الأربعاء، يناير 07، 2009

لملم يابا اشلائي و لملم


هذه الكلمات كتبتها من أكتر من سنة وموجودة في المدونة في الرسائل القديمة بس الأيام بتعيد نفسها قلت أعيد تدوينها


لملم يابا اشلائي و لملم

اوعاك تبكي على جرحي و تتألم

متنساش تاخد عروستى

وشنطتي اللي فيها كراستى


وكتاب العروبة اللي متعلمتوش

وكمان صورنى

و خلى الناس تشوف الجرح اللي مايتلملم

تشوف ازاى بتنهد علينا بيوتنا ما نستسلم

لملم يابا اشلائى و لملم

لملم زرعتي اللي رويتها بدمي

ازرعهامن تاني

وخلي لون الدم يفكرك تاري

اوعاك يابا تنسى تاري

تنسى حزنك عليا و تداري

تاري يابا يرجع لى داري

تاري يابا تزرع لى اشجاري

تاري يابا متنسهوش

بايدك يابا لغيرك متديهوش

ولو عجزت يابا

قول لاخويا

السلاح في ايده مايسيبوش

لحد النصر ما يجينا متستسلموش

لملم يابا اشلائي لملم

اوعاك تبكي على جرحي و تتألم

هناك 40 تعليقًا:

أمير البلانكو يقول...

ماما أموله

ازيك

كلماتك جميله أوي ومعبره عن حاله الشعب الفلسطيني دلوقتي

يارب أنصر أمه سيدنا محمد نصر عزيز مقتدر يارب

تحياتي ليكي يا ماما

أمل حمدي يقول...

تقديري لك ابني الغالي

دمت بكل الخير يارب

قلم رصاص يقول...

انا قلبي ااتقطع ياماما أمولة من الصورة

ياااااااااااااه على البشاعه حاجة بجد تخلي الحجر يتكلم ويقول ماشاء

سلم لنا قلمك الغالي
وبارك لنا فيكم

تقبلي مروري

في حفظ الله

أحــوال الهـوي يقول...

جفت الدموع في المآقي و هرب الدم من العروق و جف الحلقوم من الصراخ
و مازال العدو يبيد و يعبد الطريق الي جصونه بجثث الاطفال و النساء و يطل علينا من الفضائيات بوجوه ساخرة متشفيه

كلماتك كتبتها منذ عام و كأنها نبؤة و تحققت

تحياتي

Empress appy يقول...

عارفه يا ماما الصور كفايه تعبر عن الالم كمان وعن اللى عاوزين نقوله يا رب صبرهم وصبرنا يا رب

فشكووول يقول...

ستنا الغاليه .. انا كنت عندك امبارح الشاعه عشره بالليل تقريبا .. انت يا ستنا بتعملى ضحكت على وعملتى بوست أخر الليل ولولا ان كنت عند عمنا الشاعر وقريت انك وشندى فى الصف .. قلت مين شندى ؟؟ وجيت اسألك .. بس يا ستنا ياريت يلملموا اشلائنا بسرعه عشان ان لم يتم هذا فالقادم يا سيدتى اسوأ واسوأ بكثير وكارثه بكل المقاييس وسيأتى زمن الكانتونات وزمن الدويلات وربما كل محافظه دوله وربما صومال أخر او درافير كثيره ..
تحياتى يا ماما اموله العسوله

وردشان smilyrose يقول...

حبيبتى ماما امولة

كلماتك رقيقة وجميلة قوى

ومعبرة بما لايقدر القلب على تحملة

جزاكى الله وحماكى لنا

smilyrose

روح الحب الصادق

tarek alghnam يقول...

السلام عليكم
اختى الفاضله
مش عهارف اقولك ايه رغم انى معرفكيش شخصيا بس من كلماتك واهتمامك بالجميع احس بقلبك الكبير
ربنا يبارك فيكى
اما عن غزة فهى السبب الوحيد الذى اعادنى الى مدونتى لعلى اكون فعلت ولو شئ بسيط مما ينبغى علينا عمله
تقبلى تحياتى وشكرى
والف الف شكر

SHAPE YOUR LIFE (ABOALI) يقول...

كل شيىء وليه اوان
واءن لملمنا اشلاءنا اليوم
فغدا" سيلملمون اشلاءهم

نراه فى القراءن

وَلَقَدْ كَتَبْنَا فِي الزَّبُورِ مِنْ بَعْدِ الذِّكْرِ أَنَّ الأَرْضَ يَرِثُهَا عِبَادِيَ الصَّالِحُونَ

نراه مع سنة احمدا

يا مسلم ورائى يهودى فاءقتله

نراه فى عيون الساجدين
نراه فى عيون الراكعين
نراه فى عيون المستغفرين
نراه فى عيون الدعاين
نراه فى عيون الامهات
نراه فى عيون الذكرين


نراه فى عيون اعداءنا
نراه فى ظلمهم
نراه فى فجرهم
نراه فى خوفهم من حجر فى يد طفل
نراه فى رعبهم من صاروخ يشبه صورايخ العيد
نراه فى حرصهم على الحياه
نراه فى الله اكبر تزلزلهم
نراه فى حى على الجهاد تبعثرهم



لملم اشلائى ابى
فالجنان فى انتظارى
وارفع راسك يا ابى
ولا تترك الجانى
انا فى اعلى علين ابى
وسوف تكون فى جوارى
ارفع رايات عزتك
وقل هذا دينى
يسرى فى دمائى وشراينى
لملم اشلائى ابى
ف والله
نور الحق هو يقينى
ومسرى نبيك امامى
فلايغرنك قوتهم
فخلف الحصون معابرهم
ان قتلوا فهم السفاء
وان قتلنا فنحن الشهداء
لملم اشلائى ابى

عمرو يقول...

ماما أموله
كلمات الدنيا لا تعبر عن مدى الألم الذى شعرت به من صورة الطفلة الممزقه على ذراع أبوها و اللى جات كلماتك لتكمل مأساوية هذه الصورع
لا حول و لا قوة اٍلا بالله
سؤال على طرف لسانى طول الوقت و لكتى أتراجع عنه و أستعيذ بالله من الشيطان الرجيم !!

الوردة البيضا يقول...

السلام عليكم يا ماما أمولة
يظهر أن الأيام الحزينة حتفضل تعيد نفسها طول ما احنا زي ما احنا وهما زي ما هما!!
لك الله يا غزة
من زمان ما زرتيني
أتمنى تنوريني
تحياتي لك

تايه في وسط البلد يقول...

السلام عليكم

كيفك اماه

اتصور ان يأتي يوم لا نجد فيه من نقول له لملم اذا استمر الامر علي هذا النحو

تحياتي ودعواتي يا اماه

Unknown يقول...

أختى الفاضلة
السلام عليكم ورحمة الله وبركاته
عام مضى وكأننا اليوم...!!!!
لانتعلم من دروس الزمان ولانعتبر

أختى أحيى قلمك النابض
وأسأل الله تعالى ألا تعود مثل هذه الأحداث
ولاتمر علينا من جديد

شفـقــة و إحســــان يقول...

تحفة بجد يا ماما
تعرفى من كتر مهى مؤثرة حسيت بقشعريرة فى جسمى كله
ربنا يبارك لنا فيكى يارب
ويارب ينصرهم
بس انا زعلت اوى ان حضرتك مجيتيش معانا يوم ما زرنا الجرحى الفلسطنين
كان نفسى اشوفك اوى

جلال كمال الجربانى يقول...

أظاهر أن أحنا أخدنا على الحزن
وفقدنا الأحساس بالذل
وأتصاحبنا معاه كمان
أه وأة وأه
من كلماتك الحزينه القديمه والمعبره
ألا ليت قومى يشعرون
ولله الأمر من قبل ومن بعد


ودمتى بخير وبأبداع

Unknown يقول...

السلام عليكم ورحمة الله وبركاتة
يااااااااا منظر البنت وباباها شيلها
منظر بجد تعجز الكلمات عن وصف ما اشعر بة
وعندما افكر فى ابيها
تعجز كل شئ عن وصف احساسة
جزاكى الله خيرا
دمتى بالف ود

غير معرف يقول...

ماما أمولة

أحيانا الكلمات تكون معبرة

ولكن احيانا أخرى لا تداوى جراح

لا أعرف ما أقول

جزيت خيرا

تحيتى

همس الاحباب يقول...

جميل جدا ما خطته يديكى
والاجمل المشاعر التى جعلتك تخطين ما كتبتى
الكلمات معبرة جدا جدا
واحساسى بها زاد جدا بعد زيارة جرحى غزة
وان شاء الله النصر قريب
هكذا وعدنا رب العزة
تحياتى

رؤية يقول...

تاري يابا متنسهوش

بايدك يابا لغيرك متديهوش

ولو عجزت يابا

قول لاخويا

السلاح في ايده مايسيبوش

لحد النصر ما يجينا متستسلموش


لملم يابا اشلائي لملم

اوعاك تبكي على جرحي و تتألم

ياربى...
لا ادرى ما اقول؟!!!

عاشــــــ النقاب ـقــــة"نونو" يقول...

حسبنا الله ونعم الوكيل
كلامك شديد للي عنده قلب

غروب يقول...

ماما ازيك وحشينى والله

كلامك تعبنى اكتر ما انا تعبانه

ربنا ينصرهم باذن الله

ادعيلي يا ماما لان حالتى النفسيه في الارض وعندى امتحانات ومش قادره اذاكر الماده اللى جايه

Unknown يقول...

ماما أموله
مش كفايه الصوره؟؟؟

Unknown يقول...

ستنا وتاج راسنا كلنا
الصوره مؤلمه
الكلمات اكثر الما..مش كان كفايه الم واحد...ولا يالا هي مش خلصانه ...كلها آآآآلااااااام.
رحمنا الله واياكم.

فشكووول يقول...

ماما اموله .. تحياتى
عندى بوست مثير للجدل احتاج رأيك فيه ورأيك مهم جدا عندى .. تحياتى

همس يقول...

وحشانى يا ماما اموله

مش عارفه اقلك ايه على الخاطره دى

مشاعر صعبه اوى

بكلام رائع

تسلم ايدك

فشكووول يقول...

ماما اموله العسوله
تحياتى
مش عارف كل ما اشوف تعليقك يحصل حالة من المعنويات العاليه وخصوصا ان انا لم اخيب ظنك واتنقنا انا وانت فى المعنى الذى اقصده
وعايز الكل يعرف ان انا لست ضد حماس ولا المقاومه .. ولكن ما يطير النوم من عينى هو هذه الخسائر الرهيبه .. تحياتى لك يا ستنا

رحــــيـل يقول...

ماما اموله

يارب تكونى بالف خير بفرح جدا لما بشوفك عندى اسفه على تقصيرى وغيابى الفتره اللى فاتت

تستاهل الكلمات انك تنشريها تانى خصوصا فى الظروف اللى بتمر بيها فلسطين الوقتى

تحياتى وتقديرى واحترامى لكى

الربان يقول...

تحياتي

جميلة جدا الكلمات و المعاني ...و لا غرو ان يأتي هذا من أبنة بورسعيد الباسلة...و من أستاذة اللغة العربية
و قبل هذا و ذاك أم فاضلة.

تحياتي و تقديري

بحب كل الناس يقول...

كلمات رائعة ومؤثرة
وان شاء الله سيأتى اليوم الذى نلمل فيه اشلاء اعدئنا

اللهم انصر الاسلام واعز المسلمين

رئـــــيسـة حزب الأحلام يقول...

ازيك ماما امولة وحشانى اوى
الى بيحصل لنا كعرب شئ صعب جدا
وفعلا احنا بقينا اشلاء اشلاء اجسام واشلاء اوطان
كان الله فى عوننا
تحياتى لكى

سمكه واحده يقول...

اذيك يا ماما اموله وحشتيني اوي
عارفه والله ياماما الواحد حزين ومضايق ومكسوف من نفسه مش عارف يعمل ايه من اللي بيحصل بجد مخنووووق اوي
ربنا يصبرهم ويصلح الاحوال
واليومين دول والوضع ده
مش تررم خالص والله ولا له نفس يضحك ولا يهزر ولا يعمل اي حاجه في اي حاجه

محمد فوزي يقول...

لملم يابا اشلائي و لملم

اوعاك تبكي على جرحي و تتألم

متنساش تاخد عروستى

وشنطتي اللي فيها كراستى

وكتاب العروبة اللي متعلمتوش

وكمان صورنى

* كتاب العروبه متعلمتوش لأن لجنة تطوير المناهج بإشراف أمريكي قيفته

جميله للغايه ومؤلمه للحد الأقصى
ربنا يصلح أحوالنا جميعا
تحياتي لماما اموله

mahasen saber يقول...

ماما الحبيبه
مهى الايام بتلف بتلف بينا بجد
والايام دول فعلا
اليى بيحصل امبارح بيحصل امبارح برضه بس فى السنه اليى جايه

وهيفضل يحصل دايما طول ما احنا مغيبين وميتين وتايهين منبعضنا
وسايبين عدو يتعد على الصوابع يعمل فى امه كانت من اعظم الامم اليى بيتعمل ده

بجد يسلم احساسك الراقى اليى صاغ كلمات عدى عليها سنه ولسه احساسها فعال الي الان

تسلمى يا مامااموله

الازهرى يقول...

السلاح في ايده مايسيبوش
لحد النصر ما يجينا متستسلموش

طبعا انا لسه واصل من شوية وكنت جى أقرأ واعلق لكن لمحت تعليقك عندى قبل ما اجى

واعتصموا بحيل الله جميعا ولا تفرقوا
المقاومة ليست اختيار انه وضع قائم وفرض على كل شعب سلبت ارضه وانتهكت كرامته

كلماتك بالفعل رائعة وتوضح المعنى بطريقة قوية

تحياتى دوما

Unknown يقول...

اللقاء يوم الجمعه 16/1
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779

maxbeta3zaman يقول...

أجمل مافى الكلمات أنها تزرع الأمل على لسان الشهيدة وتحث من عاش على الجلد ..وتلقى بسطل من الماء البارد على وجه المتقاعسين والغافلين ..
تحية واجبة على سطور معبرة

شمس النهار يقول...

ماشاء الله جميله جدا
تسلم ايدك

وفاء بركات يقول...

ماما أموله
لك مني السلام وتحية وإحترام
الصوره تكفي عن الكلام
لك الله ياغزةوكفاك شر الإنهزام
وسحق الله عدوك وإنتقم منه
أقصي إنتقام
تحياتي

E73 يقول...

بسم الله الرحمن الرحيم
السلام عليكم ورحمة الله وبركاته

ماما أمولة!
مش عارفة أقول لحضرتك إيه؟!
كلمات جميلة؟!
عمرها متيجي
هي معبرة ومعبرة جدا كمان
أنا قريتها وفضلت أعيط بجد مش عارفة المفروض أقول إيه
ربنا يهدينا جميعا يا رب

Bone يقول...

سلام عليكم
ماما اموله
بجد كلماتك مست جرحى
اللهم انصرنا يا رب
اتمنى تشرفى مدونتى المتواضعه