الثلاثاء، ديسمبر 22، 2009

الشاعر






الشاعر زي الجمل بيخزن 

و بيجتر المشاعر

يوم يفرح و يوم يحزن 

و يوم بالحب شاعر

ويوم  يغني ويوم متهني 

 ويوم بالألم شاعر

ليه تحاسبوه على كل كلمة

 هو بها شاعر

 خلوه يعبر على اللي جواه

 زي ما هو شاعر

  يتكلم عن الحب دا بيحب 

وتتقام المشانق

ولو هاجم البلد دا ثائر

ولو أيد دا منافق

ولو اتكلم عن العذاب دا بيقاسي

وحبيبه خانه وفارق

لكل كلمة عندهم حكاية

لحد مايزهق ويفارق

يا ناس

 ليه تحجروا على المشاعر 

 دا الشاعر زي الجمل بيجتر المشاعر





هناك 34 تعليقًا:

Tamer Nabil يقول...

كلمات جميلة


المشاعر والاحساس والتعبير عنها حق لكل انسان ومش من حق حد يمنع حد ويكون حاجز بينة وبين ما يبدع


ربنا يوفقك ويكرمك

مع خالص تحياتى

ماما أمولة يقول...

اهلا بك ياتامر في الزمن الجميل

شرفتني بزيارتك واتمنى دوام التواصل

اللؤلؤة يقول...

السلام عليكم
حضرتك بترصدى حالة الشاعر
ورد فعل الناس على ما يكتبه
الشاعر محاولين تفسير ما بداخله
خالص تقديرى

ماما أمولة يقول...

اللؤلؤة

التقدير لك أخي الكريم

دمت بكل الخير

قلب فارس يقول...

بلا تعليق كلامات رائعة

ماما أمولة يقول...

قلب فارس

من غير رد

نورت المدونة

أ / أحمد عبد المنعم يقول...

بسم الله الرحمن الرحيم


الأخت الفاضلة : ماما أمولة


( أنا شاعر إنى دلوقتى شاعر

شاعر إنى بقول كل المشاعر

حب وحنين وتقوى وإيمان كأنى فـ مشاعر )

كفانى بكاء لأى اجترار لأية مشاعر

سأرنو بشعرى برغم المكائد بحب وعشق

عشقت إلهى فلا أخشى إلا حديث الإله

وقول محمد كذا أتقيه لأنى أحب كل المشاعر

فلا تنظرى إلى الخاملين فلا خير فيمن تضجه مشاعر

وكونى من اسمك شيئا كبيرا يضخ المشاعر

لعل الحياة تفوح العبير يحرك فى النفس أحلى مشاعر

ماما أمولة يقول...

أ / أحمد عبد المنعم

برقيك ترتقي كل المشاعر

على فكرة لن اتنازل عن تدوينات شعرية بقلمك

ما شاء الله فأنت ايضا شاعر


تقديري لك أخي الفاضل

بارك الله فيك

كلمات من نور يقول...

سبحان الله منذ دقائق كنت اقرأ سورة الشعراء وكم أحب قول الله تعالى عن الشعراء فهو قول بليغ ..قول الله العظيم
حمدا لله على سلامتك يا سيدتي و ألف لا بأس ..طهور إن شاء الله ..خلي بالك على رقبتك وياريت لو بتعملي علاج طبيعي تخلي الطبيب يعلمك تمارين باعملها لرقبتي دايما علشان اصل أختك عمودها الفقري كله في التمام ولله الفضل والمنة ..وياريت تزوريني في مدونة لحظة نور أنا حاطة مواقع وملفات خاصة للاسترتشات وممكن أمدك بملف كامل عن تمارين الرقبة ..سلمك الله من كل سوء

norahaty يقول...

كلمات جميلة
منتقاة بعناية

ABOALI يقول...

مين قال دى مشاعرى لوحدى
نظرة جواه النفوس هاتكونوا مثلى
انا انسان وانتم كمان زيى
كلامى عن الحب مش بس مشاعرى
مش فى ساعات بتمر عليكوا
عاوزين نسمع فيهافيضان كلمات بتجرى
بتوصف حالة كنا فيها
اه عليكم احتار فيكم امرى
مش ذنبى انى عندى مشاعر
وقلبى بيطير هنا وهناك
من كل بستان زهور والوان
هنا الابيض بينادى علينا
البراءة دى موجودة فينا
والاحمر لون دمى
ليه يا ناس تحتاروا فى امرى
شاعر وهاكون كده طول عمرى
وهافضل دايما احبكم
لانكوا انتم انتم قلبى



اكيد من كتب البوست هو فى الاساس شاعر
وكان اد ايه جميل ومحترم ومليان مشاعر


تحياتى يا رائع

همس الاحباب يقول...

حمدلله على سلامتك يا ست الكل
وتسلم الايادى
كلمات رائعة جدا
والفاظ معبرة جدا جدا
تحياتى

ماما أمولة يقول...

كلمات من نور

الله يسلمك يارب ويشفيك ويعافيك اختي الفاصلة

جزاك الله كل الخير واثابك ونفع بك اللهم امين

سأزورك ان شاء الله

دمت بكل الود

ماما أمولة يقول...

norahaty

شكرا لك حبيبتي

دمت بكل الخير

ماما أمولة يقول...

ابو علي ياغالي

انت بجد اخ جميل اعتز به

ودايما مشاركتك اضافة ليا

والله انت اللي جميل ومحترم

ربنا يصلح حالك

ماما أمولة يقول...

ابو همس وشابي

الله يسلمك يارب يا خالد

شكرا لوجودك في زمني الجميل

Sonnet يقول...

عزيزتي ماما أمولة:
الشاعر هو قمة الضعف الإنساني تتجلى في كلمات و أبيات
أشكرك على النظم الجميل

ghorBty يقول...

الله يا ماما اموله

الله الله


كلام جميل والله

تعرفي انا مش بعرف اكتب لا تطلع الكلمه الا لما احساها وللاسف كل احاسيسي بتكون في حالة حزن وطبعا الكلام بيطلع زي ما انتي عارفه :( خليها في سرك

بس برتاح ولو قليل لما بعبر عن اللي جوايا وساعات كتير بيطلع الكلام برضوه مكتوم ووراء الحروف احساس تاني ومعني تاني مش بيفهمه غير اللي عارفني وفاهمني دا اللي بيقدر ومش بيلوم

اما اللي ينتقد فمالوش ملام عندنا لانه اصلا مش دايق اللي احنا فيه ولا احنا نتمني لحد انه يضايق

ماما أمولة يقول...

Sonnet

شكرا حبيبتي

ماما أمولة يقول...

ghorBty

لا طلعي اللي جواكي واكتبيه وقيميه وعيدي كتابته مرة واتنين

هاتلاقي حاجة حلوة لانها صادقة

شكرا يا حبيبتي لمرورك الذي يسعدني كثيرا

☼♫♪ عمــاد الدين يــوسف ☼♫♪ يقول...

العزيزة ماما أمولة
بجد تسلم وجاهة موضوعك ومشاعرك ، بجد انتي ناقشتي موضوع شديد الاهمية ، انا عن نفسي بعاني كتير منو ، فيوم منافق ويوم غاوي شهرة ويوم حتى عميل
بجد لازم نتعلم ثقافة قبول الآخر ، عمر ما كان احتقار المخالف حتى في العقيدة من سمات دينا الحنيف ، بس الحاصل ده منطقي لاننا بعدنا اصلا عن تعاليم دينا ، او بالاحرى اخدنا منو اللي يناسبنا ولفظنا اللي بيتعارض مع اهوائنا

تحياتي

واحد من العمال يقول...

السلام عليكم

طبعاً لأنه شاعر
الكل بيشعر بيه وبما يقوله
بس كلٌ بيشعر بيه وبيفهمه على مزاجه
وساعات يفضل المعنى فى بطن الشاعر

ودمتِ بخير حال

ماما أمولة يقول...

☼♫♪ عمــاد الدين يــوسف ☼♫♪

ابني الغالي كيف حالك

كل عام وانت بكل خير يارب وازي بنوتك يا رب تكون في أحسن حال

ربنا يعينك على قليلي الفهم فهم كثر

ولكنها دنيا بكل ما فيها

تقديري لمرورك

ماما أمولة يقول...

واحد من العمال

صدقت أخي المعنى في بطن الشاعر

ولكنهم متطفلون

سعدت بمرورك الطيب

كل عام وانت بكل خير يارب

أ / أحمد عبد المنعم يقول...

بسم الله الرحمن الرحيم

دعوة

لقراءة مقال كتبته على مدونة
أحب أسرتى

http://noghos.blogspot.com/

فركشاوي ..ناوي يقول...

زي الجمل و أكتم جواي ...
زي الجبل شايل هموم ...
الناس آآآه يا بااااي
ولا يرحموك من لسان زفر
ويقابلوك بوش عِكر
و قليل منهم يفتكر ...
انك صاحب فضل عليه ...

ماما أمولة يقول...

أ / أحمد عبد المنعم

علم وينفذ

ماما أمولة يقول...

فركشاوي ..ناوي

اه والله يا فركشاوي

ربنا يسامح الجميع


نورت الزمن الجميل يا فركشاوي

مُهاجر يقول...

الشاعر كله مشاعر ورقه..
ودايما بيطلع الكلمه بدقه ..
زي ما هو شاعر شاعر بمشاعر الناس.
جعلنا الله واياكم من المهاجرين اليه .

ماما أمولة يقول...

مُهاجر

اللهم امين

شرفت الزمن الجميل

الازهرى يقول...

أمى الغالية

رجعت من تانى وباذن الله من غير انقطاع

الكلمات جميلة

وحبيبه خانه وفارق

نفسى اسأل ليه كل الكلام فى الحب عن الفراق والهجر
فين الفرحة والبهجة
فين الحلم ببكره
الحاجات دى ليه الشعراء نسيوها ؟

ماما أمولة يقول...

الأزهري

مش بقول منور يا أزهري

أنا بحلل تفسيرات الناس على كلام الشاعر انهم مع كل كلمة لهم تفسير على هواهم

ربنا يكفيك ويكفينا شرهم

بحـــر الدموع يقول...

السلام عليكمـ

ماما أمولة..

ما اجملها من كلمات ..
جميلة جداً

جزاك ربي خير الجزاء

ماما أمولة يقول...

بحـــر الدموع

لا تعلم ما مدى سعادتي بردك

ربنا يصلح حالك ابني الغالي

دمت بكل الخير