الاثنين، فبراير 06، 2012

على جدارك يا وطن






على جدارك يا وطن
بكتب اسمي ونسبي
بكتب همسي
وأنادي بعلو صوتي
عايزة أسمـَّع جدودي
ألمس حدودي
على جدارك يا وطن
بعلـِّم على يومي وأمسي
ساعات أطبطب وساعات أغني
وساعات أقسى غصب عني 
وساعات برسم وردة
وساعات أشخبط شخابيط
وساعات أخط خطوط
وساعات أعلي بيوت
وساعات أمسح كل حاجة
أتخنق من كل حاجة
ساعات أفقد الحواس
ساعات أحب كل الناس
وساعات أهرب من نفسي
على جدارك يا وطن
متاح كل حاجة
إلا حاجة واحدة 
إني أنط وأفـُوت
جواك هعيش
جواك هموت

هناك 15 تعليقًا:

ياره عبدالله يقول...

السلام عليكم ورحمه الله وبركاته
جواك هعيش ..
جواك هموت ..
صدقتى فى قولك فعلا
كلنا فدا مصر
وهنعيش ونموت فيها
أجلا أم عاجلا .
دومتـ بكل الود والحب ..
معـ تحياتـى الغاليـه ..

الاحلام يقول...

يالها من روعة الحب هى حب الوطن يالها من اغظم احساس هو الشعور بنبض الوطن نعيش حياتنا نعشقه ويكون بوجداننا نحبه
نفرح فيه ونحزن فيه وهو يشاهد كل المتغيرات علينا
تحيه لكلمات رائعه تحيه لصاحبتها الرائعه
تحياتى ابوداود

بندر يقول...

يستحق وطنك مثل هذه الكلمات..


تقبلي تحياتي...

فشكووول يقول...

ماما اموله العسوله
والله الوطن دا حيرنى
قاسى علينا وبنحبه
نجرى وراه ويكرهنا
نتمسك فيه ويرمينا
نغنى له ويشتمنا

هو وطنا ولا عذابنا
هو املنا ولا يأسنا

تحياتى لحضرتك

beautiful mind يقول...

ماما امولة
كلماتك جميله
فكرتنا اننا لسه لينا وطن نحبه
والله كنت محتاج اسمع كلام زي دا
ربنا يعديها علي خير
وطلعنا منها بسلام

Unknown يقول...

حرف لذيذ و حسّ راقي

منجي / الزمن الجميل

أمل حمدي يقول...

أحبتي في الله
أسأل الله أن يحفظ مصر وكل الشعوب العربية
كل التقدير لمروركم الطيب
مودتي

ليلى الصباحى.. lolocat يقول...

على جدارك يا وطن
متاح كل حاجة
إلا حاجة واحدة
إني أنط وأفـُوت
جواك هعيش
جواك هموت


كنت اظن طول عمرى انى استطيع فعل كل هذا فى وطنى اصبحت اشك فى ذلك مثلك اختى الحبيبة

خايفة على مصر اوى اوى
ربى يحفظها ويحميها ياااااااااااارب

دمت متألقة وفنانة وراقية
تحياتى لك بحجم السماء

أمل حمدي يقول...

ليلى الصباحى.. lolocat

وأنا كمان خايفة قوي يا ليلى
خايفة على مصر ..

رشيد أمديون يقول...

إنه الذوبان التام في الوطن
كلمات صادقة نابعة من القلب
لك التحية أختي أمل
أحسنت

أمل حمدي يقول...

رشيد أمديون. أبو حسام الدين

إن لم تكن أصدق كلماتنا لأوطاننا
فلمن تكون ؟

شكرا لك رشيد

well يقول...

اتمنى ان اجد وطنك حر بدون جدار ..
..
وطن واحد
..
تحياتى

أمل حمدي يقول...

well

هو حر طليق يجري بأوردتنا وطن واحد

تقديري

جنّي يقول...

السلام عليكم

نفس العبق ..

نفس التألق ..

نفس الكلمات الصادقة ..

تبقى دي ماما امولة..هي وطن المدونات ..

والوطن جوانا ها يعيش ومش ها يموت ابدا حتى ولو متنا احنا ..

تحيتي

أمل حمدي يقول...

جني

وعليكم السلام ورحمة الله وبركاته

أكرمتني أكرمك الله

تسلم يارب ويبارك في عمرك