الجمعة، أكتوبر 03، 2008

كلاكيت تاني مرة





هذا التاج جاء الي من اخي صاحب مدونة فكرة حرة




ويوجد تاج آخر لم اقم بحله بعد من اختي الحبيبة صاحبة مدونة تصويرة




اوجه اليهما خالص شكري وامتناني




وجزاهما الله كل الخير




س1-بدأت تدوين إمتى ودخلت العالم ده إزاي ؟
انا بقالي حوالي سنة ونصف في منتدى ومشرفة في قسم الاسلامي وليه كتاباتي الخاصة وخواطري وكان المنتدى بيقع او يتقفل خفت ان كل دا يضيع فقلت اجرب واعمل مدونة احفظ فيها كتاباتي وفعلا عملتها ولوحدي والحمد لله كنت موفقة.
س2-إيه كان إنطباعك في البدايه ؟
كنت سعيدة جدا ومكنتش على فكرة اعرف الا القليل جدا من المدونين .
س3- مين أكتر حد بتهتم بتعليقه على البوست الجديد ؟
كل واحد دخل المدونة وعلق على البوست كنت اهتم بيه واحترم رأيه.
س4-إيه أهم حاجه إتعلمتها من التدوين ؟
خلاني اطلع اللي جواية من غير تكليف او احراج.


س5- إيه أكتر حاجه كرهتها ؟
كرهت الكلمة الزائفة اللي تقلب الحقائق وتجعل القاتل شهيدا
كرهت مداد السم الذي يقتل دون ادراك او رحمة.


س6- حاسة إن التدوين له تأثير؟
طبعا له تأثير قوي فاننا نقول ما بداخلنا اوما يشغلنا ونتشارك فيه جميعا بالرأي او بالكلمة الطيبة.


س7- إذكري ستة أسرار لا يكتشفها من يقابلك لأول مره ؟


مافيش في حياتي اسرار ومش عارفة اجاوب السؤال دا.
س8- سبع حاجات تحب تعملها ؟
احب اسافر
احب الكتابة.
س9- سبع حاجات معرفتش تعملهم




هو ايه السر في رقم سبعة يمكن علشان الشهر اللي اتولدت فيه بجد كرهته من كتر الاسئلة.




س11- سبع مشكلات في حياتك ممكن تحلهم بالفلوس ؟
الفلوس عمرها مابتحل مشاكل
لاالصحة بترجعها الفلوس ولا راحة البال ترجعها الفلوس ولا السعادة نقدر نشتريها
بالفلوس.


الفلوس وسيلة لسد حاجة لكن ليس غاية.
س12- سبع أماكن بتحبها ؟
مكة
المدينة المنورة
الحسين
الاسكندرية
راس البر
وطبعا بورسعيد
وكل مكان يكسر الروتين ويبعث السعادة.
س13- أشخاص بتحبهم غير بابا وماما وإخواتك
بحب زوجي واولادي عبد الرحمن وايمان واماني.


س14-مدونين بتحب تقرا لهم ؟
كل مايمس القلب ويصل الى القلب احبه.

س15- تمرر الواجب لمين ؟امرر الواجب
ولاخي
ابو علي
والى ابنتي
شموسة

س10-7 حاجات دايماً بتقولهم ؟
دايما في الشدة اقول (لا اله الا انت سبحانك اني كنت من الظالمين )دايما اقولها وربنا يفرج الكرب مباشرة.
ودايما الحمد والشكر لله.

هناك 56 تعليقًا:

مـجـنـووون يقول...

تشرفت بالتعرف بيكي أمي الغاليه

ويا رب يحقق ليكي كل أحلامك وامالك

ويخليلكي لأولادك ويبارك ليكي في زوجك

تقبلي دعائي
مجنووون

أمل حمدي يقول...

ازيك يا ابني الغالي

نفسي اعرف اسمك بدل مجنووون

شكرا لدعائك ربنا يبارك فيك يارب

سعدت بمرورك ايها الغالي

أ / أحمد عبد المنعم يقول...

بسم الله الرحمن الرحيم
كلمات موجزة
معبرة عن شخصية محترمة
تحب الخير للآخرين
لكن لماذا صبغة الحزن الموجودة بين ثنايا الكلمات
بارك الله فيك أختى أمولة
وجعل الخير ينساب بين ثنايا كلماتك ليمس قلوب الناس ويرشدهم إلى النفع

mahasen saber يقول...

ماما اموله...كل سنه وانتى بالف خير
وربنا يجمعنا واياكى فى المدينه المنوره والحرم المكى الشريف
واكتر حاجه عجبتنى فى كلام حضرتك ان المال مبيشتريش صحه ولا راحة بال
جزاكى الله كل خير
وعيد سعيد عليكى
وعلى كل اسرة حضرتك
وعلى كل اهل بورسعيد
وكل من تحبين
وكل ابنائك من الطلبه....
تقبلى خالص تحياتى
وتقبل الله دعائى لحضرتك بوافر الصحه و الستر...

أمل حمدي يقول...

اخي ا/احمد

الابن البار بامه

شكرا لك سعدت بزياتك

وشكرا لدعايك

دمت بكل الخير

أمل حمدي يقول...

mahasen saber

وانت بكل خير يارب

ونكون صحبة عند رسول الله صلى الله عليه وسلم

شكرا حبيبتي لكلامك ودعائك

ربنا يبارك فيك يارب

SHAPE YOUR LIFE (ABOALI) يقول...

الى ماما امولة
سعدت بأخذ الواجب
وحالا سألف العالم معى افكارى
لعلى وعسى اعثر على اسرارى
ففى الوجود سرُ طالما غير حالى
لماذا نلهث فى الدنيا
ونجمع المالى
ونسينا الزاد فى الاسفارى


تحياتى لك
فى يوم من الايام سأجيب على الواجب
لاءنه صعب يا امى

أمل حمدي يقول...

ابو علي

كلامك جميل ماشاء الله عليك

لميت الواجب بتاعى ولخصته في كلمتين

انا مستنية الواجب

مافيش اعذار

سلام

إشراقة أمل يقول...

ماما اموالة
ازيك
اجابات جميلة وشاملة
ربنا يوفقك
تحياتي
اشراقة

أمل حمدي يقول...

اشراقة

اشكر لك رقة كلماتك

ودعائك

شكرا حبيبتي

محمود حسن العدل يقول...

السلام عليكم ورحمة الله وبركاتة
ماما اموله
اجابتك على التاج جميلة جدا
وضحت صفات هامة من شخصيتك
او بمعنى ادق قربتنا منك اكتر
اجمل مافى الدنيا ان يبقى ليك اخوات
انت فعلا مش عاشرتهم لكن اتمنيتهم
ولاقيتهم كاهدية من الله تعتز بهم ويعتزو بك ...
تحياااااااااااااااااتى اختى الغالية

غروب يقول...

كل سنه وانتى طيبه يا ماما ..

ahmed_k يقول...

جميله إجاباتك يا أموله
ومختصره أوي بس مفيده
وعلى فكره أنا كمان من مواليد شهر 7
وبحبه جدا وبحب الرقم 7 والرقم 29 جدا
لإرتباط مولدي بيهم وبداية علاقتي بدنيانا

ربنا يسعدك ويقق أمانيكي


مع خالص تحياتي

أمل حمدي يقول...

اخي محمود حسن العدل

وعليك السلام ورحمة الله وبركاته

يشرفني ان يكون لي اخ مثلك

ربنا يصلح حالك ويجمعنا دائما على الخير

دمت بحفظ الله

أمل حمدي يقول...

وانت طيبة يا سارة

شدي حيلك الدراسة بدئت

ربنا معاكي

أمل حمدي يقول...

اخي احمد ازيك

يعني حضرتك من مواليد نفس الشهر

الشهر دا احب الى قلبي عن بقية الشهور

مش علشان مولودة فيه

يمكن علشان اجازة من العمل عندي وعند

اولادي وبحس بان المسئولية خفت من عليه

الله اعلم

على العموم احنا عرفنا اليوم والشهر

وخلي السنة في سرك

نورت البوست اخي الكريم

سلام

غير معرف يقول...

عاااااااااااااا

طب انتى عارفة إن أنا كنت مديالك التاج ده من بدرى

بس بجد أنتى زى العسل و القمر و كل حاجة و ربنا يسعدك يا رب

أنا جاية اسلم عليكى و أقولك حتوحشينى اوى اوى لأنى حسبكم
أبقى أقرى بوستى الجديد لأنى محتاجة الدعاء

أمل حمدي يقول...

انا ودماغي

بجد معرفش انك ادتيني التاج ولا حد بلغني

وعلى العموم متزعليش حقك عليه

احلهولك تاني

والله انت اللي عسل

انا رايحة مدونتك اشوف فيه ايه

سلام

ROSA E OLIVIER يقول...

Wonderful bblog!...and for you...

"love is the one who masters all things."

Mawlãnã Rumi.

أمل حمدي يقول...

ROSA E OLIVIER

thanks for your comment

and its great honour to me

رؤية يقول...

كثيرا ما قرات اسمك وتمنيت دخول مدونتك،
ارجوا الا يكون دخلى دخول الامتطفلين الدخلاء،

جميل ان ارى تاجك هذا،
دمتى طيبة،
تحياتى لك.

أمل حمدي يقول...

غاليتي رؤية

دخولك دخول الكرماء

نورتي مدونتي وياريت تتكرر الزيارة

دمتي بكل الخير

تسنيم محمود حسين يقول...

السلام عليكم

ماما أموله ازى حضرتك......كل عام وانت بخير صحه وعافيه...
وعلى فكره عجبنى اوى ردك على الأسئله..
ربنا يوفقك دايما

والسلام عليكم

Beram ElMasry يقول...

العزيزة الغالية ماما امولة
مع انى لا احب المشاركة فى لعبة التاج ، لانى اراها غير امنة ومجرد سلطانية ، يعنى تاج الجزيرة ، ولكنى حبا لك وكرامة والسعة اجيب
ابنتى . اجابتى لاصحاب التاج هى
س1-بدأت تدوين إمتى ودخلت العالم ده إزاي
بتاريخ كتابة اول قصيدة ، ودخلته قفزا
س2-إيه كان إنطباعك في البدايه ؟
لاشئ
س3- مين أكتر حد بتهتم بتعليقه على البوست الجديد
الجميع وبالتساوى
س4-إيه أهم حاجه إتعلمتها من التدوين ؟
السهر
س5- إيه أكتر حاجه كرهتها
السهر
س6- حاسة إن التدوين له تأثير؟
انا راجل
س7- إذكري ستة أسرار لا يكتشفها من يقابلك لأول مره ؟
انت حماى ياحماى دى متبقاش اسياى
س8- سبع حاجات تحب تعملها ؟
معرفة ، صاحب فكرة التاج ، والداعم ، الممول ، الناشر ، المحلل للمعلومات ، المحصلة ، ولمن تقدم
س9- سبع حاجات معرفتش تعملهم
عكس السبعة السابقة وسوف اعرف
س10-7 حاجات دايماً بتقولهم ؟
عدم مجارات السفيه ، سرى عورات وطنى فى اخفاؤها امنى ، لا اجادل فيما يشاركنى فيه غيرى ، حريتى ان لا اسيئ الى من حفظ لى اداميتى ، ان حرمتنى امتى سرقت وان ضيقت الخناق مرقت ، لو اطمان قلبى على فوت يومى وامنت غدى فانا حر ، لا خير فى وضيع شبع
س11- سبع مشكلات في حياتك ممكن تحلهم بالفلوس ؟
كل شئ بين شعب لايملك قوته واصبح غده وهما
س12- سبع أماكن بتحبها ؟
مكان احقق فيه ذاتى – وظيفة بدون كوسة – مسكن امن لاسرتى – موصع امن اعبد فية ربى ، مشروع لايسرق ، مكان ادع فيه مالا لايساء استخدامه ، وطن حر
س13- أشخاص بتحبهم غير بابا وماما وإخواتك
بنتى – ابنى - بنت اخى –ابن اخى – بنت اختى - لبن اختى – ابن الجيران
س14-مدونين بتحب تقرا لهم ؟
الجميع
س15- تمرر الواجب لمين ؟امرر الواجب
مالا خيرفيه امنعه عن الجميع
من اجل ابنتى اجبت واستاذنها فىنشرها فى مدونتى بعد رفع الاسم
وكل عام وانت واسرتك فى خير وسلامة

أمل حمدي يقول...

تسنيم

كل عام وانت بخير حبيبتي

شكرا يا تسنيم

ربنا يصلح حالك ويوفقك

أمل حمدي يقول...

اخي بيرم المصري

انا اسفة لو كنت سببت لك اي ازعاج

ولكن انا باهدائي هذا التاج المعنوي

لحضرتك

كان تقديرا لك ورغبة في

التعرف على شخصكم الكريم

ربنا يحققلك كل ما تتمنى

شكرا لك

اخجلتني

غير معرف يقول...

مامي

عاملة ايه.. يا ستي آديني رديتلك الزيارة بس مالقتش عندكو شاي بلبن
لألألأ كده ما ينفعش
انا هعديها المرة دي بس انما المرة الجاية لا ممكن تنزل أبدا

كل سنة وانتي طيبة

مها ميهوووو

أمل حمدي يقول...

ازيك يا مها

كل سنة وانت طيبة يا ستي

اوعي تزعلي المرة الجاية هاتلاقي كل

اللي انت عايزاه

بس تنوريني

سلام

مهرة سالم يقول...

ماما اموله....
بالنسبه لي أرى أن التيجان تقربنى من بعض أكثر...
اجاباتك جميله زيك يا ماما ...
دمتي بخير

أمل حمدي يقول...

M.K

شكرا يا حبيبتي على رقة مشاعرك وذوقك

دمتي بكل الخير يارب

الرومـيصاء يقول...

انا قرأت المدونه من اولها لى اخرها بس عندى تعلقين بساط ياريت تتقبليهم بصدر رحب
انا لاابغى الا النصح
هما على القصيده التى تكلم عن القدس هى جميله بس فيه اخطاء عقائديه ممكن تكونى مأخديش بالك منهم
اولا
(ركعت.. حتى ملّني الركوع) امممم مش عارفه بس انتى مش حاسه ان فيها حاجه غلط يعنى الركوع ده فعل من افعال الصلاه بيكون لله ازاى هيكون فيه ملل او هو هيمل ؟
ثانيا (من ينقذُ المسيحَ ممن قتلوا المسيح؟ ) المسيح لم يقتل ياحبيبتى هذه عقيده النصارى
اما المسلمون فيؤمنون ان الله رفعه اليه
قال الله (وماقتلوه وماصلبوه )
وطبعا كلنا نفسنا الله عز وجل يطهر الارض دى
من رجز اليهود
وعجبنى اوى ردك على البنى ادم الى علق
(مت بغيظك او مت كما تشاء)
انا كان فيه واحده دخلت مدونتها كانت كاتبه بوست بتقول انا مبكرهش اسرائيل
طبعا انا اتفرست وانا بقرأء البوست بتاعها
والحمد لله انها مش قدامى احسن الله اعلم ايه الى كان هيحصل
معلش انا مسحت التعليق من البوست الخاص بالموضوع وحطتها هنا علشان تقرأيها
وتقبلى مرورى
تحياتى.............

أمير البلانكو يقول...

ماما أموله

بجد أنا عايز أشكرك أوي

علشان أحنا اتعرفنا علي انسانه جميله أوي ومحترمه بجد من خلال هذا البوست

بجد يا ماما

تحياتي ليكي

غير معرف يقول...

جزاكم الله خيراً
إجابات رائعه ومفيده
ربنا ينفع بها
تقبل الله منا ومنكم صالح الأعمال

أمل حمدي يقول...

الرومـيصاء

جزاكي الله كل الخير على النصح

قد انتبهت لهذه الكلمات من قبل وتركتها لما نواه الشاعر
ولكن دفعا للشبهات حذفتها من البوست
اشكر لك تواجدك وزيارتك ويارب تتكرر
وعلى فكرة انا مش بزعل من اي نقد هادف
ربنا يصلح حالك
دمتي بكل الخير
واتمنى ان المدونة تكون عجبتك
واوعدك بالزيارة
سلام

أمل حمدي يقول...

امير البلانكو

اشكرك على ذوقك

سعدت بزيارتك

دمت بخير

أمل حمدي يقول...

القعقاع

جزاكم الله كل الخير

كل عام وانتم وخير

شكرا لتشريفك

لؤلؤة الاسلام يقول...

ما شاء الله ربنا يبارك في حضرتك اجابات رائعة
و جزاكم الله خيرا
و تحياتى
و تتقبلى مرورى

أمل حمدي يقول...

خديجة محسن "لؤلؤة الاسلام

بارك الله فيك حبيبتي

كل عام وانت بكل خير يارب

دمتي بكل الحب

غير معرف يقول...

السلام عليكم دعوة من القلب لعل الله يهدى على يدك الكثير أرجو من سيادتك التكرم والشرف لينا فى المشركه فى قسم الموضوعات الأسلامية فى مركز خدمة المدونين العرب فى شكل الجديد لكثرة الزوار من جميع أحاء العالم لنا فقررنا الأهتمام بالقسم الأسلامى لعل الله يهد الناس جميع دعوة من حققك أن ترفضى أو تقبلى بدون أحراج فقط أعلمينى بالرد وعلما بأن كل مقال تكتبيه يذكر بأسفله الأسم وأسم المدونة وشهرة أكثر أمام عدد زوار لا يقل يوميا عن 1300 زائر

أمل حمدي يقول...

خدمة نشر المقالات على العالم

السلام عليكم ورحمة الله وبركاته

يسعدني اكيد المشاركة معكم

ليس للشهرة ولكن رغبة في رضا الله

والنفع ان شاء الله

ارجو توضيع كيفية التواصل

وجزاكم الله كل الخير

غير معرف يقول...

أختى الكريمة أعزك الله سيتم التعامل مع الأخت من مصر المسوءاله عن خدمة النشر
أولا أرسلى أيميلك لنا فى أيقونة مراسلتنا ولا تكتبيه فى التعليقات حتى يتم أرسل رابط تفعيل العضوية وبعد ذلك يتح لك التسجيل ثم المشاركة فى كتابة تدويناتك الدينية
فقط أضغط على الرابط ينقلك الى مكان التسجيل

dr_samarmar يقول...

ماما أمولة


حضرتك زى العسل ماشاء الله و المدونة رائعة

تحياتى

لا للنميمة يقول...

ماما امولة
اجابات حضرتك جميلة جدااااااااا ربنا يخلى حضرتك لينا متألقة دائما
وحبينا بس نمر على حضرتك علشان نعلم حضرتك ان حملتنا على وشك البداية ويشرفنا تشريف حضرتك لينا بالمدونة
-----------
حملتنا هى حملتكم فلا تبخلوا علينا بمساهماتكم

dr_samarmar يقول...

ماما أمولة

حضرتك بسم الله ماشاء الله زى العسل و مدونتك رائعة بكل بوستاتها :)

ربنا يكرمك و يعزك يارب

محمد الدخاخنى يقول...

سعدت بتعليقاتك فى مدونتى التى بعثب ليا كثير من رياح الامل وأباريق الإضائة

جزاك الله خيراً أمى..وفقك الله فى الدنيا والأخرة..وجعل من أبنائك صلاح الدين ونور الدين محمد وعماد الدين زنكى

تحياتى

ابنك البار

Geo Amr يقول...

دى اول زيارة ليا لمدونتك وبجد حاجة رائعة جدااااااااااا وكل سنة وانتى طيبة وربنا يبارك ليكى فى زوجك واولادك ويكونوا ان شاء الله ذرية صالحة

Beram ElMasry يقول...

ابنتى العزيزة ماما امولة
اجبت من اجلك انت ولوكان هناك اى احراج لامتنعت عن الاجابة
انى حزين ان سببت لك احراجا سيدتى واقسم انى كنت سعيدا باختيارك لى لتمرير التاج انت خير من يصفح فسامحى
ولك كل التقدير

أمل حمدي يقول...

دكتورة سمر

منورة المدونة كلها

شكرا حبيبتي على كلامك الجميل

واتمنى اشوفك دايما منوراني

أمل حمدي يقول...

لا للنميمة

جعلها الله في ميزان حسناتكم

وان شاء سيكون بيننا تواصلا

دمتم بكل الخير

أمل حمدي يقول...

ابني البار

محمد الدخاخني

ربنا يبارك فيك

مدونتك فعلا جميلة وكفاية التزامك

ماشاء الله عليك

اتمنى لك دوام التوفيق ان شاء الله

امك ماما امولة

أمل حمدي يقول...

اخي بيرم المصري

مافيش اي حاجة والله

ربنا يصلح حالك

اشكر لك شعورك الطيب

غير معرف يقول...

العزيزه ماما اموله
موعد أذاعة تعليقاتك بالأذاعه بالمدونه
http://netonradio.blogspot.com

Beram ElMasry يقول...

ابنتى الماما امولة الكريمه
سلمك الله من كل سوء ومكروه ، وحفظ اسرتك الجميلة
كل ما ترينة والدكتور توكل ، والمشاركون فيه خير ان شاء الله ، لان كلاكما خير كله
لك شكرى وامتنانى

mohamed ghalia يقول...

إجابات رائعة من قلب طيب
كل سنة وحضرتك بخير
تقبلى تحياتى وإعجابى

أمل حمدي يقول...

mohamed ghalia

شكرا كتر خيرك على ذوقك

اتمنى دوام الزيارة والتواصل

دمت بخير

طـائر الليــل الحـزين يقول...

الزمن الجميل
فعلا اسم على مسمى . انا بحييكى على المدونة الجميلة قوى . واكتر على اجابتك الرائعة اللى بتعكس شخصية واضحة وصريحة وغير منافقة . وعاجبتنى كمان الاماكن اللى انتى بتحبيها . وجملتك اللى بتقولى فيها . اى اماكن تكسر الروتين
بجد انا سعيدة انى مررت على مدونتك
تحياتى