الأحد، نوفمبر 02، 2008

انجليزي دا يا مرسي

اخوتي وابنائي

للاسف تعرضت بسبب جهلي باللغة الى مأزق

ولكن ربما نتعلم من اخطائنا

المهم المشكلة ان فيه صفحة فتحت على الكمبيوتر لموقع للاشتراك فيه

فقمت زي الشاطرة بالتسجيل

وبعيد عنكم شاهدت مالايسر

فقررت ألا ادخل تاني وخلاص

ولكن للاسف كان الموقع اقذر مما اتصور حيث قامت ادارته بارسال

رسائل لدعوة كل المتواجدين على ايميلي المسجل عندهم

ولقيت احد ابنائي بيكلمني وبيحذرني لانه طبعا عارف اني لايمكن

لي دعوة احد ولا ها اقول الفاظهم اللي داخل الرسائل

انا مش ها اقول اسم الموقع حتى لا ادعو اليه عن طريق الخطأ

والله المستعان

انا اتعلمت درس وياريت تتعلموه معاية علشان احنا في غابة

ربنا يحفظكم ويحفظني ويحفظ كل المسلمين اللهم امين


هناك 48 تعليقًا:

AHMED SAMIR يقول...

معلش
بتحصل في احسن الانترنتات
بس دة بيعلمنا حاجة
ان احنا ما نلعبش في حاجة مانعرفهاش

mahasen saber يقول...

تعيشى وميحصلش غيرها يا ماما تانى اصل الحاجات دى بتبقى فعلا مقززه ومستفزه ربنا يعف ابصارنا عنها
........
بس حضرتك وحشتينى جدا جدا
وشاكره لحضرتك سؤالك عليا ربنا يبارك فى عمر حضرتك ويمتعك بكامل الصحه والستر

SHAPE YOUR LIFE (ABOALI) يقول...

انجليزى ده يا مرسى
ولا المدنيه و والارتقاء
خداعكو فقالوا
حرية وديمقراطية واخلاق
وهم اهل الفسق والبغاء
نشروا القيم
وقالوا كونوا صرحاء
ليس هناك حدود ولا شرعاء
الدين هناك
ونحن هنا نعيش كما نشاء
قالوا فوضى خلااقه
وانتم كنتم غرباء
انزعوا كل ثياب
وعيشوا طلقاء
ونسوا يوما"
علمناهم كيف يكونوا عظماء
فيااااااااااااااا
اصحاب احمدا
نحن الاصل وهم الدخلاء
تعلموا لغاتهم
تأمنوا غدرهم
فهم الاغبياء

تحياتى مع الشكر للنصيحة

أمل حمدي يقول...

ا/ سمير

ههههههههههههههههه

معنتش ها العب تاني

بجد اتعلمت بس تعبت وزعلت قوي

الحمد لله

انا سعيدة بتشريفك الموضوع

أمل حمدي يقول...

بجد يا محاسن مكنش باين اي حاجة على الصفحة اتخدعت لكن معلش
الحمد لله
وانت حبيبتي وحشتيني اكتر حمد الله على سلامتك وسلامة ماما

جزاكي الله خيرا على الدعاء

أمل حمدي يقول...

ابو على

شفت المقلب اللي دخلت فيه

فعلا لازم نتعلم لغتهم لنأمن شرهم

ربنا يحفظنا اللهم امين

عمرو يقول...

اٍزيك يا ماما
معلش هههههه ما هو ده نفس المقلب اللى حصل لى و كتبت عنه
الغريبه حاجه الواقع دى عدد المشتركين فيها من العرب يقدر بالملايين !! تانى بالملايين !!

أمل حمدي يقول...

ازيك يا عمرو

شفت اديني اتشنكلت في موقع

ربنا هو الستار

ويهدي كل المسلمين اللهم امين

mohamed ghalia يقول...

عندك حق والله يا ماما لازم ناخد بلنا احنا فى زمن فتن والفتن بتحيط بينا من كل ناحية ربنا يحفظنا جميعا.
تقبلى تحياتى ومنك بنتعلم
ليكى تاج عندى ياريت تتفضلى عليا وتحلية
منتظر إجاباتك ياماما
أكيد هتكون رائعة زى شخصيتك الأروع
وعلى فكرة التاج ده من تأليفى ومختلف عن أى تاج تانى
دمتى بود وفى سعادة

كلام حسام يقول...

ولا يهمك ماما امولة
التجارب بتعلم

الكحيان يقول...

هزتني كلماتك القليلة فهي على قلتها تفور بالمعاني الغزيرة، كما أنها تمنع بلاوي كثيرة، فأجمل شيء في هذه الغابة الكحيانة أننا نملك العقل الذي يرشدنا إلى كيفية التعامل معها ومعرفة أسرارها وأساليبها، وأجمل شيء أيضا أن نقع في الخطأ ولا نكتفي بلوم أنفسنا بل نحذر قومنا وننبههم لئلا يقعوا فيه وبذا تتواصل الأجيال وتشق طريقها في سلام، لقد ذكرتني حكمة قديمة كنت قرأتها في مجلة أطفال لعلها ماجد أو ميكي ماوس تقول : من أراد أن يخطط لأيامه فليزرع قمحا، ومن أراد أن يخطط لعام فليزرع أرزا ومن أراد أن يخطط لعشرة أعوام فليزرع شجرا ومن أراد أن يخطط لحياته كلها فليتعلم من الآخرين! . فشكرا لك على ما أرشدتنا إليه ياماما أمولة.

أمل حمدي يقول...

mohamed ghalia

ان شاء الله ها احل التاج يا محمد

واكيد هايكون جميل علشان من تأليفك

ربنا يحفظك

أمل حمدي يقول...

اخيرا يا حسام نورت المدونة

ربنا يحفظنا ويحفظك

أمل حمدي يقول...

اخي الفاضل الاستاذ كحيان

من ساعة ما قريت عنك عند فركشاوي

واتمنيت

ان اعرف حضرتك واعرف شخصية محترمة مثلك

اشكرك على مرورك

وكلامك الطيب

دمت بكل الخير

الرومـيصاء يقول...

الله المستعان
حصل معى موقف مشابه
كنت ابحث عن برنامج الاذان
للموبايل
وكان هناك رابط لتحميل البرنامج
ولما ضغط عليه
علشان احمل
معرفش ايه الى حصل بقى بعد كده
انا لقيت حجات غريبه معرفش جت ازاى
ولا اقفلها منين
ربنا يعفينا
من هذا البلاء

هـمـــــــــــسة يقول...

ماشاء الله ياماما امولة مدونتك تجنن
صح دى اول مرة ازورها بس الحقيقة

ان شفت اسم حضرتك فى كتير من المدونات

حسيت اد ايه حضرتك انسانة جميلة
وحتى اسم المدونة نفسه بيوحى بالامان

ربنا يبارك فى عمرك
وبالنسبة للبوست ده معلش ياماما

وده يعلمنا اننا مش نسجل فى حاجة ماعندناش

معرفة بيها
ومعلش لو كنت طولت على حضرتك

أمل حمدي يقول...

الروميصاء

ربنا يحفظك يا حبيبتي

ويحفظ اولادنا وشباب المسلمين

دي حرب والله المستعان

أمل حمدي يقول...

ابنتي 1/2 doc

انا اللي سعيدة بمرورك وان المدونة

عجبتك

وشفت مدونتك بس للاسف مفهمتش حاجة

ابقي نزلي الترجمة ههههههههههه

اهلا بك نورتيني

مهرة سالم يقول...

السلام عليكم...
شكرا لنصحك لنا وتنبيهك...
بالفعل نقع في بعض الأحيان بسبب جهلنا
بأمور معينه في مثل هذه المواقف...
وبالنسبه لي أفضل دوما أن أبتعد عن أي موقع لم أفهمه جيدا...

غير معرف يقول...

شكرا لحضرتك علي التنبيه
وربنا يستر

سمكه واحده يقول...

تررم يا ماما اموله ههههههههههه
ربنا يعفينا ويعافيكي وشكرا علي التنبيه الجميل ده وجزاكي كل خير
ياله بقي جت معاكي كده
وحشتيني والله
وترررم ومتزعليش مني مهو ده حصلك علشان سبتيني وروحتي تنامي وقولتيلي ترررم هههههههه
تحياتي
سمكمك بتقولك تررم

اهو ده عيبه يقول...

اولا ازيك

معلش الموضوع ده ساعات بيحص لكتير خصوصا ان فيه مواقع بتفرض نفسهاوتفتح لوحدها وممكن الانسان يشترك فيها من غير ما يبقى عارف الهدف منها

عموما ان شاء الله يكون حصل خير
تحياتى لكى

Unknown يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

SemSem يقول...

اول زيارة لى فى المدونة
حصل خير وقدر الله وماشاء فعل
والحمد لله انها جت على كده
ومش عيب اللى حصل
المهم نتعلم من اللى حصل
تحياتى لك

ahmed_k يقول...

فعلا النت إمتلأ بالمواقع القبيحه
وهو كأي شيئ سلاح ذو حدين
فمن أحسن إستخدامه إستفاد
ومن أساء فذنبه على جمبه

تحياتي

وردشان smilyrose يقول...

ماما أمولة

اخبارك

على فكرة بتحصل كتير والله

مش تزعلى نفسك هو دا عالم النت

المهم خلى بالك لأن المواقع دى كتير

وربنا يستر

تقبلى مرورى

smilyrose

روح الحب الصادق

الربان يقول...

تحياتي

فعلا بيحدث مثل هذا مع الكثيرين منا
و هذا يجعلنا نتمهل و نقرأ...و ان جهلنا شيء لا نتسرع وندخل الموقع او نسجل فيه...

اشكرك لانك قرعتي لنا جرس الانذار...حتي
نتمهل ولا نندفع بالتسجيل الا في المواقع
المرغوب بها.

تحياتي و تقديري

أسطى في زمن البلي يقول...

يا امه



بس ابعتي الشنطة اللي فيها اليوزر نيم و الباسورد بتاع الموقع دا و انا اخليهم ينسوا مين هو دي لي سيبس


بس تفتحي لي قزازة سفن اخ .. لا اب و لا ام .. و عاوز شندويتش كوارع بالفليفلة الخضراء و حب الرمان و البهارات الهندي


ها تقول شوف المفجووووع .. لعبت ماتشات كتير اليومين اللي فاتوا و عاوز اعوض

يا امه

يفترض قبل ما ناخد قرار نبقى عارفين ها نحط رجلينا فين الخطوة الجاية .. غير كدا يوك لازم نفلسع و فورا .. و سبق قلت لحضرتك .. لا بد من وجود انتي فيروس في الجهاز و تفعيل الجدار الناري اللي يمنع ظهور ناموس الانترنت .. اللي هي الصفحات الاعلانية الطايرة اللي بتجيب الكلاكيع ..

على العموم .. ابعتي حضرتك بس اليوزر نيم و الباسورد و انا هاسقي الحساب كوكاكولا ما يحطش منطق بعدها

Empress appy يقول...

معلش معلش بتحصل كتير ابقى خلى بالك يا ماما بس

على عبدالله يقول...

مش مشكلة بتحصل فى احسن العائلات
عادى يعنى




فى السعودية المواقع دى محجوبة
يعنى الواحد بيسيب النت فى البيت وهو مطمئن
اما فى مصر بصراحه بخاف من النت فى البيت
يا ريت فى مصر يحجبو المواقع دى

☼♫♪ عمــاد الدين يــوسف ☼♫♪ يقول...

معلش يماما
انا برضو ياما وقعت في المقالب البايخه القذره ديه
وادينا بنتعلم

تحياتي

hager يقول...

ربنا يحفظنا

saheda.com يقول...

السلام عليكم
كيف حالك ماما اموله
الحمد لله
حصل خير
على فكره
هما بيعماوا كدا
علشان يحطموا فينا
اهويه الاسلاميه
ويردون يفسدوا ابناء المسلمين
الحمد لله
لانه يوجد من يفهم الاسلام
فهم صحيح
ويراعى الله فى كل شى

محمد الدخاخنى يقول...

ربنا يثبتك..ويهديك الى صراط مستقيم
واحذرِ فى المرة القادمة من مثل هذه المواقع والمنتديات...

ابنك البار

ضــى القمــر يقول...

اموله ..

معلشى حبيبتى .. بتحصل كثيير يا .. وادعى ربنا انها متحصلش معاكى تانى ولا معانا كلنا.

بالرغم أن فى مواقع بتظهر عندنا بوب أب .. حتى لو انتى قافله البوب اب .. برضه مفيش فايده ..

الله يعافينا منهم يارب ..

اجمل تحيه من قلبى لك اختى

حاسوباتيه يقول...

فعلا بتحصل كتير لازم نخلي بالنا

Unknown يقول...

يا ماما
بتحصل كتير جدا
ويمكن كلنا تعرضنا لنفس الموقف
هههههههه
متزعليش نفسك ادخلى غيرى بياناتك

tarek alghnam يقول...

اولا انا متشكر جدا
متابعه مدونتى وردودك بتسعدنى
وكمان بحس بجد بالزمن الجميل لما ادخل مدونتك
ربنا يكرمك
ويبعد عنا شرور النت
كنا بندعى الاول يكفينا الله شرور الناس ودلوفت بندعى كمام وشرور النت
تحياتى يابنت بلدى

مـجـنـووون يقول...

أمي الغاليه اسف علي التأخير في الرد في الفترة الأخيرة لسبب ظروف


أنا بنصح أي واحد تجيله رساله تقوله يكتب ايمله وكلمة السر بتعته ميعملهاش حتي لو كان موقع ومعروف

لأن كلمة السر الخاصه بيك مش بتحتجها غير لما تفتح ايميلك ولو عندك مدونة غير كده مفيش حد له الحق أنه يطلب منك ايملك وكلمة السر

ويا ريت محدش يقبل أي رساله من حد أو يبعتله اي صورة ويقبلها غير لما يكون واثق من الشخص ده

تقبلي مروري أمي الغاليه
مجنووون

Mony يقول...

معلش


بس بصراحة انا مبحاولش ادخل علي حاجة مش عارفاها

لاني وقuت قبل كده

كنت بنًزل لابني افلام كرتون بس للاسف ده ماكنش فيلم اللي بنزله

طلع فايروس و بهدلي الكمبيوتر

و من ساعتها مابدخلش علي حاجة ما اعرفهاش

حزينه يقول...

ربنا يحفظنا
بجد الدنيا بقت وحشه اوى
والناس بقت تتسابق فى فعل المنكرات
معلش يا اختى لعلها خير
واديكى اتعلمتى
وعلشان انتى كويسه فى حد حذرك


حزينه

غير معرف يقول...

اشكركم جميعا احبتي لتفاعلكم

جزاكم الله كل الخير

r يقول...

زياره اولى بنصيحه ممتازه
بس يا ريت حضرتك كنتى اشرتى للاسم باى شئ علشان نعرف ناخد احتياطنا بس على العموم لازم الواحد ما يغامرش باى اشتراك الا بعد ما يتأكد من صاحب الدعوه والغرض من الاشتراك فيه
دمتى بخير

حبيبه يقول...

ازيك ياماما امولة؟
معلش بس ابقي خدي بالك بعد كدة وربنا يحفظنا جميعا
تحياتي لكي

أحــوال الهـوي يقول...

سيدتي
كلنا تعرضنا الي هذه المآسي تصوري المواقع الباحية مغلقه في السعوديه و بالرغم من هذا تصلني رسائل تحتوي علي صور و كلما اغلقت عنوان بريدي يرسلوا من عنوان اخر و لا اذكر انني سجلت اسمي في هذا الماخور
هل يعرف احد كيفية حجب موقع معين لاني زهقت و لا استطيع تغيير الايميل لحاجتي له في عملي

تحياتي

dr. Ahmed Sakr يقول...

بصراحة حطيتى أيدك على الجرح

أحسن كتاب بصراحة بحب أقراه

قريته أكثر من مرة وكل مرة بحس أنى أول مرة أقراه

رئـــــيسـة حزب الأحلام يقول...

انا حاصلى الموضوع دة قبل كدة
وبجد مؤذى جدا وبيحسس الواحد بالذنب والقرف
لكن بجد ربنا الحامى
تحياتى

أمل حمدي يقول...

احبتي جزاكم الله خيرا وبوركتم