الاثنين، يونيو 07، 2010

سألوني





سألوني
هو الحب قصيدة
ولا وردة وتنهيدة
ولا صوت جميــــل
في تغريــدة
سألوني
هو الحب كلام
ولا نظرة وسلام
ولا همس وغرام
سألوني
هو الحب حنين
ولا شوق بأنين
ولا انتظار سنين
سألوني
هو الحب إيه
ماتقوليلنا عليه
تعرفي توصفيه
وبالكلمة تحدديه


قلت
الحب حياة
غير الأمل فيها مانشوف
الحب قلب
مايعرف أبدا خوف
الحب نبض
بيسري بلمس الكفوف
الحب كلمة
نقراها من غير حروف
الحب بذرة
في أرض طيبة
على مد الشوف
الحب ضحكة
من القلب
تسوى الألوف
الحب طبطبة
تشيل الهم وتزوف
الحب طير في السما 
بيطوف
الحب سماح
قلب مرتاح
ما يعرف الكره مهما يشوف


الحب ياناس مش 
شابة وجدع
الحب طبع
 في القلب انطبع
الحب بير
 من الروح نبع
الحب ألم 
من غير وجع
الحب قلب
 للكون اتسع




ماما أمولة
  

هناك 31 تعليقًا:

أم الخــلـود يقول...

جميلة جدا ورايقة خالص .. سلمت الأنامل

بنت وولد يقول...

الله عليكى يا امل
انتى وصفتى الحب من كل ناحيه
و مسيبتيش حاجه مش اتقالت

الحب شعور جميل قوى بياخدنا لدنيا تانيا
بخلينا طايرين زى الفراشات
بيخلينا نشوف كل حاجه حوالينا حلوه

دمتى مبدعه دائما

أحــوال الهـوي يقول...

امل هانم

كتبتي ملحمة تدرس في دروب العشق و الهوي

رؤية شاملة و دراسة عميقه

يحق لي الاحتفاظ بها كمرجع قيم اتذود منه بمهارات الحب و الهوي

طبعا بعد الحصول علي موافقة صاحبة القلم المبدع

تحياتي

مـجـنـووون يقول...

كلمات جميله وأحساس راقي

الحب حاجه كبيرة قوي مش بالسهل نقدر نعبر عنها بالكلامات

تقبلي مروري
مجنووون

Tarkieb يقول...

بصراحة جميلة جميلة .....وبجد كويس انهم سألوكي انت مش انا كنت بصراحة هههه طفشتهم..عارفة بعد كدة لو سألولني حاقولهم روحو لامولة بقى...اوجزتي فابدعتي

SHAPE YOUR LIFE (ABOALI) يقول...

ما شاء الله بجد

كلمات صافيه فعلا عبرت عن الحب تعبير دقيق ...فالحب فعلا احساس تحيا به القلوب واذا غادرقلوبنا تفقد نبض الحياه .

جميل جدا ما كتبتى وواضح ان فيه تقدم وتالق رائع فى الكتابه باللغه العاميه.

اتمنى ان نظل نستمتع دائما بهذا القلم الراقى والقلب الرائع .

اميرات الاسرار يقول...

الحب ياناس مش شابه وجدع الحب طبع فى القلب انطبع الحب بير من الروح نبع الحب الم من غير وجع الحب قلب للكون اتسع


عجبتنى جدا الجمله دى
والله احساسك ؤائع جدا تسلم اناملك
انا اول مرة ادخل هنا وان شاء الله مش هتكون اخر مرة
وياريت تشرفينا فى مدونتنا مستنينك
اميرات الاسرار

ماما أمولة يقول...

أم الخــلـود

سعيدة جدا بتواصلك الجميل

شكرا لك

ربنا يسلمك يارب

ماما أمولة يقول...

بنت وولد

اهلا وسهلا نورت المدونة وعالم التدوين

شكرا لك

واهلا بك بين أحرفي

دمتي بود غاليتي

ماما أمولة يقول...

أحــوال الهـوي

أستاذ عصام أشكرك حقا على ماخطت يداك في حق كلماتي

فنحن من نتعلم من حضرتك

ويحق لك الاحتفاظ بما تريد من كلمات

أشكرك

دمت بكل الخير يارب

ماما أمولة يقول...

مـجـنـووون

حمد الله على السلامة

يارب تكون دايما بخير

أكيد طبعا مافيش حاجة تعبر عنه

وماهي إلا محاولات

دمت بكل الخير يا محنووون

ماما أمولة يقول...

Tarkieb

الحمد لله إن الكلمات عجبتك

ههههههههه ها طفشهم ليه بس ؟

ربنا يصلح حالك

شكرا لمرورك الطيب دوما

شكرا

ماما أمولة يقول...

ابو علي

سعيدة ان كلماتي عجبتك بجد

شكرا لك على ذوقك وطيب ردك

نعم احببت استخدام العامية

فهي أسهل فعلا ومفرداتها متاحة

أشكرك واتمنى لك كل الخير يا ابو علي

ماما أمولة يقول...

اميرات الاسرار

أهلا اهلا بالأميرات

نورتوا الزمن الجميل

وانا ايضا اتمنى دوام التواصل

وشكرا لمرورك الطيب

وهاأزورك طبعا

دمتم بكل الخير

richardCatheart يقول...

جنااااااااااااااااااااااان

مظبوطه على الشعره

كلها حلوه معنى وكلام ائله واجوبه

ماشاء الله عليكى

تحياتى

ماما أمولة يقول...

richardCatheart

شكرا لك أنت حبيبة قلبي على ذوقك

ربي ما يحرمني منك

دمت بكل الخير يارب

SHAPE YOUR LIFE (ABOALI) يقول...

بقى اغيب شوية
ارجع الاقى سألونى
يا عينى لما الكلمات تستسقى من الرحيق وتتعطر الحروف بالاحاسيس
اكيد طبعا المعنى تبسم من ذلك الوصف الجميل للحب

الحب
روعة بين المحبين
يحمل رايات اشتياق
ام هو رونق بين الورود
حمل معانى البقاء
ام كلمة جمعت انسان
فحملت معاها الذكريات
ام اكتمال عجز عن وصفة الشعراء
ام ترانا اذا دخلنا بستان الزهر
سئلنا عنه جاءت الاجابة انه سر جمال الكون وتألف الحياه


تقديرى لما كتب هاهنا

ماما أمولة يقول...

SHAPE YOUR LIFE (ABOALI)

ابو علي

ما أجمل كلماتك التي تضيف لكلماتي دوما

أشكرك على كرم أخلاقك وعلى ردك الطيب

ربنا يصلح حالك يارب

وسيظل عطرك هنا

كلمات من نور يقول...

لا تقولي الأبنودي ولا جاهين

دي أمولة الزمن الجميل غطت وزادت مش بس حبه لا حبتين


أحبك في الله في أمولة الزمن الجميل

ذكري رحيل قلم يقول...

السلام عليكم

سلمت اناملك التي خطّت
وسلم القلب الذي حس والعيون المشتاقة للبحث عن كلمات رقيقة وجذابة ذات رهف وحس

دمتي بقلب نابض للحب

ماما أمولة يقول...

كلمات من نور

رينا يكرمك يا نورانية

شكرا لك حبيبة قلبي

ربنا يصلح حالك ويبارك في عمرك

ماما أمولة يقول...

ذكري رحيل قلم

رهف قلبي

يسعدني تواجدك الجميل ويسعدني ردك الراقي
جزاك الله كل الخير يارب

شكرا لك غاليتي

محمد الجرايحى يقول...

تقبلى مرورى وتقديرى واحترامى

ماما أمولة يقول...

أ / محمد الجرايحى

كل التقدير والاحترام لحضرتك

beautiful mind يقول...

الحب حياه
هي دي الخلاصة
حياة بمعني كلمة حياه
اسلوبك روعه يا ماما اموله
تسلم ايدك
تحياتي

ماما أمولة يقول...

beautiful mind

نعم الحب حياة بمعنى الكلمة

شكرا لردك الطيب

ربنا يسلمك يارب

فركشاوي ..ناوي يقول...

السلام عليكم ورحمه الله وبركاته ..
والله لن تدخلوا الجنه حتي تؤمنوا ...و لن تؤمنوا حتي تحابوا ...ألا أدلكم علي شيئ إن فعلتموه تحاببتم ...أفشوا السلام بينكم .
الحب... أول الطريق للجنه ...
الحب... بيسبق ليله الحنه .
الحب... في القلوب من الله منه .
متعنا الله واياكم بحبه ...و حب من يحبه .

mohamed ghalia يقول...

جميلة يا امى بجد
أنا جاى أسلم

ماما أمولة يقول...

فركشاوي ..ناوي

وعليكم السلام ورحمة الله وبركاته

اللهم أمين يارب

اللهم تقبل منك

قديري

ماما أمولة يقول...

mohamed ghalia

ربنا يصلح حالك ابني الغالي
ربنا يبارك في عمرك اللهم امين

منجي بـــــــــــــاكير يقول...

طبعا رجاحة عقل ماما امولة تميّزت
كما عادتها ، قالت فوفّت ،،،

الحب بذرة
في أرض طيبة
على مد الشوف

بس أمانة عليك هو مازال يصلح ها الكلام على أيامنا هذه و مع شبابنا اليوم !؟
أظن ّ الغالب أصبح على وتيرة البريكفاست ههه

تقديري