الخميس، مايو 06، 2010

ساعات





بتمر عليـّه  ساعات

الكلمة

مش بترضى تطلع من جواية

ساعات بحس إن حد ماسك حروفي 

مش عارفة أقوله كفاية

أمسك قلمي وأفتح كراستي 

أعد السطور وأنا بدور على الكلام

مش عارفة ليه كتر المر عامل زي اللجام

بيلجم صاحبه ويخرس اللسان

فكرت ايه السبب وليه العجب

فكري راح هنا وهناك 

اصله مافيش حد بيقدر يمسكه

رجع وقالي سيبك من اللي انت فيه

دا في برّه العجب 

غدر وظلم وذل ومهانة 

احمدي ربك واشكريه

انسي الكدر والحزن انسيه

دا لسانك لو مفكوك اربطيه

واحمدي ربك على اللي انت فيه

الحمد لله








ماما أمولة

هناك 32 تعليقًا:

Sonnet يقول...

عجبني المركب في الصورة الرئيسية...الله عليك

كلمات من نور يقول...

انا كمان عجبتني صورة المركب قوي قوي...وعجبتني الخلفية كلها وعجبني الكلام .....كله حكمه ..صح :ارمي ورا ظهرك احنا في نعمة وانسى و ابتسم (:

رحــــيـل يقول...

ايوون بالظبط كده
كلاااام فى الجون جدا يا ماما امولة
ربنا يروق بالك يارب دايما
وتكونى بخير وهنا

باحث عن حب يقول...

الحمد لله
بس
فى حاجه لما الواحد بيكون فى الحاله دى
عاوز يكتب
ومليقيش الكلام
دى نكسه ووكسه
الواحد لما مليكونش ليه حبيب غير القلم يكتب بيه
ويشكى له
هيحكى لمين
؟
مدونه
جميله

مجداوية يقول...

السلام عليكم

سبحان الذي يغير ولا يتغير , دوام الحال من المحال وهذه سنة الحياة , لكن احنا اللي بنخلي الساعات تتحول لأيام وشهور وسنين لو مأخدناش خطوة للخروج من الحالة ولكن حتما في النهاية بتتغير الحالة

وأنا كمان عجبتني صورة المركب
بقينا تلاتة
:)

صباحك فل إن شاء الله

أحــوال الهـوي يقول...

الحمد لله

سطور عميقة غائرة
و يبدو ان جرحك مثلها
و اظنها خاطرة عابرة فف الكثير من الي هامش المدونة كلمات تؤكد المعني

سيدتي

مهما كانت المرارة من نبتة فاسدة فهناك الكثير من حولك قد يضيفون السعادة الي كلماتك و حياتك

تحياتك

Tarkieb يقول...

ايه الحلاوة دي رغم المر في الكلام ..والله قلت عجبي بعد كلامك ..بصراحة حاسس بالكلام متلحن.رغم الضربات اللي تحت الحزام اللي في النصف ..وفي الاخر قلت مفيش فايدة امولة عاملة زي المغناطيس تموت في حاجة اسمها عتاب ..خلصت على كله ودخلت على حتى لسانها.. بس على فكرة انا فرحان فيه لانك وعدتي ان المرة الجاية مفيش حزن وبرضه غلفتي الحزن بالشيكولاتة.. احسن بقى

richardCatheart يقول...

تسلمى يا ماما اموله

جميل اوى

همس الاحباب يقول...

تسلم الايادى
كلمات بها من الحكمة والعبرة الكثير
والحمد لله على كل حال فدوام الحال من المحال
ومبروك النيولوك الجديد رائع جدا ومنظر القارب رائع جدا
تحياتى

من كل بستان زهرة يقول...

ماما أمولة
كلمات جميله فيها حكم كتيره
بس ياريت المر ميكونش كتير
انسي وأرمي وراء ظهرك

ربنا يسعدك دايما

ماما أمولة يقول...

Sonnet

الله عليك وعلى مرورك الجميل

ماما أمولة يقول...

كلمات من نور

هههههههههههههه

ربنا يصلح حالك يا نورانية يارب

نورت الدنيا كلها

ماما أمولة يقول...

رحــــيـل

أيوون بنوتي الجميلة

ويروقلك بالك يارب يا سارة

ماما أمولة يقول...

باحث عن حب

أولا اهلا وسهلا بك في الزمن الجميل
وأنا معك في كارثية عدم طواعية القلم لمن لاحبيب له غيره

أحسها كثيرا وأحس كلماتك


أشكرك لمرورك الطيب

ماما أمولة يقول...

مجداوية

وعليكم السلام ورحمة الله وبركاته

أكيد الحالة ها تتغير إن شاءالله

واتفضلي الصورة حبيبة قلبي :)

صباحك ومساءك زي ورد إن شاء الله

ماما أمولة يقول...

أحــوال الهـوي

نعم الحمد لله على كل شيء بصدق

أشكرك لاحساسك بكلماتي

دمت بكل الخير يارب

تقديري

ماما أمولة يقول...

Tarkieb

والله حاولت كتير أغير وصلت لكدا بالعافية

وكلمات حلوة أهي وعديها وإن شاء الله المرة اللي جاية أحسن وأحسن

أنت انسان جميل
ربنا يصلح حالك

ماما أمولة يقول...

richardCatheart

الله يسلمك يارب من كل شر

شكرا لك ولمرورك الطيب

ماما أمولة يقول...

همس الاحباب

شكرا لك يا ابو همس

ربنا يصلح حالك يارب

الله يبارك فيك يارب

القارب عاجب الكل الحمد لله

كل التقدير لك يا ابو همس

ماما أمولة يقول...

من كل بستان زهرة

شكرا لك

وربنا يسعدك ويبعد عنك كل شر يارب


سعدت بمرورك

جنّي يقول...

السلام عليكم

جميلة الكلمات يا استاذة ..

اتركي المر لاصحابه وتحرري منه ..

واكتبي واملأي سطورك وكراريسك بالامل يا امل .. معذرة يا ماما امولة ..

لي طلب من فضلك : اعلم انك من بور سعيد على حد علمي فارجو ان تطمنينا على الاخت ايناس نهر الحب ..

تحيتي

ماما أمولة يقول...

جنّي

وعليكم السلام

والله كل أمري بيد الله الحمد لله

وسأملأ أوراقي بأسمي

شكرا لك أخي الفاضل

نهر الحب بخير الحمد لله وزي الفل

كتر خيرك على سؤالك الطيب

ربنا يصلح حالك ويبارك في عمرك اللهم أمين

NeVeN يقول...

السلام عليكم

الله عليكى يا ماما امولة
تحفة البوست دة

دة احنا كدة نبقا بجد فى نعمة من عند ربنا اننا ممكن تهرب مننا الحروف مش الكلمات
بس يعمل ايه اللى لسانة دايما مربوط بحجر والحجر مرمى جوة بير والبير مالوش قرار؟؟


ربنا يهنيكى يا اجمل ماما امولة

وحشانى اوى واعزرينى على قلة التواجد

واجمل بوسة فى الدنيا لاحن ماما امولة

بحب كل الناس يقول...

السلام عليكم ورحمة الله

حقيقى كلامات رائعة يا ماما امولة

وخصوصا

رجع وقالي سيبك من اللي انت فيه

دا في برّه العجب

غدر وظلم وذل ومهانة

احمدي ربك واشكريه

انسي الكدر والحزن انسيه

دا لسانك لو مفكوك اربطيه

واحمدي ربك على اللي انت فيه

الحمد لله
غالبا ما يأتى على الواحد هذه الساعات ولكن يرزقنا الله ان نحمده
فالحمد لله

تحياتى

*الطالبة عفو الله *زوزو يقول...

ماما امولة بداية وحشاااني اوي اوي يا رب تكوني كويسة

اما عن البوست

فالحمد لله حمدا كثيرا طيبا

تحياتي

ماما أمولة يقول...

NeVeN

ازيك يا حبيبة قلبي يارب تكوني بخير وعافية يارب انت وكل حبايبك


الحمد لله يارب نعم نحن في نعمة اللهم ديمها علينا يارب العالمين

أنا عاذراك ربنا معاك يارب

وأجمل بوسة في الدنيا لأطيب بنوتة

ماما أمولة يقول...

بحب كل الناس

أهلا برفيق الصحابة

ربنا يصلح حالك يارب

نعم اللهم ارزقنا الحمد والشكر يارب العالمين

دمت بكل الخير يارب

ماما أمولة يقول...

*الطالبة عفو الله *زوزو

الحمد لله أنا بخير يا زوزو يارب تكوني في أحسن حال اللهم امين


الحمد لله والشكر لله دايما يارب

دمت بكل الحب يا زوزو

دندنة قيثارة الوجد يقول...

عندما تلتف بنا الأعاصير المدمرة .. وتحجب الفكر والبصيرة نتوه في عالم اللاوعي ونفقد الإحساس بالحروف وبالكلمات والجمل والمضامين .. لكن لو كان صاحب القلم واثق من مداده فلن ستكون هناك أ مشكلة أبدا!!

ماما أمولة يقول...

دندنة قيثارة الوجد

نعم لن تكون مشكلة ان شاء الله

شكرا لمرورك الطيب

ويكا يقول...

حقيقى جميل

وتحياتى .

وممكن نختصر اللى فوق ده ونقول :
"اللى يشوف بلاوى الناس ، تهون عليه بلوته"
هههههه ، صح؟!

عموما تحياتى لكى ، وانا حبيت اعلق على البوست الجديد بس للاسف التعليقات مش راضيه تفتح معايا

عموما البوست الجديد اجمل واجمل .

تقبلى مرورى

ماما أمولة يقول...

ويكا

أهلا يا ويكا نورت الزمن الجميل

وكلامك صح أنت جبت خلاصة الكلام

فعلا اللي يشوف بلاوي الناس تهون عليه بلوته

الحمد لله

وشكرا على مرورك الجميل

واتمنى دوام التواصل

كل التقدير لك يا ويكا