ممكن أحفظ تفاصيلك
و أعد كم خط على جبينك
ممكن أدخل جوة جفونك
و أشوف الدنيا بعيونك
طب ممكن أسبح جوة روحك
وأغرق جوة قلب قلب ضلوعك
طب ممكن أجري
اللي باقي من عمري
ف دمك
طب ممكن بقى تشيل همي
و أشيل من الدنيا همك
طب ممكن بعد إذنك
تطبطب على روحي
وفي وسط الممنوع
أكون مسموحك
طب ممكن تكون ابتسامتي
وأكونلك ف حضن الصمت
ضحكة بوحك
ممكن
..
..
هناك 6 تعليقات:
ومين يقدر يقول لا؟
كلماتك جميلة ورقيقة
اووووووووووووووووى
وحشتيني يا نور
ربنا يسعدك
الله الله الله يا أستااذة
كلمات جميلة وطلب مشروع للمحب
وإجابة الطلب واجبة على الحبيب
سلم قلمك أستاذة أمل
تحياتى
تسلم يا رب سعيد
دمت بكل الخير يا رب
اكيد ممكن وابو ممكن كمان ده حتي لو مش ممكن اكيد حيتكسف ويسلم النمر
كل سنة وانت طيبة وعام سعيد
ههههههه ربي يسعدك يا تركيب
كل عام و أنت طيب وبخير
كل عام و البسمة ما تفارق جبينك و قلبك يا رب
إرسال تعليق