الاثنين، يناير 02، 2012

مزاجنجي







مزاجنجي
والبنات عنده فـَرْط
رخيصة متساويش
والبـِت المـُزة غالية
زي حـِتـّة الحشيش
يلفها ف سيجارة
ويـِوَنـْوِن هـُوب متلاقيش
لـِسـْتـَة وكل يوم حُط خَط
دي خلاص بقت بقشيش
ولما يعشق يا عيني عليه
برنس ولا كده مافيش
لـِسـَّاتـُه عايش في زمن
سي السيد والدراويش
له كل يوم سـِهـْراية
دايما بايع ميشتريش
مزاجنجي
لعبته اتكسرت
من غير دموع بكى
ولا صوته عِلـَى
ولا راح اشتكى
لكن لـَمـَّها بشويش
مزاجنجي
ودايما طاير زي العصفور
بس من غير ريش
فاكرينه يا عيني سعيد
وهو أغلب من كدا
متلاقيش
مزاجنجي
وملازمه اللقب
زي ناس كتير حواليه
دا عاطل ودا مالوش غير ف
البهرجة والحلمنتيش
ولو شاف قدامه خيال
يجري أصله فاكره شاويش
مزاجنجي وغلبان
الدنيا لعبت بيه
أخدت منه أصلها مبتديش
فاكر إنه بالمزاج هينسى
أتاريها زودت ألمه ومراره
لحد ما استجار
كفاية متحطميش
مزاجنجي ونادم
نفسه ترجع له دماغه
 كفاية متلعبيش
خلينا مرة نفوق
من غير أنفاس
ولا تشيش
مزاجنجي و فاق
حاول يعمل بينه
وبين نفسه وِفاق
قالته استنيتك كتير علشان
تيجي مبتجيش
يلا حـُط دماغك ف راسك
وتعالى نبني دا أنت من زمان
بتهد مبتبنيش
مزاجنجي وكان
الاسم له عنوان
دلوقت خلاص اتصلح الحال
وبقى ولا كدا مافيش
مزاجنجي ؟؟؟
لأ خلاص
تاب بجد وبإخلاص
بقى إنسان فعال
نسى التهميش



هناك 8 تعليقات:

AHMED SAMIR يقول...

صعب جدا ان مزاجانجي يتوب عن المزاج
بس ربك قادر على كل شيء

♥نبع الغرام♥♪≈ يقول...

يا جمالك يا اجمل اموله


بجد عسل
وحشتينى كتير منتظراكى فى كوكبى

شمس النهار يقول...

جمييييييييييييلة ياامولة

تلخيص مابعده تلخيص

:)))

ماما أمولة يقول...

AHMED SAMIR

نعم ربنا وحده القادر مع الارادة

شرفتني يا أحمد

ماما أمولة يقول...

♥نبع الغرام♥♪≈

منوراني يا نوسة ربي يكرمك

ماما أمولة يقول...

شمس النهار
أنت دايما الأجمل يا شموسة ربنا يبارك فيك حبيبتي

bombona يقول...

بوست جميل :)
فى المدونه عامله استفتاء على عرسانى تحب تشتركى :)

ماما أمولة يقول...

bombona

أنت الأجمل يا بومبوناية
إن شاء الله حبيبتي :)