الأربعاء، مارس 18، 2009

الغيرة العمياء



أنا النهاردا نقلت لكم موضوع قرأته في أحد المنتديات وهو موضوع بيتكلم عن الغيرة
وحبيت أطرح الموضوع دا بينا لمناقشته وهو موضوع ليس بالهين
بتتهدم بيوت وبتتشرد أولاد بسببه
بيقول كاتب الموضوع
الغيرة غريزة فطرية خلقها الله داخل كل شخص منا مثلها مثل أي صفة توجد داخلنا ولكن هناك من تكون هذه الغريزة لديه معقولة وهناك من تتعدى اللامعقول ربما توصف الغيرة بأنها شعور مؤلم عند شخص يرغب في امتلاك حبيب واحتكار مشاعره وقد تفتك الغيرة بالحبيبين .. وتنهي ما كان بينهما.
الغيرة شعور مثله مثل كثير من المشاعر والأحاسيس .. ولكنه شعور مؤلم إذا تعدى حده وزاد عنه ..
كثيراً ما نرى المشاكل تنشأ بين الزوجين وبين المحبين بسبب الغيرة وقد تطغى هذه الغيرة أحياناً وتصل إلى حد الشك والظن والحرمان ..
وربما ينتهي الحب بين الآخرين بسبب هذه الغيرة إذ أنها قد تولد انعدام الثقة بينهم..
نرى الكثير من الناس وخصوصاً المحبين يحبون شعور الغيرة ويحبون الإحساس به ..
لماذا ؟؟
أهم بحاجة لأن يتأكدوا من حب من حولهم أو حب من يحبونه ويريدون إثبات هذا الحب عن طريق الغيرة ؟؟
لماذا قد تنقلب الغيرة أحياناً إلى شك ؟؟ لماذا تكون الغيرة زائدة عند البعض ؟؟ أهي بسبب إنعدام الثقة أم ماذا ؟؟ لماذا تنقلب الغيرة في الغالب إلى مشاكل ؟؟ جميل أن يشعرنا من نحبه بأنه يغار علينا ولكن ذلك الشيء الجميل سيصبح مدمرا إذا لم نتعقل بما نقوم به من أفعال ..
وأخيراً ...
أريد أن أرى إجابتكم وآراءكم فـــهـــــل الـــغـــيــرة حــب ام انانيـــة ؟؟
شاركونى برأيكم .

هناك 52 تعليقًا:

SHAPE YOUR LIFE (ABOALI) يقول...

اول تعليق

غيره بقى

SHAPE YOUR LIFE (ABOALI) يقول...

وثانى تعليق
علشان تبقى غيرة وعميااااااااااااااء

SHAPE YOUR LIFE (ABOALI) يقول...

وثالث تعليق
اقرء واعلق من الغيرة
انى حد تانى يعلق قبلى

ولالالالالالالالالالالالالالالالاايه

SHAPE YOUR LIFE (ABOALI) يقول...

اهو اللى حصل ده عنوان للغيرة
منى

لذا الغيرة نوعين
انانية مختلطة بحب

الانانية فى ان تتمنى الا يعلق قبلك احد

اما الحب

لو من تعلق عنده انت تحبه وتحب وجوده


ده تعليق بالمناسبة فقط

بس هاعلق تانى

SHAPE YOUR LIFE (ABOALI) يقول...

اول من تملكته الغيرة
هو قابيل عندما احب اخته واستكثرها على اخيه فقتله

فكان الجزاء كما تعرفيه سيدتى

لذا الغيرة انواع
ومنها غيرة محموده ومطلوبه

غيرة على الدين
غيرة على الشرف
غيره على الاخلاق
وووووو

الغيرة المكروه
هى التى تؤدى كما ذكرتى سيدتى

الى الهدم ويندرك تحت الغيرة الحسد
والكره والبغضاء

ولك تحياتى
على الموضوع الراقى

Unknown يقول...

والله الغيرة منها الحميد وهو الشعور بالخوف على ما نحب ومنها الكارثة وهو الاحساس بالتملك والانانية المفرطة
وتلك كارثة لانها مشاعر مرضية تؤدى
لمشاكل وحقد بين الناس
الله يجنيا اياها
تحياتى وحبى لك ماما امولة

موناليزا يقول...

الغيرة دليل المحبة ولكن اذا زاد الشئ عن حده انقلب الى ضده وفيه فرق كبير بين الغيرة والشك

ghorBty يقول...

لا يوجد حب بدون غيره

ولكن كل شئ لازم يكون له حد علشان لو زاد عن الحد هيقتل الاثنين وهيقتل الحب اللي بينهم

ربنا يبارك لك ماما أموله

دمت بخير

جلال كمال الجربانى يقول...

السلام عليكم ورحمه الله وبركاته

الغيره أحياناً تكون حب لأن الحب أمتلاك
وكيف لا أغير على ما أحب وأملك
والغيره مع وجود الثقه لا تضر وتدل على الحب
أما الغيره التى تضر هى الغيره على من أحب ويصاحبها أفتقاد الثقه هنا تكون المشكله وتكون الغيره مرضيه
وتتحول لمرض نفسى يفتك بصاحبه

وربنا يحفظنا والجميع من تلك الأمراض النفسيه التى تهدم ولا تبنى
------
على فكره من الواضح أن الأخت ABOALI
ناويه تحتل المدونه

ودمتِ فى أمان الله وحفظه

جلال كمال الجربانى يقول...

عفواً الأخ أبوعلى

حروح أزوره حالاً

وشكراً

جنّي يقول...

السلام عليكم

سيجمع معظم المعلقين على نظرة واحدة تجاه الغيرة ..

والاجابة جاءت في سياق التدوينة .. فهناك عيرة محمودة وهي شرعية للحفاظ على الحبيب ..

وهناك غيرة مزمومة وهي التسلط وحب التملك والظن السئ وعدم الثقة ..

عن جابر بن عتيك
أن نبي الله صلى الله عليه وسلم كان يقول من الغيرة ما يحب الله ومنها ما يبغض الله فأما التي يحبها الله فالغيرة في الريبة وأما الغيرة التي يبغضها الله فالغيرة في غير ريبة ( بلا سبب )

تحيتي

غروب يقول...

مامتى انا يا جماعه وسعوا شويه كده

الاول يا مامتى اللوك الجديد جميل وعسول خالص والصوره رقيقه وليها ابعاد حلوه اوىىىىىى

اما بقه الغيره :

انا بحب احساسها شويه

يعنى بحب اكون باغير على اللى بحبه وهو كمان بيغير عليه

بس بينى وبينك احب ان هو اللى يغير عليه اكتر

كمان مش احب ابين غيرتى ليه

ولو بانت تبقي هاديه كده

لو واثقه من حبه هتبقي هاديه

لو شاكه فيه يبقي ملوش لزمه بقه لا الغيره ولا الحب من اصله

بس كده

شفـقــة و إحســــان يقول...

نا شايفة ان الغيرة شىء طبيعى بين اى اتنين بيحبوا بعض ولكن لابد ان تكون الغيرة غيرة بنسبة معينة بمعنى انها لا تتعدى نسبة الافراط
يعنى نغير لكن بصورة معقولة ومقبولة
فاذا زاد الشىء عن حده انقلب لضده
وبينى وبينك يا ماما تبقى هبلة وعبيطة وام بدوى اللى تغير على راجل
تحياتى
شفقة

Asmaa mahaba يقول...

للاسف الغيره كلنا اتخلقنا بيها وفى فرق بين الغيره والانانيه يعنى اما الست تغير على جوزها من واحده تانيه فهى مش انانيه لانها مش المفروض يعنى تبقى معطاءه وتسيبه يبص لغيرها:))
الغيره غير انها طبيعه فى الانسان
بس زيادتها بتكون باسباب نفسيه يعنى اما عدم ثقه فى النفس او فى الاخر
وفى غيره بتادى لحسد بين الناس وغيره محموده تخلى الانسان يتشجع وفى غيره بين الزوج وزوجته بتبقى حب ومدام مبتزيدش عن حدها بيكون لها طعم كويس وبيحسس اللى قدامك بالاهتمام
فى غيره تخنق بقى وتجيب الطلاق المستعجل
............
فى النهايه هى النفس البشريه كدا

مسدس صغير يقول...

الغيرة ظاهرة صحية
تعرف الحبيب مدى الحب الذى يحبه به حبيبه.
لكن لا يجب ابدا ان تخرج عن حدودها حتى لا تنقلب هما وغما على صاحبيها.
اشكرك على البوست الهايل

mohamed ghalia يقول...

أعتقد أن الغيرة حب وإن زادت عن الحد فهى أنانية

Unknown يقول...

ماما أموله ...
الموضوع منقول زي ما حضرتك قلتي..
رأيك انت فين؟
الغيره المحموده...أن نتمي ان نكون مكان من نغار منه.او مثله ...وان يستمر فيما هو فيه من نعمه ...
اما لو كانت الغيره مصحوبه بزوال النعمه من عند الغير فدا غير محمود ويسمي حسد او حقد ...
طبعا الاعتدال في كل شيئ مطلب ضروري لأستمرار الحياه .
بالصدق ...نتغلب علي كل المشاعر السلبيه.
لك منا كل الود .

أمل حمدي يقول...

أبو علي الغالي

غيرتك حلوة ولالالالالالالالا ايه

أشكرك على غيرتك المحمودة ورأيك الصائب

ربنا يبارك فيك

أمل حمدي يقول...

نهر الحب الحقيقي

اللهم أمين

يجنبنا الغيرة وآثارها

دمت بحفظ الله يا حبيبة ماما

أمل حمدي يقول...

غربتي الغالية

نعم لايوجد حب بدون غيرة

ولكن يجب ألا تطغى الغيرة على الحب


ويبارك لك حبيبتي غربتي

أمل حمدي يقول...

واحد من العمال

والغيره مع وجود الثقه لا تضر وتدل على الحب

لقد اوجزت وافدت

نعم ما اجمل الغيرة ولكن مع وجود الثقة

اهلا بك أخي

دمت بحفظ الله

أمل حمدي يقول...

جني

نعم أعلم أن السؤال مجاب عنه

ولكن لنتناقش

سوف أطرح بعد ذلك بعض مواقف الغيرة

وآثارها

وليكن هذا البوست مقدمة لها

وصدق رسول الله صلى الله عليه وسلم

أشكرك على تواصلك الطيب

جزاك الله كل الخير

أمل حمدي يقول...

غروب حبيبتي

شكرا يا ساسو دا من ذوقك يا حبيبتي

وغيري حبيبتي براحتك بس من غير ما نهد

المعبد على روؤسنا

يعني غيرة عاقلة ومهذبة تزيد الحب ولا تضيعه

ماشي يا ساسو

دمت بكل الود

أمل حمدي يقول...

هههههههههههههههههههههه

حبيبة قلبي شفقة

وبينى وبينك يا ماما تبقى هبلة وعبيطة وام بدوى اللى تغير على راجل

كلامك صح هههههههههههههههه

ربنا يصلح حالك يارب

بحبك يا شفشوقة

أمل حمدي يقول...

سومه...مجنونه فى بلد عاقل

فى النهايه هى النفس البشريه كدا

أنا معاك النفس البشرية فيها حاجات كتير

بس في عوامل مساعدة بتأثر فيها

منها السلبي ومنها الايجابي

وفي الاخر في عقل نتحكم بي في تصرفاتنا

وربنا يهدي يارب

منوراني ياسومة

دمت بحفظ الله

أمل حمدي يقول...

مسدس صغير

وأنا اشكرك على رأيك الهايل

دمت بكل الخير يارب

أمل حمدي يقول...

محمد غالية

كلامك صح 100%


تقديري

أمل حمدي يقول...

ابني عصفور مهاجر

بيسألني أنت رأيك فين ؟

رأيي في بوست يعقب هذا البوست مع صور حقيقية للغيرة مرت في حياتي

بالصدق ...نتغلب علي كل المشاعر السلبيه.

نعم بالصدق مع أنفسنا أولا

أنا سعيدة جدا برجوعك يا عصفور وتفاعلك الطيب

ربنا يبارك فيك اللهم امين

أمل حمدي يقول...

موناليزا الغالية

نعم كلامك صح

كل مايزيد عن الحد ينقلب على نفسه

أعاذنا الله واياك حبيبتي

دمت بحفظ الله

taha يقول...

الغيرة إن كانت طبيعية فهذا شىء جميل وبيكون حب
أما إذا كانت غير ذلك فهى ليست غيرة إنما هى شك
وهذا الشك يكوت بسبب الافعال الغير شرعية من الذى يغار لانه يخاف ان يفعل به فى اعز احبابه نفس الافعال التى فعلها

سمكه واحده يقول...

اولا صباح الخير علي عيونك يا ماما اموله يا جميله
ثانيا
الغيره شئ جميل جدا انا عن نفسي بحب الانسان اللي يغير بس بالمعقول لان ديحاجه جميله مش شرط غيره علي الحبيب او الحبيبه مثلا
لا غيره علي الدين وعلي الاهل وعلي الاخت
انا بحب سيدنا عمر بن الخطاب رضي الله عنه وما هو معروف عنه بغيرته علي النساء بحس ان فيه نخوه وان الراجل اللي يغير علي اهل بيته راجل بجد وبحب الشعور ده جدا سواء من اخ او اب او غيرو لان بيحسسك بأهميتك وانك حاجه غاليه
كمان اثبات كبير ودليل علي الحب
بس المشكله بقي ان لما بتذيد الغيره عن الحد وبتتقلب لمرض يخنق ويضايق الطرف الاخر في ناس مرضي بالغيره انا بقول الغيره المعتدله اللي تفرح الطرف الاول مش تخنقه
الغيره منها الحميد والقبيح
بس الستات لما بتغير غيرتها بعيد عنك سوده اه والله بتغير من شعر رسها اصلا
وحشتيني ياجميله

Mony يقول...

حبيبتي ماما امولة

اولا لازم اقولك انك وحشتيني بجد
و اني احبك في الله


نتكلم بأه عن الموضوع بتاع الغيرة اللي تاعبنا ده


العنوان بتاع حضرتك"الغيرة العمياء"
يعني الغيرة القاتلة

في الاول بتدي احساس جميل(للشخص المغار عليه)
لكن بعد كده بتقلب بخنقة و كره

لا في ناس اعاذنا الله
غيرتهم بتتعدي الحدود الطبيعية
لدرجة انه بيخبي محبوبته من كل الناس
مش عايز حد يشوفها
حتي لو اهلها
خالها مثلا او عمها

فمن غير قصد يدفن محبوبته في سابع ارض

يدفن اي موهبة ليها

حتي لا يري شخص غيره هذه الموهبه

يدفن ارائها حتي لا يبدي اي شخص اي اعجاب بأرائها


هي ديه الغيرة العمياء يا ماما

Beram ElMasry يقول...

الاخت العزيزة . ماما أمولة
السلام عليكم ورحمة الله وبركاته
اسعد الله صباحك يا نبع الخير واهله ، وانت حق ماما انموذج وسلوك
حفظك الله وحفظ ولدك بيتك وبارك فيه
لك تحياتى والسلام عليكم ، ولا سلام مع اليهود

Unknown يقول...

ماما امولة

الغيرة ما هى إلا احساس متطرف

ثانياً فى بوست هينكتب النهارضة بمناسبة عيد الأم عايز حضرتك تدخلى عليه

واشكرك

أمل حمدي يقول...

taha

اهلا بزيارتك الاولى وليست الاخيرة ان شاء الله

فعلا كلامك مظبوط في بعض الحالات وخصوصا من الرجال

ربنا يهدي الجميع

نورت الزمن الجميل

أمل حمدي يقول...

سمكة حبيبة ماما أمولة

وحشاني يا تررم

أيوة حبيبتي ربنا يستر من غيرة الستات دول

بيدمروا حياتهم وسعادتهم في الاوهام

وفي الاخر هي الخسرانة

سلام يا تررم

أمل حمدي يقول...

mony

حبيبة قلبي انت وحشاني اكتر يا حبيبتي

ربنا يصلح حالك

الغيرة اللي بتقولي عليها دي مش غيرة

دي انانية وسيطرة وتحكم ولا يمكن تكون حب ابدا

اكيد الانسان دا غير واثق في نفسه يشعر بالنقص امام زوجته
رحم الله كل امرأة ترتبط بمثله

ربنا يهدي يابنتي

سلام حبيبتي

أمل حمدي يقول...

استاذي بيرم المصري

يارب أكون عند حسن ظنكم

اشكر لك كلماتك التي أنا دونها

وربنا يخليك لنا قدوة صالحة

أنا فعلا بعلم اولادي ان الاسرائيلي عدو ولا تأمنه واكتر من كدا كمان يا استاذي

جزاك الله كل الخير

أمل حمدي يقول...

أ / أحمد عبد المنعم

تمت الزيارة

واشكرك على دعوتك

دمت بحفظ الله

أمل حمدي يقول...

اصحى يا مصر : اسلام ديو

انا في انتظار البوست

واشكرك للدعوة

دمت بخير

kochia يقول...

الغيرة مثلها مثل اي شئ لابد ان تكون مقدارها وسطا كي تكون معينا للحياة وليست عليها
الانسان بلا غيرة انسان بارد
والانسان ذو الغيرة الشديدة يهدد نفسه والاخرين من حوله بفشل الحياة

وان تكلمنا عن شئ اخر وهو الغيرة علي الدين كذلك يجب ان تتم بحكمة وليس بشكل عنيف او متجاوز لحدود العقل حتي تحقق اهدافها

تحياتي

تايه في وسط البلد يقول...

السلام عليكم

موضوع جميل

رغم اني لم أعاني بعد من مثل هذا الموضوع الا اني لا اتصور اي علاقة بين اي رجل وامرأة دون الغيرة ابتداءاً

وهي كالملح في الطعام ...يضفي عليه الطعم المستساغ مادام قد كان بالقدر المعقول ووضع بحرفية وفي ميعاده بالضبط

فاذا ما تعدي قدره المعقول فهو مما يفسد الطعام حتي لو كان الشهي الوفير

وفي مجتمعنا هناك من يتكئ علي الغيرة لكي ينفذ رغباته ويزيد من كبته للطرف الاخر وهي في هذا مظلومة

كل التحية والاحترام

عمرو يقول...

كل سنه و أنتى طيبه يا ماما أموله ربنا يديكى الصحه و ظولة العمر
الغيره من الطباع البشريه و الغير بشريه أيضا لكن لازم تكون فى حدود المعقول و اٍلا كانت كحبل المشنقه اللى بيخنق الضحيه
فيه خيط رفيع جدا بين الغيره كشعور طبيعى و بين أنه ينقلب لشك و الشك ينقلب بعد كده كأمر حقيقى و مسلم به فى ذهن صاحبه يعنى مسأله معقده شويه و لكن فى النهايه بتكون لها نتائج غير طيبه بالمره
تقبلى تحياتى و تقديرى

من غير عنـــوان يقول...

الغيرة الحميده مطلوبه... ولكن بقدر
الغيره العمياء مكروهه على طول الخط

الغيره بعض منها حب ودي حلوه بس مش لازم تزيد
و بعض منها أنانيه
وكثير منها حقد
ومنها أيضا كسل.. نعم... أنا مش عايز أعمل حاجه حلوه مثلا لبنتي.. وأغير عليها من جوزها اللي بيعمل كل حاجه حلوة...

أمنياتي

رحلتنا في الحياة يقول...

افتكر الغيرة سوء تفكير وعدم وعى وفى الاغلب فكرة الغيرة بتعدم الثقة بين الاتنين ومادام الثقة راحت يدخل الشك وبعدين الاحترام يضيييع

gogo!sf يقول...

اسعدنى جدا موضوعك المهم
فى اول زيارة ليا

اما عن الغيرة
فأنها شىء جميل جدا بين الازواج او الاحباب بس فى المعقول
اللى هو يعنى يخلى كل واحد يعرف ويحس ان الطرف التانى بيحبة وبخاف علية
اما بقى اذا ذادة عن حدها من اتجاه الرجل فده يؤدى الى دمار الاسرة ده كان ادامى فعلا
اتنين متزوجين وبيعشقو بعض ومخلفين وزى العسل خالص بس مشكلت الزوجة ان جوزها بيتجنن لما تتكلم حتى مع اخواتها
وبيغير عليها موت
فده اسمه حب التملك يعنى انانية
الشىء اذا ذاد عن حده ينقلب ضده
فأتمنى ان كل رجل او مرأة يكون عندهم نوع من انواع الصبر والعقل والحكمة فى موضوع الغيرة باللاخص لانه بالفعل بيدمر اسر كتير جدا
اسفة للاطالة
تقبلى مرورى

أمل حمدي يقول...

kochia

كلامك صح يا حبيبتي

خير الامور الوسط

دمت بود

أمل حمدي يقول...

تايه في وسط البلد

كل حاجة معقولة بتبقى جميلة

ومجاوزة الحد ظلم في كل الاحوال

بارك الله فيك ابني الغالي وبعد عنك الغيرة وويلاتها اللهم امين

أمل حمدي يقول...

وانت طيب يا يا عمرو يارب

اسفة مشفتش التعليق الا متأخر سامحني

الغيرة وحشة جدا وخصوصا اذا كانت مبنية على الظنون والشك الذي يحول الحياة الى جحيم والعياذ بالله

ربنا يكفيك شرها اللهم امين

تقديري لرأيك الصائب

أمل حمدي يقول...

من غير عنوان

اهلا بك

الغيرة بحر في شطه الامان وكلما ابحرنا فيه ابتلعتنا امواجه

اشكر لك مرورك ورأيك

دمت بكل الخير

أمل حمدي يقول...

صح يا ايوشة بيضيع الاحترام ويفقد الحب معناه

ربنا يكفينا شره

سلام حبيبتي

أمل حمدي يقول...

gogo!sf

اهلا وسهلا بك في زيارتك الاولى وليست الاخيرة

نعم اذا زاد الشئ عن حده انقلب لضده

والله المستعان

بتتدمر بيوت بسبب هذه الانانية العمياء

ربنا يحفظك ويحفظنا اللهم امين

اتمنى التواصل

دمت بخير