الاثنين، ديسمبر 28، 2009

عفواغزة أنت في القلب لن ننساك










لملم يابا أشلائي و لملم


اوعاك تبكي على جرحي و تتألم


متنساش تاخد عروستى


وشنطتي و كراستى





وكتاب العروبة اللي متعلمتوش


وكمان صورنى


و خلى الناس تشوف الجرح اللي مايتلملم





تشوف ازاى بتنهد علينا بيوتنا ما نستسلم


لملم يابا اشلائى و لملم





لملم زرعتي اللي رويتها بدمي

  



ازرعها تاني





وخلي لون الدم يفكرك تاري





اوعاك يابا تنسى تاري


تنسى حزنك عليا و تداري


تاري يابا يرجع لى داري


تاري يابا تزرع لى اشجاري





تاري يابا متنسهوش





بايدك يابا لغيرك متديهوش





ولو عجزت يابا





قول لاخويا





السلاح في ايده مايسيبوش





لملم يابا اشلائي لملم





اوعاك تبكي على جرحي و تتألم





******************



إن شئت أن تصرخي فاصرخي

فما عاد يجدي البكاء

صغيرتي

القوم أرهقهم الغباء

فما عادوا  يفرقون

بين غاصب 

وطفل جائع ارهقه

الاستغناء

حبيبتي صغيرتي

غدا موعده قريب

وعد  

رب السماء


ماما أمولة


هناك 58 تعليقًا:

موناليزا يقول...

موجعة جدا

اللهم الطف بنا فيما جرت به المقادير

شمس النهار يقول...

مش عارفه هو مش هيجي اليوم اللي ننام واحنا مرتاحين من الموضوع ده

معقول مالهاش حل
نفسي اعرف هو بيتعمل كده ليه هي مش غزه دي اخدها الفلسطينين

والا اسرائيل عايزه تثبت انهم مش قد المسؤليه والا ايه

سلام

اللؤلؤة يقول...

السلام عليكم
كلمات جعلتنى أنهار من البكاء
على تقصيرنا فى حق أهلنا لا بل تخاذلنا
وضعفنا وقلة حيلتنا

بحـــر الدموع يقول...

السلام عليكمـ

ماما أمولة ..

موجعة تلك الكلمات بوجع الألم الذي يسكننا .!
لكن حياتنا علمتنا أن الكلمات الجافة لا تصنع معروفاً لأحد.

غداً سيبزغ فجر الإسلام من جديد وستبرق أضواء غـزة بعد إنقطاع طويل.

جزاك الله خير الجزاء
ودمتم بخير

ماما أمولة يقول...

موناليز


اللهم أمين

ماما أمولة يقول...

شمس النهار

أكيد هاييجي اليوم دا وهانام من غير هم لكن امتى الله أعلم

لا اسرائيل عايزيين يخلصوا منهم بيضيقوا عليهم الخناق إلى أن ييأسوا ويستسلموا ويستغنوا عن القدس ويتركوها لهم

حسبنا الله ونعم الوكيل

ماما أمولة يقول...

اللؤلؤة


اسفة استاذي

حسبنا الله ونعم الوكيل

ماما أمولة يقول...

بحر الدموع

وعليك السلام

الكلمات الجافة لا تصنع معروفاً لأحد.

أعلم ولكن ما العمل ونحن محكومون بالحديد والنار

سننتظر معكم هذا الغد وأنا اؤمن به لانه وعد الله

فرج الله كربكم وكربنا

أم أحمد المصرية يقول...

وجعتني ي ماما امولة
الحياة بتاخدنا من موضوع لموضوع و تبعدنا و تنسينا
سامحينا يا غزة

كلام عيب يقول...

بصى مش غزه بس اللى مش مفروض تتنسى
و لا العراق تتنسى و لا افغانستان تتنسى
احنا ليه حاسين لوحدنا بعقده الذنب
و الدول العربيه كلها واقفه تتفرج و تقول مصر و اللى فيها
و هما ايه
على راسهم ريشه
عندهم فلوس و امكانيات
ما يتلحلوا بقى شويه
بلاش نحس بذنب مش لوحدنا اللى فيه
و بلاش نغمه مصر السبب
ما اخدناش حاجه من العرب غير النكران

Sonnet يقول...

السلام عليكم
معك حق فالزمن لن ينسينا الأحداث الأليمة لغزة
و خاصة أنها لا تزال في مأزق و حصار و لم تحل مشكلتها

mohamed ghalia يقول...

لمستى الوتر الحساس يا أمى
كلماتك رائعة

ماما أمولة يقول...

أم أحمد المصرية

سلامتك يا حبيبة قلبي

هي الحياة

ماما أمولة يقول...

كلام عيب

ماشي ها ننساهم

ماما أمولة يقول...

Sonnet

نعم ربنا يفرج كربهم

ازيك دلوقتي يارب تكوني بخير

ماما أمولة يقول...

mohamed ghalia

لازم نلمسه ونحسه علشان يبقى شاهد انه أضعف الايمان يا محمد


شكرا يا محمد

rovy يقول...

قلبى وجعنى..لطفك يا ارحم الراحمين ..
كلماتك رائعه و معبره جدااا

تحياتى لكى

الشجرة الأم يقول...

سلمت أناملك .. وفلسطين .. أرض العرب وأرض الإسلام وأرض الأمة غصبا عن الكل.

شفـقــة و إحســــان يقول...

امى حبيبتى الله عليكى وعلى كلامك يسلملنا قلمك وكتابتك
صور معبرة وكلمات حزينة ومؤلمة ومليئة بالوجع
ربنا يرفع عنهم وينصرهم
كل سنة وانتى طيبة وبالف صحة وسعادة
شفقة

ماما أمولة يقول...

rovy الغالية

ربنا يسلم قلبك وينصرنا اللهم امين

شكرا لك حبيبتي

ماما أمولة يقول...

الشجرة الأم

سلمت من كل شر حبيبتي

نعم غصبا عن الكل

ماما أمولة يقول...

شفـقــة و إحســــان

ازيك يا حبيبة قلبي الله يسلمك يارب

وأنت بكل خير وربنا يحققلك كل ماتتمني يارب

حنين يقول...

ازيك يا ماما اموله
كلمات جميله ربنا يبارك لك
وينصر الاسلام والمسلمين

الازهرى يقول...

تفتكرى ان الحرب هناك فى غزة وبس ؟
الحرب فى كل مكان وغزة هى ابسط الحروب التى نواجهها
تخيلى ان هناك من الشباب من لا يدرى شيئا عن ذلك فقط كا يذاع فى الاخبار
تخيلى اننى عندما سألت أحدهم عن قرار الامم المتحدة رقم 148 الخاص بالتقسيم لم يسمع عنه من قبل
تخيلى اننى عندما سألته ما الذى ستفعله كموقف لك تجاه ما يحدث أجابنى انه لا يشغل عقله بمثل هذه الامور فما سيصير سيصير
لا بد من ان نحارب هدم العقول اولا وبعدها فمن السهل حرب السلاح

تحياتى دوما

☼♫♪ عمــاد الدين يــوسف ☼♫♪ يقول...

امي العزيزة

رائعة ابياتك .. رائعة مشاعرك .. ولو ان كل أمهاتنا كانوا بينموا فينا قيمة الحق والحرية والكرامة .. لما اندثر الحر .. وعلا الباطل والمنافق الإمعة

تحياتي

ماما أمولة يقول...

حنين

شكرا يا حبيبتي

اللهم امين

ماما أمولة يقول...

الازهرى

كلامك صح والله سبحانه وتعالى

أمرنا بإعداد العدة

والعدة ليست سلاحا فقط بل

علم وايمان وبهما القوة يا أزهري

وهو ما يعلمونه جيدا

وانظر لحال التعليم وأنت تعلم

الله المستعان يا ازهري

ماما أمولة يقول...

☼♫♪ عمــاد الدين يــوسف ☼♫♪


ابني الغالي

جزاك الله خيرا

وكن أنت الأب الذي يبذر في أولاده الحق

وبكم ستتغير الدنيا

Sonnet يقول...

ماما أمولة
جزاكم الله خيرا على الزيارة و الدعاء
اللهم إني أحبك في الله
اللهم فاشهد
أختك SONNET

Dr Ibrahim يقول...

ولا تحسبن الله غافلاً عما يعمل الظالمون..
فالحق سوف يعود لأصحابه..

ماما أمولة يقول...

Sonnet

أحبك الذي أحببتني من أجله

جزاك الله كل الخير ابنتي الغالية

ماما أمولة يقول...

Dr Ibrahim

نعم أؤمن بما قلت

جزاك الله كل الخير

فشكووول يقول...

ماما اموله هانم العسوله

لملم يا بابا اشلائى .. ازاى وهما ما لهمش لا بابا ولا حتى ماما

وكتاب العروبه اللى ما اتعلمتوش
سؤال برئ جدا .. هو فيه حاجه اسمها عروبه.. ولا فيه حاجه اسمها عرب؟

آخر سمعى عن العرب دا كان ايام فحت البحر ايام ولادتى وبعدين ما سمعتش خبر عن الجماعه دول.. دول العرب لما حبوا يقولوا احنا آهه حيبنوا جدار من الفولاز على حدود غزه .. مش هما بيقولوا عن مصر برضه بلد عربى

القوم ارهقهم الغباء ..فما عادوا يفرقون

نهــــــــــار يقول...

اكتبوا بدمائكم يا شهداء....اكتبوا النصر لله بكل اباء
اكتبوا قسما ستهزمو يا أعداء .....
اكتبوا بكل فخر يا شهداء...
اكتبوا ستذوقون جهنم في الأرض قبل السماء..
اكتبوا يا شهداء....
ما نفع الحياة ذليلا إن المقر جنة السماء..
اكتبوا يا شهداء...
اكتبوا في كل الانحاء..
قسما سيهزم العدو دوما ..
بإذن رب السماء

كلماتي ....
في أمان الله

ماما أمولة يقول...

فشكووول

ألف حمد الله على سلامتك نورت الزمن الجميل

لا ما فيش حاجة اسمها عروبة علشان كدا متعلمتهوش

نعم يا فشكول أرهقهم الغباء

حسبنا الله ونعم الوكيل


نورت الدنيا يا فشكول يارب يالصحة

ماما أمولة يقول...

نهــــــــــار

ما أجمل كلماتك حبيبتي

دمت بود

كلمات من نور يقول...

حسبي الله ونعم الوكيل

كلمات موجعة ويا لهف قلبي على كل ما يحدث ولا نملك سوى البكاء و الحزن على ما يحدث لأخواننا و أهالينا هناك وفي كل مكان.

ماما أمولة يقول...

كلمات من نور

نعم حسب الله ونعم الوكيل

لانملك غيرها


تقديري اختي الغالية

نهر الحب يقول...

لك الله ياغزة
مش عارفة اقولك اية
بس اكيد انتى حاسة باللى جوايا انا وكل عربى
مسلم ونصارننى

حسبى الله ونعم الوكيل فى الحكومات العربية كلها
حسبى الله ونعم الوكيل فى الجزى العربى

ماما أمولة يقول...

نهر الحب

ايوة حبيبتي حاسة باللي جواكي

حسبنا الله ونعم الوكيل بعدد كل مظلوم اللهم امين

gogo!sf يقول...

كل سنه وانتى طيبه يا ماما

والسنه دى تكون افضل كتير من اللى فاتت
علينا وعلى اهلنا فى غزة
ربنا يفك اسرهم واسرنا احنا كمان

جوجو

قوس قزح يقول...

الاول كل سنة وانتى طيبة و دايما بخير يارب و السنة الجاية تكون خير عليكى اكتر من اللى فاتت

ثانيا البوست موجع جدا و صوره اصعب مش لانهم اخوة عرب لكن علشان الاطفال ..ربنا ما يكتب على اولادنا فى يوم من الايام نوصل للحال ده .. مع انى اشك فى الحكاية دى
يارب السنة دى عليهم تكون رحم من السنة اللى فاتت

تحياتى

ماما أمولة يقول...

gogo!sf

وأنت طيبة يارب وبخير

اللهم أمين

شكرا حبيبتي

ماما أمولة يقول...

قوس قزح

وأنت طيبة يا طيبة

ربنا يجعل كيدهم في نحورهم ويقينا أن شاء شهرهم اللهم أمين

وان شاء الله تكون سنة خير عليهم وعلينا

نورت الزمن الجميل

م/ الحسيني لزومي يقول...

عام سعيد وكل عام انتم بخير
نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن30 يوم

ماما أمولة يقول...

م/ الحسيني لزومي

وأنت بكل خير يارب

تقديري لمجهودك

جزاك الله كل الخير

فركشاوي ..ناوي يقول...

ماما أموله ...
رغم الحزن و الألم ...
فلا يزال فينا الأمل..
في من خلق الخلق وحده ..
كل عام وأنتم بخير .

ماما أمولة يقول...

فركشاوي ..ناوي

ونعم بالله

وأنت بخير يارب

محمد الجرايحى يقول...

أختى الفاضلة
السلام عليكم ورحمة الله وبركاته
أحيي مشاعرك الطيبة وكلماتك النابعة من ضمير يقظ حر...
ستظل غزة تحيافى ضمير كل مسلم
وستظل شوكة فى قلب كل خائن

المتبهـدلـون فـي الأرض يقول...

حسبنا الله ونعم الوكيل في اللي حصل واللي بيحصل في غزة ...

حيشوفه حكام العرب في الدنيا.. قبل موتهم إن شاء الله

من عام ..في غزة .. حتى الآن ..لم يقدر عقل استيعاب ما قد حصل .. الدنيا كانت تمطر لهب

واحد من العمال يقول...

السلام عليكم

نعم غزه أنتِ فى القلب
مهما بنوا ألف جدار للعار

وجزاكِ الله كل خير

ماما أمولة يقول...

أخي الفاضل / محمد الجرايحي

وعليكم السلام ورحمة الله وبركاته


نعم أخي ستظل شوكة

جزاك الله كل الخير

ماما أمولة يقول...

المتبهـدلـون فـي الأرض

نعم حسبنا الله ونعم الوكيل

تقديري

ماما أمولة يقول...

واحد من العمال

وعليكم السلام ورحمة الله وبركاته

نعم حتى لو بنوا ألف ألف جدار من العار

لن ننساها

دمت بخير أخي الفاضل

Sonnet يقول...

اهنيك على تحديث موقع اللغة العربية بالتوفيق

أ / أحمد عبد المنعم يقول...

بسم الله الرحمن الرحيم

الأخت الفاضلة : ماما أمولة

لم تغب غزة عن ذهنى لحظة
ولم تجاوز مشاهد أهوال المعركة مرآى

زرت مدونة ( نهر الحب )ووجدت نفس الموضوع فهاجت مشاعرى لأكتب ما سأورده هنا ولم أنشره بعد عندها ...

( ماذا أقول وفى نفسى من الألم ما قد يفجر بركانا من الحمم )

" ما سأقوله ليس شعرا بل خاطرة قريبة الشعر "

يا أخت أمتنا يا نهر كلمتنا أخشى عليك هول بطش مكمم

دعى الكلام لأهله و تحفظى خوف الهلاك على رماح مغمّم

خافى على لقم الطعام الآتية ألا تكون بحلق كل مفطّم

خافى صراخ الأم ، نحو وليدها تهفو حراب من لا يحلم

خافى من الأحزان تنخر فى قلوب القوم من زحف العدو الأعظم

خافى فإن متاع جنة أزلفت خلقت و زينت لكل مذمّم

هذا كلام البله سيق لعله يجلى و يبرز جهل من لا يعلم

جعل الجهالة ثوب ستر ناعم يخفى ويستر عيب من لا يفهم

كونى كما خلق الإله نقية ترجو السعادة والنجاة لأى مُنقّم

يرجو النجاة لأهله ولنفسه من بطش ذل من لا يرحم

هيا إلى الله نروم رضاءه أين السبيل ؟ , وأين قول النوم ؟

ماما أمولة يقول...

Sonnet

الله يبارك فيك حبيبتي

جزاك الله كل الخير

ماما أمولة يقول...

أخي الفاضل أ/ أحمد عبد المنعم

حمد الله على سلامتك أخي الحمد لله إنك بخير

والله يا أخي الفاضل ما في قلوبنا من ثورة وغضب لما جرى ويجري من تجاوزات فاقت الحد وخرجت عن كل عرف ودين

وما وسيلتنا في التعبير عن هذا سوى ما نكتب قد ينفث عنا أحيانا ويزيد من عجزنا أحايين
ولا حول ولا قوة إلا بالله
أخي الفاضل
رائع ما خط قلبك من كلمات ونحن فعلا لا نعمل لغير الله ولا نخشى سواه
جزاك الله كل الخير
تقديري لحضرتك وسلامي لكل الأسرة
دمتم جميعا بكل الخير