الجمعة، سبتمبر 12، 2008

لاتجعل قلمك سهما يدمي القلوب



السلام عليكم ازيكم كلكم وحشتوني
موضوعي النهاردة عن الكتابة
عندما نكتب فيجب ان نضع بعض النقاط
التي تساعدنا في الكتابة زي
العنوان
الهدف من الكتابة يعني الموضوع اللي عايزين نكتبه
ولمن سيوجه كلامنا
وبعدين الاسلوب
في اسلوب مهذب الذي يعلمه اكثركم
وفي اسلوب قاتل وده هدفي من كتابة البوست
كلامي النهاردا على الاسلوب القاتل
وهو اسلوب يتسم بان مداده السم
لانه قاتل
يقتل بلا هدف غير القتل
من سماته
ان كاتبه يرمي به كل من حوله يحمل في طياته التورية
فكل من يقرأه يشك انه المقصود
لان صاحبه لايعلم له هويه
لماذا كتبه ولمن كتبه
فمداده يعشق الجرح
وللاسف جرحه قاتل
واول الخاسرين
كاتبه
لانه سيتحمل ذنب كل من قتله بمداد قلمه
فنصيحتي اليكم احبتي
لاتجعلوا اقلامكم سهاما الا لمن يستحق بلا تورية

هناك 69 تعليقًا:

SHAPE YOUR LIFE (ABOALI) يقول...

عجبا
جاء زمن غريب
حمل فى طياته قلم عجيب
نقاطه تاخذك لبعيد
فى غيابات الجب
او قل قاع محيط
يا قلمى ارتفع
والى نداء الحق
كن موجود
وجه سهامك الى من يستحق
عدم الوجود
وتذكر وانت تمد مدادك
رب الوجود
اقرء وتدبر
ن والقلم وما يسطرون
تأمل من حولك
وسن رمحك
وكن لى نور
وسطر تاريخ
يبدء بالعبور
الى الحنان المنان
الرب الغفور


شكرا على بوستك وتذكرتك لنا بما بسمى نفاق القلم

أمل حمدي يقول...

الشكر لك اخي ابو علي

كلماتك اثرت كلماتي

جزاك الله خيرا

وشكرا على المرور الجميل

تقديري لاخي ابو على

علي محـمــــــد يقول...

الســـــلام عليكم

الأخت ماما أموله اتمنى ان تكوني بخير
سبقتيني في التعليق حين كنت أقرأ موضوعك وصلني تعليقك على موضوعي في مدونتي:)
موضوعك هذا جميل جداً ومتفرع بشكل كبير فهناك من يكتب ليسيء للأخرين بدون أي داعي وهناك ايضاً من يهدف لأستفزاز الأخرين لينال الشهره على حساب غيره بدون وجه حق في الحالتين المذكوره أتصور أن تجاهل هؤلاء هو الحل المناسب ..وتضل قناعاتي تقول لي ( تجاهل كل جاهل ) ربما أتحدث الأن من منظور شخص يهاجم من قلم مسموم .. ومن جهه أخرى أرى ان نصيحتك رائعه وتستحق من البعض ان يقرأوها ويتأملونها ويستفيدون منها .. وفي النهايه أتصور دائماً أن القلم هو لسان الكاتب ولسانه يعبر عن شخصه فإن كان خير فهو يمتلك شخصيه جميله وان كان شر فهو يمتلك شخصيه (***) وكل إناءٍ بما فيه ينضح :)
موضوع جميل وأشكرك عليه

في أمان الله

أمل حمدي يقول...

اخي على نورت البوست الجديد
وعجبني تعليقك قوي
فعلا هي نصيحة لان القتل ليس بآلة القتل فقط
ولكن رب لسان او قلم يقتل دون رحمة او مراعاة
شكرا اخي علي
دمت بحفظ الله

Sourah يقول...

ماما امولة ..

نورتي التدوين اخيرا ، بلاش تغيبي علينا بكلامك الجميل ده فترات طويلة زي المرة دي،

بهنيكيعلى البوست الجديد ، جااامد اوي و في الصميم ، طبعا مش قادرة الاقي تعبير يوصف مدى روعة الموضوع و اسلوبك الحنون اكتر من انه فعلا رائع .
بس واضح لسه انه جواكي لسه اثر من البوست اللي فات بالرغم انك قولتي خلاص مش زعلانة ، عموما يا حبيبتي احنا في رمضان شهر السماح ، و متهيألي مش انت الشخص اللي نذكره بذلك و لا ايه ؛)

عايزة اقول ان كل واحد ربنا اعطاه موهبة الكتابة ، و قدرته على اخراج ما بداخله ، دي نعمة كبيرة اوي ، و لازم يحترمها و يشكر لها ، بمعنى شكر النعمة بصونها ، و الحفاظ عليها من اي سوء ، يعني كده بالبلدي يتقى ربنا في قلمه و الحرف اللي بيكتبه ، و كمان كلماته تكون هادفة لانها محسوبةعليه ،,,


مش هقدر اضيف غير ان ربنا يبارك ليكي في كلماتك و دايما تمتعينا بكلماتك الحانية ، و يا ريت ماتغيبش علينا كل الوقت ده تاني..

و اخر الكلام لك مني الف سلااااام !!

ضــى القمــر يقول...

أموله
للأسف دى أول زيارة منى لمدونتك الرووعه يا أموله .. لكن احجزيلى مكان دايما هناااا بعد كده .

وطبعا مفهمتش ايه الموضوع اللى اشارت ليه صورة ..
لكن موضوعك مفيد للكل .. سواء كان بناءا عن سبب أو لأ .
لأن فى كثيير بيدخلوا يردوا على مدونين بس علشان يقللوا عزيمتهم مش اكثر .
وفى مدونين بيستخدموا مواقعهم فى ايذاء الغير ..
الله يكفينا شر هؤلاء وهؤلاء ..
ووفقك الله يا قمر دايما ..
بس طبعا ولا تزعلى نفسك ( ولا فاهمه أى حاجه خالص ..هههه )

أجمل تحيه لكِ من قلبى يا اموله .

غير معرف يقول...

موضوع مهم اوى

الهدف من الكتابه

شكرا للتذكره

ربنا يكرمك

Hossam يقول...

hello mama amola
it is nice to see ur blog
اتمنى نكون اصدقاء
وممدونتك جميلة وخفيفة
سلام

ahmed_k يقول...

صدقتي فأقصر الطرق بين
النقطتين هو الخط المستقيم
بدون مواربه أو كنايات

وعندما يقال عن الشخص
أنه واضح فهذا مدح له
أي أنه ليس به لوع
أو أن كلماته لا تحمل على
غير معانيها

بارك الله قلمك

وتقبلي تحياتي

لؤلؤة الاسلام يقول...

ما شاء الله
بوست رااائع
و فعلا احنا لازم نجعل اقلامنا سهام
مممكن تاثر في الناس


و تحياااااااتى

رمضان
كريم

غير معرف يقول...

عااااااااااا
أنا زعلانة أوى لأنى كنت بقول لما ماما أمولة تنزل بوست جديد حكون اول واحدة أرد عليه و قعدت فترة ألاقى البوست هو هو و جيت النهاردة لقيت التعليقات دى كلها شكلى راحت عليا نومة :(


بصى هو فعلا فى ناس كتير بتستخدم الأسلوب الغبى ده لأسباب كتير أوى بس المفروض يكون الشخص واضح و صريح عايز يتكلم عن فلان يبقى يقول فلان كذا لكن انه يقعد يغمز و يلمز بأسلوب غريب ده مفرفوض و أنا عن نفسى أنتقدت ناس بتعمل الأسلوب ده كتير بس كان فى المنتدى

و موضوعك مهم جدا يا ماما و الله كل بوستاتك رائعة ؛)

غروب يقول...

copy ....paste

اعتقد يا ماما ده هيبقي ردى اللى اقدر اعمله copy للبوست بتاعك كله و paste للى يقدروا يقروا الكلام
....

وحشتينى يا ماما غايبه بقالك يومين ليه ؟؟؟

koukawy يقول...

الحقيقه معاكي حق
بس ساعات اللي بقرا بيفهم الكلام غلط
و اللي كاتب بيتظلم

hager يقول...

عندك حق طبعااا
والرسول قال الكلمه الطيبه صدقه
وياريت اي حد قبل ما يقول كلمه يفكر فيها شويه
وشكراا ليكي علي البوست

أمير البلانكو يقول...

ماما اموله

أشكرك بجد علي الكلام الرائع دا

بجد الواحد قليل أوي لما يدخل مدونه ويلاقي موضوع هادف يفيد اللي يقرأه

تحياتي ليكي

أمل حمدي يقول...

صورة حبيبتي

ان شاء الله معنتش هااغيب عنكم تاني
المشكلة اني في رمضان وان شاء الله بعد انتهاء الشهر الكريم ها اكون معاكم باستمرار
الحمد لله ان البوست عجبك
انا سعيدة جدا برأيك واتمنى دوام التواصل ان شاء الله
دمتي بحفظ الله ورعايته

أمل حمدي يقول...

ضي القمر
والله نورتيني
اهلا بك في كل وقت ومكانك محجوز على طول
ربنا يصلح حالك
الصورة بتعبر عن البوست والقلم مقصود به الكتابة
لكن هدفي ان يكون مداد القلم الرحمة
ولا يكون مداده السم القاتل
اتمنى ان يكون وضح كلامي
اشكرك يا ضي القمر
دمتي بحفظ الله

أمل حمدي يقول...

MaGn0liA...

اشكر لك مرورك العطر

اتمنى ان تتكرر الزيارة

دمتي بخير يارب

أمل حمدي يقول...

Hossam

شكرا على ذوقك واتمنى التواصل

ودايما تزورني

دمت بخير

ضــى القمــر يقول...

أموله

توضيح مهم فعلا هناا وبجد بشكرك عليه جداا .. خاصة توضيحك لرؤيتك للصورة من وجهة نظرك.

لكن البوست بتاعك بجد مفهوم جدااا ومفهوم منه وجهة نظرك . لكن الذى لم افهمه كانت نقطة انك لسه زعلانه من ايه ؟؟

لكن لما قريت البوست اللى فات فهمت الموضوع اكثر ..

وبجد معنديش كلامه اقوله للمرة التانيه غير أنى اعتقد أن اللى يكلمك مرة مستحيل يتخلى عن الكلام معاكِ ابدااااااا..

الله يديم عليكِ نعمة العقل والحكمه يا اختى .

وفقك الله دوما

اعتذر للأطاله مرة آخرى :)

شموسة يقول...

وعليكم السلام ورحمه الله...

أنتى كمان وحشتينا يا ماما أمولة ...

بالنسبة للكتابة انتى عندك حق،
الكتابة لابد تكون شئ سامي وهادف وواجب علينا نوجهها صح ....



تحياتي ليكي ...

صاحب المضيفة يقول...

شكرا جزيلا لتلك النصيحة الغالية


مدونة رقيقة وتنم عن تلقائية وبساطة مدهشة



تحياتي

tarek alghnam يقول...

لاتجعلوا اقلامكم سهاما الا لمن يستحق بلا تورية
ماشاءالله حكمه رائعه
لابد ان تبروز فى كل مدونه ويعمل بها كل كاتب
بوست رائع كعادتك
تقبلى تحياتى
ودمتى بحفظ الله

أمل حمدي يقول...

ahmed_k

اهلا بك منور

فعلا اجمل طريق واقصره هو الطريق

المستقيم في كلامنا وفي اي شيئ

اللهم اجعلنا ممن يكون باطنه كظاهره

اللهم امين

شكرا وحفظك الله اخي الكريم

أمل حمدي يقول...

خديجة محسن "لؤلؤة الاسلام"

اهلا بك حبيبتي منورة المدونة

كل عام وانت طيبة وبخير يارب

دمتي بحفظ الله

أمل حمدي يقول...

انا ودماغي

اهلا بك حبيبتي معلش متزعليش المرة الجاية تكوني اول واحدة عندي
شكرا على كلامك الجميل
والحمد لله انني اجد من يؤيدني في كلامي
وأراؤكم وتفاعلكم معي يسعدني كثيرا
شكرا حبيبتي
دمتي بحفظ الله ورعايته

أمل حمدي يقول...

ازيك يا ساسو

ها اقطعك لو لقيت البوست ملطوش

لاكوبي ولا بسط

شكرا لمرورك حبيبتي سارة

دمتي بود

أمل حمدي يقول...

koukawy يقول...
الحقيقه معاكي حق
بس ساعات اللي بقرا بيفهم الكلام غلط
و اللي كاتب بيتظلم

شفتي ازاي لو كان اللي كاتب واضح في كتابته والكلام له اتجاه واحد مكنش اتظلم
هو دا قصدي ان الكتابة متكنش سهام في كل اتجاه
ويكون الكاتب واضح هو عايز ايه ويقصد مين
لان الكلام بيوجع وبيقتل
شكرا لتواجدك ولرايك
وياريت تتكرر الزيارة
وكل عام وانت بخير يارب

أمل حمدي يقول...

هاجر
شكرا لرأيك السديد حبيبتي
الكلمة الطيبة صدقة كما قال رسولنا صلى الله عليه وسلم
دمتي بحفظ الله
ودايما منوراني

أمل حمدي يقول...

أمير البلانكو

شكرا على كلامك الرقيق

وجزاك الله خيرا

نفعني الله واياكم بما اكتب

أمل حمدي يقول...

ضي القمر

يارب اكون عند حسن ظنكم

ربنا يصلح حالكم يارب

والحمد لله انا مش زعلانة ولا حاجة

دمتي بحفظ الله ورعايته

أمل حمدي يقول...

شموسة
التحية لك انت على تواجدك وابداء رأيك
اشكرك حبيبتي
وجزاكي الله خيرا

أمل حمدي يقول...

صاحب المضيفة

اهلا بك منور مدونتي المتواضعة
الحمد لله انها عجبتك
وكل عام وانت بخير

أمل حمدي يقول...

الاستاذ طارق الغنام
اخجلتني بكلماتك الرقيقة
جزاك الله خيرا

الحكمة ضالة المؤمن يقول...

نعم يا اموله
هناك من يقتلك بقلمه
دون ان يراعي الله فيك
وهناك من يخلق الخلافات من الاختلافات
فبمجرد ان تختلف معه بالراي تعتبر العدو الاكبر
و هناك من يعمم فتحسب انك المقصود
وهوا يقصد غيرك
فمن يهاجم يجب عليه ان يحدد
كما تفضلتي
شكراً على النصيحة

أمل حمدي يقول...

الحكمة ضالة المؤمن

اهلا بك اخي

اسعدني تعليقك

وكل عام وانت بخير

مـجـنـووون يقول...

ماما أمولة الغاليه

كم يسعدني مروري بمدونتك الرائعه

أنا إلي فهمته من كلامك ، أن الواحد لازم يتبع الأسلوب المنظم في الكتابه علشان يقدر يوصل هدفه للناس ، ويقدر أي حد مهمها كانت ثقفته يقرأ الموضوع ويفهمه

وأن لأزم إلي يكتب الموضوع يحدد الهدف من كتابته وبيخاطب بيه مين

المشكله يا ماما أن في ناس كتيرة بتكتب علشان تنشهر وتهاجم في الناس علشان يقولوا عليهم متكلمين

بس دا ميمنعش أن في أقلام صادقة قادرة علي قلقلة الشر والتقليل من هيمنته وشهرتة

يعني من الأخر وبلغة المجانين
خدوا بالكم من إلي بتكتبوه لأنكم ممكن تأذوا حد ميكنش له ذنب

تقبلي جنوووني
مجنووون

أمل حمدي يقول...

مجنون مش بقولك انت اعقل واحد في المستشفى
انا اللي بسعد بمرورك
ربنا يصلح حالك

أ / أحمد عبد المنعم يقول...

بسم الله الرحمن الرحيم
كلمات رائعة تنم عن فكر عميق وتجربة خبيرة .
حقا إن جمال الإنسان فى لسانه وكذلك قبحه فمن كان جميل النفس نطق لسانه بالجمال ومن كان غير ذلك نم لسانه عن طبعه وشخصه
لذا قال رسول اله صلى الله عليه وسلم ذات مرة للعباس :" يعجبنى جمالك " فقال له العباس : وما جمال الرجل يا رسول الله ؟ فقال صلى الله عليه وسلم : " جمال الرجل لسانه "
شكرا على كلماتك الرقيقة ويسعدنى زيارتك لمدونتى " أمــــى "ommee

أمل حمدي يقول...

ازيك يا احمد
انا سعيدة جدا بتعليقك
ماشاء الله ما اجمل كلام رسولنا الكريم صلى الله عليه وسلم
حين يستشهد به
اتمنى دوام زيارتك لمدونتي
وكل عام وانت بخير

غير معرف يقول...

السلام عليكم ماما امولة وحضرتك نورتى المدونة من تانى وربنا يطمنا عليكى يارب

والبوست اكثر من رائع -كما تعودناكى دائما - وصدق ربنا حين قال (قل لعبادى يقولوا التى هى أحسن ان اشيطان ينزغ بينهم )

دمتى لنا بخير ويلا سلام

أمل حمدي يقول...

اهلا يا جمعاوي
الله يسلمك يارب والحمد لله ان البوست عجبك
كنت منتظرة رأيك
اسعدتني به
دمت بخير

كلام حسام يقول...

كلام جميل وكلام معقول مقدرش اقول حاجة عنه
علي فكرة التورية دي من اصعب الحاجات اللي ممكن تقابل قارئ شيئاما
هل هو المقصود ام ماذا وغالبا يرجح الاختيار الأول خصوصا اننا اصبحنا نتبع اعتبار سوء النية اولا
سلمت يداك ماما امولة

Mohamed Dawod يقول...

سلام عليكم
كفانا الله جميعا شر سموم القلم. فعلا ممكن الواحد يتسبب فى جرح ناس حواليه بقلمه ومن غير ما يشعر. بس احيانا يا ماما أموله بيكون ده مقصود وعن حق. احيانا بيكون الانسان غافل وبيفوق مع شكة سن قلم او لسعة كلمه تفوقه من شخص يمكن ميكونش بيقصده. الخروج من الغفله بيسبب جرح. بس بيطيب لما النفس من الغفله تطيب.
المشكله فى سموم القلم الحاقده. اللى مش عايزه تصلح انما عاوزه تهدم. اثرها ممكن يكون مشابه لأثر المنافقين فى المدينه يوم حادثة الأفك. ربنا يكفينا شر اصحاب هذه الأقلام......خالص تحياتى ليكى يا أحكم البورسعيديات وشكرا

Lyssandra يقول...

أول مروري عندك ياماما أمولة

وسعيدة بمرورك عندي جدا

أنا معاكي في إن الواحد مش المفروض يجرح حد بكلامه او يسيب الكلام للعموم

وان المفروض لو انا شايفه حاجه غلط اصلحها
والاصلاح في حد ذاته رساله ماينفعش أصلّح بكلمة سيئة وتدمير

وفعلا لو عندنا كلمة ممكن تجرح
المفروض نفكر فيها الأول
فلو يستاهلها اللي قدامنا يبقي ياخدها صريحه بدون توريه

تحياتي
ودمتِ طيبة وبألف خير يارب

حضرتك معزومة عندي بقي علي تورتة وجاتوه بعد الفطار
علشان عيد ميلادي كان امبارح
لكن مازالت المدونة مفتوحه والتورته للجميع

علي المدونة التانيه ( ع الهامش )

تحياتي ودمتِ سعيده

Lyssandra

Beram ElMasry يقول...

سيدتى
اكرمتنى بالدخول الى مدونتى وهذا جميل ، وتفضلت بالتعليق وهذا اجمل ، فلاتحرمى بقية ماكتبت وما اكتب شرف النقد والتوجيه ، ولكم كل التقدير

Beram ElMasry يقول...

ماما
لاشلت يداك ، الموت فى السم ومن السم دواء ، وما يتعرض منه للعقيدة والقيم والموروث ، سم زعاف ، وماتعرض لفساد بهدف الاصلاح ودفع الاذى فخير ، والكلمة على اللسان رصاصة ، وعلى راى المثل ( العيار اللى مايصبش يدوش )

مهرة سالم يقول...

موضوع البوست...فعلا مهم...


شكرا للتذكره....



دمت بخير......

أمل حمدي يقول...

ازيك ياحسام نورتني بتعليقك

ربنا يجعلنا ممن يحسنون الظن

اللهم امين

شكرا لمرورك

دمت بخير

أمل حمدي يقول...

ابن بلدي محمد داوود
شرفت مدونتي
انا معك في ان الكلمة ممكن تكون دبوسا تصحي الغافل تشكه شكة صغيرة تفوقة
ممكن تكون سهما لاعدائنا في الدين والعقيدة
لكن تكون سهما لمن تحب لمن يرعاك لمن يحبك فهذه صعبة قوي خصوصا لو كانت بقسوة وجهل ورمي بالباطل
اخي محمد شكراعلى تلقيبي
وسلام
دمت بكل الخير

أمل حمدي يقول...

lyssandra
كل عام وانت بخير حبيبتي وعقبال مليون سنة في طاعة الله ان شاء الله
شكرا لتعليقك الواعي
دمتي بكل الخير يارب

أمل حمدي يقول...

اخي بيرم المصري

فعلا مدونتك رائعة ويشرفني المرور بها

وان شاء الله سأقوم بقراءة باقي ما

كتب في المدونة لاستمتع به

شكرا لمرورك

دمت بخير

أمل حمدي يقول...

اخي بيرم المصري

انا لااقصد بكلامي اعداء الاسلام

فهؤلاء يستحقون اكثر من سهام القلم

فهم يستحقون ماهو اعظم من هذا

وانا معك الكلمة على اللسان رصاصة

لكن لمن ؟

هذا هو مقصد الكلام

نورتني

سلام

أمل حمدي يقول...

m.k

شكرا لمرورك غاليتي

اتمنى تكرارها دوما

دمتي بخير

حياتي كلها لله يقول...

السلام عليكم
ما شاء الله المدونة جميلة فعلا
ربنا يبارك لحضرتك فيها و يجعلها بوابتك للجنة إن شاء الله
أتمني أن تزوريني عن قريب
تحياتي

أمل حمدي يقول...

Dr/Salma

اهلا بك يا حبيبتي

شكرا لدعائك ربنا يصلح حالك

ان شاء الله ازورك طبعا

كل عام وانت بكل الخير

Empress appy يقول...

خلوه الفكره بس فيه ناس ساعات بتبقى مقصوده
او حد بيكتب بطريقه ساخره بس اهم حاجه الاتنين يبقى مرتبطين ببعض
تسلمى على الموضوع

أمل حمدي يقول...

appy

اخيرا نورتي مدونتي

شكرا ياذات القلب الابيض

كل عام وانت طيبة

تسنيم محمود حسين يقول...

السلام عليكم

أمى فعلا كم من قلم رفع اناسا لا تستحق الرفعه واحط باناس هم أهل الرفعه(بكسر الراء).....
نصيحتك غاليه ....
وكما قال الشاعر:
ومامن كاتب الا سيبلى..ويبقى الدهر ماكتبت يداه
فلا تكتب بكفك غير شئ..يسرك يوم القيامة ان تراه

والسلام عليكم

محمد الدخاخنى يقول...

فعلا كل واحد مننا لازم يفكر هيكتب أيه وليه وهل الكتابه دى هتفيد ولا لأ

كل كاتب يفنى ماكتب..ويبقى الدهر ماكتبت يداه

فلا تكتب يداك كتاب شر يسؤك فى القيامة أن تره

غير معرف يقول...

أنا قلت أعدى يمكن فى بوست جديد و مفهوش تعليق :)
بس مرضتش أمشى منغير ما أسلم

إزيك يا ماما؟

غير معرف يقول...

صحيح يا ماما أنا كتبت بوست جديد
عايزة أعرف رأيك فيه :)

Dua Masatwa يقول...

البارحة فقط رددت على موضوع في منتديات اقرأ لماذا تكتب:)

الله يبارك فيكي يا ماما امولة

ويا ريت تكتبي تدوينة عن الأقصى اليوم
علشان يوم القدس العالمي

Beram ElMasry يقول...

ماما اموله
كل الاحترام والتقدير لشخصكم الكريم ، مع خالص الشكر على هذا الاطراء الطيب ، واعلمى سيدتى انى لااهدف الى الاساءة الى المصريين وان منهم ، ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى
بالمناسبة هل هذا وجه العذراء ميم لمايكل انحلو

أمل حمدي يقول...

ابنتي تسنيم
اشكرك على كلامك القيمالواعي
ادعو الله لك بالتوفيق في دراستك
ان شاء الله
تحياتي

أمل حمدي يقول...

ابني محمد الدخاخني

انا سعيدة بك جدا ما شاء الله وسعيدة بمدونتك الجميلة
ربنا يوفقك يارب
وشكرا للمشاركة القيمة
دمت بخير

أمل حمدي يقول...

انا ودماغي ازيك يا حبيبتي
البوست اتعمل وحالا اكون عندك اشوف البوست الجديد بتاعك
ربنا مايحرمني من مرورك وسؤالك يارب

أمل حمدي يقول...

فراشة حزيران

ربنا يبارك فيك حبيبتي

انا عملت التدوينة لخاطر عيونك

ربنا يصلح حالك

أمل حمدي يقول...

شكرا لك اخي بيرم المصري
انت فنان وتستحق اكثر من هذا
انا اعلم انك تحب مصر مافيش مصري يقدر يكره مصر
ممكن نكره اوضاع او اشخاص لكن بنعشق تراب مصر
اما انا بقى مش فاهمة سبب سؤالك
(بالمناسبة هل هذا وجه العذراء ميم لمايكل انحلو)
ياريت توضح لاني مش فاهمة بجد
تقديري