.jpg)
ازيكم عاملين ايه يارب تكونوا كلكم بخير يارب
أنا بكتب دلوقت وما فيش فكرة معينة في دماغي
كل الأفكار متضاربة والأحداث متداخلة
أتكلم عن إيه عن السلبية اللي بتجري في دم البشر
ولا اللامبالاة
أتكلم عن الهيافة اللي في عقول البشر
أتكلم عن الظلم ولا الأنانية
أتكلم عن الغيرة
أتكلم عن الحيرة
أتكلم عن النفوس المريضة
ولا أتكلم عن التدوين
ههههههههه
أصل التدوين للأسف عبارة عن عالم صغير
بتلاقي فيه دلوقت كل الأشكال اللي ذكرتها
المفترض في التدوين إن
التدوين فكرة سامية
التدوين فكر
التدوين رأي
التدوين تطلعات للمستقبل والحياة
التدوين دعوة
التدوين موهبة
التدوين ثقافة
التدوين علامة
إنما يكون التدوين قلة أدب وقاعدة شلت
وحكايات فارغة مالهاش قيمة
أو سيرة ذاتية فارغة مافيش وراها موعظة
ولا قيمة ولا فايدة
دا مش تدوين للأسف دا استخفاف بعقول البشر
دا تهوين لكل القيم
وخلط للأمور
ياريت الناس تراجع نفسها
وتحاول تقيم أعمالها
وإيه اللي ممكن الناس تستفيده من ورا الكلام اللي بيكتب
ونتقي ربنا في ألفاظنا
وسلام
هناك 36 تعليقًا:
مالك بس يا ست الكل
البشر الوان
لكل منه وجهات نظره
والحياه تتقبل الجميع
الزبد سيذهب جفاء واما ما ينفع الناس فيكمث فى الارض
العملة الجيدة تتطرد الخبيثة
ومن اجل الورد تسقى العلائق
ضعى ابتسامتك ثانيا على وجهك
فهناك رب يدير كونه وله حكمته
كل التحية
السلام عليكم
التدوين فكرة سامية و راقية
لكن الطبع يغلب فبعض المدونين يجتمعون كالشلة في النادي او العمل وتتفق اخلاقهم فيظهر في الفاظهم
ثانيا ايه النيو لووك الجنان ده للمدونة
دمتي بخير
لو ما فرفشتي عقابا لك تشاهدي هذه التدوينة من منشآتي العلمية
http://tabibqulob.blogspot.com/2010/01/wide-awake-heart-surgery.html
جراحة قلب مفتوح على الصاحي
الأخت الفاضلة: أمل حمدى
السلام عليكم ورحمة الله وبركاته
عندما نترك للقلم العنان يخرج مكنون النفس وآلامها بدون استئذان....
هى كلام فى كلام
لكن كلام فى المليان أصاب كبد الحقيقة
ولعل وعسى .... تتغير الأشياء
تقبلى تقديرى واحترامى
وبارك الله فيك وأعزك
أخوك
محمد
ايه بس النظرة التشاؤمية دى
صحيح فى كل ده بس فى برده الوجه الأخر
ابو علي الغالي
ماليش والله بزعل قوي لما الناس تكتب أي حاجة وتبهدل نفسها
وينشروا كل الغسيل اللي اتغسل واللي متغسلش والكل يتفرج
نفسي الناس تعرف ايه اللي يتكتب وايه اللي ميتكتبش
حاضر يا ابو علي ها ابتسم
ربنا يبارك فيك يارب
Sonnet الطبيبة الحبيبة إلى نفسي
نعم كما قلتي تظهر الأخلاق من الألفاظ
أو كل إناء ينضح بما هو فيه
Sonnet
عجبك النيولوك الحمد لله
وفرفشت والحمد لله
وكفاية وجع قلب ههههههههه
ربنا يصلح حالك ويوفقك اللهم أمين
أخي الفاضل /محمد الجرايحي
أشكرك على تفهمك لقلمي وعلى ردك الطيب
جزاك الله كل الخير
ولعل وعسى تتغير الأشياء
تقديري
ابني الغالي صاحب السعادة /محمد غالية
إنها ليست نظرة تشاؤمية بل محاولة لتصحيح مسار
دمت بحفظ الله يارب
السلام عليكم ورحمة الله وبركاتة
مالك بس يا امى الحبيبة فى اية ؟؟
مين ضايقك
كمان التدوين بفكرتة المثالية دى كان زمان قبل ما نعرف الناس بشكلها الاصلى
فيهم ناس هايفة وناس مدعية
وناس اخرى فوق ما تستطيع الكلمات وصفهم من حسن خلقهم
يعنى التدوين زى الحياة فية وفيه
متزعليش نفسك بس قوليلى مالك؟؟
نهر الحب
هههههههههههه
مافيش يا حبيبة قلبي والله
دخلت كام مدونة اتصدمت من الكلام المكتوب
ادي الحكاية
ربنا يهدي
اتطمني حبيبتي
سلام يا حبي
معاكي قوي
كتير قوي بيدونو بلا هدف
وكتير قوي معندهمش رسالة او فكرة
بس الفكرة ان التدوين بقى لبعض الناس
بديل ترفيهي
(:
يعني مكان يفضفض فيه ويتكلم
المشكلة بقى مش في اللي بيقول كلام هايف ومالوش معنى
االمشكلة بجد في الي بيدخلو يصفقوا له (:
(:
ميرام
أهلا يا حبيبتي نورتي الزمن الجميل
كلامك صح المشكلة في المشجعين اللي أهيف من اللي بيكتبوا فعلا ظاهرة والله المستعان
أشكرك لمشاركتك
وأتمنى دوام التواصل
التدوين كما وسائل الاعلام
المشاهد هو من يختار
==
متفقة معاكِ طبعا
الله ...الله ...الله
جميل النيوك لوك دا ..الف مبروك.. قولي هيافه مدونين قولي عليا اللي يعجبك بس لازم ابدي اعجابي بالجديد الجميل اللي ها يرجع الزمن الجميل ...
:::::واللهِ يا افندم دا الموجود نسأل الله العفو و العافيه .
موناليزا
فعلا كلامك صح
الله المستعان
فركشاوي
بعد الشر عنك أنا برضه أقدر أجيب سيرتك ليه بقى
أكيد أنت شايف زيي حال التدوين
وفعلا ربنا يعافينا ويعفو عنا
شكرا على اعجابك بالشكل الجديد للمدونة
عقبال مدونتك يا فركش
اه ياااا اموله
جيتي علي الجرح
فعلا قاعدة شيلت
مش فاهمه احنا بندون والا بنتكلم علي بعض
والا قاعدين لبعض
والا ايه النظام
المفروض اننا نخبه من الناس ربنا وهب لنا شئ نتميز بيه
ونستخدمه في الخير
مش في الحاجات البايخه دي
سلامي
شمس النهار
ازيك يا شموسة ربنا المستعان
حاجة زادت عن الحد فعلا
ربنا يهدي اللهم أمين
سلامي حبيبتي
فعلا عالم التدوين عالم صغير
بس معظم اللى دخل هذا العالم كان داخل للتعرف على هذا العالم الجديد
وربما لا يريد ان ينسحب بهدوء بعد ان رأى بعض افكاره يعجب بها اشخاص اخرين
وشئ طبيعى علشان مش لاقى حد يقولة كلمة حلوة ههههه
الزبد سيذهب جفاء واما ما ينفع الناس فيكمث فى الارض
تقبلى تحياتى يا ماما امولة
بحب كل الناس
الله المستعان ابني الفاضل
أشكرك لتواصلك الطيب
فعلا للتدوين الجاد غاية عظيمة ، واثر كبير على الاجواء المحيطة ، ويكفي ذكر أن الحكومات صارت تعمل الف حساب للمدونين ، وشباب المنتديات بعد ان وجد الكثير من المشاركات الجاده الهادفة والتي استطاعة ان توجه الكثير الى الطريق الصحيح
تحياتي
emad
تقديري لرأيك
أهلا بك في الزمن الجميل
دمت بخير
عندك حق فعلاً للأسف فية ناس داخلة عالم التدوين على سبيل التسلية فقط
تحياتى
السلامـ عليكمـ
ما شاء الله
النيولوك ياخد العقل كثير حلو
التدوين
في الاخر زيه زي اي شئ
لكل شخص الحريه في فعل ما يريد وما يحاسب في الاخر هو رب العالمين
وما علينا الا النصح
وربنا يهدينا ويهدي الجميع
عندك حق والله وما اكثرها الوان البش وخداعاهم للبش امثالهم وما اكثرهم الطيبون الذين يصدقون الكلام التافه الذي لا معني له ادو اللع ان يوفقك ويعينك اكثر واكثر علي كتابه كل ماهو مفيد
ماما أموله
كلامك صحيح بس مين الى عكر دمك ده.. بس انا بختلف معاكى يا ماما أموله لانى بعتقد مادام التدوين مفيهوش كلام خادش حتى ولو كان فضفضه فده حق للمدون .. واحنا بقى حقنا نقيم الى انكتب او ما نقراهوش خالص..لانى وبدون فلسفه بحس ان معظم الى بيدونوا عاوزين يفضفضوا الى بيهزر والى بيحكى الى حصله كل يوم إلخ وده حقهم ...
ما تحرقيش دمك انتى بس وكفايه علينا السيول والغلاء الى كاوينا
تحياتى ليكى
صدى الصمت - عاشقة الورد -
أشكرك حبيبتي
دمت بود
ghorBty
ازيك يا مرمر
اتفضلي المدونة وصاحبتها يا حبيبة قلبي
شكرا على ذوقك
نعم كل واحد حر يكتب اللي يكتبه
وربنا هو الهادي
سلام يامرمر
(مجنونه بس حنونه) (شروق)
أهلا بك يا شروق في الزمن الجميل
وأهلا برأيك
وأشكرك عليه
دمت بكل الود
ابو كريم
لو تصدقني والله ما حد زعلني ولا أنا زعلانة غير على الناس دي
ربنا يهديهم يا ابو كريم
ولو كان على الفضفضة كل واحد جواه بركان وعايز يتكلم لكن مش مع أي حد ومش أي حد اللي ينصح
الله المستعان
وأشكر لك ردك الطيب
دمت بخير
ربي يبارك فيكي كلامك صحيح وفعلا الواحد بيصدم ساعات من المكتوب في بعض المدونات اللي بنحسبها على خير ...بس الواحد بيعمل اللي عليه وبينصح البعض مرة ومرتين علشان فعلا الواحد بيتمنى الخير والصلاح للكل ..تعرفي يا أمل أحيانا بادخل على المدونات واحاول الاتصال بأصحابهم بعيد عن المدونة و أنصح علشان من رأى منكم منكرا فليغيره .ساعات بتلاقي ردود فعل إيجابية وربي يكرم كل من يمتثل لله والحق و أحيانا لا ...أم البنات تضحك وتقولي حجيبك مرة من القسم علشان مش كل الناس تحب النصح ..أقولها أنا باعمل لله ولا أخاف فيه لومة لائم وطالما إحنا نريد خيرا في عالم التدوين يبقى مش حاتغير واللي يسمع لي مش بيسمع لي أنا كشخص بل يسمع صوت الحق...وفقنا الله جميعا لما يحب ويرضى ولا تحزني سيدتي و طالما أنتي تريدي الحق يبقى ربي معاكي إن شاء الله...تحياتي
كلمات من نور
ازيك يا غاليتي وكيف حال صحتك
قرأت في أحد المدونات أنك سوف تجري جراحة
أتمنى من الله أن تكوني بكل خير وصحة اللهم أمين
ونفسي في نمرة تليفونك علشان اطمن عليكي
صدقا اني احبك في الله
ربنا معاكِ أختي الغالية
وربنا يهدي كل الناس
دمت بكل الخير
السلام عليكم أمل هانم
انا من الاول قلت ان ماما اموله يا اما تكون امل يا اما تكون آمال والامال جمع امل مش حتفرق
تحياتى
لقد اثرتى فى نفسى الشجون
المفروض ان التدوين مسئوليه
يعنى بنكتب حاجات الناس بتقراها
والمفروض ان يكون لها هدف سامى
والمفروض ان يكون لها رساله عايزين نقولها للناس
مش اى كلام واى تهجيص
مفروض ان تكون على درجه عاليه من الاحترام
احترام للزملاء واحترام لعقلية القارئ
ودا اللى انا بحاول اعمله
احنا بندخل بيوت بعض .. ولابد ان ندخل البيوت من ابوابها
يعنى مش لازم نرفع التكليف ونقول يا امل او يا كذا ..
قليل من الاحترام كثير من المعلومات القيمه التى تفيد الاخر
احترامى لك سيدتى
السلام عليكم أمل هانم
انا من الاول قلت ان ماما اموله يا اما تكون امل يا اما تكون آمال والامال جمع امل مش حتفرق
تحياتى
لقد اثرتى فى نفسى الشجون
المفروض ان التدوين مسئوليه
يعنى بنكتب حاجات الناس بتقراها
والمفروض ان يكون لها هدف سامى
والمفروض ان يكون لها رساله عايزين نقولها للناس
مش اى كلام واى تهجيص
مفروض ان تكون على درجه عاليه من الاحترام
احترام للزملاء واحترام لعقلية القارئ
ودا اللى انا بحاول اعمله
احنا بندخل بيوت بعض .. ولابد ان ندخل البيوت من ابوابها
يعنى مش لازم نرفع التكليف ونقول يا امل او يا كذا ..
قليل من الاحترام كثير من المعلومات القيمه التى تفيد الاخر
احترامى لك سيدتى
إرسال تعليق