الثلاثاء، ديسمبر 15، 2015

ممكن ؟؟


ممكن أحفظ تفاصيلك
و أعد كم خط على جبينك
ممكن أدخل جوة جفونك
و أشوف الدنيا بعيونك
طب ممكن أسبح جوة روحك
وأغرق جوة قلب قلب ضلوعك
طب ممكن أجري
اللي باقي من عمري
ف دمك
طب ممكن بقى تشيل همي
و أشيل من الدنيا همك
طب ممكن بعد إذنك
تطبطب على روحي
وفي وسط الممنوع
أكون مسموحك
طب ممكن تكون ابتسامتي
وأكونلك ف حضن الصمت
ضحكة بوحك
ممكن
..
..

هناك 8 تعليقات:

norahaty mo يقول...

ومين يقدر يقول لا؟
كلماتك جميلة ورقيقة
اووووووووووووووووى

Aml Hamdy يقول...

وحشتيني يا نور
ربنا يسعدك

سعيد وحشة يقول...

الله الله الله يا أستااذة
كلمات جميلة وطلب مشروع للمحب
وإجابة الطلب واجبة على الحبيب

سلم قلمك أستاذة أمل
تحياتى

Aml Hamdy يقول...

تسلم يا رب سعيد
دمت بكل الخير يا رب

Tarkieb يقول...

اكيد ممكن وابو ممكن كمان ده حتي لو مش ممكن اكيد حيتكسف ويسلم النمر
كل سنة وانت طيبة وعام سعيد

Aml Hamdy يقول...

ههههههه ربي يسعدك يا تركيب
كل عام و أنت طيب وبخير
كل عام و البسمة ما تفارق جبينك و قلبك يا رب

تعلم اللغة الانجليزية مجانا يقول...

nice words. happy new year ~ TalkEnglish

amiina 2015 يقول...

http://prokr.com/furniture-transfer-movers-company/

http://prokr.com/cleaning-company-villas-houses-apartments-riyadh/