الثلاثاء، ديسمبر 15، 2015

ممكن ؟؟


ممكن أحفظ تفاصيلك
و أعد كم خط على جبينك
ممكن أدخل جوة جفونك
و أشوف الدنيا بعيونك
طب ممكن أسبح جوة روحك
وأغرق جوة قلب قلب ضلوعك
طب ممكن أجري
اللي باقي من عمري
ف دمك
طب ممكن بقى تشيل همي
و أشيل من الدنيا همك
طب ممكن بعد إذنك
تطبطب على روحي
وفي وسط الممنوع
أكون مسموحك
طب ممكن تكون ابتسامتي
وأكونلك ف حضن الصمت
ضحكة بوحك
ممكن
..
..

هناك 6 تعليقات:

Unknown يقول...

ومين يقدر يقول لا؟
كلماتك جميلة ورقيقة
اووووووووووووووووى

أمل حمدي يقول...

وحشتيني يا نور
ربنا يسعدك

سعيد وحشة يقول...

الله الله الله يا أستااذة
كلمات جميلة وطلب مشروع للمحب
وإجابة الطلب واجبة على الحبيب

سلم قلمك أستاذة أمل
تحياتى

أمل حمدي يقول...

تسلم يا رب سعيد
دمت بكل الخير يا رب

Tarkieb يقول...

اكيد ممكن وابو ممكن كمان ده حتي لو مش ممكن اكيد حيتكسف ويسلم النمر
كل سنة وانت طيبة وعام سعيد

أمل حمدي يقول...

ههههههه ربي يسعدك يا تركيب
كل عام و أنت طيب وبخير
كل عام و البسمة ما تفارق جبينك و قلبك يا رب