أماليات 16

ورقة ومداد وقلم

احساس بيتكتب

يمكن فرحة

يمكن ألم

يمكن رعشة خوف اتكتم

يمكن همسة

يمكن رسمة

يمكن شخبطة

على حب اتهدم

يمكن احساس 

اتخلق من عدم

يمكن ويمكن

لكن مين يعرف 

سر جرة القلم .

مستغرباني

مستغرباني
هي أنا
ولا حد تاني
مستغرباني
نفس الاحساس
نفس المشاعر
نفس العيون
نفس الشبه
بس برضه
تصدقوا
مش عارفاني
مستغرباني
يا طريق ليه خالفتني
ضيعت مني خطوتي
لا عارفة أرجع
ولا عارفة أمد
توهتني
خلتني أتوه ويا الدروووب
مش لقياني
مستغرباني
جوايا خوووف
حتى الحروف
معانداني
مش مطاوعاني
مستغرباني

أماليات 15

يا ورد
أوعى الشوق 

يخليك تبوح 

تخليني طير
عايش مدبوح
دا أنا عمري
من غيرك أنوح
ولا يملى روحي
بعدك روح
أنت الورد
عطره بقلبي يفوح
وأنت الوله
مهما آجي ولا أروح
عشقك عمري
يملا السما والسفوح

سؤال مالوش لازمة ؟؟؟

هي السعادة بتتشرى
ولا إيه
ماتقولي يا أختي
ماتقول يابيه
ولا لسه مجاش أوانها
ولا جفت على أغصانها
ولا راح زمانها
مدورش عليه
ما تردي يا أختي
ما ترد يابيه
خايفة يسكني الحزن تاني
أدور على أمل ما ألقاني
ولا أنسى
ولا أعمل إيه
ليه ساكتة يا أختي
ليه ساكت يابيه
عارفة إنه سؤال صعب
ميتجاوبش عليه
وأنا بسأل
ولازمة سؤالي إيه
سامحيني يا أختي
سامحني يا بيه
لكن أنا عارفة جوابه
وعارفة سكته وبابه
وعارفة كلمة السر إيه
يارب 

عدنا