الاثنين، أبريل 27، 2009

وبشر الصابرين






أحبتي أبنائي وبناتي وإخوتي وأخواتي

وحشتوني كلكم

الصراحة مش عارفة أبدأ كلامي منين ها أقول الأول الحمد لله

وكمان ها أقول اللهم اجعلني من الصابرين المحتسبين اللهم أمين

بنتي الصغيرة أماني عندها 11 سنة

في الصف الخامس الابتدائي

بتحب الخروج وبتحب الناس ودايما تساعدني في شغل البيت

وكنت بقول أماني دي ايدي ورجلي

لاحظت عليها إن مشيتها تغيرت وكنت بقولها

امشي كويس يا أماني وساعات والدها يزعقلها اعدلي مشيتك

وكانت بتيجي على نفسها وتتحامل على رجلها وتحاول وتحاول

لكن فجأة حالتها ساءت وبسرعة غريبة مش قادرة تمشي

أخدتها لدكتور قالي محتاجة لعملية لتطويل وتر بالرجل الشمال

وقالي نعمل اشاعات ونتأكد قبل ما أخدها وأسافر المنصورة

والمفروض اننا نعمل الأشعة النهاردة

لكنها وقعت امبارح وفقدت القدرة على تحريك رجلها بسبب الألم الذي لاتستحمله

أخدناها على المستشفى وعملنا الأشاعات

والمفاجئة انه لم يكن وترا ولكنها عظام مفصل الفخذ تباعدت عن بعضها منذ زمن

ونموها الطبيعي بدأ يتأثر بهذا العيب وسقوطها عمل على مزق آخر في المفصل مما أدى إلى تطور حالتها

سبحان الله والحمد لله

وأمر الطبيب بعمل شدة لرجلها لمدة ثلاث أيام وبعدها ستجرى لها عملية تثبيت للمفصل

بوضع مسمارين فيه

الحمد لله

سوف أسافر ان شاء الله الى المنصورة يوم الخميس

لاجراءالفحوصات وتحديد موعد اجراء العملية

سوف اتغيب عنكم لفترة اطمنوا ان شاء الله خير من الله

أسألكم الدعاء












هناك 59 تعليقًا:

ABOALI يقول...

انه القريب منا
ويعرف المصير عنا
فلا نملك الا
ان ندعوه برفع البلاء عنا
و طلب الشفاء لكل عزيز منا
ربيناه وسعد معنا
فيا الله نسئلك
ان كان لنا رجاء
ويقينا ونحن الضعفاء
اشفى وعافى امانى
واعطها من فضلك من كل نفيس وغالى




شفاها وعفاها الله ان شاء الله

ABOALI يقول...

دى ارقام تليفوناتى
ان احتجتى الى اى شيىء
لا تتردى فنحن اخوه
خلقنا الله انسان من معين واحد

0184080070
0116667500

aboali26m@yahoo.com

ادم المصرى يقول...

الهم ار فع بلائك عنا واشفى مرضانا ومرضى المسلمين

مـجـنـووون يقول...

الف سلامه عليها

وأن شاء الله ترجع احسن من الاول

والله يكون في عونك
ولو احتجتي أي حاجه أنا تحت أمرك

تقبلي مروري
مجنووون

جنّي يقول...

السلام عليكم

الف سلامة وربنا يتم شفاءه عليها ان شاء الله ..

ويطمنكم عليها وترجع احسن بفضل الله تعالى ..

مسدس صغير يقول...

نسأل الله العظيم رب العرش العظيم ان يشفيها
قادر على كل شئ وليس لنا سواك
اذهب الباس رب الناس
ربنا يشفيها ويعافيها

بحـــر الدموع يقول...

السلام عليكم

ألف سلامة على بنتك ماما امولة
وربنا يكتب لها الشفاء العاجل بإذن الله تعالى
طمأنينا على حالها فور عودتك
دمت بخير...


لا تنسوا اخوانكم في غـزة من دعائكم

||..بحــر الدموع..||

ahmed_k يقول...

ألف ألف مليون سلامه عليها
وأسأل الله العلي القدير أن يمن عليها بالصحة والعافيه
وأنه يجعله عسر يتبعه يسر عاجلا غير مؤجلا
وترجع أفضل مما كانت إن شاء الله

الحمد لله هي سنها لسه صغير وعمليات العظام في السن دي بيكون نجاحها نسبته عاليه جدا
فإن شاء الله ترجع بخير وبأفضل حال

ايوشة يقول...

الف سلامة عليها ربنا يشفيها ويعفو عنها يارب ان شاء الله خير بان الله وترجع زى الاول واحسن كمان

الربان يقول...

تحياتي

نسأل الله الشفاء العاجل للابنة العزيزة
و أن يجعلكم من الصابرين ان شاء الله.

وأشكرك لانك سردتي الموضوع لان به عظة لابد ان ننتبه اليها جيدا وهي:

حين نري شيأ ما غير عادي لدي الابناء علينا ان نتناقش معهم...مثلا مشيتك غريبة شوية يا أبنتي...خير فيه شيء يؤلمك...هل تشعرين بشيء غير طبيعي..؟

فاذا تكرر نفس الشيء...فلنسارع الي اهل العلم و المشورة من الاطباء...

ان شاء الله كل خير...خاصة ان الابنة الغالية صغيرة السن و التحام و تصحيح العظام في مثل سنها يكون اسهل ...

اللهم ان نسألك لهذه الابنة الشفاء العاجل...شفاءً لا يغادر سقم...و ان
تجعل صبرها علي آلمها في ميزان حسناتها.


ان شاء تطمنينيا عليها قريبا...

تحياتي و تقديري

Appy يقول...

يا حبيبه قلبى ربنا يشفيها يا رب وتقوم بالسلامه لما ترجعى هاجى اشوفها دى كفايه ابتسامتها الجميله ربنا يقومها بالسلامه يا رب ويشفيها

gogo!sf يقول...

يا حبيبتى الف سلامه على بنتك وان شاء الله خير وترجعو بالسلامه بأذن الله

تمنياتى لها بالشفاء العاجل بأذن الله

جوجو

عبدالله يقول...

وعسي ان تكرهوا شيئا وهوا خير لكم
نسال العظيم رب العرش العظيم ان يشفيها
واوصيكم بدعاء المصيبه و ملازمة الاستغفار يجعل الله لكم من كل هم مخرجا

تحياتي

الازهرى يقول...

اللهم يسر لها الشفاء
واجعلها قرة لعينى والديها

وفقكم اللهم واعادكم مبورى الخاطر ان شاء الله

mohamed ghalia يقول...

اسأل الله العظيم رب العرش العظيم أن يشفيها
اسأل الله العظيم رب العرش العظيم أن يشفيها
اسأل الله العظيم رب العرش العظيم أن يشفيها
اسأل الله العظيم رب العرش العظيم أن يشفيها
اسأل الله العظيم رب العرش العظيم أن يشفيها
اسأل الله العظيم رب العرش العظيم أن يشفيها
اسأل الله العظيم رب العرش العظيم أن يشفيها

على عبدالله يقول...

الحمد لله الذى لا يحمد على مكروه سواه

ربنا يشفيها ان شاء الله
بسيطة ان شاء الله

rovy يقول...

اسأل الله العظيم رب العرش العظيم ان يشفيها و تعود كما كانت انه القادر على كل شىء وحده سبحانه ..
ان شاء الله ربنا يطمنك عليها و ترجع احسن من الاول كمان .. و بجعلها قرة عين لكى و لا يحرمكم منها ابدا و يطمن قلبك عليها .. امين

الف سلامه و ربنا يعينك يارب

خالص دعواتى

أسطى في زمن البلي يقول...

لا إله إلا أنت سبحانك .. إني كنت من الظالمين

و إذا مرضت فهو يشفين

اللهم يا لطيف يا حليم .. يا من قلت و قولك الحق :الذي خلقك فسواك فعدلك .. في أي صورة ما شاء ركبك .. اللهم و عدل صورتها و ابرئها مما هي فيه ..


اللهم آمين

mahasen saber يقول...

لا حول ولاا قوة الا بالله

الف لا بأس عبيها
ربنا يعافيها ويخفف عنها

مش عارفه ااقول لحضرتك ايه يا ماما اموله

ربنا يطمنا عليها وعليكى

الف الف الف لا بأس عليها

ربنا يعافيها
اللهم امين

kochia يقول...

ان شاء الله تعود احسن من الاول
واعانك الله علي متابعتها ورعايتها
واسال الله العظيم ان يشفيها شفاءا لا يغادر سقما

نهر الحب يقول...

الف سلامة عليها
ربنا يبارك لك فيها ويشفيها يارب هى ومرضى المسلمين
اسأل الله العظيم رب العرش العظيم ان يشفها شفاء تام بلا سقم

قلم رصاص يقول...

نسأل الله ان يشفيها وتعودي بها سالمة غانمة ان شاء الله

في حفظ الله

اهو ده عيبه يقول...

ربنا يشفيها ويعفى عنها ويحفظها وتقوم بالسلامة ان شاء الله

موناليزا يقول...

لا حول ولا قوة الا بالله
ربنا يطمنكم عليها ويشفيها يارب وتبقى احسن من الاول كمان
امانة عليكِ تطمنينا عليها على طول
وبلغيها سلامى

ghorBty يقول...

اسال الله العظيم رب العرش العظيم ان يشفيها

اسال الله العظيم رب العرش العظيم ان يشفيها

اسال الله العظيم رب العرش العظيم ان يشفيها

اسال الله العظيم رب العرش العظيم ان يشفيها

اسال الله العظيم رب العرش العظيم ان يشفيها

اسال الله العظيم رب العرش العظيم ان يشفيها

اسال الله العظيم رب العرش العظيم ان يشفيها

:
ربنا يصبرك يا ما ما اموله وان شاء الله تكون الحاله بسيطه ويشفيها ويعافيها ..

ربنا يطمئن قلبك اللهم آآمين

همس الاحباب يقول...

اسأل الله العظيم رب العرش العظيم أن يشفيها
الف مليون سلامة عليها
وربنا يطمنك عليها ان شاء الله
بالشفاء ان شاء الله
وربنا يلهمك الصبر من عنده
تحياتى وتقديرى

محمد الجرايحى يقول...

أختى الفاضلة
ثبتك الله وجزاك خبر الجزاء
وقلوبنا معك..
ونتوجه إلى الله بقلوب مخلصة أن يشف الله عنها ويتتم عليها نعمة الشفاء
اللهم آمين

تايه في وسط البلد يقول...

سبحان الله الشافي الذي لا يبعد شئ عن مشيئته وقدرته وهو بنا راحم

خالص الدعاء بالشفاء لأماني العزيزة وباذن الله سيرينا الله في شفائها أية من عنده انه سميع مجيب

امنية يقول...

السلام عليكم ورحمه الله

شافاها الله وعافاها
ربنا يطمنكم عليها

غروب يقول...

ماما حبيبتى والله العظيم لسه شايفه الكلام حاااااالا

الف سلامه عليها

هكلم ضرتك طبعا وان شاء الله لو تسمحى انا معاكى عند الدكتور وربنا يطمنك عليها ياااااااارب

المعلم محمد صاحب المطعم - طعمية سخنة يقول...

ان شاء الله ربنا يعافيها و يتم شفاءها
طيب حضرتك هتيجي فين في المنصورة؟
انا من المنصورة و ممكن اسالكم و احجز لحضرتك لو مكنش في مانع لأني ساكن في شارع تجمع الدكاترة بالمنصورة

فركشاوي ..ناوي يقول...

لا نملك إلا الدعاء للأبنه الغاليه...
عفي الله عنا وعنها وعنكم .

لسه في أمل يقول...

أسأل الله العظيم رب العرش العظيم أن يشفيها
وإن شاء الله ندعيلها كتير
واصبري فما جعل الله من عسر إلا جعل معه يسرين
ويا ريت تطمنينا دائما

أم أحمد المصرية يقول...

اللهم اني اسالك بكل اسم سميت به نفسك او ناجاك به احد من عبادك و اسالك باسمك الاعظم ان تبارك في أماني و تتم شفائها علي خير و تسعد بها والديها و تقر اعينهم بها يارب العالمين
_________________________________
حبيبتي احنا في انتظار تطمنينا و ان شاء الله كل خير فانا تعرضت ابنتي منذ عدة سنوات لموقف مشابه لكن في الركبة و فجأةمن الليل للصباح الم شديد و عمليه فورا و قصة طويلة لكنها انتهت علي خير و لم تترك اي اثر و الحمد لله و هي علي فكرة من سن اماني ارك اله فيهما و بارك في كل الابناء

tarek alghnam يقول...

وبشر الصابرين
(( اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ )).
أسأل الله العظيم رب العرش العظيم أن يشفيها شفاء لايغادر سقما
ويارب تعود كما كانت وافضل ويبارك فيها يارب
تقبلى تحياتى وامنياتى لكى ولاسرتك بالسعادة والهناء

dody يقول...

اللهم أشفيها واعف عنها ويقومها بالسلامة...

بحب كل الناس يقول...

اللهم انت الشافى لا شفاء الا شفائك
اللهم انك تعلم السر واخفى اشفى اختنا واجعل هذا فى ميزان حساناتها و
ارزق اهلها الخير

واحد من العمال يقول...

السلام عليكم ورحمه الله وبركاته

دعواتنا للسميع العليم أن يتم شفاء
أمانى وتعود بإذنه تعالى الى ممارسه حياتها الطبيعيه فى أقرب وقت
والحمد لله على كل حال
اللهم أشفى مرضانا ومرضى المسلمين يارب العالمين بحق نبيك المصطفى صلواه الله وسلامك عليه وعلى أله وصحبه وسلم

ودمتِ أختنا الفاضله بخير وإيمان

الفقيرة إلى الله أم البنات يقول...

اللهم اربط على قلب أختى أموله يارب
يارب اجعل لها من كل عسير يسر
اللهم يسر يارب يسر يارب يسر يارب
اللهم ردها إلى امها ردا" جميلا" يا قادر على كل شئ واصلح شأنها كما اصلحت شأن عبادك المخلصين


أموله..والله ربك هيجبر خاطرك فى بنتك وهيردها لك رد جميل ان شاء الله
يقينك بكرم ورحمة ربك هو يقينك
وسترى من الله كل الخير
فقط ثقى بكره ورحمته الواسعه
وأحسبك على خير وان شاء الله سيردها لك رد جميل

فشكووول يقول...

ماما اموله هانم العسوله
السلام عليكم ورحمة الله وبركات
الحمد لله على كل ما يرزقنا اياه
قلبى معاكى
ربنا يشفيى امانى ... ويارب تنجح العمليه الجراحيه
ابناؤنا قرة اعيننا
يا رب اشفيها لك
وتقوم بالسلامه من العمليه دى
ويخليها لك هى وعبد الرحمن وابو عبد الرحمن
مره ثانيه قلبى معاكى
بس ياريت تطمنينا اول باول عشان كدا احنا نبقى قلقانين
اصل ما يعرفش غلاوة الضنا اللى اللى عنده عيال
تحياتى ماما اموله هانم

ghorBty يقول...

ان شاء الله تكوني اطمنتي علي ابنتك ماما اموله

دعواتي لها من اعماق قلبي ان يشفيها الله ويعافيها ان شاء الله وتسعدي برأيتها بكل خير ..

طمنينا عليها وعليك

ABOALI يقول...

الوووووووووووووو

فينك يا يا باشا

اى حتى رنه نطمئن

خير خير خير ان شاء الله

romansy يقول...

الف الف سلامه يا استاذه
ربنا الشافى المعافى ان شاء الله
ابقى طمنينا

فتاة ضائعة في زمن الأوهام والأحلام يقول...

ربنا يشفيها ويعافيها ويبعد عنها كل المرض يارب

واحنا كلنا تحت امرك في اي حاجه حضرتك تطلبيها

أم أحمد المصرية يقول...

حبيبتي
كيف حالك قلبي معك و دعائي لك
انا قلت ادخل لعلك تكوني رجعت و طمنتينا علي القمر الصغير
ربنا يكرمها و ترجعي انت و هي بألف خير

حياتى نغم يقول...

السلام عليكم / آسفة لما قرأت فى أول زيارة شفاها الله وعافاها وأعانكم وجعل مصابكم فى ميزان حسناتكم آمين .

Beram ElMasry يقول...

الاخت العزيزة الغالية شكرا لتعليقك الرقيق به تسر نفسي واني لك شاكر علي تفضلك بالزيارة والدعاء

نور الاسلام يقول...

السلام عليكم

شفاها الله وعفاها...وحفظ الله ابنتك من كل سوء ...

وان شاء الله ربنا يطمنكوا عليها يا رب ..وترجعوا من السفر وهى باحسن حال.

mahasen saber يقول...

ماما اموله الاخبار ايه

يا رب تكون صحتها كوبسه دلوقت

وتكونى اتطمنتى عليها

يا رب تتطمنينا احنا كمان عليها ان شاء الله

mahasen saber يقول...

ماما اموله الاخبار ايه

يا رب تكون صحتها كوبسه دلوقت

وتكونى اتطمنتى عليها

يا رب تتطمنينا احنا كمان عليها ان شاء الله

م/ الحسيني لزومي يقول...

نسأل الله العظيم رب العرش العظيم ان يتمم لها الشفاء وان يمنحكم الصبر علي البلاء.

محمد الجرايحى يقول...

الأخت الفاضلة
السلام عليكم ورحمة الله وبركاته
ندعو الله تعالى أن تكون الابنة الغالية فى أحسن ..وأن يتم الله عليها نعمة الشفاء

نرجو الاطمئنان

محمد الدخاخنى يقول...

اللهم أسرع بشفاء أختنا ويسر علاجها وقلل آلامها..وأتتم شفائها..وصبرك الله أمى

فشكووول يقول...

كل يوم اجى عشان اشوف تحديث او موضوع جديد يطمنى على امانى ولكن لا فائده
مازلت مستنى اى اخبار جديده بفارغ الصبر
تحياتى

الازهرى يقول...

اتمنى من الله تعالى ان يكون قد من عليها بالشفاء
وعلى الجميع براحة البال والصحة

واحد من العمال يقول...

السلام عليكم ورحمته وبركاته

حضرت للأطمئنان والسؤال
على الغاليه أمانى
لعلها بخير وتكون العمليه مرت بخير ونجاح
إنشاء الله
ومع أطيب أمنياتى لها بالشفاء

ودمتِ بخير

همس الاحباب يقول...

يارب تكونوا رجعتوا بالسلامة لبور سعيد
وربنا يتم شفاها على خير
وجعل صبرك فى ميزان حسناتكم
وباذن الله هتبقى زى الفل
تحياتى

قيس بن الملووووح يقول...

اللهم لا نسألك رد القضاء ولكن نسألك اللطف فيه.
ربنا يتمم لها الشفاء

بنوتة مصرية يقول...

ربنا يخالهالك يارب ويحميها ما شاء الله على جمالها
ويشفيها يارب ويحرصها من كل عين ويوفقها فى مستقبلها القادم ان شاء الله