يا عم ياللي رايح ...... السوق
هاتلي معاك كام قلم.... وبراية
خليني أكتب الحقيقة .......وأفوق
داأنا عندي كام قصة.... ورواية
كلمات كلمات شوية حروف وشوية حركات
على شوية معاني حلوة و كمان سكنات
هاقولهالك من قلبي لك أنت وأبطل سكات
أحكيلك اللي راح من عمري وكل الحكايات
الجرح جواية بيعاند وماسك في حشايــــا
أحاول أطبب وأداوي يرفض و يعاند معايا
يا جرحي ارحمني وادفن معايا هوايـــــا
لا بإيدي ولا بإيدك هوانا راح وفاتك ويايا
يا حبيبي ما تضيعش العمر في الملام
لا سبتنا نتهنى ولا حتى قلت سلام
خايفة ييجي يوم ندور مانلاقي الكلام
ارجع يا حبيبي نعيش وكفاية بقى حرام
لفيت على الأطبة واحد واحد مالقيتلي دوا
رحت لعرافة قالتلي حبيبك دا عمره ماهوى
قلت كدابة دا الحب في عينيه للقلب غـــوى
ولولا القدر ماكان عذاب ولو شفت يوم نوى
وعجبي!!!!!
بقلم ماما أمولة
هناك 26 تعليقًا:
الله الله الله
صلاح جاهين لو عايش كان اتكسف من أمولة حمدي وقال كفايه رباعيات ......تسلم إيديكي ............وحشتيني
كلمات من نور
شكرا شكرا على ذوقك
ربنا يبارك في عمرك يارب
جميله قوي وخصوصا الجزء التني جميل بجد
بيقولو مصر ولاده والجينات والهرمونات الجاهينيه ستظل بس دي استنساخ مش وراثه يا ناس
تسلم دماغك
جميل اوي يا ماما اموله
واستايل المدونة كمان تحفه
تسلم ايدك
بجد عجبني البوست اوي
تحياتي
هي وظروفها
الله يسلمك يارب
ههههههههههه
ربنا يصلح حالك اللهم امين
beautiful mind
أشكرك على رأيك وتواصلك الطيب
ويارب دايما أكون عند حسن ظنكم
دمت بكل الخير
رائعه تلك الرباعيات
والأروع ما تحمله بين طياتها من حكم
دمتي متألقة أختي الكريمه
ahmed_k
شكرا لك يا أجمد على ذوقك
تقديري
السلام عليكم
جميلة الكلمات ونظمها في رباعيات اجمل ..
تحيتي
جميله جدا الرباعيات
ديه
ياماما امولة
ومبروك على الاستيل الجديد
تحياتى
وعجبى
جميله اوى اوى ياعنى فصحه حلو عمى حلو
خالى حلو ايه الحلاوه دى
تسلم ايدك يا ماما اموله
السلام عليكم ورحمه الله وبركاته...
أردت فقط ان اسلم حتي نلتقي ...
ٍسلام الله عليكم ورحمته وبركاته ...
جنّي
وعليكم السلام ورحمة الله وبركاته
شكرا لرأيك الذي أسعدني
دمت بكل الخير يارب
بحب كل الناس
شكرا لك ابني الغالي
ربنا يصلح حالك
richardCatheart
شكرا يا حبيبة قلبي
مرورك بيسعدني دايما
ربي ما يحرمني منك يارب
فركشاوي ..ناوي
وعليكم السلام ورحمة الله وبركاته
ألف حمد الله على سلامتك يارب
الحمد لله إنك بخير
نلتقي في الخير ان شاء الله
السلام عليكم وحمة الله وبركاته
أمي الغالية ....
قريحة معطاءة تثبت يوما بعد يوم أنها قادرة علي المحاكاة بشتي صور التعبير وليس فقط المحاكاة بل الإبداع المتميز
دمت ودامت كلماتك رائعة قوية
صادق مودتي ومحبتي وخالص دعائي
محمد
وعليكم السلام ورحمة الله وبركاته
ربنا يبارك في عمرك
شكرا على كلماتك الطيبة ودعائك الخالص
دمت بكل الخير ابني الغالي
وعجبـــــــى
جميلة جدا كلماتك ورباعياتك ياماما امولة
تسلم ايديكى
احاسيس آيوشه
شكرا يا آيوشة ربنا يبارك في عمرك
دمت بكل الود غاليتي
لو من غير مجاملة تبقى روعة
وهنا المشكلة بقى
بأحاول أدور على كلمة أجامل بيها مش لاقى
خايفة ييجي يوم ندور ما نلاقي الكلام
يبقى الكلام والحديث متصلا ما دام الحب
فإن ذهب الحب ضاع الكلام وضاعت المعانى
تحياتى وخالص مودتى
الازهرى
الروعة مرورك ويكفي ولو لم تتكلم بكلمة
كل الخير لابني الغالي
ست الكل
تسلم الايادى جميلة جدا تلك الرباعيات
حسيت ان عمنا صلاح جاهين رجع من تانى
كلمات رقيقة ولها معنى ومغزى
تحياتى لحضرتك وللاسرة الكريمة ولكل اهل بور سعيد
ابو همس الأحباب
ازيك يا خالد وازي احوالك يارب دايما بخير
شكرا لكلامك الطيب
ربنا يصلح حالك يارب ويبارك في عمرك
كل التقدير
دمت بحفظ الرحمن
السلام عليكمـ
أما لكم وقفة بني الإسلام ، قد طال ليل الصمت فأفيقوا بربكم.
دولة الإرهاب الصهيونية ما عادت تفرق بين أهل غـزة ومن يساندها ، فالجميع في نظرها سواء .
إسرائيل تقتل قُرابة الـ 20 من رواد أسطول الحرية ،وتستولي على السفن بما تحمله .
من بين المصابين الشيخ رائد صلاح ، وهو في حالة حرجة في غرفة العمليات ..
آن الأوان لحاجز الصمت أن ينكسر ، وآن الأوان لشعب مصر والشعوب العربية جميعاء أن ينتفضوا ويقفوا وقفة حق .!
السلام عليكم
دى اول مرة اعلق وليا الشرف
رباعيات ولا اروع
حروف ومعاني وكلمات توصل للقلب
دمتِ بكل ود وحب
زهرة
إرسال تعليق