ليس لها من دون الله كاشفة

دعوني والأحزان فما عاد لي قلب ليحمل جراحا

دعوني والأحزان فما عدت استحمل ألما ولا نواحا

ماهذا ؟

لقد تآمرت الدنيا علينا وأحكمت الخناق

كل يوم جرح وراه جراح مش لاقين الفرحة 

مش عارفين نرتاح

ولو لقيناها بتدارى وبتلبس طرحة

مكسوفة من الجراح

ليه وصلنا لكدا ليه قلوبنا شايلة الهم 

ومش طايلة الفرحة

مش بايدينا

غير الدعا لله

هو اللي حاسس بينا

يارب فرج كرب كل مهموم

يارب عليك بكل ظالم 

يارب ويارب ويارب

أنت اللي عالم

هجرتني أحرفي

هجرتني أحرفي 

يا صاحب المعاني

هجرتني أحرفي

باتت حزينة حائرة بين حرفين

الألف والْهَا

مفردة

مبعثرة

متمردة

لاتستجمع قواها

تأْبَى أن تلينَ

لغيرِ هَذَيْن الحَرفَيْن

أعلنَتْ

على قلمي العِصْيان

وتجاهلَتْ مِدادَ

الأمل

الفرح

الحب

الشوق

الحنين

أبتْ ألا يكونَ مدادها

إلا الحزين

نعم أعلنَتْ العصيان

بعد أن هجرها المعنى

بعد أن هجرها الإلهام

فقدَتْ الأمان

فقدَتْ كلّ معنى إلا معنى

الألف والهَا

سيظل قلمي يكتب 

الآااااه

فاقدَ الحِس

تائه

ظمآن

والحروف تَتَأوّه شوْقا

لصاحب المَعَاني

كلام في كلام

ازيكم  عاملين ايه يارب تكونوا كلكم بخير يارب

أنا بكتب دلوقت وما فيش فكرة معينة في دماغي 

كل الأفكار متضاربة والأحداث متداخلة

أتكلم عن إيه عن السلبية اللي بتجري في دم البشر

ولا اللامبالاة

أتكلم عن الهيافة اللي في عقول البشر 

أتكلم عن الظلم ولا الأنانية

أتكلم عن الغيرة 

أتكلم عن الحيرة

أتكلم عن النفوس المريضة

ولا أتكلم عن التدوين

ههههههههه

أصل التدوين للأسف عبارة عن عالم صغير 

بتلاقي فيه دلوقت كل الأشكال اللي ذكرتها

المفترض في التدوين إن 

التدوين فكرة سامية 

التدوين فكر

التدوين رأي 

التدوين تطلعات  للمستقبل والحياة

التدوين دعوة

التدوين موهبة 

التدوين ثقافة

التدوين علامة 

إنما يكون التدوين قلة أدب وقاعدة شلت

 وحكايات فارغة مالهاش قيمة

أو سيرة ذاتية فارغة مافيش وراها موعظة

ولا قيمة ولا فايدة

دا مش تدوين للأسف دا استخفاف بعقول البشر

دا تهوين لكل القيم

وخلط للأمور

ياريت الناس تراجع نفسها 

وتحاول تقيم أعمالها 

وإيه اللي ممكن الناس تستفيده من ورا الكلام اللي بيكتب 

ونتقي ربنا في ألفاظنا 

وسلام

التدوينة السوداء

أشهد الله العلى العظيم أنى براء من ذلك الجدار 

معا ضد جدار العار

التفاصيل بمدونة أوتار

اوتار مدونة تبع مزاج صاحبتها سياسية دينية اجتماعية بين قوسين كل حاجة

لا...و ألف لا...بكل اللغات No

تحديث ثاني

 الشهيد المصرى أحمد شعبان (21 سنة)

الضحية الأولى للوضع المقلوب

يقتل المسلمون بعضهم بعضا

وأول الغيث قطرة

ولا حياة لمن تنادي

حسبنا الله ونعم الوكيل

تحديث


لكلٍ وجهة نظر ورأي 


أتمنى من الذي يتهموننا بأن حدود تفكيرنا هامشية


احترام الرأي الآخر وبدون تجريح


نحن لاندافع عن قيادات 


بل شعب


نحن نقول لا للظالم


أُخِذَ بها أم لم يُؤْخَذ


نحن مسئولون أمام الله


وسنقول له لقد أخذنا بأضعف الإيمان


علّه يغفر لنا

لا للـوضع المـقـلوب ...

أيُها الظلمّه ...

لا للـوضعِ المـقـلوب ...

لا للـوضعِ المـقـلوب ...

لا للـوضعِ المـقـلوب ...

بكل لغات العالم ...لا

بكل الوان الطيف ..لا

لأ..لأ..لأ..

نقلا عن مدونة أخي 

فـركـشاوي..نـاوي...

عفواغزة أنت في القلب لن ننساك

لملم يابا أشلائي و لملم

اوعاك تبكي على جرحي و تتألم

متنساش تاخد عروستى

وشنطتي و كراستى

وكتاب العروبة اللي متعلمتوش

وكمان صورنى

و خلى الناس تشوف الجرح اللي مايتلملم

تشوف ازاى بتنهد علينا بيوتنا ما نستسلم

لملم يابا اشلائى و لملم

لملم زرعتي اللي رويتها بدمي

  

ازرعها تاني

وخلي لون الدم يفكرك تاري

اوعاك يابا تنسى تاري

تنسى حزنك عليا و تداري

تاري يابا يرجع لى داري

تاري يابا تزرع لى اشجاري

تاري يابا متنسهوش

بايدك يابا لغيرك متديهوش

ولو عجزت يابا

قول لاخويا

السلاح في ايده مايسيبوش

لملم يابا اشلائي لملم

اوعاك تبكي على جرحي و تتألم

******************

إن شئت أن تصرخي فاصرخي

فما عاد يجدي البكاء

صغيرتي

القوم أرهقهم الغباء

فما عادوا  يفرقون

بين غاصب 

وطفل جائع ارهقه

الاستغناء

حبيبتي صغيرتي

غدا موعده قريب

وعد  

رب السماء

ماما أمولة

لقاء

صدفة التقت الكلمات

ليست كأى كلمات

هى أرق

نسج من معانى الحروف

إنه ألق

تذوب فيه المشاعر

و في أعماق بحوره

غرق

يا ويلتي

شيء بداخلى

ينتفض

يحترق

*****

قال يا أخت روحي

وجودك في حياتى ارتقاء

تعاهدنا  ألا نلتقي

 إلا فى السماء

حيث تلتقي الأرواح

وما كان قولنا 

هراء

****

 عاهدت نفسي

أن يكون سرا  بداخلى

احساسي

حيث أن البوح غير مباح

و التقت الأرواح

فلا أرض و لا وطن

ولا أجساد فانية بالأجساد تفتتن

فلا لقاء و لا فراق

 ولا شكوى للزمن

***

في غفلة منه وفي غفلة منى

تسللت بدمه تسلل بدمي

أعاد لى أملا

أعاد لى بسمتي

أعاد للقلب صباه

دون أن ألقاه

دون ان يلقاني

أحببته

أحبنى

****

أعلم انه أحبني

وأحس بنبض قلبه

بين جوانحي

يا الله

إنه ليس لي و لست له

قال

الفرح لا يعرف طريقي سيدتي

و الحزن ساكن بين أروقتي


إنى راحل

قالها بين حروف كلماته

قالها

و قال إنى

 لبيبة

أعى ما وراء الكلام

ليته قال

 حبيبة

سيدتى

لقد أسدلت ستائر عيوني منذ زمن

فلا ملام

لا ألومك سيدى فأنا مثلك

بقايا من روح

حطام

الشاعر

الشاعر زي الجمل بيخزن 

و بيجتر المشاعر

يوم يفرح و يوم يحزن 

و يوم بالحب شاعر

ويوم  يغني ويوم متهني 

 ويوم بالألم شاعر

ليه تحاسبوه على كل كلمة

 هو بها شاعر

 خلوه يعبر على اللي جواه

 زي ما هو شاعر

  يتكلم عن الحب دا بيحب 

وتتقام المشانق

ولو هاجم البلد دا ثائر

ولو أيد دا منافق

ولو اتكلم عن العذاب دا بيقاسي

وحبيبه خانه وفارق

لكل كلمة عندهم حكاية

لحد مايزهق ويفارق

يا ناس

 ليه تحجروا على المشاعر 

 دا الشاعر زي الجمل بيجتر المشاعر

السلام عليكم ورحمة الله وبركاته

وحشتوني أحبتي

كل عام وأنتم جميعا بخير وعافية وصحة دايما يارب بمناسبة العام الهجري

جعله الله عام خير وقرب  لله ومغفرة اللهم أمين

أشكركم جميعا على سؤالكم ودعواتكم لي

جزاكم الله كل الخير