شعب ناكر للجميل

بيقولوا علينا يا بو جمال إن إحنا ناكرين الجميل

وعايزينا نسامحك ونبوس الإيدين
طب والله كلام جميل
طب إحنا مستعدين نسامحك بس نتكلم معاك كلمتين
أنت يا بو جمال استوردت القنابل المسيلة المتنيلة دي لمين
لعدونا ولا لأولادنا واخواتنا الصغيرين

ولا خراطيم المية اللي بدل مايطفوا بيها حزبك المحروق

كانوا بيفرقوا بيها المصلين
ماتقول رد وأحنا أهو سامعين

ولا متعرفش
طب بلاش القنابل أصل صلاحيتها انتهت 

وأنت برضه نيتك خيروبرضه 

متعرفش
خلينا في الرصاص المطاطي 

اللي حرموه دوليا قتلتوا بيه أولادنا ليه

حرقتوا قلوب أمهاتهم ليه
ولا كمان معرفتش

يا بو جمال
مشفتش عربيات الشرطة اللي مفروض تحمينا

وهي بتدهس أولادنا

بتفصل رجليهم و روسهم
ولا الضباط اللي بينشنوا في عينيهم وصدورهم 

ولا مشفتش

العصيان والطوب والنار اللي بتحرق فينا 

هو إحنا ناقصين حرق مش كفاية الغرق

ولا أنت بتقول يا بخت من بات مغلوب

عايز تدخلنا الجنة صح نيتك سليمة

إحنا اللي ولاد لئيمة

طب هانسامحك بس قولنا

مشفتش عيون سالي وجمال ضحكتها 

مشفتش إسلام وسامح ومحمد 

مسمعتش عن أميرة وحكايتها

طب قلبك منقبضش

مش هم أولادك برضه يابو جمال 

طب قولنا

دول دمهم في رقبة مين
آه عارفة أكيد في رقبة المندسين 

هم السبب منهم لله المندسين عاملين زي غراب البين 

دول مش بني آدمين
سيبك من شهداءنا ومين اللي موتهم أكيد برضه 

متعرفش 

أنت فاضي لإيه ولا إيه 
طب هانسامحك

بس قولنا ليه جوعت شعبك 

واستخسرت فيهم حتة اللحمة واللقمة والرغيف
آه صحيح خايف على صحتهم لتجيلهم تخمة
الأحسن فعلا يناموا خفيف خفيف
ماشي هانسامحك 

بس قولنا يا بو جمال
ليه بتسيب القوي ياكل الضعيف
ليه سبت الظالم والمستبد وعذبت الشريف
ليه فاض الفساد وغطى على البلاد

ليه صغرتنا في عيون العباد

واللي يتكلم ويقول الحق تقولوا عليه ارهابي  

يا ماما دا شيء مخيف
ما تقول يابو جمال 

ولا برضه متعرفش

تصدق الظاهر فعلا إحنا معندناش أصل وخسارة أنت فينا 

طب سيبك من دا كله وإحنا نسامحك بس قولنا

نتأسفلك إزاي !!!!!!!!!!!

ودم أولادنا وأخواتنا مالي إيديك

من التحرير والسويس لبورسعيد واسكندرية 

مادد على الصعيد وسايل 

شايل معاه هموم الوطن 

ماتقولنا !!!!

قادرعلى حمله ولا مين شايله معاك يابو جمال

أحنا معرفناش غيرك أنت 

أنت اللي كنت راعينا 

لا نعرف جمال ولا عمرنا شفنا عز 

ولا عرفنا عدل  

بس بعيد عنك شعبك طلع ندل

ماأنت اللي مربينا

طب آخر سؤال 

وبعدها هاننكتم ونبوس الأيادي ونتأسف

فين خير مصر يابو جمال  ؟؟؟؟؟؟؟؟؟؟؟؟؟؟

ولا بلاش أصل السؤال دا يكسف

برضه لسه عايزنا نتأسف 

 مش هانتأسف

غير لما تجاوب 

بس بجد بجد شعبك دا شيء مؤسف

يا شعب التحرير

 



من لم يتغير بعد تلك الثورة

فهو من الأموات 

فاستثمر وقتك في عمل

ولا تهدر كل الأوقات

قد يكون الماضي مرا

فلنستشعر طعم الآت

ولنبدأ عهدا جديدا رائعا

ولنفتح كل الشرفات

ولنكن يدا واحدة

ولا نتفرق في كل الطرقات

ولنسمع صوت العقل

ولا ننساق للمتاهــات

ولتكن أخلاقنا شريعة

ولنترفع عن اللملمات

فعدونا الحقيقي ينظر إلينا

يتمنى لنا الممات

سيحاول بكل قذارة

أن يبث بيننا العداوات

فاحذروا يا شباب التحرير

طريق الزلات

وأعملوا لمستقبل مضيء

خال من العثرات

وسيكتب لكم تاريخكم

ما أتيتم من مكرمات

تحية مني لكم

يا من أيقظتم أمة من السبات

إهداء لأهالي الشهداء الشرفاء

إهداء من ابني عبد الرحمن 

لأهالي شهداءمصر

قال تعالى

{ ولا تحسبن الذين قتلوا في سبيل الله أمواتا بل أحياء عند ربهم يرزقون . فرحين بما آتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولا هم يحزنون . يستبشرون بنعمة من الله وفضل وأن الله لا يضيع أجر المؤمنين . الذين استجابوا لله والرسول من بعد ما أصابهم القرح للذين أحسنوا منهم واتقوا أجر عظيم }
صدق الله العظيم

الحمد لله والله أكبر

• الحمد لله
• الذي استجاب الدعاء
• وحقن الدماء
• وطيب روح الشهداء
• وأزال من أمامنا البغضاء
• تحيا مصر
• تحيا مصر بأولادها
• وشبابها وبناتها
• وأمهاتها
• تحيا مصر برجالها
• وشيوخها
• تحيا مصر بكل حر
• تحيا مصر حرة
• والله أكبر
• غنوا معايا ياولاد
• وارفـعـوا راسكم
• دي مصر دي هي
• تاج راســـكم
• دي أمنا الحنينة
• ...وعيونها حراســـكم
• ازرعوها بعرقكم
• وايديكم و فاسـكم
• متبخلوش عليها
• حتى بنـَفَسْكم
• ايديكم في ايد بعض
• عمر عدوكم مايدهسكم
• وباتحادكم وأخلاقكم
• وقلمكم وكراسكم
• هانحقق الحلم
• والعزة هاتبقى لباسكم
 

 

 

 

 

 

تأريخ لأحداث 25 يناير

تأريخا للأحداث الراهنة والتي نعاصرها الآن

هذه بعض الصور التي تغني عن الكلام الكثير بلا طائل

إلى أن تقول كلمتها مصر 

  

 

 

 أنظروا إلى من يحمي المصلين

 بطل 

الشهيد

محمد الصاوي قبل الاستشهاد وبعده 

مصر

 

سؤال برييييئ

من بنتي

أنت حزينة ليه يا أمي

أنت بتحبي مصر ؟؟؟

مصر ... مصر !!!!

مصر هي أنتِ هي بنتي

مصر هي ابني هي نبتي

مصر

مصر معنى و انتماء

مصر أرض الأوفياء

مصر دم  

مصر هم الأنقياء

مصر

اسمي مهدي

 نبت زرعي

شب فرعي

 لف عودي

هي أصلي

مصر

أول حب

دقة قلب

احساس

مصر

أول عشق روح

وين ماروح

لا مساس

مصر كلمة

ولحن غنوة

وضحكة حلوة

في عيون الناس

مصر

ليه فيها ذكرى

وألف فكرة

أحلم بيها

تتحقق لأولادي بكرة

مصر

أصحاب حكايات

فضفضة ثرثرة

نتلم نحكي نبكي

نضحك بكركرة

مصر كل ثانية

دقيقة ساعة

عمري كله

مصر

نيلي زادي

أشجاري

أرضي المخضرة

مصر

كتاب قرأته

شعركتبته لقلب عشقته

مصر ...

مصر

 هاااااااااا. نـَفـَس

حتى لو جه علينا

ألف يوم ويوم عـَبـَس

حتى لو الحزن والقهر

على قلوبنا كـَبـَس

هي مصر

يالا نبني

ونكبَّر

ياجاري ياأخويا

يالا ياابني

يالا بدَّر مش تتأخر

احلم حقق يالا فكـَّر

مش هانـْهـَدَّر

يالا نعمـَّر

حبنا الكبير

مصر

 

اللّهمّ قد عَظُمَ الـخَطْب،،

 

و اشتدّ الـكَــرْب

و لا مَلجَأ لنا إلا إيّاك

 

يا أرحَـمَ الراحـمـيــن

اللّهمّ فـارْحَم ضعفنا ،،

 

و اكشِـف كَـرْبُـنـا

 

و ألْـهِـمْـنَـا ما فـيـه خَـيـرُنـا

 

و صـلاحُ أمْـرنـا

اللّهمّ نَسْألُكَ نَصْراً من عندك 

 

لعبادك المستضعفين

 

اللهم أمين 

من وحي الأحداث

ارمي حمولك على أكتافنا

 يا أمي يا مصر

ولادك في طريقهم

 إن شاء الله للنصر

افرحي بيهم

واسمعي غناويهم

كفاهم قهر

وإن فاتهم ظهر

مش ها يفوتهم عصر

*****

والعصر

أولادي هايروحوا بلاش

برصاص مطاط يا ناس

 من أبو بلاش

نزل ابني ومن ساعتها

لسه مجاش

وقلبي واكلني عليه

هو مات ولا عاش

*****

بكتيني يا أمي

وبكى معايا الحديد

ابنك عاش راجل

وإن مات شهيد

فدا بنفسه اخواته

لأجل يوم جديد

و يوم لقاكِ بيه

هايكون لك يوم عيد

إلى أين يا مصر ؟؟؟؟

يا حبيبها

حبيبتي

أنت بين الثلوج أقبلي !!!!!

الربيع والأزهار عندي

هاتِ قلبك بين أضلعي 

يا حبيبها

ربما عشقت الثلوج حبيبتك  
وراقت لها
وربما قلبك أنت من تجمد
 عندها
وربما أمنت على  قلبها
...واطمأنت
وهدأت كل المشاعر  عندها
وسكنت
وصارت الفصول كلها
واحدة !!!!!
فلا صيف ولا خريف
ولاربيع أحست

فترفق بها ترفق

واتركها في الثلوج

كما تريد

 تتجمد

بقلمي 

تحديث آخر (متضامنون مع أهلنا في تونس) + تحديث نداء من مواطن تونسي

ربنا معاكم 

 اللهم أشدد أزرهم

وثبت أقدامهم 

وكن بجانبهم 

 اللهم أمين...

amiralcafe يقول...

هذا النداء من احد ابناء تونس الحبيبة عبد الرؤوف عبد السلام المكنين
نداء عاجل لإيقاف جميع أنواع العنف تونس قاعدة تضيع من بين إيدينا
يا شعب، بلادنا مراقبة من قبل أمريكا و فرنسا، عنا وقت قصير بش نوقفو إلي قاعد يصير، مكانش بنزرت إلي خرجت اخر جندي فرنسي، تدخل أول جندي أمريكي.
وزيرة الخارجية الفرنسية تقترح رسميا اليوم في جلسة لمجلس النواب الفرنسي ارسال قوات بوليس فرنسية لتونس



حنان يقول...السلام عليكم
العنف اللي قاعد صاير توا موش قاعد يقوم بيه الشعب!!!!!!!!!!!!!
العنف والنهب و السرقة و الترهيب كلها مليشيات و عصابات ماجورة تروع في الناس
بالعكس الشعب التونسي كله ايد واحدة والاهالي كلهم يحمون في الارض و العرض والجيش موش مقصر
ماعلينا الا الصبر والصمود
ايام صعبة و ستمر باذن الله
اصمدو يا توانسة بحق جاه النبي اصمدوا
فالله مولانا ولا مولى لهم
وبارك الله فيكم جميعا
ويا رب تشرق الشمس في ارجاء وطننا الكبير جميعا و يعلو صوت الحق : لا الاه الا الله
دعواتكم فنحن بحاجة دعاكم
وربي معانا ومعاكم و مع كل امة محمد
حنان-تونس.

زدته من الهوى فاستزاد

زدته من الهوى

 فاستزاد

ولو طلب العين كان له

 ما اراد

أهواه والهوى له طوع

وزاد

القلب كتب  له العهد

والروح  وثقت

 الشهادة

تنسمت رحيق الوجد

من رسائل عشق

 بيننا تتهادى

لمست الأمل في وصله

والحنين والشوق

 والوداد

فصارت أيامي بقربه

 أعيادا

كل الأشياء الحبيبات

 عادت

عندما عاد 

زدته من الهوى

فوعد

أنه  لي  أنا  لا

 لأحد

وأني أميرة حروفه

أمس واليوم

 وغدا

ولن يمزقنا البعد

 ولن يفرقنا

 حدا

زدته من الهوى

 فتكلم

كيف كان
في البعد عني

 يتألم

وهو لا يعلم كيف أنا

 لكن الله كان بي

 أعلم

 كنت من الليل في بعده

 أظلم

فأشرق القلب بقربه

وطاب العمر 

وتبسم

زدته من الهوى

 فجاء

بعد أن انقطع من الأمل

 الرجاء

قال لي أنت القمر

وأهداني نجمة من

 السماء

زدته من الهوى

 فأجاب

بعد أن أذاقنى المر

اغتراب

فقلبي غافر له

ما أصاب

وليس له عندي

 عتاب

زدته من الهوى

فزادني وزادني

وأوفى لي كل ما وعدني 

بقلمي 

فوقوا يا بشر

 

 حسبنا الله ونعم الوكيل في موقد الفتنة 

حسبنا الله ونعم الوكيل في كل من يقلب الحقائق

ويثير الضغينة في قلوب المسلمين والأقباط

 

الدم غالي والوحدة غالية

فوقوا بقى ...يا بشر 

كل قطرة دم لمصري مش

....... هاتروح هدر

اللي بيوقد الفتنة والخاين 

.......واللي غدر

يومه جاي أكيد

وميفتكرش

انه بعملته عبر

شغلوا العقول وبلاش تخلوها

أنشف من الحجر

مين المستفاد من الفتنة

ومين اللي دس الشرر

خدوا حذركم يا بشر

خدوا حذركم يابشر