الاثنين، يناير 18، 2010

كلام في كلام



ازيكم  عاملين ايه يارب تكونوا كلكم بخير يارب

أنا بكتب دلوقت وما فيش فكرة معينة في دماغي 

كل الأفكار متضاربة والأحداث متداخلة

أتكلم عن إيه عن السلبية اللي بتجري في دم البشر

ولا اللامبالاة

أتكلم عن الهيافة اللي في عقول البشر 

أتكلم عن الظلم ولا الأنانية

أتكلم عن الغيرة 

أتكلم عن الحيرة

أتكلم عن النفوس المريضة

ولا أتكلم عن التدوين

ههههههههه

أصل التدوين للأسف عبارة عن عالم صغير 

بتلاقي فيه دلوقت كل الأشكال اللي ذكرتها

المفترض في التدوين إن 

التدوين فكرة سامية 

التدوين فكر

التدوين رأي 

التدوين تطلعات  للمستقبل والحياة

التدوين دعوة

التدوين موهبة 

التدوين ثقافة

التدوين علامة 

إنما يكون التدوين قلة أدب وقاعدة شلت

 وحكايات فارغة مالهاش قيمة

أو سيرة ذاتية فارغة مافيش وراها موعظة

ولا قيمة ولا فايدة

دا مش تدوين للأسف دا استخفاف بعقول البشر

دا تهوين لكل القيم

وخلط للأمور

ياريت الناس تراجع نفسها 

وتحاول تقيم أعمالها 

وإيه اللي ممكن الناس تستفيده من ورا الكلام اللي بيكتب 

ونتقي ربنا في ألفاظنا 

وسلام






هناك 36 تعليقًا:

ABOALI يقول...

مالك بس يا ست الكل
البشر الوان
لكل منه وجهات نظره
والحياه تتقبل الجميع
الزبد سيذهب جفاء واما ما ينفع الناس فيكمث فى الارض

العملة الجيدة تتطرد الخبيثة

ومن اجل الورد تسقى العلائق

ضعى ابتسامتك ثانيا على وجهك
فهناك رب يدير كونه وله حكمته


كل التحية

Sonnet يقول...

السلام عليكم
التدوين فكرة سامية و راقية
لكن الطبع يغلب فبعض المدونين يجتمعون كالشلة في النادي او العمل وتتفق اخلاقهم فيظهر في الفاظهم
ثانيا ايه النيو لووك الجنان ده للمدونة
دمتي بخير

Sonnet يقول...

لو ما فرفشتي عقابا لك تشاهدي هذه التدوينة من منشآتي العلمية
http://tabibqulob.blogspot.com/2010/01/wide-awake-heart-surgery.html
جراحة قلب مفتوح على الصاحي

محمد الجرايحى يقول...

الأخت الفاضلة: أمل حمدى
السلام عليكم ورحمة الله وبركاته
عندما نترك للقلم العنان يخرج مكنون النفس وآلامها بدون استئذان....

هى كلام فى كلام
لكن كلام فى المليان أصاب كبد الحقيقة
ولعل وعسى .... تتغير الأشياء

تقبلى تقديرى واحترامى
وبارك الله فيك وأعزك

أخوك
محمد

mohamed ghalia يقول...

ايه بس النظرة التشاؤمية دى
صحيح فى كل ده بس فى برده الوجه الأخر

أمل حمدي يقول...

ابو علي الغالي

ماليش والله بزعل قوي لما الناس تكتب أي حاجة وتبهدل نفسها
وينشروا كل الغسيل اللي اتغسل واللي متغسلش والكل يتفرج
نفسي الناس تعرف ايه اللي يتكتب وايه اللي ميتكتبش
حاضر يا ابو علي ها ابتسم

ربنا يبارك فيك يارب

أمل حمدي يقول...

Sonnet الطبيبة الحبيبة إلى نفسي

نعم كما قلتي تظهر الأخلاق من الألفاظ

أو كل إناء ينضح بما هو فيه

أمل حمدي يقول...

Sonnet

عجبك النيولوك الحمد لله

وفرفشت والحمد لله

وكفاية وجع قلب ههههههههه


ربنا يصلح حالك ويوفقك اللهم أمين

أمل حمدي يقول...

أخي الفاضل /محمد الجرايحي

أشكرك على تفهمك لقلمي وعلى ردك الطيب

جزاك الله كل الخير

ولعل وعسى تتغير الأشياء

تقديري

أمل حمدي يقول...

ابني الغالي صاحب السعادة /محمد غالية

إنها ليست نظرة تشاؤمية بل محاولة لتصحيح مسار

دمت بحفظ الله يارب

نهر الحب يقول...

السلام عليكم ورحمة الله وبركاتة
مالك بس يا امى الحبيبة فى اية ؟؟
مين ضايقك
كمان التدوين بفكرتة المثالية دى كان زمان قبل ما نعرف الناس بشكلها الاصلى
فيهم ناس هايفة وناس مدعية
وناس اخرى فوق ما تستطيع الكلمات وصفهم من حسن خلقهم
يعنى التدوين زى الحياة فية وفيه


متزعليش نفسك بس قوليلى مالك؟؟

أمل حمدي يقول...

نهر الحب

هههههههههههه

مافيش يا حبيبة قلبي والله

دخلت كام مدونة اتصدمت من الكلام المكتوب

ادي الحكاية

ربنا يهدي

اتطمني حبيبتي

سلام يا حبي

ميرام يقول...

معاكي قوي
كتير قوي بيدونو بلا هدف
وكتير قوي معندهمش رسالة او فكرة
بس الفكرة ان التدوين بقى لبعض الناس
بديل ترفيهي
(:
يعني مكان يفضفض فيه ويتكلم
المشكلة بقى مش في اللي بيقول كلام هايف ومالوش معنى
االمشكلة بجد في الي بيدخلو يصفقوا له (:
(:

أمل حمدي يقول...

ميرام

أهلا يا حبيبتي نورتي الزمن الجميل

كلامك صح المشكلة في المشجعين اللي أهيف من اللي بيكتبوا فعلا ظاهرة والله المستعان

أشكرك لمشاركتك

وأتمنى دوام التواصل

موناليزا يقول...

التدوين كما وسائل الاعلام
المشاهد هو من يختار
==
متفقة معاكِ طبعا

فركشاوي ..ناوي يقول...

الله ...الله ...الله
جميل النيوك لوك دا ..الف مبروك.. قولي هيافه مدونين قولي عليا اللي يعجبك بس لازم ابدي اعجابي بالجديد الجميل اللي ها يرجع الزمن الجميل ...
:::::واللهِ يا افندم دا الموجود نسأل الله العفو و العافيه .

أمل حمدي يقول...

موناليزا

فعلا كلامك صح

الله المستعان

أمل حمدي يقول...

فركشاوي

بعد الشر عنك أنا برضه أقدر أجيب سيرتك ليه بقى

أكيد أنت شايف زيي حال التدوين

وفعلا ربنا يعافينا ويعفو عنا

شكرا على اعجابك بالشكل الجديد للمدونة

عقبال مدونتك يا فركش

شمس النهار يقول...

اه ياااا اموله
جيتي علي الجرح

فعلا قاعدة شيلت
مش فاهمه احنا بندون والا بنتكلم علي بعض
والا قاعدين لبعض
والا ايه النظام

المفروض اننا نخبه من الناس ربنا وهب لنا شئ نتميز بيه
ونستخدمه في الخير

مش في الحاجات البايخه دي

سلامي

أمل حمدي يقول...

شمس النهار

ازيك يا شموسة ربنا المستعان

حاجة زادت عن الحد فعلا

ربنا يهدي اللهم أمين

سلامي حبيبتي

بحب كل الناس يقول...

فعلا عالم التدوين عالم صغير

بس معظم اللى دخل هذا العالم كان داخل للتعرف على هذا العالم الجديد

وربما لا يريد ان ينسحب بهدوء بعد ان رأى بعض افكاره يعجب بها اشخاص اخرين
وشئ طبيعى علشان مش لاقى حد يقولة كلمة حلوة ههههه

الزبد سيذهب جفاء واما ما ينفع الناس فيكمث فى الارض

تقبلى تحياتى يا ماما امولة

أمل حمدي يقول...

بحب كل الناس

الله المستعان ابني الفاضل

أشكرك لتواصلك الطيب

emad يقول...

فعلا للتدوين الجاد غاية عظيمة ، واثر كبير على الاجواء المحيطة ، ويكفي ذكر أن الحكومات صارت تعمل الف حساب للمدونين ، وشباب المنتديات بعد ان وجد الكثير من المشاركات الجاده الهادفة والتي استطاعة ان توجه الكثير الى الطريق الصحيح

تحياتي

أمل حمدي يقول...

emad

تقديري لرأيك

أهلا بك في الزمن الجميل

دمت بخير

صدى الصمت - عاشقة الورد - يقول...

عندك حق فعلاً للأسف فية ناس داخلة عالم التدوين على سبيل التسلية فقط
تحياتى

ghorBty يقول...

السلامـ عليكمـ

ما شاء الله

النيولوك ياخد العقل كثير حلو

التدوين

في الاخر زيه زي اي شئ

لكل شخص الحريه في فعل ما يريد وما يحاسب في الاخر هو رب العالمين

وما علينا الا النصح

وربنا يهدينا ويهدي الجميع

(مجنونه بس حنونه) (شروق) يقول...

عندك حق والله وما اكثرها الوان البش وخداعاهم للبش امثالهم وما اكثرهم الطيبون الذين يصدقون الكلام التافه الذي لا معني له ادو اللع ان يوفقك ويعينك اكثر واكثر علي كتابه كل ماهو مفيد

أبو كريم يقول...

ماما أموله

كلامك صحيح بس مين الى عكر دمك ده.. بس انا بختلف معاكى يا ماما أموله لانى بعتقد مادام التدوين مفيهوش كلام خادش حتى ولو كان فضفضه فده حق للمدون .. واحنا بقى حقنا نقيم الى انكتب او ما نقراهوش خالص..لانى وبدون فلسفه بحس ان معظم الى بيدونوا عاوزين يفضفضوا الى بيهزر والى بيحكى الى حصله كل يوم إلخ وده حقهم ...

ما تحرقيش دمك انتى بس وكفايه علينا السيول والغلاء الى كاوينا

تحياتى ليكى

أمل حمدي يقول...

صدى الصمت - عاشقة الورد -

أشكرك حبيبتي

دمت بود

أمل حمدي يقول...

ghorBty

ازيك يا مرمر

اتفضلي المدونة وصاحبتها يا حبيبة قلبي

شكرا على ذوقك

نعم كل واحد حر يكتب اللي يكتبه

وربنا هو الهادي

سلام يامرمر

أمل حمدي يقول...

(مجنونه بس حنونه) (شروق)

أهلا بك يا شروق في الزمن الجميل

وأهلا برأيك

وأشكرك عليه

دمت بكل الود

أمل حمدي يقول...

ابو كريم

لو تصدقني والله ما حد زعلني ولا أنا زعلانة غير على الناس دي

ربنا يهديهم يا ابو كريم

ولو كان على الفضفضة كل واحد جواه بركان وعايز يتكلم لكن مش مع أي حد ومش أي حد اللي ينصح

الله المستعان
وأشكر لك ردك الطيب
دمت بخير

كلمات من نور يقول...

ربي يبارك فيكي كلامك صحيح وفعلا الواحد بيصدم ساعات من المكتوب في بعض المدونات اللي بنحسبها على خير ...بس الواحد بيعمل اللي عليه وبينصح البعض مرة ومرتين علشان فعلا الواحد بيتمنى الخير والصلاح للكل ..تعرفي يا أمل أحيانا بادخل على المدونات واحاول الاتصال بأصحابهم بعيد عن المدونة و أنصح علشان من رأى منكم منكرا فليغيره .ساعات بتلاقي ردود فعل إيجابية وربي يكرم كل من يمتثل لله والحق و أحيانا لا ...أم البنات تضحك وتقولي حجيبك مرة من القسم علشان مش كل الناس تحب النصح ..أقولها أنا باعمل لله ولا أخاف فيه لومة لائم وطالما إحنا نريد خيرا في عالم التدوين يبقى مش حاتغير واللي يسمع لي مش بيسمع لي أنا كشخص بل يسمع صوت الحق...وفقنا الله جميعا لما يحب ويرضى ولا تحزني سيدتي و طالما أنتي تريدي الحق يبقى ربي معاكي إن شاء الله...تحياتي

أمل حمدي يقول...

كلمات من نور

ازيك يا غاليتي وكيف حال صحتك

قرأت في أحد المدونات أنك سوف تجري جراحة

أتمنى من الله أن تكوني بكل خير وصحة اللهم أمين

ونفسي في نمرة تليفونك علشان اطمن عليكي

صدقا اني احبك في الله

ربنا معاكِ أختي الغالية

وربنا يهدي كل الناس

دمت بكل الخير

فشكووول يقول...

السلام عليكم أمل هانم

انا من الاول قلت ان ماما اموله يا اما تكون امل يا اما تكون آمال والامال جمع امل مش حتفرق

تحياتى

لقد اثرتى فى نفسى الشجون
المفروض ان التدوين مسئوليه
يعنى بنكتب حاجات الناس بتقراها
والمفروض ان يكون لها هدف سامى
والمفروض ان يكون لها رساله عايزين نقولها للناس
مش اى كلام واى تهجيص
مفروض ان تكون على درجه عاليه من الاحترام
احترام للزملاء واحترام لعقلية القارئ
ودا اللى انا بحاول اعمله
احنا بندخل بيوت بعض .. ولابد ان ندخل البيوت من ابوابها
يعنى مش لازم نرفع التكليف ونقول يا امل او يا كذا ..
قليل من الاحترام كثير من المعلومات القيمه التى تفيد الاخر
احترامى لك سيدتى

فشكووول يقول...

السلام عليكم أمل هانم

انا من الاول قلت ان ماما اموله يا اما تكون امل يا اما تكون آمال والامال جمع امل مش حتفرق

تحياتى

لقد اثرتى فى نفسى الشجون
المفروض ان التدوين مسئوليه
يعنى بنكتب حاجات الناس بتقراها
والمفروض ان يكون لها هدف سامى
والمفروض ان يكون لها رساله عايزين نقولها للناس
مش اى كلام واى تهجيص
مفروض ان تكون على درجه عاليه من الاحترام
احترام للزملاء واحترام لعقلية القارئ
ودا اللى انا بحاول اعمله
احنا بندخل بيوت بعض .. ولابد ان ندخل البيوت من ابوابها
يعنى مش لازم نرفع التكليف ونقول يا امل او يا كذا ..
قليل من الاحترام كثير من المعلومات القيمه التى تفيد الاخر
احترامى لك سيدتى