هاخدك جُوة روحي
و أغمض عليك
و بكل الكلام الدافي
أغطيك
و أطبطب بجفوني عليك
و أحكيلك
حكاية عاشقة
قلبها نبضُه
بيجري فيك
و ايديها لما تكلمك
تنسى الكلام
الله عليك
روحك سحابة
بتضلل على حر قلبها
لما تفكر فيك
أقولك
سر
ولا
أخلـِّي عنيها
ولا
ابتسامة روحها
تفتن
ليك
نمت
؟؟
طيب
كمل أنت الحكاية
جوة
الحلم
وبكرة
تفسره هي جوة عنيك
..
..
هناك تعليقان (2):
عندما لا أجد الراحة ... أتي إلى هناا فأجدها تنتظرنى بين كلماتك
عشت لحظات جميلة فى القراءة هناا
دمتِ بخير يا صاحبة الزمن الجميل
ربنا يخليك يا سعيد ويسعدك
تنور وتشرف مدونتي دوما
دمت بكل الخير يا رب
إرسال تعليق