شربت كاس الضنى
قالوا اشربي
وخليه كمان قـُوت
داريت في قلبي الجرح
وليه تداري
اتكلمي
دا جرحك ماله سـُكوت
ناديت بعزم مافي
جاوبني الصدى
الريح معاكِس
مايوصـل ابدا صُـوت
أخرتها إيه ماتقولوا
أسكت ولا أتكلم
ولا أكتم جواية المـُر
أسكت ولا أتكلم
ولا أكتم جواية المـُر
وامـُوت
هو اللي يعيش في الدنيا
لازم يكون حاوي
ويطلع من جيبه كمان
كتكوت
اصبري دي الدنيا لحظة وتمـُر
وبسرعة كمان بتفـُوت
معقول
وليه نعيش اللحظة مـُر
ليه نضيع فيهاكل العـُمر
ليه نسكت وليه نداري
ولو صرخنا
يتـْرَد لـِينا الصوت
هناك 18 تعليقًا:
وعجبييييييييييييييييييييييي
ما هو علشان بنصرخ لمن لا يسمع لنا
الله عليكي ياامولة
هو ماينفعش نشيل المر من الحياة؟؟
الاجابة لا
علشان لما نعرف طعم المر لما ندوق الشهد نعرفه ونحافظ عليه
السلام عليكم
اولا بسجل اعجابى بما خطه قلمك
وكما يقولون
بعد كل دمعة بسمة
وبعد الفراق لقاء
هكذا هي الدنيا
علينا ان نحياها
حزن وفرح
نجاح وفشل
دمعة وبسمه
وان شاء الله الجاى احسن
هكذا هى الدنيا
كلمات من نور
الظاهر ان صوتنا مش عالي
يالا يا نورانية نعلي الصوت :)
شمس النهار
شموسة الغالية
الحمد لله ان شاء الله هاندوق الشهد
أحلى صباح يا شموسة
حمدى جعوان
وعليكم السلام
شكرا لك يا حمدي
ان شاء الله اللي جاي أحسن
نورت الزمن الجميل اهلا بك
الله يا اموله
دايما بحس ان روحك قريبه من صلاح جاهين
كلماتك لها معانى ساميه
يسلم احساسك حبيبتى
تحياتى
برك الرب لك/ لو صرخنا يتـْرَد لـِينا الصوت/لكن سنصرخ كلما احسسنا بالظلم...
رؤوف
جايدا العزيزي
أختي الغالية ربنا يخليك يارب وتسلميلي
دي شهادة جميلة منك ربنا يكرمك يارب
amiralcafe
وبارك فيك يارب يا رؤوف
لازم نصرخ حتى لو اترد الصوت مش هانسكت ابدا
شكرا لك لتواصلك الطيب
دمت بكل الخير
طيب نعمل إيه يعني مقولتيش ؟
نصرخ و لا نصوت و لا نلطم و لا نلم المدونين و نخرج على ميدان التحرير و لا الواحد ياخدها من آخرها و يشرب توفساكين ( توكسافين )
و بعدين ملقتلناش برضه اللي ميعرفش حركة الكتكوت دي يعمل إيه؟
( كل كلامي هزار )
محمد محمود عمارة
ههههههههههه
لا إحنا نشرب توفساكين :)
ربنا يصلح حالك شكرا على البسمة الحلوة
اصبرى دى الدنيا لحظة ...وتمر
لقد نسينا هذه الحقيقة وانغمسنا فى الدنيا كما لوكانت هى المصير السرمدى ...
أحييك ...
بارك الله فيك وأعزك
أخي الفاضل / محمد الجرايحى
هذه هي الحياة لمن غفل عن حقيقتها
تقديري لك أخي
بارك الله فيك وأعزك
http://www.elaosboa.com/artsys00/ArticleDetails.aspx?Aid=936
http://www.almesryoon.com/news.aspx?id=54998
الف مبروك
الاحساس الجميل هنا
ماما أمولة
أسعدك الله
مبرووك لينا كلنا يا أزهري
ربنا يتمها بالخير يارب
ويصلح حالك وحال كل العرب اللهم امين
أحمد الصعيدي
الاحساس الجميل بتواصلكم الطيب
شكرا يا أحمد
إرسال تعليق