الثلاثاء، ديسمبر 28، 2010

العلاقات الانترنتية




العلاقات الانترنتية
علاقات كيبوردية بحتة
يجتمع تحت هذا المسمى أناس كـُثـْر
تتلاقى أقلامهم وعقولهم أحيانا 
وقلوبهم نادرا
قد يتوافقون وقد يختلفون في آرائهم وتفكيرهم
منهم من يخلص في التعامل مع الآخرين كأنه يراه 
ومنهم من يتخذ الشاشة ستارا 
ليداري بها 
حقيقته غير الطيبة
قد يتعلق بك أناس دون أن تلتقي بهم أو تراهم
وقد يحقد عليك أناس أيضا دون أن تعرفهم أو يعاشروك ليروا منك ما قد يسيؤهم 
ليقدموا على خطوة الكراهية والحقد والتشهير بك
ودا لسبب واحد أنهم جُبـِلوا على الكراهية 
فلا يعرفوا سواها
النت وعلاقاته أحسبها غابة
مليئة بكل الأصناف والأنواع من البشر
السوي وغير السوي
النقي الذي يـُصْدَم والخبيث الذي يَصْدِم
نصيحة لكم أحبتي
احترسوا منه جيدا ففيه شريعة الغاب


ماماأمولة

هناك 36 تعليقًا:

فاتيما يقول...

ازيك يا جميلة القلب ؟
انا مقصرة قوى ومبجيش هنا كتير
بس دايما بقرالك وبطمن عليكى
ومبعلقش معرفش ليه

بس المرة دى لازم اعلق
عشان الاول اقولك
كل سنة وانتى من اطيب القلوب اللى شوفتها هنا ع النت
ويا رب يجعلها سنة سعيدة عليكى انتى واسرتك الطيبة وطول العمر يا رب

اما موضوع البوست
فنا عارفة انك من البشر اللى صدموا بخسة الآخرين ومش بلومك وبالعكس بحييكى انك مبعدتيش وفضلتى ثابتة و قوية
وكمان بتشدى من أزر غيرك وتقوليله خلى بالك واستعد

ربنا يحفظ كل من له قلبك
من أى شر
ويهدى الضالين

بوسات وحضونات
من الكاهرة لبورسعيد
كل متر بوسة
و كل سنتى حضونة

:)

Ramy يقول...

الأول
اسف على عدم المتابعة من فترة

بس حاول ارجع اهوا (:

ثانياً
كل سنة و حضرتك طيبة و سنة سعيدة عليكى و على العائلة الكريمة

ثالثاً

عندك حق فعلاً بس دة مش فى النت بس فى كل الحياة

الحمد لله كُل اللى اعرفهم لغاية دلوقت
محترمين و سويين زى حضرتك

شمس النهار يقول...

( ومنهم من يتخذ الشاشة ستارا ليداري بها حقيقته الغير طيبة )

بصراحة اخترتي عبارة مهذبه جدااااا
علشان تصفي الناس دي

ربنا يكفينا شرهم
همه بيصنعوا علي الشاشه اللي عكسهم تماما
لابسين توب الوعاظ وهمه
ماعلينا
منهم لربهم هو اولي بيهم

كل سنه وانتي طيبه ياجميلة سنه سعيدة عليكي ان شاء الله

:))

رحــــيـل يقول...

ايون كده ارجعي نوري تاني
:)
كلامك مظبوط جدا لان النت اساسا انعكاس للواقع بكل اللى فيه
ولازم الواحد ياخد باله طول الوقت

تسلم ايديكِ ويسلم وجودك

كلمات من نور يقول...

سبحان الله

الارواح جنود مجنده يا أمولتي كان قلبي حاسس

الإنترنت عالم علمنا كتير ويارب يحفظ بناتنا وشبابنا من فتنه ويارب يقروا ويفهموا ويتعلموا ....

موناليزا يقول...

ده حقيقى
مجتمع زيه زى المجتمع الخارجى فيه الحلو وفيه الوحش

Dr Ibrahim يقول...

بالفعل
فهناك ستار من خلفه شخص ولا نعرف البعض قد يضر بنا او ينفعنا فلنحترس
تحياتى

خواطري مع الحياة يقول...

السلام عليكم
كيفك يااموله
يارب تكوني بالف خير.
صدقتي كام انخدعت بصحبة النت
لكن اوزل ماعملت مدونة لقيت جمبي من بيشجعني ويحبني
ويوفق معايا
وكل الي اعرفهم الحمدلله كويسين
الحمدلله
وان شاءالله ربنا يبعد عني معرفت السوء
كل سنه وانت طيبة ويارب تكون سنه سعيده عليك ياقمر
تقبلي مروري
سلامي لاجمل ارق امولة بالدنيا كلها.

(هيبو) يقول...

تلك العلاقات ترقى لمن ابى !!

bastokka طهقانة يقول...

عندك حق كلام سليم

أ / أحمد عبد المنعم يقول...

بسم الله الرحمن الرحيم

الأخت الفاضلة : أمل حمدى

الناس معادن كما أشار الرسول صلى الله عليه وسلم

وكل يتبع معدنه
فالرخيص رخيص وإن استتر بقشرة تشابه معدن النفيس

والنفيس نفيس وإن علاه دخان عين الحاقد ونفاث لسان الشارد

دمت صادقة المعانى والأفكار
نقية العلن والإسرار
لامعة المعدن وإن نفث الشيطان الغبار

MR.PRESIDENT يقول...

يا غالية البال .
أي مكان فيه الحلو والوحش .
ماشي .
وعلي رأي كلمة لسه سامعها .
في مجتمعات عرفها سياسة القطيع
وترتكب بإسم الجماعة أكبر المهازل ولا يوجد ملوووووم ، وإن حاولت إصلاحا اتهمت وسببت .
انا هقولك متشغليش بالك
والخلاصة كبري الجمجمة يا أمولتنا .
وحاولي تغيري اللي تقدري عليه للأحسن ,

ويارب تكوني سعيدة
كل سنة وانتي طيبة .
ومبسوطة وفراحة .
قادر يا كريم .

صياد يقول...

المهم هو ان نتعلم كيف نحتاط وان نكسو قلوبنا ذات النوايا الحسنة بغلاف من الفطنة....بوركتى

ماما أمولة يقول...

فاتيما
الحمد لله ازيك انت يا حبيبة القلب
ولا يهمك يا حبيبة قلبي انا عارفة انك معاية وقلبك معاية ربنا يخليك ويبارك فيك
كل سنة وأنت طيبة وبخير يارب وتكوني دايما في احسن حال ويحققلك كل اللي تتمني اللهم امين
شكرا على كلامك الطيب
ربنا يحفظك اللهم امين
وبوسات وحضونات من بورسعيد للقاهرة :)
ربنا يسعد قلبك يارب

ياسر سليم يقول...

مع علاقتي الطويلة بالإنترنت .. فتقريبا مريت بكل التجارب اللي ذكرتيها

richardCatheart يقول...

ازيك يا ماما اموله يارب تكونى بخير وصحه ان شاء الله

كل سنه وانت طيبه ويارب سنه سعيده عليكى

طبعا كلامك صح مليون الميه التدوين هو الدنيا فيها من كل صنف ولون يا بتسطا
واحنا ونصبنا

ربنا يجعل نصيبك ونصبنا فى الخير يارب

تحياتى لكى فى بدايه العام الجديد

ماما أمولة يقول...

Ramy
كل سنة وأنت طيب يارب يارامي
ربنا يحفظك من كل شر يارب
شكرا ربنا يكرمك

ماما أمولة يقول...

شمس النهار
كل إناء ينضح بما فيه ولا يهمك يا حبيبة قلبي
كل سنة وأنت طيبة يارب ويجعله عام خير عليك وعلى كل حبايبك اللهم امين

ماما أمولة يقول...

رحــــيـل
ربي مايحرمني منك يا بنوتي يا أصيلة ياغالية
تسلميلي يارب

ماما أمولة يقول...

كلمات من نور
اللهم امين
ربنا يبارك فيك حبيبتي يارب ويحفظك وأهلك وكل المسلمين

ماما أمولة يقول...

موناليزا
فعلا يا حبيبتي ربنا يحفظك ويحفظ الجميع
وكل سنة وأنت طيبة يارب

ماما أمولة يقول...

Dr Ibrahim
نعم قلنحترس
شكرا لك يا دكتور
كل عام وانت بكل خير يارب

ماما أمولة يقول...

خواطري مع الحياة
وعليكم السلام
الحمد لله حبيبة قلبي ربنا يخليك
ربنا يحرسك يكفيك كل شر اللهم امين
وكل سنة وأنت طيبة وسعيدة
ربي مايحرمني منك ابدا

ماما أمولة يقول...

(هيبو)
ربنا يحفظك

ماما أمولة يقول...

bastokka طهقانة
نورتي الزمن الجميل
ربنا يصلح حالك ويحفظك

ماما أمولة يقول...

أخي الفاضل
أ / أحمد عبد المنعم
صلى الله عليه وسلم
جزاك الله كل الخير وأكرمك كما تكرمني دوما بكلماتك الطيبة
دمت بحفظ الرحمن ورعايته

ماما أمولة يقول...

MR.PRESIDENT
الله عليك ربنا يخليك ويصلح حالك
وكل سنة وأنت طيب وسعيد يا بسام يارب
شكرا على ذوقك

ماما أمولة يقول...

صياد
بارك الله فيك وأعزك
شكرا
وكل سنة وأنت طيب وبخير

ماما أمولة يقول...

ياسر سليم
ربنا يحرسك يارب
واهلا بك في الزمن الجميل
وكل سنة وأنت طيب وبخير

ماما أمولة يقول...

richardCatheart
اللهم امين
ازيك يا حبيبة قلبي يارب تكوني بخير
وكل سنة وأنت طيبة وسعيدة اللهم امين

هبة النيـــــل يقول...

ماما أمّولة

حبيبتي انتِ اللي وحشاني

العلاقات الإنترنتيّة مثلها مثل أي علاقات بالبشر

فرغم الكيبوردات ورغم الأسلاك ولا سلكيات

إلا أنكِ تتعاملين بالنهاية مع بشر

تخفي الشاشة مثلما تخفي الوجوه

فكثيرا ما تخفي الوجوه المبتسمة.. وحوش أيضا

الغريب أن البشر يذكرون عن بعض "الزواحف" قدرة تغيير الجلد.. غير أن البشر -ما أظلمهم- قادرون على تغيير "الملامح" أيضا وليس الجلود فقط..

دمتِ .. نقيــّة,,,

هبـة,,,

ماما أمولة يقول...

هبة النيل
أهلا بك حبيبتي
نعم أعلم
اللهم قنا شرهم اللهم امين
شكرا لك ولاهتمامك
دمت بكل الحب

محمد الجرايحى يقول...

السلام عليكم ورحمة الله وبركاته
هو عالم افتراضى ولكنه أصبح فى حياتنا له مكانة كبيرة..ولا نستطيع أن ننكر سلبياته وإيجابياته..وهكذا الحياة بواقعيتها وافتراضيتها.

وأكيد الاحتراص ضرورى
ولكن يظل عالم له سحره

وكل عام وأنت بخير
بارك الله فيك وأعزك

ماما أمولة يقول...

أخي الفاضل / أ محمد الجرايحى
أنا معك في كل كلمة
حفظك الله أخي
وكل عام وحضرتك بكل خير

أم هريرة (lolocat) يقول...

السلام عليكم ورحمة الله

ماما امولة الجميلة
قرات كلماتك قبل اى تعليق لكنها لمست شىء قد حدث معى من ايام
فكانت تاتينى تعليقات سخيفة كثيرا تضايقنى ...وشعرت فعلا للحظة انها غابة ولولا بعض اصرار وارادة لكنت حذفت مدونتى ورحلت
لكن وقوف البعض من المخلصين بجوار اصدقائهم يجعلنا نعيد النظر مرة ثانية ونفكر باسلوب هادىء فكما فى الغابة وحوش ففى سمائها طيور مغردة

تحياتى لك يا اجمل ماما امولة
دمت بخير

ماما أمولة يقول...

أم هريرة (lolocat)
كل عام وأنت بخير يارب حبيبة قلبي
ربنا يحميك ويبعد عنك كل حاقد وحسود اللهم امين
شكرا لك ولتواجدك ال1ي يسعدني
دمت بحفظ الرحمن