الأحد، مايو 09، 2010

نفسي يا بلدي


َ
حاولت كتير أكتب عنك

وأتكلم وأعيد وأزيد

عن حبي ليكِ يا أمي

وابويا وأخويا

وأغلى وليد

أعشق ترابك 


وأنا في الغربة

أتمنى أرجعلك من جديد

أشم هواكي 
أكون وياك

في الضنى وفي العيد

أعشق لمِّـتك أعشق صحبتك

ببقى وياهم سعيد

أشوف نيلك ألاقي لونه

بلون دمى في الوريد

يا حبيبتي

خديني في حضنك ضميني
 
 شدي على الإيد


 

نفسي يابلدي ألاقي البسمة

في قلوب الناس

ينسوا الهم  ويعيشواالفرحة

بأجمل احساس

ولو أكتب عشقي ليكِ

مايكفي مليون كراس

أنت يابلدي درة في القلب

أغلى من الماس



 

نفسي يابلدي كل غيومك

تنكشف عنك وتزول

وأشوفك  زي زمان أميرة

بتوب العز مرفول

نفسي يا بلدي أقول وأقول

ومهما أقوووووول

كل  كلام الحب فيكِ وليكِ

ماينتهي مهما يطول







أول تجربة بالعامية 
لـ ماما أمولة



هناك 28 تعليقًا:

كلمات من نور يقول...

الله الله يا أمولة الزمن الجميل

أحلى كلام و أحلى عشق لأحلى بلد ...أحبك في الله يا أمولتي ..........كلام عامية جميل .......وكلامك بالعربية جميل ...يعني من الآخر الجمال لا ياتي إلا من أمولة زمن جميل ........حطي تنوين على النون بتاع الزمن يا أستاذة...صح؟

جنّي يقول...

السلام عليكم

كلماتك دايما جميلة بالفصحى او بالعامية ..

ولان الكلمات بسيطة المعاني فسهل علينا فهمها ..

ويارب نشوف بلدنا في ابهى صورة وتعود بهية بهية بالفعل ..

تحيتي

الفقيرة إلى الله أم البنات يقول...

اموله يا جميله القلب والروح والكلمات
ايه ده يا حببتى
رائعه رائعه
بس الجمله الاخيرة بتاعة امير بتوب العز
بلاش عز
علشان عندى حساسيه من المخفى عز

بجد كلنا بنحبها بس هى مسكينه أسيرة

بحب كل الناس يقول...

جميلة جدا يا ماماامولة سلمت يمينك

علشان بحبك يا بلدى نفسى ترجعيلى تانى
وتاخدينى وكل اللى بيحبك فى حضنك

بحب كل الناس يقول...

عندما شاهدت رد حضرتك على تعليقى فى البوست السابق ووجدت حضرتك تذكرونى بــرفــيق الصحابة

سال الدمع من عينى

ثم دعيت رب العزه جلا وعلا ان يرزقنا حبه وحب من احبه وحب عملا يقربنا الى حبه

وان يرزقنا رفقة النبى فى الفردوس الاعلى ورفقه الصحباة والشهداءء اللهم امين

من كل بستان زهرة يقول...

ماما أمولة
تسلم ايدك
معقوله دي أول تجربة بالعاميه
دي الكلمات بتبين أنك محترفه

أنا متأكده ان بلدي هترجع درة الأوطان
أيوه محتاجه شويه جهد وتعب بس هترجع تاني
هترجع بينا ولينا أن شاء الله قريب

أسعدك الله

همس الاحباب يقول...

اجمل الكلمات والمعانى لاجمل بلد فى الوجود
والكلمات بالعامية ولا بالفصحى كفاية انها من ماما امولة
تسلم الايادى يا ست الكل
ويارب نشوف بلدنا زى ما احنا نتمنى
تحياتى

Ebraheem Aadam يقول...

مش عارف ليه حاسس إن " البلد " اللي حضرتك بتتكلمي عنها دي ما ينفعش تبقى مصر خالص !!

صيدلانيه طالعه نازله يقول...

الله عليكى يا اموله
كلامك جميل قوى و حسسنا كلنا بقيمه بلدنا و مدى حبنا ليها
رغم كل اللى مضايقنا منها و فيها
الا اننا مبنقدرش نبعد و من اول يوم بنحس بالحنين و الشوق لترابها و حضنها

تسلم ايدك يا قمر

Tarkieb يقول...

الكبير كبير طول عمره يا امولة ... حتى لو بيكلم بالبلدي ,ومخلى البساط احمدي برضة ح يفضل كبير... كلام جه ع الجرح والله ..وما يحس بالغربة الا اللي عايشها... احسنتي يا ست الكل بجد بشم ريحة مصر في كلامك..

SHAPE YOUR LIFE (ABOALI) يقول...

يا سلام على الابداع من اول محاوله

ما شاء الله كلام صادق يدل على قلب نقى وملىء بالاحساس .

اتمنى فعلا ان يكون حب بلدنا اساس واغلى معنى فى قلب كل فرد فينا ..لان اكيد البلد مش هتتغير الا بينا احنا .

جميله المحاوله وفى انتظار المزيد والمزيد والى الامام دائما .

العلم نور يقول...

السلام عليكم ..

جميل جدا أن نواسي بلدنا في محنتها ..

سلمت الأنامل وبارك الله فيك

غير معرف يقول...

نفسي يا بلدي


==============

عال ما تبنون يا معلمتنا الفاضلة ..

richardCatheart يقول...

حاولت كتير أكتب عنك وأتكلم وأعيد وأزيدعن حبي ليكِ يا أمي وابويا وأخويا وأغلى وليدأعشق ترابك

وأنا في الغربة أتمنى أرجعلك من جديدأشم هواكي أكون وياك في الضنى وفي العيدأعشق لمِّـتك أعشق صحبتك ببقى وياهم سعيدأشوف نيلك ألاقي لونه بلون دمى في الوريديا حبيبتي خديني في حضنك ضميني شدي على الإيد

[Photo] نفسي يابلدي ألاقي البسمة في قلوب الناسينسوا الهم ويعيشواالفرحة بأجمل احساسولو أكتب عشقي ليكِ مايكفي مليون كراسأنت يابلدي درة في القلب أغلى من الماس


[Photo] نفسي يابلدي كل غيومك تنكشف عنك وتزولوأشوفك زي زمان أميرة بتوب العز مرفولنفسي يا بلدي أقول وأقول ومهما أقوووووولكل كلام الحب فيكِ وليكِ ماينتهي مهما يطول


حلوة اوى اوى اوى معقول اول مره تكتبى بالعاميه والله تسلمى انا كمان بحب البلدى وبحب كل كلمه بتتقال فيها باحساس حقيقى
تسلمى يا اما مش عاميه تبقى ياما اموله هههههههههههه

أمل حمدي يقول...

كلمات من نور

نورانية بلوجر وأختي الغالية

أحبك الذي أحببتني من أجله

شكرا على كلامك الطيب

ربنا يصلح حالك يارب

صح يا نورانية بالتنوين ههههههههههه

أمل حمدي يقول...

جنّي
وعليكم السلام ورحمة الله وبركاته

شكرا يا جني ربنا يخليك يارب

ويارب يتحقق أملنا في بلدنا

اللهم أمين

تقديري

أمل حمدي يقول...

الفقيرة إلى الله أم البنات

حبيبة قلبي أنت الرائعة

وكلنا بنحبها مهما زعلنا بيكون عليها مش منها ابدا

من عنية أنا ها أشيل عز ههههههههه

ربنا يصلح حالك يارب اللهم امين

أمل حمدي يقول...

بحب كل الناس

الله يسلمك يارب من كل شر

أكيد هاترجعلنا من تاني وهتخدنا كلنا في حضنها
بلدنا طيبة مهما شافت قلبها أبيض

أمل حمدي يقول...

بحب كل الناس

ابني الغالي ربنا يصلح حالك

أحسبك إن شاء الله في رفقتهم ورفقة نبيك صلى الله عليه وسلم

اللهم أرزقنا حبك وحب من احبك وحب عملا يقربنا الى حبك

و يرزقنا رفقة النبى فى الفردوس الاعلى ورفقه الصحابة والشهداء

اللهم امين

اللهم أمين

أمل حمدي يقول...

من كل بستان زهرة

الله يسلمك يارب
شكرا على ذوقك ربنا يخليك يارب


فعلا ها ترجع بايدين المخلصين من ابنائها ان شاء اللع

دمت غاليتي بكل الود

أمل حمدي يقول...

يا ابو همس الاحباب

ربنا يخليك على طيب ردك

ربنا يصلح حالك اللهم أمين

يارب نشوفها زي مانتمنى اللهم امين

دمت بكل الخير يا ابو شابي علشان متزعلش وتقول اشمعنى بيقولوا همس

سلملي عليهم

أمل حمدي يقول...

ibrahim aadam

نورت يا ابراهيم

عارفة والله يا ابراهيم ان في ناس كتير متحسش كلامي من كتر الهم والكرب اللي هي فيه
بس خلي واحد يخرج برة مصر وروح اي مكان في العالم
لو بايدك كنوز الدنيا هاتحن لترابها وهواها
لو سمعت كلمة لوم أو عتاب من حد عليها هايموتك الاحساس ده


صدقني الحب هو اللي هايرجع مصر تاني


نورت يا ابراهيم

ربنا يبارك فيك يارب

أمل حمدي يقول...

صيدلانيه طالعه نازله


ربنا يخليك يارب حبيبة قلبي

كلامك صح منقدرش نبعد عنها ابدا

عاملين زي السمك مايعيش من غير مية واحنا
مانعيش من مصر

الله يسلم عمرك
نورتيني

أمل حمدي يقول...

Tarkieb

الذي بت أخجل من أحزاني لأجله

يسعدني دوما تواجدك وردودك

ربنا يبارك في عمرك يارب

شكرا على كلامك الطيب

دمت بكل الود

أمل حمدي يقول...

SHAPE YOUR LIFE (ABOALI)

ابو علي الغالي

نعم البلد دي محتاجة حب ورعاية المخلصين من ابنائها

فهم وحدهم القادرون على تغيير مابها من سلبيات

ربنا المستعان إن شاء الله

شكرا يا ابو على على مجاملتك الحلوة وان شاء الله أكررها كمان وكمان

كل التقدير لك

أمل حمدي يقول...

دندنة قيثارة الوجد

صدقا كلماتي قيلت لحبها وامنياتي لناسها ولها بكل الخير

شكرا لمرورك الطيب

دمت بخير

أمل حمدي يقول...

أحمد شريف

يارب يا أحمد

دمت بكل الخير يارب

أمل حمدي يقول...

richardCatheart

والله أنت عسل

أما أما طالعة منك زي السكر

والبلدي بلدي وتسلميلي أنت وهي يارب

مرورك جميل وروحك أجمل

ربنا يصلح حالك يارب

دمت بود