الثلاثاء، مايو 25، 2010

رباعياتي





يا عم ياللي رايح ...... السوق
هاتلي معاك كام قلم.... وبراية
خليني أكتب الحقيقة .......وأفوق 
داأنا عندي كام قصة.... ورواية



كلمات كلمات شوية حروف وشوية حركات
على شوية معاني حلوة و كمان  سكنات 
هاقولهالك من قلبي لك أنت وأبطل سكات 
أحكيلك اللي راح من عمري وكل الحكايات



الجرح جواية بيعاند وماسك  في حشايــــا 
  أحاول أطبب وأداوي يرفض و يعاند معايا
  يا جرحي ارحمني  وادفن معايا هوايـــــا 
لا بإيدي ولا بإيدك هوانا راح وفاتك ويايا

 
يا حبيبي ما تضيعش العمر في الملام
   لا سبتنا نتهنى ولا حتى قلت سلام
خايفة ييجي يوم ندور مانلاقي  الكلام 
  ارجع يا حبيبي  نعيش وكفاية بقى حرام



لفيت على الأطبة واحد واحد  مالقيتلي دوا 
  رحت لعرافة قالتلي حبيبك دا  عمره ماهوى 
  قلت كدابة دا الحب في عينيه للقلب غـــوى
  ولولا القدر ماكان عذاب ولو شفت يوم نوى
 
وعجبي!!!!!



بقلم ماما أمولة






هناك 26 تعليقًا:

كلمات من نور يقول...

الله الله الله

صلاح جاهين لو عايش كان اتكسف من أمولة حمدي وقال كفايه رباعيات ......تسلم إيديكي ............وحشتيني

ماما أمولة يقول...

كلمات من نور

شكرا شكرا على ذوقك

ربنا يبارك في عمرك يارب

هي وظروفها يقول...

جميله قوي وخصوصا الجزء التني جميل بجد

بيقولو مصر ولاده والجينات والهرمونات الجاهينيه ستظل بس دي استنساخ مش وراثه يا ناس

تسلم دماغك

beautiful mind يقول...

جميل اوي يا ماما اموله
واستايل المدونة كمان تحفه
تسلم ايدك
بجد عجبني البوست اوي
تحياتي

ماما أمولة يقول...

هي وظروفها

الله يسلمك يارب

ههههههههههه

ربنا يصلح حالك اللهم امين

ماما أمولة يقول...

beautiful mind

أشكرك على رأيك وتواصلك الطيب

ويارب دايما أكون عند حسن ظنكم

دمت بكل الخير

ahmed_k يقول...

رائعه تلك الرباعيات
والأروع ما تحمله بين طياتها من حكم

دمتي متألقة أختي الكريمه

ماما أمولة يقول...

ahmed_k

شكرا لك يا أجمد على ذوقك

تقديري

جنّي يقول...

السلام عليكم

جميلة الكلمات ونظمها في رباعيات اجمل ..

تحيتي

بحب كل الناس يقول...

جميله جدا الرباعيات
ديه

ياماما امولة
ومبروك على الاستيل الجديد

تحياتى

richardCatheart يقول...

وعجبى
جميله اوى اوى ياعنى فصحه حلو عمى حلو

خالى حلو ايه الحلاوه دى

تسلم ايدك يا ماما اموله

فركشاوي ..ناوي يقول...

السلام عليكم ورحمه الله وبركاته...
أردت فقط ان اسلم حتي نلتقي ...
ٍسلام الله عليكم ورحمته وبركاته ...

ماما أمولة يقول...

جنّي

وعليكم السلام ورحمة الله وبركاته


شكرا لرأيك الذي أسعدني

دمت بكل الخير يارب

ماما أمولة يقول...

بحب كل الناس

شكرا لك ابني الغالي

ربنا يصلح حالك

ماما أمولة يقول...

richardCatheart

شكرا يا حبيبة قلبي

مرورك بيسعدني دايما

ربي ما يحرمني منك يارب

ماما أمولة يقول...

فركشاوي ..ناوي

وعليكم السلام ورحمة الله وبركاته

ألف حمد الله على سلامتك يارب

الحمد لله إنك بخير

نلتقي في الخير ان شاء الله

محمد يقول...

السلام عليكم وحمة الله وبركاته

أمي الغالية ....

قريحة معطاءة تثبت يوما بعد يوم أنها قادرة علي المحاكاة بشتي صور التعبير وليس فقط المحاكاة بل الإبداع المتميز


دمت ودامت كلماتك رائعة قوية

صادق مودتي ومحبتي وخالص دعائي

ماما أمولة يقول...

محمد

وعليكم السلام ورحمة الله وبركاته

ربنا يبارك في عمرك

شكرا على كلماتك الطيبة ودعائك الخالص

دمت بكل الخير ابني الغالي

احاسيس آيوشه يقول...

وعجبـــــــى
جميلة جدا كلماتك ورباعياتك ياماما امولة
تسلم ايديكى

ماما أمولة يقول...

احاسيس آيوشه

شكرا يا آيوشة ربنا يبارك في عمرك

دمت بكل الود غاليتي

الازهرى يقول...

لو من غير مجاملة تبقى روعة

وهنا المشكلة بقى
بأحاول أدور على كلمة أجامل بيها مش لاقى


خايفة ييجي يوم ندور ما نلاقي الكلام

يبقى الكلام والحديث متصلا ما دام الحب
فإن ذهب الحب ضاع الكلام وضاعت المعانى


تحياتى وخالص مودتى

ماما أمولة يقول...

الازهرى

الروعة مرورك ويكفي ولو لم تتكلم بكلمة

كل الخير لابني الغالي

همس الاحباب يقول...

ست الكل
تسلم الايادى جميلة جدا تلك الرباعيات
حسيت ان عمنا صلاح جاهين رجع من تانى
كلمات رقيقة ولها معنى ومغزى
تحياتى لحضرتك وللاسرة الكريمة ولكل اهل بور سعيد

ماما أمولة يقول...

ابو همس الأحباب

ازيك يا خالد وازي احوالك يارب دايما بخير

شكرا لكلامك الطيب

ربنا يصلح حالك يارب ويبارك في عمرك

كل التقدير

دمت بحفظ الرحمن

بحـــر الدموع يقول...

السلام عليكمـ

أما لكم وقفة بني الإسلام ، قد طال ليل الصمت فأفيقوا بربكم.
دولة الإرهاب الصهيونية ما عادت تفرق بين أهل غـزة ومن يساندها ، فالجميع في نظرها سواء .

إسرائيل تقتل قُرابة الـ 20 من رواد أسطول الحرية ،وتستولي على السفن بما تحمله .
من بين المصابين الشيخ رائد صلاح ، وهو في حالة حرجة في غرفة العمليات ..

آن الأوان لحاجز الصمت أن ينكسر ، وآن الأوان لشعب مصر والشعوب العربية جميعاء أن ينتفضوا ويقفوا وقفة حق .!

( حياتى ) يقول...

السلام عليكم

دى اول مرة اعلق وليا الشرف

رباعيات ولا اروع

حروف ومعاني وكلمات توصل للقلب

دمتِ بكل ود وحب

زهرة