خليط بين الفصحى والعامية خدوها زي ماهي
مش شعر ولا نثر
بس وجع ....
************
مجنونة
تمد الخـُطى
و كتير تـِهـَدي
ساكتة
وساعات
بالكلمات تـِعـَدي
مجنونة
بتهرب من نفسها
تدفن جوة بير الضلوع
أوجاعها
و تسافر بشراع أحلامها
تنسى المكان و الزمان
تقيد الشموع لأوجاعها
مجنونة
ترسم ابتسامة بايدها
وتداري الحزن الموشوم بإيد غيرها
حزينة قوي فرحانة قوي
عجوزة طفلة
زي ما هي
الكل حابينها
لكن مجنونة
عايزة تصرخ
ومحدش يسمعها
عايزة تجري
على شطوط ماتمنعها
عايزة رملة وشمسة
وشوية بحر لوحدها
تبكي ماحد يشوف الدمع على خدها
تقسى بس على نفسها
تضحك بس على نفسها
لا حد يكدب ولا حد يعتب
مش عايزة حد غير نفسها
بس ياريت ترجع لها
مجنونة
وهربانة منها زي كتير قوي حواليها
عاملين نفسهم أعقل منها
وكل نفس أدرى ببلاويها
ضاق الخناق على روحها وبتقاوح
قاسية وعاملة نفسها بتسامح
بتحب قوي
لكن متعرفش تكره
مجنونة
هناك 6 تعليقات:
ستبقى كلماتك كما بقت كلملت فطاحل الشعراء ، لكن عليك بتكثيف الاشتراك في الندوات و المهرجانات الشعرية و بعدها محدش هيعرف يكلمك :))
بالفصحى أو العامية الإحساس مبدع وصادق
تقديرى واحترامى
أ/ محمد الجرايحي
كل التقدير للحضور الطيب
دمت بود
أ/ محمد محمود عمارة
أصحاب المهرجانات والندوات يقيموها لأنفسهم ولا لغيرهم
لا أجيد التملق ولا الوصولية
خليني كدا أحسن :)
تسلم يارب كل التقدير لك
يا أمل انا جربت اروح الندوات دي ليها ناسها ..والإنسان اللي مش منافق له طريقه الخاص هو يمكن صعب وطويل شوية بس حايوصل في الآخر ..التهييسة بتاعتك دي حلوة قوي ممكن انقلها لي انا شخصياً؟؟؟؟؟
طبعا يا زيزي اتفضليها تتشرف بيكِ
شكرا لك بحجم كل الحروف وبعطر كل الورود
إرسال تعليق