وفي أمتي إلى يوم الدين .. "

واعتقد حاليا ان الجيل الطالع جيل واعي بمشاكل بلده وأمته يمكن أكتر من زمان

حاليا عدد الشباب الملتزم والشباب المثقف في تزايد مستمر

مش ممكن يكون النص فافي والنص التاني مغيب

مستحيل بجد :(

إيمان قنديل يقول...

معلش انا لي رأي مختلف في الكلام المنشور


الجيل ده جيل لم يختبر بعد وإذا كان
النقد الموجه له على طريقة لبسه من بنطلون ساقط ،أو عايش في غبوبه وغيره

فالجيل الذي أقتنص لنا نصر أكتوبر

هو جيل الشارلستون والقمصان المحزقه والسوالف والشعر الطويل ،وتقليد الخنافس والهيبيز ،والميني جيب والميكروجيب

فحرام مايقال عن هذا الجيل

beautiful mind يقول...

والله عندك حق يا ماما اموله
هم فعلا كدا
بس والله رغم كدا فيه بعضهم عارف فين مصلحته
وبيشتغل وبيتعب
بس فعلا بقو قلة قليلة
تحياتي
وربنا يصلح الاحوال

ادم المصرى يقول...

سلم يارب سلم ربنا يحفظ شباب المسلمين الا من رحم الله يا اموله كل شيئ فيه الفاسد وفيه العالم

غير معرف يقول...

جميلة الكلمات .. كفن .. وربما شعر .. كلحن موسيقى من مبدع حقيقى ..

لكنها أبدا لم تكن الحقيقة .. أدعوك عزيزتى لقراءة مقال صغير
http://www.facebook.com/notes.php?id=554212927&notes_tab=app_2347471856#!/note.php?note_id=426464024281&comments

رأيى ببساطة أننا لو كان هذا هو الجيل الجديد .. فلاتحكمى بظواهر الأمور .. لأنه لابزال جيل 6 ابريل الذى لم يملك سوى الفيس بوك

تقبلى تحياتى

gogo!sf يقول...

يا عينى على ردك يا ماما اموله والله صدقتى بجد
بس حضرتك بقى جيل البنطلون الساقط موجود حاليا واعتقد ان اللى جاى ربما يكون مافيش بنطلون اصلا
وربنا يستر بقى

كل اما اشوف حدا استغرب على طريقه لبسه واعلق عادى يعنى يقولى دى موضه يعنى كل اللى بيمشى على الموضه محتمل يمشى فى الشارع عريان ومن غير هدوم ولو سألته هيقولى بردو دى موضه وهى فى الحقيقه موصيبه والله يا ماما

يسلملى ردك وتسلم ايدك يا حبيبتى

جوجو

أمل حمدي يقول...

سمو الامير
نعم ليست بهذه الصورة
اطمئن :)

أمل حمدي يقول...

MAKSOFA

حبيبتي ايمان

جيل 6 أكتوبر وجد من يقف بجانبه ويغير منه ويحوله إلى جيل من رجال حقا
أما ما نراه الآن فهي سياسة للقضاء على نخوة هؤلاء الشباب وجعلهم مسخ
وكما انقد هؤلاء الشباب أنقد كل أم وأب لم يقف أمام أبنائهم ولم يعلموهم كيف تكون الرجولة الحقة
إيمان أقسم أنني لم اتجنى عليهم
اذهبي الي الجامعات وشاهدي نسبة الرجال من نسبة أشباه الرجال ستصعقي من الأمر
ادعو الله أن يجد هؤلاء الشباب من يقف بجانبهم ليقتدوا به


شكرا لك يا ايمان
اسعدني مرورك ورأيك

أمل حمدي يقول...

ادم المصرى

صح يا آدم الكلام
ربنا يسلم يارب
نورت يا آدم

أمل حمدي يقول...

أ/Sherif

أشكر لك مرورك وردك الطيب
قرأت مقال حضرتك وتم الرد عليه
وأكيد الصورة ليست سيئة لهذه الدرجة
بل هي طفرة ستمر سريعا ان شاء الله


أسعدني تواجدك بالزمن الجميل

أمل حمدي يقول...

gogo!sf

الله يسلم عمرك يارب ياجوجو

شكرا لك حبيبتي ولردك

وربنا يستر يارب ويهدي كل مسلم اللهم امين

أمل حمدي يقول...

beautiful mind


أعلم جيدا ولكن كثير من الأخوة يرون غير ذلك
أسأل الله لشبابنا الهداية اللهم امين

يارب تكون بخير
ربنا يصلح حالك يارب

richardCatheart يقول...

الله على الكلام
بس هاختلف معاكى فى المضمون يمكن هما كده فعلا بس هانظلمهم لو حملناهم الذنب

ديما اقول اسؤ جيل جه على مصر هو جيل السبعينات ودا لاسباب كتير وطبعا مش بعمم لاء بس بقول الاغلبيه فى الجيل وبالرغم من كده الالتفاف حول فكره جمعت الكل خلقت مبدء فاطلع منهم ابطال نصر اكتوبر العظيم
فأعتقد ان فقدان قضيه قوميه مصريه عربيه هى السبب لو وجدت وجد الاختلاف

تحياتى على الكلام الجميل
ووحشنى المجى هنا اوى بس سمحينى شويه دربكه فى الوقت ربنا يساويها
تسلمى ويسلم قلمك

أمل حمدي يقول...

richardCatheart
سعدت بمرورك وبرأيك الهادف
وأنت كمان وحشتيني جدا
ربنا يصلح حالك يارب

المجهول يقول...

الأيام دول .. ودوام الحال من المحال .. والتاريخ قد يعيد نفسه أشد مما كان!!

أمل حمدي يقول...

المجهول

نعم عندك حق
الأيام دول
ودوام الحال من المحال

كل التقدير