الثلاثاء، يونيو 01، 2010

رسمتك





رسمتك حبيبي
رسمتك بكل ألوان الكون
رسمتك قلب حنون
يضم ولا يْكِل


رسمتك حبيبي
بلون التلج
قلب أبيض زي الفل


رسمتك بلون السما
 فيروز صافي العيون
على الجميع بتطل


رسمتك بلون البحر
يوم هادي
وألف يوم مجنون



رسمتك بلون الشجر
فارد أغصانك للضل


رسمتك بلون المطر
تروي العطاشى
ما تمل


رسمتك بألف لون ولون


رسمتك بلون الشمس بحس الهمس


رسمتك بلون الليل


 وغنى المواويل
 رسمتك النهارده وبكرة وأمس


رسمتك بجنون
رسمتك حلم جوة العيون
ورا الجفون مفتون


رسمتك زهرة بكل الألوان
أصفر بلون الغيرة
أحمر بلون الشوق
رسمتك عاشق ولهان


رسمتك قوس قزح بين المطر والشمس حيران
مادد إيديه بين الصفا والغيم
 غرقان


رسمتك طريق
رسمتك صديق


رسمتك فرحان
رسمتك زعلان



رسمتك وراسك على كفة ايدي
 نايم نعسان


رسمتك طفل في حضني
 حاسس بأمان


رسمتك ورسمتك كتير
فراشة 
 في كل الأحلام
تطبطب عليه بحب وحنان


رسمتك سما رسمتك أرض
رسمتك طول رسمتك عرض
رسمتك هوى رسمتك نبض


رسمتك وطن رسمتك عَلـَم


رسمتك حِلـْم رسمتك عِلـْم
رسمتك بكل أشكال الكون
رسمتك بسمة رسمتك همسة
رسمتك ضيا في العيون
رسمتك بحب مالي القلب
يكفي كل الكون
رسمتك حبيبي







بقلم ماما أمولة






هناك 28 تعليقًا:

فشكووول يقول...

السلام عليكم

أللــــــــــــــــــه ... الله ينور عليكى ..
عارفه يا هانم .. الكلام حلو قوى قوى والواحد رجع بيه عشرات السنين للخلف
كمان الكلام ينفع يكون لأى شئ .. الرومانسيه ينفع ... لفلذات الاكباد .. ينفع .. للوطن اللى مطلع روح اللى خلفونا .. برضه ينفع

رسمتك حبيبى بكل حاجه حلوه فى الدنيا

فشكووول يقول...

اعتذر يا ستنا عن غيابى هذه الفتره لانى كنت بعيدا عن النت لفتره كبيره لانى كنت ما بين التل الكبير والبحيره والاسكندريه .. بعيد عنك عمل بين التلات بلاد دول

تحياتى

أمل حمدي يقول...

فشكووول باشا

يا ألف مرحب بيك منور الزمن الجميل
وصاحبة الزمن الجميل

أنا سعيدة إن الكلمات عجبتك

وفعلا هي بحرها واسع وتساع الحبيب والابن والوطن

ربنا يصلح حالك يارب يا فشكول

شكرا

كلمات من نور يقول...

الله عاللوحة دي يا أمولة الزمان الجميل


كلمات للحبيب وللوطن وللولد ووووووووو

كلمات بكل الألوان .....ربي يباركلنا في عمرك ويخليكي لكل أحبابك خصوصا حبيبتك بلوجر اللي وحشتيها خالث مالث

العلم نور يقول...

السلام عليكم

ما أعذب كلماتك وألوانك الساحرة سلمت الأنامل

هي وظروفها يقول...

هنا حيث شعار

نحن بدأنا من حيث انتهي خيال الاخرون

انا مش هنافقك ولا هكدب ولا اقول غير الحقيقه

والله الكلام ده من الجمال والفن والرسم بالكلمات كاروع ما يقال لالاطفال من ام من الامهات

ومبالك بقي لو كان من عمايل دماغ ماما اموله بذات نفسيتها

اكيد له طعم ولا اروع من كده

يسلم خيالك يا مبدعه

أمل حمدي يقول...

كلمات من نور

شكرا يا نورانية

ربنا يصلح حالك ويبارك في عمرك يارب

وأنت كمان وحشتيني بجد

أمل حمدي يقول...

أم الخــلـود

وعليكم السلام ورحمة الله وبركاته

لاتعلمي كم سعادتي لتواجدك الجميل بين كلماتي

أشكرك لردك الطيب

دمت بكل الخير يارب

أمل حمدي يقول...

هي وظروفها

ربنا يخليك يا وليد يارب

شكرا لكلماتك الطيبة التي أسعدتني

ربنا يصلح حالك ويبارك لك في عمرك

اللهم أمين

أحــوال الهـوي يقول...

يا جمال الوانك و بلاغة فرشاتك يا استاذه امل

كلمات جميلة اختلطت بها الصور و المعاني

و احاسيس مبهجه ابدعتي برسمها بلوحة سوف نعلقها علي ابواب المحبين

تحياتي

أمل حمدي يقول...

أحــوال الهـوي

أشكرك يا أستاذ عصام

ربنا يبارك في حضرتك يارب

richardCatheart يقول...

الله الله الله

الله على رسمك والوانك وحروفك وخيالك

ربنا يكرمك يا ماما اموله

ومايقصفلك قلم ابدا

تحياتى للرسم الرائعه وصاحبه الرسم الجميله

أمل حمدي يقول...

richardCatheart

تسلميلي يارب ويسلملي مرورك الجميل
وكلامك الجميل

شكرا لك حبيبة قلبي

دمت بود

Tarkieb يقول...

إزيكم .... كيفنكم أنا لي زمان ما شفتكم. .. يارب تكوني بخير.والله لما باجي هنا اكني شميت ريحة مصر...ظروف شغل بقى قطعتني عن كله.. بس ايه الكلام الجميل ده .. يا بخته بقى ياستي المرسوم ده دا باين عليه قمر وحليوة وطيب كدة زي حالاتي .بس تصدقي انه الصورة المرسومة دي تحسي انها بقى فولة واتقسمت مني..سبحان الله بقى معا اختلافات بسيطة(مش اوووي يعني) هو لولا بس العين الزرقا كنت جيت اخدت الصورة بقى وقلت انا اهو..أنا مش عارف ايه ياستي حبكوا للعين الزرقا ليه كدة ؟.ده حتى بيبان فيها اي حاجة بسرعة مش زي العين السودة حاجة بقى جميلة وغسيل ومكوى ,واووعي يكون شعره اصفر تبقى حوسة بقى,كل سنة وانت طيبة ومبروك ع النيو لوك للبلوج وربنا يخلي ليكي ابو عين زرقا يا ستي .....ومستنين صور تانية

أمل حمدي يقول...

Tarkieb
أهلا أهلا أهلا
حلوة الاغنية دي بحبها
الحمد لله أنا بخير يارب تكون بخير أنت كمان
ابو عيون زرقا دا في الخيال يا تركيب
وما فيش أحلى ولا أجمل من عيونا السوداء
دا بس لون علشان اللوحة تطلع ملونة

نورت يا تركيب
وحمد الله على سلامتك
ربنا معاك

م/ الحسيني لزومي يقول...

تري هل يأتي يوما يصبح فيه الحب عقيده باقة ورد او قصيده ؟؟؟؟؟؟؟؟؟؟؟؟؟؟؟

أمل حمدي يقول...

م/ الحسيني لزومي

نعم هو باقة ورد وقصيدة

تقديري

أ / أحمد عبد المنعم يقول...

أخيرا عرفت أدخل هنا لأعلق
بعد محاولات أيام

أمل حمدي يقول...

أ / أحمد عبد المنعم

نورت المدونة

ولا أعلم ما العيب الشكوى المتكررة من عدم فتح التعليقات

الله المستعان

شكرا لمرورك الطيب يا أستاذ أحمد

Unknown يقول...

مش انا بس التعبان من التعليقات فيه غيري والحمد لله ...اكثر من 10مرات اكتب التعليق و يضيع ...جميل جميل الزمن الجميل ...الله الله ماما اموله .

أمل حمدي يقول...

فركشاوي ..ناوي
حقك عليه يا فركشاوي والله ماعارفة السبب وغيرت الاستايل أكتر من مرة وما فيش فايدة
شكل الزمن الجميل اتحسد ولا ايه

شكرا يا فركشاوي
ربنا يبارك فيك يارب

beautiful mind يقول...

رسمتك بلون البحر
يوم هادي
وألف يوم مجنون

هو دا الكلام
تسلم ايدك ياماما اموله
بجد البوست تحفه

أمل حمدي يقول...

beautiful mind

الله يسلمك يارب
شكرا على ردك الطيب
ربنا يصلح حالك يارب

وظائف مصر يقول...

سيدو بيحيكى على الكلام الجميل ده ونحن سعداء بوجودك فى منتدى مصر

وظائف مصر يقول...

سيدو بيحيكى على الكلام الجميل ده ونحن سعداء بوجودك فى منتدى مصر

أمل حمدي يقول...

شكرا يا سعيد
نورت الزمن الجميل
وأنا اللي بحييك على مرورك الجميل

كل التقدير

Unknown يقول...

رائعة من رائعة
شكرا لك كثيرا على هذا الجمال
دمت مبدعة

أمل حمدي يقول...

أ / عماد
شرفت مدونتي المتواضعة بمرورك الأروع
كل التقدير لحضرتك