الخميس، ديسمبر 22، 2011

سؤال مالوش لازمة ؟؟؟








هي السعادة بتتشرى
ولا إيه
ولا لسه مجاش أوانها
ولا جفت على أغصانها
ولا راح زمانها
مدورش عليه
خايفة يسكني الحزن تاني
أدور على أمل ما ألقاني
ولا أنسى
ولا أعمل إيه
عارفة إنه سؤال صعب
ميتجاوبش عليه
وأنا بسأل
ولازمة سؤالي إيه
لكن أنا عارفة جوابه
وعارفة سكته وبابه
وعارفة كلمة السر إيه
يارب 




هناك 13 تعليقًا:

فشكووول يقول...

الاول السلام عليكم
التانى : تحياتى
التالته بقه والتالته تابته .. السعاده .. بنت الكلب داهيه .. ما حدش عارف طريقها خالص
ساعات الواحد يقول يارب لو اديتنى فلوس واشتريت الشيئ الفانى حاكون سعيد جدا .. وربنا ينفذ وانا برضه مش سعيد
عايز اتجوز البت الحلوه داهيه .. ولما اتجوزها برضه مش ابقى سعيد
عايز ابنى يطلع مهندس , دكتور , وكيل نيابه , ضابط .. ولما برضه مش اكون سعيد
هى ايه السعاده دى ..؟ ولا حد عارف لها سكه ولا حد عارف لها طريق
يا امل هانم .. لقد خلقنا الانسان فى كبد..
يبقى نعمل ايه .. اسأل بقى مجرب
نبص لولادنا ونحاول نسعد نفسنا بيهم .. ما هى السعاده مش جايه مش جايه .. انا ولا انتى ولا اى حد .. مافيش فايده ..
نشوف احفادنا ونفرح معاهم .. وخدى بالك فيه فرق بين الفرح والسعاده
الواد ابن ابنى وابن بنتى لما يركبونى زى الحمار ويقولوا شي يا حمار وانا بقى الحمار يشي يا حمار ممكن تكون السعاده .
لما الاقيكى زعلانه واخد بخاطرك واقول لك شدى حيلك او كلمه حلوه تريحك .. ممكن تكون سعاده
التعليق طول ويمكن البوست ما يقبلوش .. اشوف كده

فشكووول يقول...

الخلاصه .. ان السعاده دى حاجه معنويه ما لهاش لا شكل ولا لون ولا معجون سنان ولا يحزنون .. ربنا بقى هو اللى متولينا .

أمل حمدي يقول...

ههههههههههههه
ماشي يا فشكول باشا
مش هدور عليها وها أستنى لحد ما تيجي لوحدها
ربنا يبارك فيك يارب

P A S H A يقول...

لأ بجد جاااااامدة :)

تسلم الأيادي يا أستاذة .. ربنا يجعل أيامك كلها سعادة وتفاؤل

خالص تحياتي

أمل حمدي يقول...

شكرا يا باشا
ويسعدك يارب

zizi يقول...

فاكرة زمان كان فيه مونولوج لإسماعيل ياسين ..قوللي يا صاحب السعادة ...هي فين هي السعادة ..اقولك انا بقى السعادة فين ؟؟؟في حاجتين في الرضا ....وكمان في العطاء ..الحاجتين دول فعلاً بيخلوا الواحد في قمة السعادة ...وخاصة الرضا ...الله عليه ...تحياتي وامتناني لقلمك ..

شمس النهار يقول...

يااااااااارب

تسلم ايدك ياامولة

أمل حمدي يقول...

zizi
موجودين والله حبيبتي الحمد لله
شكرا لك ربنا يخليكِ :)

أمل حمدي يقول...

شمس النهار

الله يسلم عمرك يارب يا شموسة

Tamer Nabil Moussa يقول...

ماما امولة

الف الف حمد الله على السلامة وانا اقول الدنيا منورة لية

نورتينا والله برجعوك


كلمات جميلة
.
.تسلم ايدك عليها

مع خالص تحياتى

مذكرات موززه عانس يقول...

السعاده مش فى اى حاجه لان كل اللى هاتقولى هو ده اللى هايحقق السعاده تبقى غلطانه لان الكل بيختلفوا عليه لكن اللى ماحدش بيختلف عليه هو الرضا
لما ترضى هاتكونى سعيده بأى حاجه ربنا سبحانه وتعالى ادهالك

أمل حمدي يقول...

الله يسلم عمرك يارب يا تامر
شكرا لك

أمل حمدي يقول...

كلامك صح يا بنبونة
السعادة في الرضا
ربنا يجعلنا ممن رضوا فأسعدهم الله اللهم آميم
شكرا حبيبتي